روحانی ڈائجسٹـ Online Magazine for Mind Body & Soul
Login with Google
مسائل و مشکلات سے نجات کے لیے
حضرت صابر کلیریؒ کے عطا کردہ وظائف
حصول علم کا عمل
اگر کسی کا حافظہ اس قدر کمزورہو گیا ہو کہ جلدی بھول جاتاہو یا سبق یاد نہ ہوتاہویا اس کا پڑھائی میں دل نہ لگتا ہو تو اسکو چاہئے کہ زردے کے رنگ میں آب زم زم سے روشنائی بنا کر لکھ لیں اور روزاکتالیس دن تک اسی طرح لکھ کر پانی سے دھو کر پئیں ۔انشاء اﷲاس معیاد کے اندر اندر ہی اس کے حافظہ میں ایسی ترقی ہوگی کہ وہ خود حیران اور متحیر ہوگا۔وہ آیات یہ ہیں ۔
بِسْمِ اللَّهِ الرَّحْمَٰنِ الرَّحِيمِO
الرَّحْمَٰنُ O عَلَّمَ الْقُرْآنَ Oخَلَقَ الْإِنسَانَ O عَلَّمَهُ الْبَيَانَ O الشَّمْسُ وَالْقَمَرُ بِحُسْبَانٍ O وَالنَّجْمُ وَالشَّجَرُ يَسْجُدَانِ O
لَا تُحَرِّكْ بِهِ لِسَانَكَ لِتَعْجَلَ بِهِ O إِنَّ عَلَيْنَا جَمْعَهُ وَقُرْآنَهُ Oفَإِذَا قَرَأْنَاهُ فَاتَّبِعْ قُرْآنَهُ O ثُمَّ إِنَّ عَلَيْنَا بَيَانَهُ O بَلْ هُوَ قُرْآنٌ مَّجِيدٌ O فِي لَوْحٍ مَّحْفُوظٍ O
[سورۂ رحمٰن(55) 1تا 6، سورۂ قیامۃ (75) 16تا 19، سورۂ بروج(85) 21، 22]
شیطانی وسوس سے حفاظت
اگر کسی شخص کو شیطان بہت تنگ کرتا ہے یا وسواس ِ شیطانی بکثرت آتے ہوں تو اس کو چاہے کہ یہ کلمات تعویذبناکردائیں بازو پر باندھ لے۔انشاء اﷲ تعالیٰ ان کلمات کی برکت سے شیطان دور ہو جائے گا۔ وہ کلمات یہ ہیں ۔
أَعُوذُ بِكَلِمَاتِ اللَّهِ التَّامَّةِ مِنْ كُلِّ شَيْطَانٍ وَهَامَّةٍ وَمِنْ كُلِّ عَيْنٍ لامَّةٍ
کشادگی رزق کا عمل
اگر کوئی شخص یہ چاہے کہ میں خوش حال زندگی بسر کروں تو وہ ہر روز بعد نماز فجر ایک سو ایکمرتبہ بلا ناغہ :
لا الہ اﷲ محمد رسول اﷲ
پڑھے انشاء اﷲغیب سے کشائش رز ق کے لئے اسباب پیدا ہوجائیں گے۔
ملازمت کے حصول کے لئے
اگر کسی کو ذریعہ معاش کی کوئی صورت نظرنہ آتی ہو تو اس کو چاہے کہ اتوار سے سورہ یٰسین کو اس ترتیب سے پڑھے کہ صبح کی نماز کے بعد طلوع افتاب سے پہلے اکتالیس مرتبہ اوّل آخر دورد شریف پڑھے پھر اس صورت کو اول سے لفظ مبین تک پڑھے۔ پھر لفظ مبین سات مرتبہ پڑھ کر شروع سے آیت کو دوبارہ پڑھے اور جب مبین پر پہنچے تو سات مرتبہ مبین پڑھ کر دوبارہ شروع سے آیت کو پڑھے اسی طرح سات مرتبہ پڑھا جائے اور ساتویں مرتبہ مبین کو سات مرتبہ پڑھ کر دوبارہ سورت پڑھے اور پوری سورہ پڑھ لے اور ایک مرتبہ پھر درود شریف پڑھ کر دعا کرے۔
