عقل حیران ہے سائنس خاموش ہے

[box type=”shadow” align=”” class=”” width=””]

دلچسپ، عجیب و غریب اور حیرت انگیز واقعات و آثار سائنس جن کی حقیقت سے آج تک پردہ نہ اُٹھا سکی…..

[/box]

[box type=”note” align=”” class=”” width=””]
موجودہ دور میں انسان سائنسی ترقی کی بدولت کہکشانی نظام سے روشناس ہوچکا ہے، سمندر کی تہہ اور پہاڑوں کی چوٹیوں پر کامیابی کے جھنڈے گاڑ رہا ہے۔ زمین کے بطن میں اور ستاروں سے آگے نئے جہانوں کی تلاش کے منصوبے بنارہا ہے۔ یوں تو سائنس نے انسان کے سامنے کائنات کے حقائق کھول کر رکھ دیے ہیں لیکن ہمارے اردگرد اب بھی بہت سے ایسے راز پوشیدہ ہیں جن سے آج تک پردہ نہیں اُٹھایا جاسکا ہے۔ آج بھی اس کرۂ ارض پر بہت سے واقعات رونما ہوتے ہیں اور کئی آثار ایسے موجود ہیں جو صدیوں سے انسانی عقل کے لیے حیرت کا باعث بنے ہوئے ہیں اور جن کے متعلق سائنس سوالیہ نشان بنی ہوئی ہے۔ ایسے ہی کچھ عجیب وغریب اور حیرت انگیز واقعات یا آ ثار کا تذکرہ ہم آپ کے سامنے ہرماہ پیش کریں گے….
[/box]

پیش گوئیوں کا تحفہ ۔ جین ڈکسن

Jeane Dixon – A Gift of Prophecy 

[box type=”shadow” align=”” class=”” width=””]

بین الاقوامی شہرت یافتہ، معروف نابغہ روزگار خاتون جین ڈکسن Jeane Dixonمحتاج تعارف نہیں، قدرت نے انہیں پیشگوئیوں کی صلاحیت سے نوازا تھا ۔ان کی مشہورپیشگوئیوں میں صدرکینڈی کا قتل، صدر سوئیکارنو کی معزولی، ویت نام کی جنگ، نہرو اورگاندھی کی موت، کمیونسٹ چین کا وجودمیں آنا وغیرہ سو فیصد درست ثابت ہوئیں، ان کی کئی پیشگوئیاں غلط بھی ثابت ہوئیں۔ جین ڈکسن پر دنیابھر میں مختلف زبانوں میں سینکڑوں کتب شایع ہوچکی ہیں۔
ذیل میں ہم روتھ منٹگمری Ruth Montgomery کی مشہور کتابA Gift of Prophecy سے جین ڈکسن کی حیرتانگیز پیشین گوئیوں کے اثرات اور ان زندگی کے چندغیرمعمولی، پراسرار واقعات پیش کررہے ہیں۔

[/box]

***

پیش گوئیاں 

زندگی منطق کے بغیر تو گزر سکتی ہے جذبات احساسات اور وجدان کے بغیر نہیں ….پراسراریت میں انسان کی دلچسپی ازلی ہے اور ابد تک رہے گی۔ گوکہ پراسرار مافوق الفطرت صلاحیتوں اور باتوں کی کوئی منطق نہیں ہوتی اور نہ سائنس کے مروجہ اصولوں سے انہیں ثابت کیا جا سکتا ہے لیکن عشق محبت اور سچے خوابوں کی بھی تو کوئی عقلی توجیہہ یا تشریح نہیں کی جا سکتی البتہ ان کا ہونا ہی ان کی سائنس ہے۔ عقل کی محدودات میں انہیں سمیٹا نہیں جا سکتا۔ یہ سب غیر عقلی باتیں بھی لوازمات.حیات ہیں۔ کچھ لوگ اپنی ان پراسرار خداداد صلاحیتوں کے معاملے میں اتنے تباق ہوتے ہیں جتنے بعض تخلیقی لوگ اپنے تخلیقی عمل میں ہوتے ہیں۔ یہ لوگ غیر معمولی اور پراسرار صلاحیتوں کو انسانیت کے لیے استعمال کرتے ہیں اور تاریخ میں ان کا نام امر ہو جاتا ہے۔
برِ صغیر میں صوفیوں، بزرگوں، درویشوں، عالموں اور جوتشیوں وغیرہ پر یقین کوئی غیر معمولی بات نہیں ہے، اس خطہ میں کئی ایسے برگزیدہ بندے گزرے ہیں جنہیں قدرت نے ایسی صلاحیتوں سے نوازا۔ جن سے وہ انسانوں کے باطن میں جھانک لیتے تھے۔ میلوں دور کی آواز یں سن لیتے تھے۔ وہ دنیا کے ماضی، حال مستقل اور مستقبل بعید کا ادراک رکھتے تھے۔ تاہم قدرت نے دنیا کے دیگر خطوں میں بھی ایسے نابغہ روزگار پیدا کیے ہیں جو پراسرار اور حیرت.انگیز صلاحیتوں کے مالک تھے۔ ایسی ہی نابغہ روزگار صلاحیتوں اور غیر معمولی بصیرت کی حامل خاتون جین ڈکسن Jeane Dixon ہیں۔
جین ڈکسن کا شمار دنیا کے مشہور روحانی عاملوں اور مستقبل بین لوگوں میں ہوتا ہے، جنہوں نے اپنی زندگی میں ہی دنیا کی طاقتور ترین شخصیات میں تبدیلیاں پیدا کیں اور اپنی قوتوں کو مسترد کرنے والوں کے خیالات بھی بدلے۔
ڈکسن نے پچاس اور ساٹھ کی دہائی میں بہت اہم پیشین گوئیاں کی تھیں۔ ان کی پیش گوئیوں میں کئی سو فیصد درست ثابت ہوئیں، ان کی مشہورپیشگوئیوں میں ویت نام کی جنگ، امریکی صدر جان ایف کینڈی کا قتل، سپتونگ کی پرواز، صدرسوئیکارنوکی معزولی، اداکارہ کیرل لو مبارڈر اور اقوامِ متحدہ کے سیکرٹری جنرل ڈاگ ہیمرشولڈ کے طیارے کے حادثے ، تین خلابازوں کی اموات، اداکارہ مارلن منرو کی خودکشی، مارٹن لوتھر، نہرو اورگاندھی کی موت، کمیونسٹ چین کا وجودمیں آنا وغیرہ شامل ہیں….
جین ڈیکسن روز ویلٹ سے لے کر رونالڈ ریگن تک امریکی صدور کو مشوروں سے نوازاکرتی تھی، دوسرے ممالک کے کئی اہل اقتدار بھی اُن پر یقین کرتے تھے۔

