ڈاکٹر وقار یوسف عظیمی کی مراقبہ ہال چنیوٹ آمد

ڈاکٹر وقار یوسف عظیمی کی مراقبہ ہال چنیوٹ  آمد

(رپورٹ: محمدمظاہر)

ڈاکٹر وقار یوسف عظیمی گزشتہ ہفتہ  تاریخی شہر چنیوٹ اور فیصل آباد کے دورے کے پہلے مرحلے میں مراقبہ ہال چنیوٹ تشریف لائے۔

نگراں مراقبہ ہال پروفیسر محمد طاہر اور اراکین سلسلہ عظیمیہ  کے ملاقات میں سلسلہ عظیمیہ کے مرشد حضرت خواجہ شمس الدین عظیمی کی طرف سے سلام پہنچایا  ۔  مراقبہ ہال میں وکلاء اور طلبہ کی ایک علمی نشست سے خطاب کرتے ہوئے ڈاکٹر وقار یوسف عظیمی نے سلسلہ عظیمیہ کے پیغام اور تعلیمات کا ذکر کیا۔

بعد نماز عصر اراکین سلسلہ عظیمیہ اور دیگر افراد کے ایک اجتماع سے خطاب کرتے ہوئے ڈاکٹر وقار یوسف عظیمی نے توحید باری تعالیٰ پر پختہ ایمان، خاتم النبین حضرت محمد رسول اللہ ﷺ کی اتباع، موجودہ دور میں صوفیانہ تعلیمات کی اہمیت، ماڈرن ایجوکیشن، مذہبی اور روحانی تعلیم کے حصول کی ضرورت اور دیگر موضوعات پر بات کی۔ اس موقع پر  فقیر صفدر حسین، سجادہ   نشین فقیر نور احمد نقشبندی، حاجی شوکت حیات علی انجمن  رضائے مصطفیٰ چنیوٹ بھی موجود تھے۔

 قبل ازیں محمد قاسم نے تلاوت قرآن کی اور حافظ محمد امیر حمزہ نے ہدیہ نعت پیش کی۔

نگراں مراقبہ ہال چنیوٹ پروفیسر طاہر نے نظامت کے فرائض انجام دیے اور حاضرین محفل کا شکریہ ادا کیا۔

ڈاکٹر وقار  یوسف عظیمی نے نگراں مراقبہ ہال پروفیسر محمد طاہر کے ساتھ مل کر پودے بھی لگائے۔