مارچ 2016ء

 قسط نمبر 13

 

 

[box type=”note” align=”” class=”” width=””]
Mindfulness Based Therapy for Weight Loss

مائنڈ فُل نیس بیسڈ تھراپی فار ویٹ لاس  [/box]

 

  اکیسویں صدی میں سائنسی توجیہات کے ساتھ معمولاتِ زندگی کو سمجھنا اب ایک معمول بنتا جا رہا ہے۔ مائنڈ فلنیس بیسڈمیڈیٹیشن اور تیکنک چاہے سٹریس ریڈکشن کی ہوں یا ویٹ لاس کے لئے ان سب کی بنیاد بھی سائنسی تحقیقات پر رکھی گئی ہے۔ ان مشقوں کا مقصد انسانی زندگی کو منفی خیالات اور جذباتی اتار چڑھاؤ کو قبول کرتے ہوئے مثبت سوچ کے ساتھ صحت مند ،خوش وخرم، کامیاب اور مثالی شخصیت کا روپ دینا ہے۔
اب جہاں تک بات شخصیت کی ہے۔ تو سب میں ممتاز لگنا ایک مثالی شخصیت کے روپ میں اپنی شاخت بنانا ہر انسان کی ایک لاشعوری خواہش ہوتی ہے۔ ایک مثالی شخصیت میں لوگ عموماً کیا دیکھتے ہیں….؟ تو کامیابی، روپے پیسے، اعلی مقام کے ساتھ جو جواب تواتر سے آئے گا وہ ہے پرکشش اور جاذب نظر شخصیت۔ اور یہ صحیح بھی ہے پرکشش اور جاذب نظر شخصیت میں صحت مند اور چست نظر آنے کا بڑا عمل دخل ہے۔ موٹاپے کا تعلق خوش خوراکی ، امارت اور پرتعیش زندگی سے تو ہوسکتا ہے مگر پرکشش، جاذب نظری اور صحت مندی سے تو قطعی نہیں۔ بڑھتا ہوا وزن خود اپنے آپ میں ہزار بیماریوں کا میزبان ہوتا ہے۔ موٹاپے سے دیگر کیا خطرناک بیماریاں پیدا ہوتی ہیں ان پر بہت کچھ لکھا جاچکا ہے۔ مگر آج ہم آپ کو بتانے جارہے ہیں کہ ذہنی دباؤ منفی خیالات اور بے وجہ کاڈپریشن بھی موٹاپے کی وجہ بنتا ہے ؟
جواب ہے ، جی بالکل ایسا ہی ہے ۔ ریسرچز بتاتی ہیں کہ موٹاپے کی ایک وجہ اگر خوش خوراکی ہے تو دوسری وجہ جو بہت تیزی سے پھیل رہی ہے وہ خوش خوراکی نہیں بلکہ ایموشنل اییٹنگ ہے۔ جس کی بنیادی وجہ ڈپریشن ہے۔ صرف یو ایس اے میں 68.5 فیصد افرادایموشنل اییٹنگ کے باعث موٹاپے اور زائد وزن کا شکار ہیں۔

 

Emotional Eating

ایموشنل اییٹنگ

ایموشنل اییٹنگ کیا ہے…..؟ دل میں رہ جانے والے منفی خیالات کی وجہ سے پیدا ہونے والے دباؤ کو جب ہم ظاہر نہیں کرپاتے تو اس کے ردِ عمل کے طور پر کئی افراد سخت غصے یا ڈہریشن میں کچھ بھی چیز بے تکان کھانا شروع کردیتے ہیں۔ اس کھانے کا تعلق بھوک سے نہیں ہوتا۔ بلکہ یہ کھانا جذبات کی تسکین کے لئے کھایا جاتا ہے۔ اب وہ کیاکھاتے ہیں اور ان کے لئے کتنا نقصان دہ ہو سکتا ہے اس کا انحصار کھانے کے انتخاب پر ہے۔ عمومی طور سے لوگ اس کیفیت میں فاسٹ فوڈ ، کیک پیسٹری چپس، چاکلیٹ جیسی اشیاء کو ترجیح دیتے ہیں۔ ریسرچز بتاتی ہیں کہ ان اشیاء میں موجود کیمکلز خاص طور چینی یا گلوکوز عارضی طور پر اینڈورفن کے اخراج کے لئے ٹریگر کا کام کرتے ہیں۔ یہ اداسی اور دباؤ کی حالت میں انسانی دماغ سے ریلیز ہونے والا ایک کیمیائی مادہ ہے۔
اسٹڈیز بتا تی ہیں کہ بنج اییٹنگ ڈس آرڈر میں مبتلا افردا کے دماغ میں گلوکوز کی مقدار انتہائی کم ہوتی ہے۔ جس کی وجہ سے دماغ نارمل سطح سے بھی انتہائی کم چست اور حاضر ہوتاہے۔ جبکہ نیورو اینڈوکرائینولوجی 2003 کی ایک رپورٹ کے مطابق ایموشنل اییٹنگ کے مرض میں مبتلا افراد میں اینڈورفن کی مقدار میں بار بار تغیر ریکارڈ کیا گیا ہے۔ عموما ایسے افراد ان اشیاء کے کھانے سے وقتی سکون اور ذہنی دباؤ میں کمی محسوس کرتے ہیں ۔ جبکہ حقیقت میں بظاہر پرکشش نظر آنے والی یہ اشتہاء انگیز اشیاء حد درجہ چکنائی ، مٹھاس اور ناقص اجزاء پر مشتمل ہوتی ہیں۔ یہ صحت کے لئے انتہائی مضر ثابت ہوتی ہیں۔ یہی ایموشنل اییٹنگ جب حد سے بڑھ جاتی ہے تو ایک اور ڈس آرڈر سامنے آتا ہےجسے بِنج اییٹنگ Binge Eating کہتے ہیں۔

 

Binge Eating Disorder

  بنج اییٹنگ ڈس آرڈر 

  بنج اییٹنگ ڈس آرڈر (BED ) یا Bulimia بار بار بسیار خوری کے بعد غذائی قلت پیدا کرنے کی عادت ہے۔ یعنی وزن کم کرنے لئے کھانے سے پرہیز کرنے کے بجائے بہت زیادہ کھاتے ہیں اور بھوک نہ ہونے کے باوجود بھی کھاتے ہیں۔ اور سمجھتے ہیں انھیں زیادہ کھانے پر اختیار نہیں ہے۔ جب بہت زیادہ کھالیتے ہیں تو پھر شرمندگی محسوس کرتے ہیں۔ لہذا وہ کھائی ہوئی چیزوں سے الٹی کرنے یا ورزش کے ذریعے چھٹکارا حاصل کرنا چاہتے ہیں۔ بار بار ایسا کرنے سے غذا کی نالی میں کٹاؤ ، سوزش اور اس کے ساتھ ساتھ دیگر مسائل سامنے آتے ہیں۔ دانتوں کی حفاظتی تہہ کو نقصان پہنچ سکتا ہے اور ہاضمے کی مزید خرابیا ں پیدا ہونے کا امکان ہو سکتا ہے۔ اس کے علاوہ جسم میں پانی کی کمی اور دیگر طبعی مسائل بھی پیدا ہوتے ہیں۔ شدید صورت میں چکر آنا ، بے ہوشی بے چینی ، توجی نہ دے پائے۔ حافظے کی خرابیاں بلا وجہ کے لڑائی جھگڑا جیسے علامات پیدا ہوسکتی ہیں۔
کھانے پینے کی خرابیوں کا سبب جینیاتی ، جذباتی ، معاشرتی ہو سکتے ہیں۔ ایسے افراد مجبوری کا احساس ، خود احترامی کی کمی ، افسردگی اور مثالی بننے کی ضرورت محسوس کرتے ہیں۔
انہیں لگتا ہے کہ شاید یہی ایک طریقہ ہے جس کے ذریعے وہ اپنی زندگی پر کچھ اختیار حاصل ہونے کااحساس حاصل کرتے ہیں۔
اہم بات یہ ہے کہ کھانے پینے کی خرابیوں کا علاج ممکن ہے۔
مائنڈ فلنیس کی ریسرچز بتاتی ہیں کہ اس مرض میں مبتلا لوگوں میں مردوں کے مقابلے میں خواتین کی تعداد زیادہ تھی۔