***

جین ڈکسن 

جین ڈکسن 1918ء میں امریکی ریاست وسکونسن Wisconsinکے شہر میڈفورڈ Medfordمیں پیدا ہوئیں۔ ان کا اصل نام لیڈیا ایما پنکرٹLydia Emma Pinckert تھا ان کے والدین جیرہارٹ اور ایما پنکریٹ Gerhart & Emma جرمنی سے آکر امریکہ میں آباد ہوئے تھے۔ جین بچپن میں ہی والدین کے ہمراہ میسوری اور کیلی فورنیا آگئی تھیں ۔ انہوں نے سانٹا روز کلف اور لاس اینجلس میں پرورش پائی۔ ان کے والدین نے جین کی تربیت یورپ کی شائستہ روایات کے مطابق کی۔ قدرت نے انہیں غیر معمولی صلاحیتوں سے نوازا ہواتھا۔ جین کی چھٹی حس کے بارے میں اشارات اس وقت سے ہی ملنا شروع ہوگئے تھے جبکہ انہوں نے بمشکل باتیں کرنا سیکھا تھا۔
ایک روز جبکہ وہ ابھی بہت ہی کم عمر تھی اپنی ماں سے کہنے لگی کہ وہ سیاہ حاشیے والے خط سے کھیلنا چاہتی ہیں۔ جین کی والدہ بیٹی کی اس خواہش پر خاصی پریشان ہوئی کیونکہ اسے اس نوعیت کے کسی خط کا علم نہ تھا لیکن دس ہی روز بعد انہیں ایک سیاہ حاشیے والا خط موصول ہوا جس میں ایما (جین کی والدہ ) کے والد (جو جرمنی میں مقیم تھے )کے انتقال کی اطلاع دی گئی تھی۔
پانچ سال کی عمر میں اس نے ایک روز اپنی ماں سے کہا کہ ڈیڈی آج ایک سفید اور کالے رنگ کا کتا لے کر آئیں گے۔ جین کے والد جو آٹوموبائل ڈیلرشاب کے مالک تھے اور اس وقت ہزاروں میل دور شکاگو میں تھے، واپسی پر اچانک تحفے کے طور پر اپنے ہمراہ ایک قوی الجثّہ سیاہ و سفید کتا لے کر آئے، لیکن یہ جان کر حیرت زدہ رہ گئے کہ جین کو پہلے سے ہی یہ بات معلوم تھی۔ جین نے بتا یا کہ انہوں نے اپنے باپ کو کتا خریدتے ہوئے دیکھ لیا تھا۔
جین جب آٹھ برس کی تھی تو ان کی ماں اُنہیں لوتھر بربینگ کی جاگیر میں خیمہ زن ایک دست شناس خانہ بدوش عورت (جپسی Gypsy)کے پاس لے گئیں۔ اس خانہ بدوش عورت نے بچی کی بائیں ہتھیلی کو دیکھتے ہوئے بڑے متجسس انداز میں کہا
‘‘یہ دیکھو! ابھار ِ قمرMount of Lunaاور ابھار زہرہ Mount of Venusکے درمیان نیچے یہ ہے ستارۂ داؤدStar of David اور یہاں سے بچی کے خطِ ذہن Head Lineکو دیکھو، دوہری لکیر نکل رہی ہے۔ یہ نشانی اس بات کی دلیل ہے کہ یہ بچی مستقبل کے بارے میں بتانے کی صلاحیت رکھتی ہے۔ اس کے علاوہ اس کی دائیں اور بائیں دونوں ہتھیلیوں میں مخصوص ستارے ہیں اور ایک ستارہ تو خطرناک حد تک خطِ ذہن پر چڑھ گیا ہے۔ بیرونی ہتھیلی کی طرف چاند کانشان بھی ہے۔
خانہ بدوش عورت انتہائی جوش و مسرت سے کہہ رہی تھی
‘‘ اس بچی کو مستقبل کے بارے میں بتلانے کی صلاحیت قدرت کی طرف سے ودیعت ہوئی ہے’’۔
یہ کہہ کر وہ بوڑھی عورت اپنے ڈھکے ہوئے چھکڑے میں گئی اور ایک شیشے کا بلوری سا گولا Crystal ballلے آئی ،اور جین سے کہنے لگی
‘‘ لو یہ گیند تمہارے لیے ہے تم اس میں بہت عجیب و غریب چیزیں دیکھ سکو گی’’۔
شروع شروع میں تو ننھی جین اسے ایک ایسا کھلونا تصور کرتی رہی جس میں اسے تصاویر نظر آتی تھیں، اس کا خیال تھا کہ دوسرے لوگ بھی اس کی طرح اس شیشے کی گیند میں تصویریں دیکھ سکتے ہیں مگر حقیقت میں ایسا نہ تھا۔ جین کے خاندان کی ایک آیا اکثر اوقات جین کے بتائے ہوئے اشارات کی تشریحات کیا کرتی تھیں۔ جین کی والدہ نے بچی کی اس حس کو اُبھارنے میں اس کی بہت حوصلہ افزائی کی۔ بہت جلد لوگوں کو جین کی اس صلاحیت کا احساس ہوگیا اور پھر اکثر اوقات اجنبی بھی بچی کے پاس مشورے کے لیے آنے لگے۔

***

واشنگٹن کی پیش بین

1927ء میں جین کی عمر جب نو برس کی تھی تو ایک روز ایک عورت میری ڈریسلر اس کے پاس آئی جو ایک اداکارہ کی حیثیت سے بری طرح ناکام ہوچکی تھی، ایک وقت تھا کہ چارلی چپپلن جیسے اداکار کو پہلا بڑا رول اس کی وجہ سے ملا تھا، لیکن بڑھتی عمر کے ساتھ اس کی شہرت مانند پڑنے لگی تھی اور اب وہ اس پیشے کو ترک کرکے ایک بورڈنگ ہاؤس کھولنا چاہتی تھی۔ جین نے اپنی بلوری گیند میں دیکھتے ہوئے اسے بتایا کہ وہ بورڈنگ ہاؤس کھولنے کا ارادہ ترک کردے کیونکہ وہ عنقریب اداکاری سے بہت نام پائے گی اور لاکھوں ڈالر کمائے گی۔ بعد ازاں جب میری ڈریسلر نے دوبارہ اپنے کیرئیر کا آغاز کیا تو ملک کی فلمی صنعت میں ان کا کا نام بہت نمایاں ہوا اور اسے بہترین اداکارہ کے دو اکیڈمی ایوارڈ سے بھی نوازا گیا۔ وہ اکثر کہا کرتی تھی کہ اس کی کامیابی جین کی پیش گوئی کی مرہون منت ہے۔
اپنے لڑکپن میں جین رشتہ داروں اور عزیزوں کو مستقبل کے لیے مشورے دیا کرتی تھی، لیکن دوسری عالمی جنگ کے دوران 1939ء میں اس کی شادی جیمز ڈکسن James Dixon کے ساتھ ہو گئی جو واشنگٹن میں رئیل اسٹیٹ کا بزنس کرتا تھا ، جیمز کے واشنگٹن کی کئی بااثر شخصیات سے اچھے تعلقات تھے۔ واشنگٹن میں اقامت اختیار کرنے پر جین نے صحیح معنوں میں شیشے کی گیند کا استعمال شروع کیا۔
ہر روز کی طرح ایک صبح وہ ارتکاز توجہ کی مشق کے لیے بلوری گیند دیکھ رہی تھی کہ اس نے ایک جہاز تباہ ہوتے دیکھا، اسی شام جین کا شوہر جیمز ، جہاز کی ٹکٹ لے کر آیا ، اسے بزنس ٹرپ کے لیے شکاگو، نیویارک اور ڈیٹروئٹ جانا تھا، لیکن جین نے اسے منع کردیا اور بتایا کہ یہ جہاز تباہ ہونے والا ہے۔ جیمز نے اسے مذاق سمجھا، لیکن جین کے اصرار پر وہ ٹرین کے سفر پر راضی ہوگیا، دوسرے دن خبر آئی کہ وہ جہاز شکاگو پہنچنے سے پہلے گر کر تباہ ہوگیا، اس روز جیمز کو اپنی بیوی کی صلاحیتوں کا اندازہ ہوا۔
اس کے بعد جین اپنے شوہر جیمز کے رشتہ دار اور دوستوں کو قسمت اور آئندہ پیش آنے والے واقعات کے متعلق بتاتی رہی۔ جلد ہی وہ واشنگٹن کی پیش بین Washington prophetess کے نام سے پکاری جانے لگی۔ اس دوران اس نے اپنا نام لیڈیا سے تبدیل کرکے جین رکھ لیا۔

