شہید کی جو موت ہے وہ قوم کی حیات ہے

شہید کی جو موت ہے وہ قوم کی حیات ہے

6 ستمبر کا دن اہل پاکستان کو  1965ء میں بھارت کی جانب سے پاکستان پر حملے کے جواب میں  پاکستانی عوام کے اتحاد  ، افواج پاکستان کی شاندار کارکردگی کی یاد دلاتا ہے۔  اللہ کی مدد اور افواج پاکستان کے  شہداء اور غازیوں کی قربانیوں اور کارناموں کے طفیل پاکستان پر اچانک حملہ کرنے والے دشمن کو منہ کی کھانا پڑتی۔  پاکستان کے تحفظ اور سلامتی کے لیے قربانیاں پیش کرنے والے  سب شہداء کو ساری قوم سلام پیش کرتی ہے۔ 

6 ستمبر 1965ء وہ دن تھا جب بھارت نے پاکستان پر شب خون مارا- بھارت کا پلان تھا کہ اچانک حملہ کرکے پاکستان کے اہم علاقوں پر قبضہ کر لیں گے ، بھارت کی اس جارحیت کے جواب میں  افواج پاکستان اور عوام نے مل کر دشمن کا مقابلہ کیا- سروں پر کفن باندھ کر دشمن سے بھڑ گئے، جسموں سے بارود باندھ کر ٹینکوں کے آگے لیٹ گئے، پاک فضائیہ نے انڈین ائیر فورس کو بے بس کرکے رکھ دیا، پاک فضائیہ کے شاہین اسکواڈرن لیڈر ایم ایم عالم نے لاہور کی فضاؤں میں ایک منٹ میں پانچ بھارتی طیارے تباہ کرکے دنیا کو حیرت زدہ کردیا۔ پاکستان نیوی نے  پاکستانی سمندری حدود کا بھرپور دفاع کیا ۔  

افواج پاکستان کے  غازیوں کو اور شہداء کو سلام

 

اقوام متحدہ کی قراردادوں کے مطابق حق خود ارادیت کے حصول کے لیے کشمیری عوام مسلسل جدوجہد میں مصروف ہیں۔ بھارت کی جانب سے کشمیری عوام کو دبانے کے لیے کی جانے والی غیر قانونی کوششیں  کشمیری عوام کے عزم کے آگے ناکام ہوں گی، ان شاء اللہ ۔ 

پاکستانی قوم اپنے کشمیری بھائیوں کے ساتھ ہے۔