علامات 

بھوک نہ ہونے کے باوجودبہت زیادہ کھانا
عام رفتار سے زیادہ تیزی کے ساتھ کھانا
پیٹ بھر جانے کے باوجود بھی مزید کھانے کی خواہش اور مسلسل کھاتے رہنا۔
وقت بے وقت کھانا خاص طور سے رات میں اٹھ کر کھانا اوربہت زیادہ کھانا۔
کھانا سامنے دیکھ کر محسوس ہوتا ہے کہ آپ بھوک پر قابو نہیں رکھ سکتے اور کھانے سے ہاتھ روکنا ناممکن محسوس ہو۔
یہ ایک ایسا ڈس آرڈر ہے جس میں مبتلا آدمی خود کو کسی بھی طرح کھانے سے روک نہیں پاتا اور کھانے کے بعد اتنا زیادہ کھا جانے پر احساسِ جر م میں مبتلا ہوجاتا ہے۔ ایسا آدمی دوسروں کا سامنا کرنے سے کتراتا ہے۔ محفلوں میں الگ تھلگ رہتا ہے۔
عموما وہ لوگ جو اپنی زندگی میں خود کو بے بس ، کمزور اور مجبور محسوس کرتے ہیں۔ بِنج اییٹنگ کا شکار ہوجاتے ہیں۔ ایسے افراد کو لگتا ہے کہ ان کا حالات پر تو کیا کسی بھی چیز پر کوئی اختیار نہیں۔ اپنی تکریم نہیں کرتے۔ زندگی میں رہ جانے والی کمیوں کے لئے خود کو ہی ذمہ دار گرادنتے ہیں۔ انہیں لگتا ہے ان کا بس اپنے آپ پر چلتا ہے۔ لاشعوری طور پر یہ ان کا اپنی زات کے خلاف احتجاج ہوتاہے۔ ان کے اندر کہیں دبا غصہ ہوتاہے۔ ایسے افراد جو بہت زیادہ اسٹریس لیتے ہیں۔ ہر وقت ڈپریسڈ رہتے ہیں ان میں بہت زیادہ کھانے کی پرابلم ہو سکتی ہے۔ یہ بتانا بھی ضروری ہے کہ وہ لوگ جو بہت زیادہ سختی کے ساتھ ڈائیٹنگ کرتے ہیں۔ ان میں اس دس آرڈر کے پیدا ہونے کے امکانات زیادہ ہوتے ہیں۔ ا ن تمام معلومات سے آپ اندازہ لگاسکتے ہیں کہ ذہنی دباؤ، اسٹریس ، ڈپریشن ، احساسِ کمتری بلاوجہ کا انجا نا ان دیکھا خوف کس حد لے جا سکتاہے۔ ماضی کا پچھتاوا اور مستقبل کا خوف کبھی کبھی کس حد تک منفی اثرات ڈالتا ہے۔
مائنڈ فلنیس اس سلسلے میں آپ کے لئے کتنا مددگار ہوسکتاہے ،آیئے جانتے ہیں۔

Mindfulness Technique

مائنڈ فلنیس تکنیکس﷽

 

دورِحاضر میں ورزش کے علاوہ وزن کم کرنے کے بہت سے طریقے اور تیکنکس متعارف کروائی جارہی ہے۔ کہیں ایروبکس پر زور ہے ، تو کہیں ڈائیٹنگ پر انحصار ہے۔ تو کہیں ای ایف ٹی یا ہپناسس سے مدد لی جارہی ہے۔ مگر ان تمام طریقے کار میں دو سے تین سال کے بعد وزن کے دوبارہ بڑھ جانے کے امکانات باقی رہتے ہیں۔
مائنڈ فلنیس میڈیٹیشن وزن کم کرنے یا اسٹریس سے نجات کے لئے آپ کو کوئی علاج نہیں بلکہ طرزِ حیات پیش کرتا ہے۔ وہ لوگ جو اب تک مائنڈ فلنیس طرزِ زندگی اپنا چکے ہیں۔ ان میں اسٹریس اور اس سے پیدا ہونے والی ہر طرح کی ذہنی،جذباتی،اور جسمانی بیماریوں کے امکانات کم سے کم تر ہوتے چلے گئے ہیں۔ جہاں تک وزن کم کرنے کی بات ہے تو کئی اسٹڈیز سے یہ پتا چلا کہ مائنڈفلنیس ایٹنگ وزن کم کرنے میں مدد گار ثابت ہوسکتی ہیں۔ حال ہی میں ہونے والے تحقیقی مطالعے میں ایک موازنہ کیاگیا ہے۔ جس میں ایسے موٹے افراد کو لیاگیا جو کھانے پینے کے شوقین تھے اور اسی وجہ سے ان کا وزن بڑھا تھا۔ جبکہ دوسرے گروپ میں وہ موٹے افراد تھے جو بنج اییٹنگ ڈس آرڈر میں مبتلا تھے اور ا سکی وجہ سے وزن کے ساتھ ساتھ حد سے زیادہ ڈپریشن اور اسٹریس میں مبتلا تھے۔ کسی نہ کسی گلٹ میں مبتلا تھے۔ مائنڈ فلنیس ایٹنگ کے عادی افراد اور بنج اییٹنگ ڈس آرڈر میں مبتلا لوگوں کی انڈیانا اسٹیٹ یونیورسٹی کی سائیکولوجسٹ اور مائنڈ فلنیس بیسڈ ایٹنگ اویرنیس ٹریننگ MB-EAT کی فاؤنڈر ڈاکٹر جین ایل کرسلر Jean L. Kristeller اور ان کے ڈیوک یونیورسٹی کے کولیگز نے این آئی ایچ (نیشنل انسٹی ٹیوٹ آف ہیلتھ)کے تحت ایک اسٹڈی کی گئی ہے۔
اس اسٹڈی میں ڈیڑھ سو بنج اییٹر شامل کئے گئے تھے اور ان پر مائنڈ فلنیس اییٹنگ تیکنیکس کو سائیکولوجیکل اسٹنڈرڈ تھراپی کے ساتھ ان پر اپلائیکیا گیا۔
مائنڈ فلنیس اییٹنگ کے افراد اپنے کھانے سے زیادہ لطف اندوز ہوئے اور ان کے اندر کم مقدار کے باوجود کھانا کھانے کی طمانیت اور بھوک کی تسکین قابلِ تعریف تھی۔

مشق نمبر 1

مائنڈ فلنیس میڈیٹیشن اور تکنیک

  تو پھر اب بات کرتے ہیں کچھ مشقوں کی جو اگر آپ فاسٹ فوڈ کے شوقین ہیں بھی تو آپ کو بنج اییٹنگ ڈس آرڈر تک پہنچنے سے محفوظ رکھیں گیں۔ اور وہ دوست جو اس تکلیف میں مبتلا ہیں انھیں اس تکلیف سے باہر آنے میں مدد فراہم کریں گی۔
ویسے تو دیگر طریقے کار میں ہم موٹے بھدے لوگوں کودبلا پتلا نظر آنے اور اپنا آئیڈیل ویٹ کو برقرا رکھنے کے لئے تصوراتی امیجز بنواتے ہیں اور میڈیٹیشنز بھی کرواتے ہیں۔ مگر چونکہ مائنڈ فلنیس آپ کو تصوارت سے باہر نکال کر حال پر متوجہ رہنے اور حقیقت کو قبول کر اس کی تصحیح کرنے کی ترغیب و تربیت دیتا ہے۔ اس لئے آج ہم آپ کو بالکل اس کے برعکس کرنے کو کہیں گے۔ وہ افراد جو ایموشنل اییٹنگ بہت زیادہ کرتے ہیں یا بنج اییٹنگ کی تکلیف میں مبتلا ہیں انھیں خاص طور پر یہ مشق کرنی چاہیے۔ اس کے لئے آ پ کو کچھ تصاویر کھچوانی ہے۔ آج کل تو سیلفیز کا دور ہے۔تو پھر یہ کام آپ خود بھی کرسکتے ہیں۔ مگر اس تصویر کو فریم ضرور کروائیے۔
اب اپنی یہ حالیہ تصویر جس میں آپ موٹے بھدے نظر آرہے ہیں۔ کھانے کی ٹیبل پررکھ لیجئے۔
یا پھر کسی ایسی جگہ رکھیئے جہاں پر کھانا کھانے کے دوران یہ تصویرآپ کی نظروں کے سامنے رہے۔
جب کھانے کے لئے بیٹھیں تو سب سے پہلے اس تصویر کو غور سے دیکھیں۔ کہ آپ زیادہ کھانے کی وجہ سے کتنے بھدے ہوگئے ہیں۔