***

عالمی واقعات کے متعلق پیش گوئی 

جنوری 1942ء میں ایک مرتبہ لاس اینجلس کے ایک سالون میں ان کی ملاقات اتفاقاً مشہور اداکارہ کیرول لومبارڈ سے ہوگئی، اس چھوٹی سی ملاقات میں انہوں نے کیرول کو ہدایت کی کہ چھ ہفتے تک ہوائی سفر نہ کرے۔ لیکن کیرول نے کہا کہ بہت جلد وہ جنگ عظیم دوم کے امدادی ٹور کے لیے جانے والی ہے، جین نے کہا کہ اگر سفر ضروری ہے تو کار یا ٹرین سے کیا جائے ، یہ کہہ کر جین چلی گئیں۔ بعد میں کیرول نے ایک سکہ اچھال کر ٹاس کیا کہ اگر ہیڈ آیا تو میں یہ بات ضرور مانوں گی لیکن ٹاس میں ٹیل آیا اب اس نےجین کی بات پرتو جہ نہ دی اور اسی ہفتہ جہاز کے سفر پر رونہ ہوگئی اور پلین کریش حادثہ میں ہلاک ہوگئی۔
رفتہ رفتہ جین کی شہرت مشہور سیاسی، سماجی اور فلمی شخصیات تک بھی پہنچ گئی، ایسے میں واشنگٹن کے اور حکومتی نمائندوں کا جین ڈکسن سے رجوع کرنا فطری امر تھا۔ 1941ء میں پرل ہاربر کے حادثہ کے بعد وہ واشنگٹن میں ایک حکومتی ادارے ہوم ہاسپٹلٹی کمیٹی میں اعزازی خدمات دینے لگیں۔ وہ پارٹیوں میں سروس مین کا نفسیاتی تجزیہ کرنے لگیں، لیکن ایک مرتبہ ان کی قابلیت کا ذکر سفیروں کے اعلیٰ حلقے تک پہنچ گیا۔ سیاستدان اور اعلیٰ شخصیات اس سے رابطہ کرنے لگیں۔
نومبر 1944ء میں ایک روز جین ڈکس کو فون آیا کہ امریکی صدر روز ویلٹ ان سے ملنا چاہتے ہیں۔ وہ وائٹ ہاؤس پہنچیں تو صدر کے خاص گارڈ ولیم سائمن خصوصی طور پر انہیں آؤل روم لے گئے ، ان دنوں صدر روز ویلٹ بیمار تھے، لیکن صدر نے انہیں بیماری کے متعلق بتائے بغیر پوچھا کہ
‘‘میرے ذمہ ایک بڑا کام ہے ، لیکن پتہ نہیں کہ اسے پورا کرنے میں کتنا وقت درکارہے، تو تم مجھے کیا مشورہ دو گی کہ میں کتنے عرصہ میں اس کام کو پورا کرنے کی کوشش کروں ۔ ’’
جین ڈکسن نے اپنے بلوری شیشہ میں دیکھا اور پھر صدر کی ہتھیلی دیکھتے ہوئے کہا کہ ‘‘چھ مہینے سے بھی کم وقت میں ….’’ روم میں سکوت چھا گیا۔
اس کے بعد روزویلٹ نے موضوع بدلتے ہوئے پوچھا ‘‘اچھا یہ بتاؤ کہ کیا کبھی روس ہمارا اتحادی بن پائے گا ۔’’
جین نے کہا کہ ‘‘میں دیکھ رہی ہوں کہ روس سے اتحاد کرنے میں ابھی وقت لگے کا، مگر اس سے پہلے سرخ کمیونسٹ چین امریکہ کے لیے کافی دردِ سر کا باعث ہوگا۔ ’’
‘‘کمیونسٹ چین ’’…. صدر نے حیرت سے کہا ‘‘مگر چین تو کمیونسٹ ملک نہیں ہے’’۔
جین نے کہا :
‘‘بہت جلد چین کمیونسٹ بن جائے گا اور چین کی مداخلت کے باعث لاتعداد افریقی اور ایشیائی قومیں امریکہ کے خلاف ہوجائیں گی۔ ’’
روزویلٹ نے کہا کہ ‘‘چین سے ہماری کوئی لڑائی نہیں ہے مجھے تو سویت یونین کی طرف سے فکرمندیہے۔ ’’
یہ میٹنگ یہیں اختتام کو پہنچی۔ دو مہینے بعد جنوری میں جین ڈکسن کو دوبارہ صدر روزویلٹ نے صلاح مشورے کے لیے نجی طور پر وائٹ ہاؤس بلایا۔
اس بار بھی جین نے کہا کہ آپ کے پاس چند مہینوں کا وقت ہے۔ ایک روز نائب صدر ہیری ٹرومن کی ہتھیلی دیکھتے ہوئے کہا کہ ‘‘امریکہ کا صدر بننا آپ کے نصیب میں ہے’’۔
جین کی یہ پیش گوئی پوری ہوئی چار ماہ بعد اپریل 1945ء میں صدر روزویلٹ انتقال کرگئے اور روزویلٹ کے بعد ہیری ٹرومن اگلے صدر بنے۔ دوسال بعد 1949ء میں ملک ‘‘چین ’’کے کمیونسٹ بننے کی پیشگوئی بھی پوری ہوگئی۔
پھر جین نے حیرت انگیز درستگی کے ساتھ عالمی واقعات کی پیش بینی کی۔1945ء میں برطانیہ میں ہونے والے الیکشن میں جین نے چرچل کی شکست کی پیشگوئی کی ، جو حروف بہ حروف پوری ہوئی اور کلیمنٹ ایٹلی برطانیہ کا اگلا وزیر اعظم بن گیا ۔

***

تقسیم ہند 

اکثر اوقات سفارت خانوں کی تقریبات میں شمولیت کے باعث جین کے تعلقات بہت سے سفیروں اور ان کی بیگمات سے استوار ہوگئے تھے۔
جین نے ایک انتہائی حیران کن پیش گوئی 1945ء میں کی تھی۔ ایک دعوت جو انڈیا کے ایجنٹ جنرل سرگرجا شنگر باجپائی کی طرف سے دی گئی تھی اس میں ایک فوجی اٹاشیAttache نے اپنا تعارف بطور نوابزادہ شیر علی خان پٹوڈی کرواتے ہوئے جین ڈکسن سے درخواست کی کہ وہ ان کے بارے میں کچھ.بتائیں۔
اگلے روز جین نے انہیں اپنے شوہر کے دفتر میں بلوایا۔ وہاں اپنی بلوری گیند کو دیکھتے ہوئے جین کہنے لگیں ‘‘ ہندوستان دو سال کے اندر تقسیم ہوجائے.گا’’۔
اس پر ششد ہوکر کرنل صاحب نے کہا ‘‘مسز ڈکسن ایسا کبھی نہیں ہوسکتا’’۔
جین نے سپاٹ لہجہ میں کہا ‘‘ اس تقسیم کا اعلان 2 جون 1947ء کو ہوجائے گا اور مزید یہ کہ کرنل صاحب ہندوستان چھوڑ کر دوسری طرف چلے جائیں گے اور وہاں جاکر بہت جلد ترقی کریں گے’’۔
اس پر کرنل نے چلاکر کہا ‘‘ نہیں نہیں ایسا کبھی نہیں ہوگا’’۔ اس کے بعد جین اور اس کے خاوند کی ہندوستانی کرنل سے بسا اوقات واشنگٹن میں ملاقاتیں ہوتی رہیں۔
2 جون 1947ء کی صبح کو کرنل نے جین کو فون کیا اور کہا ‘‘ اس کی پیش گوئی غلط ثابت ہوگئی ہے’’۔ جین نے پرسکون لہجے میں جواب دیا ‘‘ابھی دن تو ختم نہیں ہوا’’ اگلی صبح اخباروں کی شہ سرخیوں میں ہندوستان کی تقسیم کے بارے میں پڑھ کر کرنل صاحب ہکا بکا رہ گئے۔
کچھ ہی عرصہ بعد کرنل شیر علی دوسری طرف یعنی پاکستان آگئے اور چند عشروں میں جنرل بنادیے گئے اور پھر یوگو سلاویہ میں پاکستان کے سفیر مقرر ہوئے۔

