شوہر ہی اپنا بن جائے!….

شوہر ہی اپنا بن جائے!….

سوال:  

میری شادی کو ڈیڑھ سال ہوگیا ہے۔ میری ایک بیٹی ہے۔
شادی کے بعد چند ہفتے ہی سکون سے گزرے۔ میرے سسرال والوں کا رویہ میرے ساتھ بہت خراب ہے۔ میرے شوہراپنے بہن بھائیوں میں سب سے بڑے ہیں۔ یہ اپنے پورے گھر کو سپورٹ کرتے ہیں۔ اپنا ہر کام اپنےگھر والوں کی مرضی سے ہی کرتے ہیں۔
میرے کمرے کی تمام چابیاں میری چھوٹی نند کے پاس رہتی ہیں۔ میکے جاتے وقت میرا ساراسامان چیک کیا جاتاہے۔ جب میں میکے سے واپس آتی ہوں تب بھی میرا بیگ چیک کیا جاتا ہے۔نماز اورقرآن پڑھنے کا وقت بڑی مشکل سے دیتے ہیں۔ میری کھانے پینے کی چیزوں کا حسابرکھتے ہیں۔
بڑی نند جو شادی شدہ ہے ،اس کے تمام اخراجات بھی میرے شوہر پورے کرتے ہیں۔ وہ اپنی تینوں بیٹیوں کے ساتھ اپنی ماں کے گھر پر ہیرہتی ہے ۔
میں نے اپنےشوہر سے ایک مرتبہ دبے دبے الفاظ میں گھر والوں کے رویہ پر بات کی تھی تو انہوں نے کہا کہ ان کے لیے سب کچھ ماں باپ اوربہنیں ہیں۔تمہیں ہر حال میں ان کی بات ماننیہوگی۔
شوہر سے اپنی کسی ضرورت کا کہتی ہوں تو کہتے ہیں والدہ یا بہنوں سے کہو اگر وہ مناسب سمجھیں گی تو تمہیں منگوادیں گی۔نندوں کا یہ حال ہے کہ وہ مجھے ہر وقت طنز اورطعنے دیتی رہتی ہیں۔
اپنی بیٹی کے لیے کسی چیز کا کہتی ہوں تو شوہر کہتے ہیں اپنے والدین سے لو ،کیا یہ بچی ان کی کچھ نہیں لگتی….؟
محترم وقار عظیمی صاحب ! شادی سے پہلے میں صحت مند اور بہت خوب صورت ہوا کرتی تھی مگر اب ڈیڑھ سال سے شوہر اورسسرالیوں کے ناورا رویوں کی وجہ سے ہڈیوں کا ڈھانچہ بن گئیہوں۔
میں چاہتی ہوں کہ میرے شوہر میرا اور میری بیٹی کا خیال رکھیں اورہمیں بھی کچھ وقت دیں۔