 

مشق نمبر 2

سگنلز کو پہچانیے

یہ سب سے اہم ہے جب بے اختیار آپ فریج کی جانب بڑھیں ، پرس سے چاکلیٹ نکال کر منہ میں رکھنا چاہیں ، یا پھر ایسے ہی راستے میں سے گزرتے ہوئے کسی بیکری یا سموسے والی کی دکان پر گاڑی یا چلتے آپ کے قدم کی رفتار ہلکی ہونے لگے تو پہلے سوچ لیجئے کیا واقعی آپ کو بھوک لگی ہے یا محض یہ اشتہاانگیز خوشبو آپ کو کھینچ رہی ہے۔
اس لئے ضروری ہے کہ کھانے سے پہلے بھوک میں فرق محسوس کرنے کی کوشش کیجئے کہ کھانے کی طلب کے سگنلز کون سی بھوک کے ہیں۔ کیا واقعی آپ کو جسمانی کمزوری محسوس ہورہی ہے اور بھوک لگی ہے یا پھر محض اپنے Taste Buds کی تسکین اور یا پھر منفی خیالات کی جانب سے دھیان ہٹانے کے لئے آپ کچھ کھانا چاہتے ہیں۔

 

مشق نمبر 3

مائنڈ فلنیس اِیٹنگ فار بنج اِیٹر

دماغ اور گَٹ کا آپس میں گہرا تعلق ہوتا ہے۔
ہماری بھوک اور اعصابی نظام کا آپس میں گہرا تعلق ہے۔ وہ اس طرح کہ جب ہمیں بھوک لگتی ہے تو دماغ سے سگنلز پیٹ کو ملتے ہیں۔ جب ہم کھانا شروع کرتے ہیں تو ہارمونز کی ایک پیچیدہ کڑی حرکت میں آجاتی ہے۔ ان ہارمونز سے ترتیب وار مختلف رطوبتوں کا اخراج عمل میں آتا ہے اور انہضام کے عمل میں اپنا اپنا کردار ادا کرتا ہے۔ یہ ہارمون اس وقت تک رطوبتوں کا اخراج کرتے رہتے ہیں۔ جب تک کہ ہمارے دماغ سے سگنلز ملتے رہتے ہیں۔ جب ہم سیر ہوجاتے ہیں تو دراصل بھوک ختم ہوجاتی ہے۔ اور ساتھ ہم کھانا کھانا بھی چھوڑ دیتے ہیں۔ سائینس بتاتی ہے کہ یہ جو بھوک کے ختم ہوجانے کا عمل ہے اس کی وجہ وہ سگنل ہے جو دماغ سے معدے کو ملتا ہے۔ ہمارے دماغ میں بھوک کے ختم ہونے کی اطلاع کا پیغام پہنچنے اور پکا ہونے میں پورے بیس منٹ لگتے ہیں۔ اگر کوئی بہت جلدی کھانا کھاتا ہے تو ایسے افراد میں شکم سیری کا سگنلز نہیں پہنچ پاتے۔ نتیجے میں ایسے لوگ اوور اییٹنگ کا شکار ہوجاتے ہیں۔ یاانھیں تھوڑی دیر بعد پھر بھوک لگنے لگتی ہے۔
تو اب اس مشق کے لئے آپ کو ایک ٹائمر یا الارم کلاک کا انتظام اس جگہ کرنا ہوگا جہاں آپ کھانا کھاتے ہیں۔ سب سے پہلے تو آپ اپنے کچن یا ڈائینگ ٹیبل پر ایک کچن ٹائمر کا انتظام کیجئے۔ اب کھانا شروع کرنے سے پہلے اس میں بیس منٹ کا ٹائمر سیٹ کر دیجئے۔ اس کا مطلب یہ ہے کہ آپ اپنا کھا نا بیس منٹ میں ختم کریں گے۔ اب بیس منٹ کی مناسبت سے یہ تو طے ہوگیا کہ آپ کھانا جلدی جلدی نہیں کھا سکتے۔ جب کھانے بیٹھیں تو مائنڈ فلنیس آداب کو ضروریاد رکھیئے۔

1.  آہستہ آہستہ ہر لقمے کو خوب چبا چبا کر کھانا،
2.  خوشبو اور
3.  ذائقے کوآخر تک محسوس کرنا اور
4.  شکرانہ….
   

 

1-.اگر آپ کی یاد دہانی کے لئے مائنڈ فلنیس اییٹنگ کی مختصراً وضاحت کریں تو مائنڈ لیس اییٹنگ یہ ہے کہ کشمش یا بادام کی مٹھی بھری اور منہ میں ڈال لی۔یا پھر چار پانچ بڑے نوالوں میں پورا کھاناختم۔ نہیں اب کرنا یہ ہے کہ کشمش یا بادام جو مٹھی بھر کر لی تھی۔اسے براہ راست منہ میں نہیں ڈال سکتے۔ بلکہ اسے پلیٹ یا پیالے میں نکال لیجئے۔ اور اب ایک ایک دانہ آہستہ آہستہ کھانا ہے۔
2-.ہر کھانے کی خوشبو ہی ہوتی ہے جو ہماری بھوک میں اضافہ کرتی ہے۔ اور بھوک نہ ہونے کے باوجود کھانے کی جانب راغب کرتی ہے۔ اگر آپ کھانے کی خوشبو سے لطف اندوز ہونا سیکھ لیں تو کافی حد تک بھوک پر قابو پا سکتے ہیں۔
2-Ž.ذائقے سے مراد یہ ہے کہ ہر دانے کو جب زبان پر رکھا تو اس کے زائقہ کو محسوس کیجئے۔زبان پر رکھنے سے لے کر معدے تک پہنچنے کے پروسس پر پورا غور کیجئے اور اسے محسوس کیجئے۔ یہ عمل اپنے روٹی کے ہر نوالے،سینڈوچ یا کباب کے ہر ٹکڑے اورکشمش کے ہر دانے کے لئے دہرایئے۔ تب بنے گا ہر نوالا مائنڈ فل اور آپ کا کھانا مائنڈفلنیس کھانا۔
4-.شکرانہ۔ اور شکرانہ کے لئے ہم تو کہیں گے کہ شکرانہ زندگی میں سانس کے چلنے کی طرح شامل کر لیجئے۔ اسے ایک غیر اختیاری عمل بنا لیجئے۔ تو بس مائنڈ فلنیس اییٹنگ کے دوران جب کشمش کا ایک دانہ آپ منہ میں ڈالیں تو اللہ کے شکر کے بعد ہر اس آدمی کا بھی شکر ادا کیجئے جس سے ہوتی ہوئی یہ صاف ستھری کشمش آپ تک پہنچی۔ اگر کھانے کے دوران کچھ بات کرنا چاہتے ہیں تو پھر پپوکی پڑھائی ، بجلی کے بل اور کل کی میٹنگ کے بجائے۔ اس کھانے کی بات کیجئے جو آپ کھا رہے ہیں۔ ان مراحل کا ذکر کیجئے اور اپنے اندر شکر اور احسان مندی کے جذبات پیدا کیجئے۔ اس کا برملااظہار کیجئے ۔ ان لوگوں کے لئے جن کی محنت سے اجناس ، گوشت مصالحہ جات ہم تک پہنچتے ہیں۔ اس کا شکر ادا کیجئے جس نے ان تمام اجزاء کو اکٹھا کرکے مزیدار اور صحت مند پکوان آپ کے لئے تیار کیا۔ لیجئے جناب بیس منٹ کا ٹائمر بج اٹھا۔ اور آپ نے اپنا کھانا بیس منٹ میں ختم کرلیا۔دورانیہ اس سے زیادہ ہو سکتاہے مگر اس سے کم نہ ہو تو بہترہے۔