ایک دن ارل جیلی کوز Earl Jellicoeنے جو واشنگٹن میں برطانوی سفارت خانے کے سیکنڈ سیکرٹری تھے، جین کو مدعو کیا۔ وہ جین سے یہ جاننا چاہتے تھے کہ آخر ہندوستان کی تقسیم کے دو سال پیشتر ہی جین کو اس کی قطعی تاریخ کیسے معلوم ہوگئی تھی۔ جبکہ صرف دو دن بیشتر برطانوی ہاؤس آف کامنز نے یہ اعلان کیا تھا کہ وہ تقسیم کی منظوری نہیں دے گا۔ جین نے وضاحت کی کہ دراصل بلوری گیند میں اسے یہ تاریخ بالکل واضح طور پر لکھی ہوئی نظر آگئی تھی۔ وہ جیلی کو کی حیرانگی کو کم کرنے کے لیے کہنے لگی۔
‘‘مشرق بعید کے لوگوں کا مطالعہ میرے لیے مغربی ممالک کے لوگوں کے مطالعے کی نسبت آسان ہے کیونکہ یہ لوگ میرے راستے میں رکاوٹیں نہیں ڈالتے ۔ ویسے بھی ایشیائی لوگوں میں قدرت کی طرف سے ودیعت کی گئی یہ خاصیت ہے کہ وہ روحانی اور نفسیاتی معاملات میں خود کو جذب کرلیتے ہیں’’۔

***

2020ء کے پاکستان کے متعلق پیش گوئی 

جین ڈکسن نے پاکستان کے بارے میں اور بھی پیش گوئیاں کی تھی، کتابوں میں ملتا ہے کہ جب صدر پاکستان فیلڈ مارشل جنرل محمد ایوب خان امریکہ دورے پر گئے تو ان کی ملاقات جین ڈکسن سے ہوئی۔ جین ڈکسن نے ناصرف 1968ء کے بعد صدر کی معزولی کی پیش گوئی کی بلکہ اس کے بعد ہونے والی پاک بھارت جنگ اور اس سے پاکستان کو پہنچنے والے نقصان (سقوطِ مشرقی پاکستان) کی بھی پیش گوئی کردی تھی۔ جین ڈکسن کا کہنا تھا کہ آئندہ صدی میں 2000ء کے بعد پاکستان کا بہترین دور شروع ہوگا۔

***

گاندھی کا قتل 

اس واقعہ کو زیادہ عرصہ نہ گزرا تھا کہ ہندوستان کے بارے میں جین نے ایک اور اہم اور چونکا دینے والی پیش گوئی کی۔ 1947ء کی ایک وسط گرما کی شام جین کے خاوند کا ایک دوست ڈینسل میگنر جو کہ انتظامی امور کا مشیر تھا، اس کے خاوند کے پاس مشرق بعید کے دورے کے بارے میں مشورہ کرنے آیا۔ کمرے کی دوسری جانب جین لاتعلقی سے ان کی گفتگو سن رہی تھی لیکن جب اس کے کان میں ‘‘نئی دہلی’’ کے الفاظ پڑے وہ فوراً بول اُٹھی
‘‘مہاتما گاندھی قتل کردیے جائیں گے’’۔
جب دونوں اشخاص نے مُڑ کر جین کی طرف دیکھا تو جین بولی
‘‘ یہ بالکل درست ہے کہ میں نے ابھی ابھی مہاتما گاندھی کی ایک جھلک دیکھی ہے وہ اپنے لوگوں کو ایسے مذاہب کے بارے میں جن کو وہ مغرب کا حمایتی تصور کرتے ہیں رواداری کی تلقین کررہے تھے۔ ان کو چھ ماہ کے اندر اندر ایک ایسا شخص قتل کردے گا جس کے بارے میں شک کرنا بھی مشکل.ہے’’۔
اگلے ہی چھ ماہ میں 30 جنوری 1948ء کو مہاتما گاندھی کو قتل کردیا گیا۔ اور قاتل کا تعلق ہندو مہاسبھا کے سیاسی گروہ سے تھا۔

