بےاولادی کا دکھ….

بےاولادی کا دکھ….

سوال: محترم بھائی ! میر ی عمر چالیس سال ہے۔میری شادی دوسال پہلے ہوئی ہے۔ میرے شوہر کی یہ دوسری شادی ہے ۔اُن کی عمر اٹھاون سا ل ہے۔ دوسال پہلے ہی انہیں شوگر کی شکایت بھی ہوگئی ہے۔ اس کے علاوہ انہیں کوئی تکلیف نہیں ہے۔ ان کی عام صحت ٹھیک ہے۔
میرے شوہرکے پہلی بیوی سے چار بچے ہیں۔ ان بچوں کا سلوک میرے ساتھ بہت بُرا ہے حالانکہ میں اُن سب کابہت زیادہ خیا ل رکھتی ہوں لیکن میرا اصل مسئلہ یہ ہے کہ ابھی تک مجھے اولاد کی امید نہیں ہوئی ہے ۔
محترم بھائی ! مجھ سے بے اولادی کا دکھ برداشت نہیں ہوتا۔میں چاہتی ہوں کہ اللہ تعالیٰ میری گود ہری کردے۔میں نے ڈاکٹروں کو دکھایا ہے میرے تمام ٹیسٹ نارمل ہیں۔ آپ سے درخواست ہے کہ میرے حق میں دعا فرمائیں اورکوئی وظیفہ بھی بتائیں کہ اللہ تعالیٰ مجھے اولاد کی نعمت سے نواز دے،محفل مراقبہ میں بھی میرے لیے دعاکروادیں۔
جواب: اللہ تعالیٰ سے دعاہے کہ آپ کو اپنے شوہر کے گھر میں بہت عزت و احترام نصیب ہو۔ سب اہل خانہ کو آپ کا ادب کرنے اور آپ کے ساتھ حسنِ سلوک کی توفیق ملے اورآپ بھی ہمیشہ ان سب کے ساتھ بہت خلوص اورایثار کے ساتھ رہیں۔ آمین۔