نوٹ

کھانا ایک بار نکالئے اور ڈش کو سامنے سے ہٹالیجئے۔
ٹی وی اورکھانے کی دوران اخبار یا کوئی اور کتاب پڑھنے سے گریز کیجئے۔
کھانا زیادہ گرم نہ کھائیں۔ ٹھنڈا یا کم گرم کھانا کمکھا ئیے۔
مائنڈ فلنیس میڈیٹیشن
یہ میڈیٹیشن آپ کہیں باہر یا دعوت میں جانے سے پہلے ضرور کیجئے۔
اس میڈیٹیشن سے پہلے آپ یہ سوچ لیجئے کہ چاکلیٹ، آئسکریم، تلی ہوئی اشیاء خاص طور سے بیکری کا میدے سے بنا ہواسامان ، ان میں آپ کے لیے سب سے زیادہ پسندیدہ کیا چیز ہے۔
اس مشق میں آپ نے اپنی آنکھیں کھلی رکھنی ہے۔ جگہ اور وقت کا انتخاب آپ کے ہاتھ میں ہے۔
اب ایک گہری سانس لیجئے۔ اور اس چاکلیٹ کو سونگھئے۔ اسے کھانا ہرگز نہیں ہے۔ بس سونگھنا ہے۔
ایک دفعہ پھر اس کو گہری سانس لے کر سونگھیے۔
اور اب اس لمحے کے بارے میں سوچیئے جب آپ چاکلیٹ بسکٹ کھانے سے خود کو نہیں روک پاتے۔
اس لمحے کو یاد کیجئے جب بہت زیادہ کھانے کی وجہ سے آپ کو بعد میں شرمندگی کا احسا س ہو تا ہے۔
اسی چاکلیٹ کے بسکٹ حد سے زیادہ کھانے کی وجہ سے آپ کے بہن بھائی ، آپ کے بچے اپنے کھانے کی چیزیں چھپا لیتے ہیں۔
جب آپ کے گھر والے ، آپ کو کسی کھانے کی دعوت میں ساتھ لے جاتے ہوئے گھبراتے ہیں۔
جب لوگ آپ کا مزاق اڑاتے ہیں۔
رونا آرہا ہے تو رو لیجئے۔ کیونکہ میڈیٹیشن کے بعد آپ نہیں روئیں گے۔
اپنی بے بسی اور اس شرمندگی کو محسوس کیجئے جو آپ کھانا کھانے کے بعد محسوس کرتے ہیں۔
ان نظروں کو یاد کیجئے جو آپ کی جانب اٹھتی ہیں۔
محسوس کیجئے یہ سب یاد کرتے ہوئے آپ کو کتنی شدید تکلیف ہورہی ہے۔ اس لمحے اپنے جسم میں دوڑنے والی حرارت کو محسوس کیجئے۔
آپ کے روئیں شاید کھڑے ہورہے ہیں۔ انھیں محسوس کیجئے
اب خود سے سوال کیجئے کیا آپ سچ مچ یہ سب چاہتے ہیں ؟
خود سے پھر سوال کیجئے۔ یقیناً آپ کے دل سے آواز آئے گی نہیں۔
اور اب آپ دوبارہ سے اس چاکلیٹ کے بسکٹ کو سونگھئے۔ کیا اب بھی اس کی خوشبو اتنی ہی دلفریب و اشتہا انگیز ہے جتنی اس میڈیٹیشن سے پہلے تھی۔
اس میڈیٹیشن کے بعد اس بسکٹ کی خوشبو پر دھیان دیجئے۔ اس میں سے کیمیکلز کی بو آئے گی۔ ا س میں سوائے نقلی ذائقہ ، رنگ اور خوشبو کے کوئی غذائیت نہیں ہے۔
کیا آپ کا دل اس بسکٹ کو کھانے کا چاہ رہا ہے؟یقیناً نہیں۔
آپ محسوس کر رہے ہیں کہ ا ب آپ کے لئے اس بسکٹ میں کوئی کشش نہیں رہی ہے۔
اس چاکلیٹ بسکٹ یا چپس کو پرندوں کو ڈال دیجئے۔ اور اللہ کی دی ہوئی نعمتوں کا شکر ادا کیجئے۔
اور اب آپ دعوت میں جانے کے لئے تیار ہیں۔
مزید رہنمائی کے لئے آپ روحانی ڈائجسٹ کے پتے پر ہم سے رابطہ کر سکتے ہیں۔

                     (جاری ہے)

تحریر : شاہینہ جمیل

مارچ 2016ء

 

 

[box type=”success” align=”” class=”” width=””]

آپ کی شخصیت کا رنگ کیا ہے….؟
آپ کی کامیابی کس رنگ سے وابستہ ہے….؟
کون سا رنگ آپ کے موڈ کو خوش گوار بناسکتا ہے….؟
آپ کے تعلقات کس رنگ کی وجہ سے بہتر یا خراب ہوسکتے ہیں ….؟
یہ اور اس موضوع پر بہت کچھ روحانی ڈائجسٹ میں  نئے سلسلہ وار مضمون  کلر سائیکلوجی میں زندگی پر  رنگوں  کے اثرات کے بارے میں  جانیے اور صحت  ، حسن  ، خوشیوں   اور کامیابیوں    کی طرف قدم بڑھائیے

[/box] 

قسط 4

نیلا رنگ …. وفا کا رنگ …. 

نیلا رنگ دنیا میں سب سے زیادہ پسند اور استعمال کیا جانے والا رنگ ہے ۔
اس رنگ کے خواص اور انسانی نفسیات پر اس کے اثرات آسمان کی طرح لامحدوداورسمندر کی طرح وسیع ہیں۔ نیلا رنگ کھلے پن کا احساس دیتا ہے۔ اس رنگ کی سچائی اور سب کو اپنا بنالینے کی صلاحیت اسے وفا کا رنگ بناتی ہے۔
وہ کیا خواص ہیں جن کی بنیاد پر نیلا رنگ ہر رنگ میں ممتاز نظر آتا ہے …..؟
اس کی اہمیت کا اندازہ آپ اس بات سے لگائیے کہ کائنات میں ہمارے سروں پر موجود قدرتی سائبان جسے آسمان کہا جاتا ہے۔ کسی بھی کونے میں اس کا رنگ نیلا ہی نظر آتاہے۔اور اگر موسمی تغیرات یا آلودگی کی وجہ سے اس کا نیلا رنگ سرمئی بادلوں سے ڈھک جائے یا ابر سے سیاہ ہوجائے یا پھر ڈوبتے سورج کی کرنیں اسے سرخ،پیلے ، نارنجی شیڈز دے دیں تو بھی آسمان خوبصورت تو ہوجاتا ہے مگر کشادگی، تحفظ اور سکون کا جو احساس کھلا صاف نیلا آسمان دیتاہے۔ یہ خوبصورتی اس کا نعم البدل نہیں ہوسکتی ۔ گو کہ ہم جانتے ہیں کہ آسمان ہو یا سمندر ان کا رنگ نیلا نہیں ہوتا ۔مگر یہ بھی جانتے ہیں کہ ہوا میں سب سے زیادہ مقدار آکسیجن اور نائیٹروجن کی ہوتی ہے ۔ جب ریلے اسکیٹرنگ یا اسکائی ریڈی ایشن کی وجہ سے سورج کی روشنی کرنوں کی صورت میں فضاء میں بکھرتی ہے تو ہوا میں موجود آکسیجن اور نائیٹروجن کے شفاف اور بے رنگ مالیکیولز کم ویولینتھ کی نیلی شعاعوں کو زیادہ جذب کرتے ہیں۔ جس کی وجہ سے آسمان اور سمندر ہمیں نیلا نظرآتاہے ۔
حضرت خواجہ شمس الدین عظیمی کتاب رنگ و روشنی سے علاج میں تحریر فرماتے ہیں کہ بنیادی پہلا رنگ آسمانی رنگ ہے ۔
زمین تک پہنچنے میں فضائی ردو بدل کے اعتبار سے ہمیں مختلف قسم کے نیلے رنگ کی لاتعداد رنگین شعاعیں ملتی ہیں ۔ہم یہ بھی بتا دیتے ہیں کہ جس نیلے رنگ کی ہم بات کر رہے ہیں وہ نہ تو نیوی بلو ہے اور نہ ہی آسمانی رنگ ہے ۔یہ قدرتی نیلا رنگ ہے جس کی ویو لینتھ470 نینو میڑ بتائی جاتی ہے۔