***

امریکی صدر کینیڈی کا قتل

1948ء کے بعد سے جین ڈکسن نے ہر صدارتی انتخاب کا نتیجہ بالکل ٹھیک بتایا ۔
اس ضمن میں جین ڈکسن کا کہنا تھا کہ اسے اپنی بصیرت تین ذرائع سے حاصل ہوتی ہے…. شیشے کے گیند کو غور سے دیکھنے پر، کسی شخص کی عزیز چیز کو چھونے پر یا براہِ راست القا یا الہام آنے پر۔
1952ء میں جب وہ ایک گرجا میں دعا کررہی تھیں تو انہوں نے اپنے وجدان سے مستقبل کے کچھ مناظر دیکھے کہ:
‘‘گھنے نسواری بالوں اور نیلی آنکھوں والا ایک ڈیموکریٹک صدر ایک ایسے آدمی کے ہاتھوں قتل ہوگا جس کا نام O یا Q سے شروع ہوتا ہے۔ ’’
ایک امریکی صحافی کو چار سال بعد اس کی پیش.گوئی کا پتہ چلا۔اس نے 1956ء کے ایک رسالے پریڈ Parade magazine میں اس پیشگوئی کا تذکرہ کیا۔ 1956ء میں جین نے واشنگٹن کے دورے پر آئے ہوئے ایک کمیونسٹ افسر کو بتایا کہ امریکہ کا اگلا صدر کینیڈی ہوگا اور اسے قتل کردیا جائے گا۔ اس وقت امریکہ کا صدر آئزن ہاور تھا اور اس کا نائب رچرڈ نکسن تھا۔ لوگوں کو رچرڈ نکسن کے صدر بننے کی کافی اُمید تھی، لیکن 1960ء کے الیکشن میں ڈیموکریٹک پارٹی کے جان ایف کینیڈی ہی صدربنے ۔ ابھی اس پیش گوئی کا دوسرا حصہ پورا ہونا باقی تھا۔
1963 ء میں جین ڈکسن نے پیش گوئی کی کہ ‘‘میں وائٹ ہاؤس پر سیاہ بادل منڈلاتا ہوا دیکھ رہی ہوں’’۔ جین نے کینیڈی کو ڈلاس، ٹیکساس کا دورہ منسوخ کرنے کی درخواست کی کیونکہ O یا Q کے ساتھ شروع ہونے والے نام کا حامل شخص اس کے خواب میں آیا تھا۔ کینیڈی کے حلقے کے بہت سے لوگوں نے اسے سر پر منڈلاتے ہوئے خطرے سے خبردار کیا۔ سیکرٹریوں اور ایک بہن نے بھی اس متعلق تشویش ظاہر کی لیکن کینیڈی نے ان باتوں پر پر کان نہ دھرا۔
22 نومبر 1963ء کے روز جین مسز بیکا اور مسز ہارلے کے ہمراہ واشنگٹن ڈی۔ سی کے مے فلاور ہوٹل میں دوپہر کا کھانا کھانے کے لیے گئیں۔ مسز ربیکا جو ایک معمر خاتون تھیں کھانے کے دوران مسزہارلے کے ساتھ خوش گپیوں میں مصروف ہوگئیں۔ معاً ان کا دھیان جین کی طرف ہوا۔ مسز ربیکا نے محسوس کیا کہ جین غیر معمولی طور پر مضطرب ہیں اور کھانا بھی نہیں کھا رہیں۔
‘‘کیا بات ہے ، میری بچی تم کھانا کیوں نہیں کھارہی ہو؟’’ مسز ربیکا نے شفقت سے دریافت کیا۔ سیاہ بالوں والی پرکشش جین نے آنکھیں مونڈتے ہوئے کہا ‘‘ مجھے ایسا محسوس ہورہا ہے کہ صدر کو کچھ ہونے والا ہے’’۔
‘‘کیا کہہ رہی ہو…؟’’
مسز ربیکا اس کی بات پر جھلا کر بولیں اس پر مسز ہارلے فوراً ہی بولیں ‘‘ ہاں جین کل ہی کہہ رہی تھی کہ ایسا محسوس ہورہا ہے کہ جلد ہی صدر کو کوئی حادثہ پیش آنے والا ہے’’۔
‘‘ تو تم کیوں اس قدر فکر مند ہو جو ہونا ہے سو ہوکر رہے گا ، مصیبت کو اس طرح قبل از وقت بیان کرنے سے کچھ اچھا تاثر نہیں ہوتا’’۔ مسز ربیکا نے تسلی دیتے ہوئےجین کا ہاتھ سہلایا۔
کچھ ہی دیر بعد بیرے نے انہیں صدر پر قاتلانہ حملہ کی اطلاع دی جو وہ ریڈیو پر سن کر آرہا تھا۔ اگرچہ وہ کہہ رہا تھا کہ صدر محض زخمی ہوئے ہیں مگر جین کو یقین تھا کہ صدر کا انتقال ہوچکا ہے اور ان کا یہ یقین بالکل صحیح تھا۔ دریں اثناء صدر کینیڈی کا انتقال ہوچکا تھا۔ صدر پر گولی چلانے والے کا نام O حروف سے تھا یعنی اوسوالڈ لی ہاروے ۔

***

اپالو پروگرام 

کینیڈی کی موت کے بعد جین ڈکسن کی شہرت دنیا بھر میں پھیل گئی۔ اگلے سال ایک خود نوشتہ سوانح عمری نے اُن کی شہرت کو مزید بڑھایا۔ 1966ء میں وہ ایک عالمگیر مشہور شخصیت بن چکی تھی…. اور جلد ہی ایک اور اہم پیش گوئی کی۔ امریکہ کے اپالو سپیس پروگرام کی فلائٹ روانہ ہونے سے تین سال قبل ، دسمبر 1966 ء میں جین ڈکسن نے واشنگٹن میں ایک خلا باز کی بیوی مسزسٹاؤٹ کے ساتھ کھانا کھایا۔ اچانک انہوں نے نے مسز سٹاؤٹ کا ہاتھ تھام لیا اور کہنے لگیں : ‘‘کیپسول کے فرش میں کوئی مسئلہ لگتا ہے۔ یہ ٹین کے ڈبے جیسا پتلا ہے۔ مجھے ڈر ہے کہ کوئی اوزار گرنے یا بوجھ پڑنے سے یہ پھٹ جائے گا۔ نیچے اُلجھی ہوئی تاروں کا ایک جال دکھائی دے رہا ہے…. میں ایک خوفناک آتشی تباہی دیکھ رہی ہوں۔ مجھے محسوس ہورہا ہے کہ خلا بازوں کی روحیں دھوئیں کے مرغولوں کی طرح کیپسول سے باہر نکل رہی.ہیں….’’
27 جنوری 1967ء کو اچانک آگ لگنے کے باعث اپالو میں ٹیسٹنگ کرتے ہوئے تین خلاء باز اپنی جان سے ہاتھ دھو بیٹھے۔ آگ لگنے کی وجوہات میں الیکٹرانک نقص بھی شامل تھا۔
جین ڈکسن نے مارٹن لوتھر کنگ، مارلن منرو اور رابرٹ کینیڈک کی موت کے متعلق بالکل درست پیش گوئی کی۔
اس کے علاوہ ویت نام کی جنگ، صدر سوئیکارنو کی معزولی، سپوتنک کی پرواز، اقوامِ متحدہ کے سیکرٹری جنرل ڈاگ ہیمرشولڈ کے طیارہ حادثے کے متعلق بھی درست پیشگوئیاں کیں۔
خیال کیا جاتا ہے کہ اُن کی تقریباً 99 فیصد پیشنگوئیاں درست ثابت ہوئیں۔ جو ایک فیصد درست ثابت نہیں ہوئیں اُن میں تین مشہور ہیں ۔ ان میں 1958ء میں تیسری عالمی جنگ چھڑنے ، روس کے چاند پر اُترنے اور 1967ء تک کینسر کے علاج میں پیش رفت ہونے کی پیش گوئیاں تھی ۔
جین ڈکسن کے کل 8 کتابیں تحریر کیں خود اُن کی زندگی پر کئی کتابیں لکھی گئیں، انہوں نے مختلف اداروں میں لیکچرز بھی دئے، انہوں نے اپنی کتب اور لیکچروں سے ملنے والی دولت بچوں کے لیے کام کرنے والی اپنی این جی او کو وقف کررکھا تھا۔
25 جنوری 1997ء کو یہ نابغہ روزگار اور حیرت انگیز صلاحیتوں کی حامل خاتون 79 برس کی عمر میں دل کا دورہ پڑنے سے انتقال کرگئیں۔

(یہ مضمون ریڈرز ڈائجسٹ، ستمبر 1965ء کے آرٹیکل کرسٹل بال Crystal Ball اور روتھ منٹگمری Ruth Montgomery کی کتابA Gift of Prophecy سے ماخوذ ہے)

فروری 2015ء کےروحانی ڈائجسٹ سے انتخاب

[box type=”shadow” align=”” class=”” width=””]

دلچسپ، عجیب و غریب اور حیرت انگیز واقعات و آثار سائنس جن کی حقیقت سے آج تک پردہ نہ اُٹھا سکی…..