چالیس روز تک بلا ناغہ یہ عمل کیا جائے انشاء اﷲقوی امید ہے کہ ضرور بالضرور معاش کی کوئی نہ کوئی بہتر صورت نکل آئے گی۔
قرض کی ادائی کے لئے
ذیل کی آیت کو پانچ ہزار مرتبہ ہر روم فرض نماز کے بعد اکتالیس روز تک (سورۂ آل عمران کی آیت 26-27 )پڑھے انشاء اﷲ قرض کی ادائی بہت جلدہو جائے گی۔
مقروض کو قرض ادا کرنے کی کوئی صورت نہ ہوتووہ ہرروز تہجد دو نفل نہایت خلوص کے ساتھ پڑھ کر اکتالیس مرتبہ پڑھے اور مسسل تین ماہ تک یہ متواتر بلاناغہ پڑھتا رہے ۔
اللَّهُمَّ فَالِقَ الْإِصْبَاحِ ، وَجَاعِلَ اللَّيْلِ سَكَنًا ، وَالشَّمْسِ وَالْقَمَرِ حُسْبَانًا ، اقْضِ عَنِّي الدَّيْنَ ، وَأَغْنِنِي مِنَ الْفَقْرِ ، وَأَمْتِعْنِي بِسَمْعِي ، وَبَصَرِي ، وَقُوَّتِي فِي سَبِيلِكَ
[موطا امام مالک، کتاب الجمعہ]
گمشدہ اشیاء کے لئے
سورہ الضحیٰ کو سات مرتبہ مع اول آخر سات بار درود شریف کے ساتھ پڑھ کر انگشت شہادت اپنے سرکے گرد پھیر لے اور پھر سات مرتبہ:
لأصْبَحْتُ في أمانِ اللهِ. أمْسَيْتُ في جِوارِ اللهِ
و أمْسَيْتُ في أمانِ اللهِ. أصْبَحْتُ في جِوارِ اللهِ
بحضور دل سے پڑھ کر دستک دے۔انشاء اﷲ تعالیٰ وہ گمشدہ شے جلدمل جائے گی ۔
دشمن اور حاسدوں کا شر:
وضو کرکے فجر کی نماز کے بعد سو مرتبہ درود شریف پڑھ کر سورہ قریش ایک ہزار مرتبہ پڑھے پھر سو مرتبہ درودشریف پڑھے اور ہاتھ اٹھا کر نہایت عجز و انکساری کے ساتھ دعا کریں ۔انشاء اﷲایک ہفتہ پڑھنے سے دشمنوں کے خوف ،شر سے محفوظ رہے گا۔
نظر بددورکرنے کا عمل
اگرکسی لڑکے یالڑکی یاجانورکونظروغیرہ لگ جائے تو ذیل درج آیت تین مرتبہ پڑھ کر یالکھ کرگلے میں ڈال دیں۔ انشاء اﷲ تعالیٰ تین بار متواتر کرنے سے صحت کلی ہو جائیگی۔ وہ آیت یہ ہے(سورۂ قلم 51)۔
وَإِن يَكَادُ الَّذِينَ كَفَرُوا لَيُزْلِقُونَكَ بِأَبْصَارِهِمْ لَمَّا سَمِعُوا الذِّكْرَ
وَيَقُولُونَ إِنَّهُ لَمَجْنُونٌ O
لقوہ یافالج
کسی کامل بزرگ سے سورہ زلزال مع بسم اﷲکے کسی پاک برتن میں لکھواکر اکیس روز تک لگاتارگھول کرپئیں ۔
انشاء اﷲتعالیٰ اس معیاد کے اندر ہی اس مرض سے نجات مل جائیگی۔