قارئین کو آسمانی رنگ کے ذکر سے کنفیوز ہونے کی ضرورت نہیں ہے ۔انشاء اللہ آنے والے ابواب میں ہم آپ کو آسمانی اور زیرِ تذکرہ نیلے رنگ کا فرق بھی تفصیل سے واضح کردیں گے ۔ فی الحال بات کرتے ہیں نیلے رنگ کی جس کا شمار ٹھنڈے رنگوں میں ہوتا ہے ۔
ٹھنڈے رنگ کی آسان وضاحت یہ ہے کہ کرنوں کی صورت میں زمین پر بکھرنے والی سورج کی روشنی اس فضاء میں گرمی پیدا کرے گی یا ٹھنڈک اس کا انحصار اس کی ارتعاشی حرکت پر ہوتا ہے ۔اور یہ ارتعاشی حرکت اس کرن کی طولِ موج کے بالواسطہ تناسب میں ہوتی ہے ۔یعنی شعاع کی جتنی لمبی طولِ موج ہوتی ہے اس میں اتنی کم ارتعاشی حرکت پائی جاتی ہے۔
جیسا کہ ہم نے پچھلے باب میں آپ کو بتایا تھاکہ سرخ رنگ گرم ترین رنگ مانا جاتا ہے ۔اس کی بھی بنیادی وجہ اس کی ارتعاشی حرکت کا سب سے کم اور طولِ موج کا سب سے زیادہ ہونا ہے ۔سرخ رنگ کے برعکس نیلے رنگ کی تیز ارتعاشی حرکت اور کم طولِ موج اس میں ٹھنڈک پیدا کرتی ہے ۔ٹھنڈے رنگ کی نسبت سے یہ انسانی ذہن پر سکون اور آشتی کے اثرات مرتب کرتا ہے ۔ اس کی اسی ٹھنڈک اور سکون کی مناسبت پر عام طور سے رات میں دھیمی روشنی کے لئے جلانے والے نائٹ بلب نیلے رنگ میں استعمال کئے جاتے ہیں ۔
نیلا رنگ کھلے پن کا احساس دیتا ہے۔یا یوں کہہ لیجئے کہ کنفرٹ زون فراہم کرتا ہے ۔

نیشنل انسٹیٹیوٹ آف ہیلتھ ،واشنگٹن ڈی سی میں ایک تجربہ یک خلوی جاندار امیبا پر کیا گیا ہے ۔اس کے لئے امیبا کو پہلے نیلی روشنی میں رکھا گیا ۔نیلی روشنی میں امیبا نے خود بالکل ڈھیلا چھوڑ دیا ۔ اس کی حرکت تھوڑی سست مگر پھیلی ہوئی تھی اور اس کی ساخت مکمل طور پر واضح تھی ۔اسی امیبا کو جب سرخ رنگ کی روشنی میں رکھا گیا تو یہ یک خلوی جاندا ر مکمل طور پر سکڑ گیا۔اپنے آپ میں جیسے سمٹ گیا تھا۔جسے ریسرچرز نے پیکنگ کا نام دیا۔
اپنی شفایابی خواص کی وجہ سے بھی نیلا رنگ خاص اہمیت رکھتا ہے
زمانہ قدیم سے نیلے رنگ کے صاف شفاف چمکدار نیلم کو دل و دماغ کو قوت بخشنے اور کئی امراض کے علاج کے لئے پہنا جاتا رہا ہے۔

 

کیا نیلا رنگ مردوں کا رنگ ہے؟

کیا نیلا رنگ مردوں کا رنگ ہے؟
اس کا جواب ہے نہیں۔
ہمارے جواب کی تفصیل یہ ہے کہ ویسے تو نیلا رنگ خواتین و حضرات دونوں میں یکساں مقبول اور پسند کیا جاتاہے۔مگر جب دونون اصناف میں تفریق یا موازنے کے بات آتی ہے تو رنگوں کی تقسیم میں سرخ رنگ خواتین کے نام feminine color اور نیلا رنگ مرد حضرات کے نامmasculine color موسوم کیا جاتا ہے ۔
ایسا کیوں ہے؟ اس کی وجہ پچھلے باب میں ہم نے آپ کو کارل ینگ کے arche typeنظریہ اور mirror imageکے بارے میں تفصیل سے بتائی تھی ۔اور خواتین کے سرخ رنگ پسند کرنے وجہ سے بھی تفصیل سے آگاہ کیا تھا ۔ کلر سائیکولوجی میں نیلا رنگ نسوانیت کا رنگ ہے ۔اور اس میں نسوانیت کا عنصر غالب ہے۔ اسی وجہ سے کارل ینگ کے arche typeنظریہ کی بنیاد پر مخالف جنس میں کشش کے باعث مرد حضرات نیلے رنگ کے لئے وہی کشش رکھتے ہیں جو خواتین سرخ رنگ کے لئے رکھتی ہیں۔اور اسی وجہ سے یہ مرد حضرات کا من بھاتا رنگ سمجھا جاتا ہے ۔

 

 انسانی نفسیات پر نیلے رنگ کے اثرات 

1. اگر اعتماد کا رنگ لال ہے تو اعتبار کا رنگ نیلا ہے ۔
2. نیلا رنگ آپ کو پرامن رہنے ، رسانیت سے معاملات کو سمجھنے اوراحساسِ ذمہ داری کی ترغیب دیتاہے۔
3. ،نیلے رنگ میں وفا شعاری ہے ۔نرمی ہے، خوش گفتاری ہے ۔
4. وہ افراد جن کی شخصیت میں نیلا رنگ نمایاں ہوتا ہے ایسے لوگ نرم دل ، پرخلوص اور حساس طبیعت کے مالک ہوتے ہیں ۔
5. مستقل مزاج ہوتے ہیں ۔کیونکہ اس رنگ میں نظم و ضبط ہے ۔ایسے افراد تبدیلیوں کو آسانی سے قبول نہیں کرتے ۔
6. لڑائی جھگڑے سے بچنے کی کوشش کرتے ہیں ۔
7. اپنی سوچ اور نظریات کے مطابق زندگی گزارنا پسند کرتے ہیں۔اور اکثر ان پر اڑ جاتے ہیں
8. اگر پروفیشن کی بات کریں تو ایسے تجارتی ادارے جہاں اعتبار ہی سب کچھ ہے جیسے فائنانس، انشورنس ، بینکنگ ، اکاؤنٹس وغیرہ کے شعبہ جات۔
9. ریسرچز بتاتی ہیں کہ ان کی خوش گفتاری ، ذہانت اورقابلِ اعتبار شخصیت انھیں اچھا اور کامیاب استاد اور رہنما بناتی ہے ۔
10. نیلا رنگ تعلقات کا رنگ ہے ایسے افراد کی کمیونیکشن سکل بہت اچھی ہوتی ہیں ۔
11. باتیں کرنے میں ماہر ہوتے ہیں اور ایسے افرد کی ون ٹو ون وربل کمیونیکیشن متاثر کن ہوتی ہے۔
12. اپنے خیالات اور جذبات کا اظہار بہت خوبصورتی سے کرتے ہیں ۔
13. جسمانی محنت طلب کام میں زیادہ خوشی محسوس نہیں کرتے ۔ایسے افراد آرام طلب تونہیں مگرسہولت اور آسائش طلب ضرور ہوتے ہیں ۔
14. کھانے پینے کے زیادہ شوقین نہیں ہوتے ۔ان کی بھوک بھی کچھ کم ہی ہوتی ہے ۔

 