[/box]

[box type=”note” align=”” class=”” width=””]
موجودہ دور میں انسان سائنسی ترقی کی بدولت کہکشانی نظام سے روشناس ہوچکا ہے، سمندر کی تہہ اور پہاڑوں کی چوٹیوں پر کامیابی کے جھنڈے گاڑ رہا ہے۔ زمین کے بطن میں اور ستاروں سے آگے نئے جہانوں کی تلاش کے منصوبے بنارہا ہے۔ یوں تو سائنس نے انسان کے سامنے کائنات کے حقائق کھول کر رکھ دیے ہیں لیکن ہمارے اردگرد اب بھی بہت سے ایسے راز پوشیدہ ہیں جن سے آج تک پردہ نہیں اُٹھایا جاسکا ہے۔ آج بھی اس کرۂ ارض پر بہت سے واقعات رونما ہوتے ہیں اور کئی آثار ایسے موجود ہیں جو صدیوں سے انسانی عقل کے لیے حیرت کا باعث بنے ہوئے ہیں اور جن کے متعلق سائنس سوالیہ نشان بنی ہوئی ہے۔ ایسے ہی کچھ عجیب وغریب اور حیرت انگیز واقعات یا آ ثار کا تذکرہ ہم آپ کے سامنے ہرماہ پیش کریں گے….
[/box]

تجربے پیش بینی کے

True Experiences in Prophecy

[box type=”shadow” align=”” class=”” width=””]

انسانی زندگی میں آئے دن کتنے ہی عجیب، انہونے اور پراسرار واقعات رُونما ہوتے ہیں جن کے بارے میں بظاہر کوئی عقلی یا علمی توجیہہ پیش نہیں کی جاسکتی، لیکن اس کے باوجود ان کو جھٹلاہا نہیں جاسکتا۔  ذیل میں ہم مغربی مفکر مارٹن ایبن martin ebon کی کتابtrue experiences in prophecy سے مستقبل کا انکشاف کرتے  عام انسانوں کے چند ایسے ہی غیر معمولی، پراسرار، سچے اور ڈرامائی واقعات و تجربات پیش کررہے ہیں۔

[/box]

***

قتل کی پیش گوئی

’’والٹر….! مجھے تمہاری پیالی میں مستقبل کا عکس نظر آرہا ہے۔ آئندہ اتوار کی رات شہر میں دو قتل ہوں گے…. ایک عام شہری کا جسم گولیوں سے چھلنی ہوگا اور ایک کاروباری شخص ہلاک ہوگا۔ ان کے علاوہ پولیس کے ایک باوردی سپاہی کو بھی گولی لگے گی…. یہ واقعہ کس جگہ ہوگا….؟ میں یہ نہیں بتاسکتی…..!‘‘
مادام مرٹل نے سپرنٹنڈنٹ سے بڑے عجیب اور پُرسرار انداز میں کہا۔
یہ مادام، والٹر کی بیوی کی سہیلی تھی۔ اس وقت دونوں میاں بیوی، مادام کے ہاں چائے پی رہے تھے۔
والٹر، سولہ سال سے پولیس میں ملازم تھا۔ چہرے کے تاثرات سے دل کے جذبات کا اندازہ لگانے میں اسے خصوصی ملکہ حاصل تھا۔مادام کی پراسرار گفتگو کے دوران میں والٹر کی نگاہیں اس کے چہرے پر مرکوز رہیں۔ مادام کی آنکھوں سے خون جھلک رہا تھا۔ وہ لمبے لمبے سانس لے رہی تھی، مادام کے چہرے کا رنگ زرد تھا اور دایاں ہاتھ میز کے کونے پر سختی سے جما ہوا تھا۔ سپرنٹنڈنٹ والٹر اس قسم کی باتوں کا قائل نہ تھا۔ لیکن کوئی غیر مرئی طاقت کہہ رہی تھی ’’مرٹل کی بات بالکل سچ ہے۔‘‘
والٹر گھر پہنچا، تو خاصا پریشان تھا۔ مرٹل کی پیشن گوئی اس کے ذہن سے چپک گئی تھی۔ رات دیر تک وہ لاشیں اس کی آنکھوں کے سامنے گھومتی رہیں، کہیں پچھلے پہر جا کر اسے نیند آئی۔ صبح اٹھا، تو پیشن گوئی اس کے ذہن پر سوار تھی۔ دفتر میں بھی اس نے کچھ کرنے نہ دیا اور سارا دن پریشان رہا۔ اگلی صبح والٹر محکمہ پولیس کے سربراہ جوڈرون کے دفتر پہنچا، وہ کافی دیر تک دفتر کے سامنے گومگو کی حالت میں کھڑا رہا…. آخرکار کمشنر کے کمرے کی طرف بڑھا، دروازہ کھول کر اندر داخل ہوا۔ کمشنر نے اسے دیکھ کر مسکراتے ہوئے خوش آمدیدکہا۔
’’والٹر….! خیریت تو ہے….؟‘‘
والٹر نے بولنا چاہا، مگر الفاظ اس کے حلق میں اٹک گئے، بڑی مشکل سے وہ کچھ کہنے کے قابل ہوا۔ ’’جناب، مجھے علم ہے کہ آپ نجومیوں اور پیشن گوئی کرنے والوں کو نہیں مانتے، لیکن میں آپ سے صرف یہ کہنے آیا ہوں کہ اتوار کی رات شہر میں مسلح ڈکیتی کی واردات ہونے والی ہے جس میں دو قتل ہوں گے اور ایک سپاہی کو گولی لگے گی، لیکن یہ بات کسی اورکونہبتائیں۔‘‘
کمشنر دیر تک اس کی طرف تکتا رہا، شاید اسے یقین نہیں آررہا تھا کہ یہ سب کچھ کہنے والا والٹر ہی ہے۔ کمشنر نے جی ہی جی میں سوچا شاید اس نے کوئی ڈراؤنا خواب دیکھا ہے۔
پیشن گوئی تین دن تک والٹر کے ذہن پر چھائی رہی۔ سوموار کی صبح وہ حسب معمول اٹھا اور تیاری کرکے ساڑھے سات بچے پولیس ہیڈ کوارٹر پہنچ گیا۔ کمشنر جیسے پہلے ہی سے اس کا منتظر کھڑا تھا، دیکھتے ہی اس کی طرف لپکا اور پھر اسے ساتھ لے کر اپنے کمرےمیں چلا گیا۔
’’پیشن گوئی کرنے والی عورت کا نام کیا ہے….؟‘‘ کمشنر نے کرسی پر بیٹھتے ہوئے پوچھا۔
’’مادام مرٹل۔‘‘ والٹر نے مختصر جواب دیا۔
’’مادام کی پیشن گوئی حرف بحرف صحیح ثابت ہوئی۔‘‘ کمشنر نے کہا۔ ’’رات ساڑھے گیارہ بجے کیلیفورنیا تھیئٹرپر ڈاکہ پڑا، تھیئٹر کا مینجر گولی لگنے سے ہلاک ہوگیا اور قاتل فرار ہوگئے کچھ لوگوں نے قاتلوں کو بھاگتے ہوئے دیکھ لیا تھا، انہوں نے کار کا نمبر اور قاتلوں کا حلیہ پولیس کو بتایا جس سے فوراً تمام تھانوں کو آگاہ کردیا گیا۔ پولیس کے دو سپاہی شہر کے مشرقی حصے میں گشت کر رہے تھے انہوں نے کار کو شناخت کرلیا اور موٹر سائیکلوں پر اس کا تعاقب کیا۔ دونوں طرف سے فائرنگ شروع ہوگئی اور ایک سپاہی شدید زخمی ہوگیا۔
دوسرے نے ہیڈ کوارٹر سے وائرلیس پر امداد طلب کی۔ اتنے میں ڈاکو ایک عمارت میں چھپ گئے۔ تھوڑی دیر میں پولیس کے سپاہیوں نے عمارت کا محاصرہ کرلیا۔ کافی تلاش کے بعد ایک بغلی کمرے میں ڈاکوؤں کا پتہ چلا۔ پولیس کے پہنچتے ہی ایک ڈاکو روشندان سے باہر کود گیا۔ دوسرا باہر نکلنے کی کوش کر رہا تھا کہ پولیس نے گولیوں کی بوچھاڑ کردی اور وہ ماراگیا۔‘‘
اگلے دن کمشنر نے واردات کی جو تفصیلات پریس کو دیں۔ اسے پڑھتے ہی سینکڑوں لوگ مادام مرٹل کے گھر پر امڈ آئے، وہ سب اپنے مستقبل کے متعلق جاننا چاہتے تھے۔ لیکن مادام کا جواب مایوسکنتھا۔
’’میں پیشہ ورنجومی نہیں، یہ پیشن گوئی تو محض ایک اتفاق تھا۔ آپ کی طرح مجھے بھی کچھ معلوم نہیں کہ یہ کیسے ہوگیا۔‘‘
مادام کو یہ بات سینکڑوں مرتبہ دہرانا پڑی۔

***

خواب میں بگھی

اس سلسلے میں سائی بل ڈیون کے مشاہدات انتہائی دلچسپ ہیں۔ ڈیون کو خواب کے ذریعے مستقبل کے بعض واقعات کا قبل از وقت علم ہوجاتا تھا۔ چار گھوڑوں والی سیاہ بگھی اس کے خوابوں کی سنگینی کا نشان تھی۔ ڈیون نے سیاہ بگھی والا خواب پہلی مرتبہ بارہ سال کی عمر میں دیکھا تھا۔ اس وقت وہ کانونٹ اسکول میں پڑھتی تھی۔ اس نے دیکھا وہ چار گھوڑوں والی سیاہ بگھی میں سوار کہیں جا رہی ہے۔ بگھی ایک عمارت کے سامنے رک جاتی ہے اور وہ اتر کر عمارت کے پچھواڑے سے ہوتی ہوئی ایک کمرے میں پہنچتی ہے۔ کمرے میں کافی اندھیرا ہے لیکن بستر پر دراز ایک عمر رسیدہ آدمی کا چہرہ صاف نظر آرہا ہے۔ تھوڑی دیر کے بعد وہ باہر نکلتی ہے اور دیکھتی ہے کہ عمارت کے باہر ایک عورت ماتمی لباس پہنے بیٹھی ہے اور بہت سے لوگ اس کے گرد جمع ہیں، وہ سب آپس میں سرگوشیاں کر رہے ہیں۔
اگلی صبح ڈیون کی ہم جماعت سہیلی یولیندا کو گھر سے تار موصول ہوا، اس کا باپ سخت بیمار ہے، وہ گھر پہنچی، تو تھوڑی دیر بعد اس کا باپ مر گیا۔
ڈیون اپنی سہیلی کو پُرسا دینے کے لیے اس کے ہاں گئی۔ یہ دیکھ کر وہ حیران رہ گئی کہ یولیندا کا گھر ہوبہو وہی عمارت تھی جسے وہ دو روز قبل خواب میں دیکھ چکی تھی۔ یولیندا کے باپ کی میت جس کمرے میں رکھی گئی تھی، وہ بالکل اس کمرے سے ملتا جلتا تھا جو ڈیون نے خواب میں دیکھا تھا۔ ڈیون نے یولیندا کی والدہ کو دیکھتے ہی پہچان لیا کہ یہ وہی عورت ہے جس نے خواب میں ماتمی لباس پہن رکھا تھا۔
ڈیون نے اس خواب کا ذکر اپنی ماں سے کیا، تو اس نے بتایا کہ چار گھوڑوں والی سیاہ بگئی ان کا خاندانی آسیب ہے۔ اس کی ابتداء 1652ء میں اس وقت ہوئی جب خاندان کا یک بزرگ بشپ رکٹ او کونل، کرامویل کے ظلم سے تنگ آکر چار گھوڑوں والی سیاہ بگھی میں فرار ہوتا ہوا پکڑا گیا۔ کامویل حکومت نے اسے پھانسی دے دی اور اس کے بھائی مارس اور کونل کی تمام جائیداد ضبط کرکے اسے جلا وطن کردیا۔ مارس بھی سفر کے دوران ہی میں مرگیا۔ مرتے وقت وہ بھی اسی بگھی میں سوار تھا۔
1740ء میں کونل خاندان کے ایک فرد نے پہلی مرتبہ خواب میں اس بگھی کو دیکھا۔ اس کے بعد وہ بگھی خوابوں میں خاندان کے سب ہی افراد کو نظر آنے لگی۔ خواب میں بگھی کی موجودگی ہمیشہ کسی نہ کسی نقصان یاکسی کی موت کا پیش خیمہ ہوتی۔
ایک مرتبہ ڈیون کے دادا ڈینیل اوکونل نے خواب میں دیکھا کہ وہ بگھی میں سوار ہے۔ بگھی بوسٹن میں اس کے خالہ زاد بھائی کے گھر میں داخل ہوجاتی ہے جہاں اس کی ماں ایک کمرے میں لیٹی ہوئی تھی۔ کمزوری کے باعث وہ ڈینیل کو نہ پہچان سکی۔ اتنے میں ڈینیل کی دادی نے اسے جگایا اور کہا کہ ٹیلی فون کی گھنٹی بج رہی ہے۔ ڈینیل نے ریسیور اٹھایا…. بوسٹن سے اس کا خالہ زاد بھائی بول رہا تھا۔ قبل اس کے کہ وہ کچھ کہتا، ڈینیل نے کہا:
’’کیا تم مجھے یہ بتانا چاہتے ہو کہ والدہ مرچکی ہے۔‘‘
اس کا خالہ زاد بھائی دم بخود ہوگیا، کیونکہ بڑھیا کو فوت ہوئے مشکل سے پندرہ منٹ گزرے تھے اور اس نے سب سے پہلے ڈینیل کو فون کیا تھا۔