  انرجی بٹن

  انرجی بٹن پر بات کرنے سے پہلے ہم آپ کو بتاتے ہیں کہ انسانی ریڑھ کی ہڈی میں دور کرتی برقی رو کو سِنکرونائیز (Synchronize)کر نے میں نیلا رنگ اہم کردار ادا کرتا ہے۔ دل ودماغ اور روح کا تعلق آپس میں جوڑتا ہے ۔اسی لئے اس رنگ کو مذہبی تقدس بھی دیا جاتا ہے ۔
اب جانتے ہیں اس انرجی بٹن کے مقام اور کام کے بارے میں ۔
نیلے رنگ کے لئے انرجی بٹن انسانی کھوپڑی کے بالکل نیچے گردن میں حلق کے بالکل نیچے موجود ہوتا ہے ۔اس کا کام تھائروائیڈ گلینڈ کو انرجی فراہم کرنا ہے۔ تتلی کی شکل کے یہ غدود گردن کے اوپر ، سا نس کی نالی کے سامنے والے حصے میں پا ئے جاتے ہیں۔ یہ تھا ئرو کسن ہا ر مونThyroxin پیدا کرتے ہیں جو جسم کے سارے خلیوں کے میٹابولزم میں اہمیت رکھتا ہے۔
آکسیجن انسانی زندگی کا بنیادی جزو ہے اور خون کے زرے زرے کی ضرورت ہے ۔ خلیوں میں آکسیجن کے استعمال اور حرارت پیدا کرنے کی شرح پر اثرانداز ہو تا ہے۔
تھا ئرو کسن جسم میں دوسرے بننے والے دوسرے ھا ر مو نز کے اخراج اور ان کے فعال میں اہم کردار ادا کرتے ہیں۔
جسم کی دوسرے ہارمونز کے لئے حسا سیت کو بڑھاتے ہیں۔ خا ص طور سے ایڈرینالین Adrenaline کے لئے ۔
انہی وجوہات کی بناء پر تھائروکسن کی معمول سے ہٹ کر کم یا زیادہ مقدار جسم کے فعل کو متاثر کرتی ہے اور مختلف پیچیدگوں کا باعث بنتی ہے۔مثلاً تھا ئرو کسن ہا ر مون کی ناکافی مقدار ذہنی پسماندگی یا کمزوری کی اہم وجہ بنتی ہے۔ بہت ہی کم تھائرو کسن سے جسم میں سستی پیدا ہوتی اور وزن کے بڑھنے سے مریض موٹاپے کا شکار ہو جاتا ہے۔
بہت زیادہ تھائرو کسن کا اخراج بھی جسم کے فعال کو اسطرح متاثر کرتا ہے کہ مریض حد سے زیادہ چست اور باتونی ہوجاتاہے۔
نیز دوسرے ہارمونز کا اخراج اور فعال بھی متا ثر ہو تا ہے۔

 

 

نیلے رنگ کی کمی اور نفسیاتی کمزوریاں

  اب آپ کو بتاتے ہیں عام طور پر نیلے رنگ کی کمی یا زیادتی کیا نقصانات اورکمزوریاں پیدا کرسکتی ہے۔
کلر سائیکولوجی کے مطابق نیلے رنگ کی کمی یا زیادتی سے پیدا ہونے والی نفسیاتی کمزوریاں یہ ہیں
اگر دو لفظوں میں بتانا چاہیں تو اعصابی دباؤ اور بے سروپا سوچوں کا ہجوم نیلے رنگ کی کمی کا عندیہ ہے ۔
اس کی کمی سے جھنجھلاہٹ اور غصہ میں اضافہ ہوسکتا ہے۔
ایسے افراد چیختے چلاتے اپنے غصے اور بے زاری کا اظہار کرتے نظر آتے ہیں ۔
مزاج میں چڑچڑاپن،مستقبل کا خوف رہتا ہے۔
اس رنگ کی زیادتی اداسی ، تنہائی پسندی کو دعوت دیتی ہے ۔خالی پن پیدا کرتی ہے۔ اسی لئے اکثر اسے اداسی کا رنگ بھی کہتے ہیں ۔
انگریزی کا ایک مشہور فریز کہ اگر کوئی کہے فیلنگ بلو تو اس کامطلب ہے کہ وہ تنہائی محسوس کرہا ہے اسے کچھ سماجی سرگرمی کی ضرورت ہے ۔
چونکہ اعصابی تناؤ کو دور کرنے میں یہ رنگ اہم کردار ادا کرتا ہے۔یہی جہ ہے کہ ذہنی سکون کے لئے کلر تھراپی میں اکثر مریضوں کو نیلی روشنی کا مراقبہ بھی کروایا جاتاہے
یہ بھوک کو کم کرتا ہے اور نبض کی رفتار دھیمی کرتا ہے۔
ایسے افراد بہت زیادہ سوچتے ہیں اور بال کی کھال اتارنے میں لگے رہتے ہیں ۔
رشتوں میں حد درجہ جذباتی برتاؤ کا اظہار کرتے ہیں
اگلے باب میں ہم ایک نئے رنگ پر بات کریں گے۔ کلر سائیکالوجی کے سلسلۂ تحریر پر آپ کی آراء کا انتظار رہے گا۔

 

***

اگر آپ یہ جاننا چاہتے ہیں کہ
آپ کی شخصیت کا رنگ کیا ہے….؟
اگر آپ صحت کی بہتری کے لیے رنگوں کا مناسب استعمال جاننا چاہتے ہیں۔ یا اپنی صحت اور زندگی میں درپیش مسائل کے لیے کلر سائیکلوجی کے حوالے سے رہنمائی یا مدد چاہتے ہیں تو آپ اپنا مسئلہ )(اپنے نام اور تاریخِ پیدائش کے ساتھ)ہمیں لکھ بھیج سکتے ہیں۔

خط کے لیے ہمارا پتہ ہے۔
کلر سائیکلوجی۔ روحانی ڈائجسٹ۔ ناظم آباد کراچی۔
 یا درج ذیل پتے پرای میل کر سکتے ہیں ۔
colourpsychology@gmail.com

مزید رابطے کےلیے ہمارا فیس بُک پیج ہے
facebook.com/colourpsychology

 

تحریر شاہینہ جمیل

(جاری ہے)

[box type=”shadow” align=”alignright” class=”” width=”600″]دنیا بھر میں ہر روز بے شمار تربیتی پروگرامز منعقد کئے جاتے ہیں ، مضامین، کالم اور کتابیں یہ بتانے کے لئے لکھی جاتی ہیں کہ کس طرح ان خواہشات کے حصول کی تکمیل کی جائے۔ زندگی بہتر انداز میں گزارنے کے لئے ہم اپنے طور پربھی کوشش اور تجربات کرتے رہتے ہیں ۔اس کے باوجودہم ایسی زندگی نہیں گزار پاتے جو انسانیت کے شایانِ شان ہو۔ہم غربت، جہالت، بے روزگاری جیسے مسائل سے دو چار ہیں ۔ ہمارے رشتوں میں محبت ، قربانی اور روا داری کا فقدان رہتا ہے۔ اچھی زندگی ہمارے لئے ایک خواب بن جاتی ہے، وہ خواب جو ہم ہر رات دیکھتے ہیں ۔زندگی ایک معمہ بن جاتی ہے ، جسے سمجھتے سمجھتے پوری زندگی گزر جاتی ہے۔ 1998 سے میرا تعلق پڑھانے اور ٹریننگز کرانے سے رہا ہے۔ اس دوران میں نے سینکڑوں لوگوں کے نقطہ نظر کو سنا، کتابیں پڑھیں اور یہ کوشش کی کوئی ایسا فارمولا ہاتھ لگ جائے جس کے باعث ہم مطلوبہ نتائج حاصل کر تے ہوئے خوشحال زندگی گزاریں ۔ ایسی زندگی جو دونوں جہانوں میں سرفراز کر دے۔میرا ایمان ہے کہ انسان جس چیز کی کوشش کرتا ہے وہ حاصل کر ہی لیتا ہے۔مجھے بھی وہ فارمولا مل گیا۔ میں اس کے بارے میں مکمل اعتماد کے ساتھ کہہ سکتا ہوں یہ کامیابی اور خوشحالی کا واحد فارمولا ہے،واحد فارمولا۔ اس سلسلۂ مضامین کا مقصد یہی ہے کہ نا صرف اُس قانون کو بیان کیا جائے بلکہ اس پر عمل کرنا آسان بنا دیا جائے تاکہ ہماری زندگی صحت ،محبت ، دولت اور خوشیوں سے بھر نے کے ساتھ ساتھ خدا کی رضا بھی حاصل کر لے ۔ محمد زبیر[/box]

---

[box type=”info” align=”” class=”” width=””]

محبت کی طاقت

پانچواں دن

[/box]

كنت كنزاً مخفياً فأحببت أن أعرف فخلقت الخلق لأعرف

‘‘میں ایک چھپے ہوئے خزانے کی مانند تھا ، میں نے چاہا کہ مجھے پہچانا جائے۔ اسی لئے میں نے اِس کائنات کو تخلیق کیا۔’’ [حدیث قدسی؛ کشف الخفا ]  

 

 انسان کو جو احساس کسی سے محبت کرنے اور کسی کی محبت حاصل کرکے ہوتا ہے وہ احساس اُس شخص کو حاصل ہوہی نہیں سکتا جس نے کسی سے اور جس سے کسی نے محبت نہ کی ہو ۔
انسان کو جو خوشی اپنے رشتہ داروں اور دوستوں کی بے تکلف اور قہقہوں سے بھرپور محفل میں ملتی ہے اس کا اندازہ وہ شخص کبھی لگانہیں سکتا جو ان رشتوں سے محروم ہو، انسان کو جو لذت کسی ضرورت مند کی مدد کر کے، اُسے کھانا کھلا کر حاصل ہوتی ہے اس کا اندازہ ایک خو دغرض شخص نہیں کرسکتا۔ انسان کو جو طمانیت اپنے کسی کام یا تخلیق کے سراہے جانے سے ہوتی ہے اس کے متعلق ان لذتوں سے تہی دست شخص کبھی سوچ بھی نہیں سکتا۔
ان تمام ذائقوں سے آشنا ہونے کے لئے لوگوں کاہونا ضروری ہے۔ ہم اِس دنیا میں اکیلے نہیں ہیں اور اگر اکیلے ہوتے تو زندگی بے نام ہوکر رہ جاتی ۔
کوئی تصویر بنانے کا کیا فائدہ ہوتا جب کو ئی دیکھنے والا نہ ہوتا۔ کوئی گیت ترتیب دینے کا کیا فائدہ ہوتا جب کوئی سننے والا نہیں ہوتا ۔ کسی ایجاد کا کیا مقصد ہوتا جب کوئی استعمال کرنے والا نہ ہوتا۔ زندگی کے تمام رنگ پھیکے پڑجاتے ۔
بیمار ہونے کا کیا فائدہ جب کوئی تیمارداری کرنے والا نہ ہو۔
زندگی کو بھر پور انداز سے وہی لوگ جیتے ہیں جن کے تعلقات رشتے داروں ، دوستو ں اور دیگر لوگوں سے خوشگوار اور دلچسپ ہوتے ہیں ۔ شاندار اور پر جوش زندگی گزارنے کے لئے رشتوں کو سمجھنا اور ان کو نبھانا آنا چاہئے۔
سائنسی تحقیقات سے بھی یہ بات ثابت ہوچکی ہے کہ رشتوں کی خرابی یا اچھائی کا دار و مدار صرف اور صرف ایک بات پر ہے اور وہ ہے شکر گزاری۔ جن رشتوں میں شکر گزاری کا عنصر موجود ہو، لوگ مثبت باتوں پر زیادہ توجہ دیں ایسے رشتے ہمیشہ دوستی ، محبت ، اپنائیت ، سکون اور قربانی کے جذبات سے مزین ہوتے ہیں ۔
ان لوگوں کو بتانا نہیں پڑتا کہ وہ کتنے خوش ہیں بلکہ خوشی ان کے انگ انگ سے پھوٹتی ہے۔ جس گھر میں محبت ہوتی ہے وہاں عزت، دولت اور کامیابی خوشی خوشی رہنا پسند کرتے ہیں ۔
اس کے بر عکس جن رشتوں میں نا شکری کے جذبات پائے جاتے ہیں وہاں وحشت نا صرف درو دیوار بلکہ ہر فرد کے چہرے سے ٹپک رہی ہوتی ہے۔
یہاں ناشکری کو سمجھنا بہت ضروری ہے۔ ناشکری سے مراد تمام منفی خیالات یا الفاظ ہیں یعنی چاہے آپ کسی کے منہ پر اس کی تذلیل کر رہے ہوں یا پیٹھ پیچھے اس کی برائی کر یں ، نا شکری ہے۔
اپنی مرضی کے کام نہ ہونے پر لڑ نا یا جو کام آپ کی آسانی کے لئے کئے جارہے ہوں اُن کا شکریہ ادانہ کرنا بھی نا شکری ہے۔
ہم دوسروں کی غلطیوں کی اصلاح کرنے میں سب سے آگے ہوتے ہیں لیکن جو کام اچھے ہورہے ہوں ان پر شکریہ ادا کرتے ہوئے شرم محسوس کرتے ہیں ۔ غیبت، تنقید ، الزام تراشی، غصہ یا تذلیل کرتے ہوئے ہم یہ چاہتے ہیں کہ حالات ہماری مرضی کے مطابق ہوجائیں ، سامنے والا شخص ہماری ضرورتوں اور خواہشات کے مطابق کام کرے۔ ہم دیکھتے ہیں کہ کچھ لوگ سالہا سال غصہ کرتے ہیں اس کے باوجود بھی کئی کام ویسے کے ویسے ہی خراب ہوتے رہتے ہیں۔ کئی لوگ اپنی بیوی بچوں کی جن باتوں پر ہزار بار تنقید کرچکے ہوتے ہیں اُن میں بہتری تو دور کی بات ہے مزید خرابی پیدا ہوتی رہتی ہے۔
ایسا اس لئے ہوتا ہے کہ اللہ نے فارمولا سمجھا دیا ہے کہ تم میرا شکر ادا کرو میں اور دوں گا۔ اور اس نے یہ بھی سمجھا دیا کہ جو بندوں کا شکر گزار نہیں وہ اللہ کا بھی شکر گزار نہیں ۔ رشتوں کے لئے شکر ادا کرنے سے، تعلقات ہی تبدیل نہیں ہوں گے آپ خود بھی تبدیل ہوجائیں ۔
اس بات سے کوئی فرق نہیں پڑتاکہ آپ کا مزاج کیسا ہے….؟ شکر گزاری کی بناء پر آپ میں برداشت، فہم و فراست، صبر اور نرمی آجائے گی اور اس طرح آئے گی کہ آپ کو احساس بھی نہیں ہوگا۔ آپ کی زندگی سے تنقید ، شکوہ شکایت اور الزام تراشیوں کا خاتمہ ہوجائے گا کیونکہ شکر گزاری کی ان منفی صفات سے بنتی نہیں ہے۔
آج کی مشق اس لئے ہے کہ ہم لوگوں کا شکریہ ادا کریں چاہے وہ جیسے بھی ہوں۔

[box type=”note” align=”alignright” class=”” width=”600″]

[پانچواں دن ]

نام  بمع   تصویر                              کیوں شکر گزار ہیں ؟ (وضاحت کریں )

_____________                   ________________ _____________                   ________________ _____________                   ________________ _____________                   ________________ _____________                   ________________

فوائد و تاثرات: 
_____________________________ _____________________________ _____________________________ _____________________________ _____________________________

[/box]

 

ہر انسان میں خوبیاں اور خامیاں دونوں ہوتی ہیں ۔ آج خامیوں سے نظر ہٹادیں اس سے کوئی فائدہ نہیں ہوتا۔ لوگ ڈر کر آپ کی بات مان بھی لیں ، آپ کے کام کر بھی دیں ، آپ کی خواہشات میں ڈھل بھی جائیں ، یاد رکھیں ایسے رشتوں میں خوف تو ہوسکتا ہے سچی محبت اور دل سے عزت نہیں ہوسکتی۔اور جب لو گ ڈر کر آپ کا کام کرتے ہیں تو اس کا نقصان یہ ہوتا ہے کہ جیسے ہی دل سے ڈر نکلتا ہے،تعلقات بری طرح متاثر ہوتے ہیں ۔
چاہے آپ کے تعلقات کتنے ہی اچھے کیوں نہ ہوں ، یہ مشق ان تعلقات میں مزید نکھار پیدا کرنے کے ساتھ ساتھ خوشیوں میں اضافہ کردے گی۔ تین رشتوں کا انتخاب کریں ۔ ان میں آپ کی بیوی، بچے، والدین، بہن بھائی ، رشتے دار، دوست ، ساتھ کام کرنے والے ، ماتحت یا افسران بھی ہوسکتے ہیں ۔ کسی بھی تین لوگوں کو منتخب کریں جو آپ کے لئے بہت اہم ہیں ، ان کی تصاویر اپنے پاس رکھیں (اگر تصویر رکھنا ممکن ہو)۔
جیسے ہی آپ تین لوگ منتخب کر کے ان کی تصویریں اپنے پاس رکھیں گے، شکر گزاری کا جادو اپنا کام شروع کردیگا۔ اب سکون سے بیٹھ جائیں اور ہر ایک کے متعلق ایک ایک کر کے سوچنا شروع کردیں کہ آپ ان کے شکر گزار کیوں ہیں….؟
آپ کو اُن کی کس بات سے سب سے زیادہ محبت ہے….؟
اُن کی خوبیاں کیا ہیں ….؟
یقیناً ان میں سینکڑوں خوبیاں ہوں گی۔مثلا آپ ان کے صبر ، جوش ، قربانی، حسنِ اخلاق،ان کی ذہانت ، شرارت ، مسکراہٹ یا شرم و حیاء کے لئے بھی شکر گزار ہوسکتے ہیں ۔ آپ اُن لمحات کے لئے شکر گزار ہوسکتے ہیں جب آپ کو مدد کی ضرورت تھی اور آپ کی بھر پور مدد بھی کی گئی ۔
ایک ایک کر کے تصویر سامنے رکھیں اور ان خوبیوں کو مدِ نظر رکھتے ہوئے پانچ ایسی باتیں لکھ لیں جن کیلئے آپ دل سے شکر گزار ہیں ۔ ہر جملہ لکھنے سے پہلے شکریہ لکھیں اور پھر شروع کریں ۔

شکریہ (…نام…) ، (…کام…) کے لئے

مثال کے طور پر :
شکریہ وجیہہ، میری خوبیوں کو سراہنے اور خامیوں کی طرف محبت سے توجہ دلانے کیلئے
شکریہ امی، ہم سب کو خوش رکھنے اور ہماری زندگی نت نئے تجربات سے بھرپور بنانے کیلئے

لسٹ مکمل کرنے کے بعداِن تینوں لوگوں کی تصویریں پورے دن اپنے پاس کسی ایسی جگہ پر رکھیں جہاں بار بار نظر پڑتی رہے اور جب بھی نظر پڑے آپ شکریہ کے الفاظ ادا کریں ۔ اگر آپ کا کام کسی ایک جگہ بیٹھنے کا نہیں ہے تو آپ اِن تصویروں کو اپنے ساتھ لے کر گھوم سکتے ہیں ۔
اگر تعلقات کی وجہ سے آپ کافی پریشان رہتے ہیں تو روزانہ کم از کم ایک مرتبہ یہ مشق ضرور کریں اور اگر ہوسکے تو وقتاً فوقتاً اس سبق کو پڑھتے بھی رہیں۔ اگرچہ یہ ہدایت اس کتاب کے لازمی حصے میں سے نہیں لیکن اس پر عمل کرنے سے اضافی فوائد حاصل ہوجاتے ہیں ۔
جیسے جیسے رشتوں میں شکر گزاری بڑھنا شروع ہو گی، تعلقات خود بخود بہترہوناشروع ہوجائینگے۔انشاء اللہ

[box type=”Shadow” align=”” class=”” width=””]

انوکھے مہمان

 

چین میں تین عقلمند بزرگوں (Three Wise Men) کی لوک کہانیوں مشہور ہیں ، جنہیں Fuk، Luk اور Sau کے نام سے جانا جاتا ہے۔
ایک خاتون گھر سے باہر نکلیں تو ان کی نظر تین بزرگ شخصیات پر پڑی، جن کے چہروں پرسفید داڑھی ان کی نورانیت میں مزید اضافہ کررہی تھی۔
خاتون نے ان سے کہا، ‘‘کھانے کا وقت ہو رہا ہے اور آپ مسافرمعلوم ہوتے ہیں۔ میری خواہش ہے کہ آپ اندر تشریف لے آئیں تاکہ میں آپ کو کھانا پیش کر سکوں’’۔ـ
ایک بزرگ نے سنجیدگی سے سوال کیا، ‘‘کیا گھر کا مالک موجود ہے؟’’
‘‘نہیں، وہ تو نہیں ہیں’’۔ خاتون نے ہچکچاتے ہوئے جواب دیا۔
‘‘پھرہم نہیں آ سکتے۔ ’’ دوسرے بزرگ نے دلنشیں مسکراہٹ کے ساتھ انکار کر دیا۔
شام میں جب شوہر آگئے خاتون نے پورے واقعے کا نقشہ اس انداز سے کھینچا کہ شوہر نے فوراہی ملنے اور ساتھ کھانا کھانے کی خواہش ظاہر کی۔ خاتون باہر گئیں اور ان سے کہا ‘‘میرے شوہر آگئے ہیں اور آپ سے ملاقات کرنا چاہتے ہیں، اب آپ اندر آ سکتے ہیں’’۔
تیسرے بزرگ نے پہلی بار کچھ کہا، ‘‘ہم کسی کے بھی گھر ایک ساتھ نہیں جاتے۔’’
‘‘لیکن کیوں؟’’ عورت سوچنے لگی کہ ایسے لوگ میں نے اپنی پوری زندگی میں نہیں دیکھے۔
اس کی پریشانی ختم کرنے کیلئے پہلے بزرگ نے اپنے ایک ساتھی کی طرف اشارہ کرتے ہوئے کہا، ‘‘ان کا نام دولت ہے۔ ’’ پھر دوسرے ساتھی کا تعارف کروایا، ‘‘یہ کامیابی ہیں اور میں محبت ہوں۔ـ’’
وہ خاتون ابھی کچھ سمجھنے کی کوشش کر رہی تھیں کہ بزرگ نے اپنی بات جاری رکھی، ‘‘آپ اندر جائیں اور مشورہ کر لیں کہ ہم میں سے کسے گھر میں بلانا چاہتے ہیں۔’’
‘‘اِس میں مشورہ کرنے کی کیا بات ہے؟ دولت سے کہو کہ آئے اور گھر دولت سے بھر دے۔’’ شوہر نے فوراً ہی فیصلہ سنا دیا۔

بیوی نے اپنے طور پر سمجھداری کا مظاہرہ کرتے ہوئے کہا ‘‘دولت سے بہتر یہ ہوگا کہ کامیابی کو اپنے گھر بلائیں۔’’
سالی کھڑی ہوئی ساری بات بہت غور سے سن رہی تھی، اب اس نے بھی مشورہ دینا اپنافرض سمجھا،‘‘محبت کو بلانا کیسا رہے گا؟ سوچیں تو سہی، ہمارا گھر محبت سے بھر جائیگا۔’’

دونوں کو سالی کی بات سمجھ میں آگئی اور وہ بھی محبت کو گھر میں بلانے پر راضی ہو گئے۔ بیوی باہر گئی اور کہا، ‘‘آپ میں سے محبت کون ہیں؟ برائے مہربانی آپ آئیں اور ہمارے مہمان بن جائیں۔’’
محبت اٹھی اور گھر کی جانب چلنا شروع ہوگئی ۔محبت کے پیچھے پیچھے دولت اور کامیابی بھی خاموشی سے چلنے لگے۔ بیوی نے حیرت سے استفسار کیا،‘‘آپ دونوں کہاں آرہے ہیں؟میں نے محبت کو بلا یا ہے’’۔
ان دونوں نے بیک زبان جواب دیا، ‘‘اگر تم دولت یا کامیابی میں سے کسی کو بلاتیں تو ہم میں سے کوئی ایک آ جاتا، باقی دو باہر ہی رُک جاتے۔ لیکن تم نے محبت کو بلایا ہے لہذا ہم دونوں بھی اندر آئیں گے۔کیونکہ جس گھر میں محبت آتی ہے، دولت اور کامیابی خاموشی سے خود بخود آجاتی ہیں۔’’

]Source:
Builds A Better You—By Emmanuel Anthony Das ;
Soul Food – Vol. 1 – P.120 ;
The Shining Light – Vol. 64-66 P.94; The Theosophist – Vol.121 – P.384 ]۔

 

When we love, we always strive to become better than we are. When we strive to become better than we are, everything around us becomes better too. [Paulo Cohelho, Al Chemist]

‘‘جب ہم محبت کرتے ہیں بہتری کی کوشش کرتے ہیں۔ اور جب بھی ہم پہلے سے بہتر ہونے کی کوشش کرتے ہیں ، ہمارے ارد گرد ہر شے بہتر ہوتی چلی جاتی ہے’’۔ [پاؤلو کوئیلو ۔ الکیمسٹ]

[/box]

(جاری ہے)