***

ابراہم لنکن کا قتل 

الیکشن کے نتائج کا اعلان ہوچکا تھا۔ ابراہم لنکن کو دوبارہ ملک کا صدر چن لیا گیا تھا۔ پارٹی کے مرکزی دفتر میں ہنگامہ خیز دن گزارنے کے بعد ابراہم لنکن فاتحانہ مسکراتے ہوئے وائٹ ہاؤس میں داخل ہوا، جونہی آرام کرنے کے لیے صوفے پر لیٹا، اس کی نیند سے بوجھل آنکھیں سامنے دیوار پر لگے ہوئے قدم آدم آئینے پر مرکوز ہوگئیں۔ اسے آئینے میں اپنے دو چہرے دکھائی دیے۔ ایک انتہائی ہشاش بشاش اور تندرست اور دوسرا زرد اور بےجان۔ وہ بڑ بڑا کر اٹھ بیٹھا، عکس غائب ہوچکے تھے۔ وہ اپنے چہرے کے یہ خوابیدہ عکس پہلے بھی کئی مرتبہ دیکھ چکا تھا۔ اس نے کئی مرتبہ محسوس کیا، کوئی کہہ رہا ہے:
’’صدارت کا دوسرا دور تمہاری ہلاکت کادورہوگا۔‘‘
مارشل ہل مین نے بتایا کہ جب لنکن کو صدارت کے لیے دوبارہ نامزد کیا گیا اسے اپنی موت کا پورا یقین ہوگیا۔ اس نے اپنی نامزدگی کی خبر انتہائی خاموشی سے سنی۔ اس سے بھی زیادہ واضح اشارہ وہ خواب تھا جو لنکن نے اپنے قتل سے صرف ایک مہینہ پہلے دیکھا۔ اس نے اپنے دوستوں کو بتایا تھا کہ :
چند دن کی بات ہے، میں بہت دیر سے سویا، تھکاوٹ کے باعث مجھے جلد ہی نیند آگئی۔ میں نے خواب میں دیکھا کہ اپنے دفتر میں تنہا بیٹھا ہوں، اچانک رونے اور سسکیاں بھرنے کی آوازیں سنائی دیں۔ میں دفتر سے نکلا اور سیڑھیاں اتر کر وائٹ.ہاؤس کے ایک ایک کمرے میں گیا، لیکن وہاں کوئی نہ تھا۔ عجیب وغریب آوازیں اب بھی آرہی تھیں، کمروں کی بتیاں روشن تھیں، میرے دل میں طرح طرح کے خیالات پیدا ہونے لگے۔ یہ کون لوگ ہیں….؟ اور کیوں آہ و بکا کر رہے ہیں….؟ آخر میں گھومتا پھرتا مشرقی ہال کی طرف گیا۔ اندر داخل ہوتے ہی میری نگاہ کمرے کے وسط میں رکھی ہوئی میت پر پڑی۔ میت کے چاروں طرف مسلح محافظ کھڑے تھے، میت کا چہرہ کپڑے سے ڈھانپ دیا گیا تھا…. چاروں طرف لوگوں کی بھیڑ تھی، کچھ لوگ رو رہے تے اور کچھ میت کی طرف دیکھ رہے تھے۔ میں نے ایک سپاہی سے پوچھا:
’’مرنے والا کون ہے….؟‘‘
سپاہی نے جواب دیا ’’یہ صدر محترم کی لاش ہے، انہیں کسی نے قتل کردیا ہے‘‘ اس کے بعد مجمع سے ایک شور اٹھا اور میری آنکھ کھل گئی۔
14 اپریل 1865ء کو شام کے سات بجے لنکن کے خصوصی محافظ کروک نے رخصت ہوتے وقت کہا ’’صدر محترم، گڈ نائٹ‘‘
لنکن نے جواب میں کہا ’’خدا حافظ۔‘‘
گھر جاتے ہوئے کروک کو دفعتاً خیال آیا۔ آج صدر نے خلاف معمولی، خدا حافظ، کیوں کہا، حالانکہ وہ ہمیشہ گڈنائٹ، کہتے تھے، ٹھیک تین گھنٹے بعد کروک کی گتھی سلجھ گئی۔ لنکن کو گولی مار دی گئی تھی۔

***

سمندری طوفان میں مدد

ہیرلڈ اور اس کے دوست جیک نے چھٹیاں اکٹھے گزارنے کا فیصلہ کیا، انہوں نے پکنک اور مچھلی کے شکار کا پروگرام بنایا۔ تیاریاں مکمل ہوگئیں، مگر عین روانگی کے وقت موسم خراب ہوگیا۔ ہیرلڈ کی بیوی نے اپنے شوہر کو شکار پر جانے سے روکا اور پروگرام ملتوی کرنے کی التجا کی۔ ادھر جیک کی بیوی نے بھی اپنے شوہر کو روکا۔ محکمہ موسمیات نے طوفان آنے کی خبر دی تھی، اس کا ذکر کیا، اپنی محبت کا واسطہ دیا، مگر دونوں میں سے کوئی بھی نہ مانا اور گھر سے نکل کھڑے ہوئے۔ وہ تھوڑی دور ہی گئے تھے کہ موسم اور زیادہ خراب ہوگیا، تاہم وہ آہستہ آہستہ پورٹ واشنگٹن کی طرف بڑھتے چلے گئے۔
’’گزشتہ رات مجھے ذرا بھی نیند نہیں آئی‘‘ ہیرلڈ نے اونگھتے ہوئے کہا۔
’’جانے کیوں، میرا بھی یہی حال رہا۔‘‘ جیک کار کا اسٹیرنگ گھماتے ہوئے بولا:
ساحل پر پہنچ کر وہ ملاحوں کے پاس گئے۔ ملاحوں نے بتایا کہ سمندر میں سخت طوفان آنے والا ہے، اس لیے مچھلی کا شکار خطرے سے خالی نہیں، لیکن ہیرلڈ اور جیک نے اس انتباہ پر بھی کان نہ دھرے۔ موٹربوٹ کرائے پر لی اور سمندر کی لہروں سے نبردآزما ہوگئے۔ جس جگہ وہ سفر کر رہے تھے وہاں ساحل بل کھاتا ہوا انگریزی لفظ یُو (U) کی شکل بناتا تھا۔ انہوں نے موٹر بوٹ کا رخ سامنے کے ساحل کی طرف موڑ دیا…. ابھی وہ راستے ہی میں تھے کہ طوفان نے آلیا۔ موٹر بوٹ ہچکولے کھانے لگی۔ لہروں کے خوفناک تھپیڑے موٹربوٹ کو گیند کی طرح ادھر ادھر اچھال رہے تھے۔ انہوں نے واپس جانے کی کوشش کی، لیکن موٹربوٹ گرداب سے نہ نکل سکی۔ دفعتاً ہیرلڈ اونگھنے لگا جیک نے جھنجھوڑ کر اسے جگایا اور چوکس ہو کر کشتی چلانے کی تلقین کی۔ درحقیقت ہیرلڈ اونگھ نہیں رہا تھا بلکہ جاگتے میں خواب دیکھ رہا تھا۔ اس نے دیکھا کہ تھوڑے فاصلے پر دو شخص سمندر میں ڈوب رہے ہیں، ان کی موٹربوٹ الٹ چکی ہے اور وہ غوطے کھا رہے ہیں۔ ہیرلڈ کے دل میں اس خواب کی سچائی اس قدر جاگزیں ہوگئی کہ اس نے موٹربوٹ کا رخ کھلے سمندر کی طرف موڑ دیا۔ اچانک ہیرلڈ نے دیکھا کچھ فاصلے پر کوئی سیاہ سی چیز تیر رہی ہے۔ واقعتاً ایک شخص غوطے کھا رہا تھا۔ جیک نے کود کر اسے پانی سے باہر نکالا اور موٹربوٹ میں لٹا دیا۔ دوتین منٹ کے بعد اس شخص کو ہوش آگیا۔ اس نے بتایا وہ اپنے ایک دوست کے ہمراہ مچھلی کا شکار کر رہا تھا کہ ان کی کشتی الٹ گئی اور وہ دونوں سمندر میں گر گئے۔ ہیرلڈ نے یہ سنتے ہی دوسرے شخص کی تلاش شروع کردی۔ تقریباً ایک میل کے فاصلے پر کشتی مل گئی۔ کانٹے سے بندھی ہوئی ڈوری کشتی کے انجن میں پھنس گئی تھی۔ اسی ڈوری نے دوسرے شکاری کو بچالیا، اس کی مدد سے وہ کشتنی کا سہارا لینے میں کامیاب ہوگیا۔ دوسرا شکاری کشتی پر سوار ہوا، تو ہیرلڈ نے کہا: ’’جیک، اب ہمیں واپس چلنا چاہیے، شاید قدرت ہمیں ان لوگوں کی جان بچانے کے لیے کھینچ لائی تھی۔‘‘

***

گھوڑوں پر دو انسانی ڈھانچے 

امریکہ کے سابق صدر جان ٹیلر کی بیوی جولیا کے خواب بھی اس سلسلے میں خاصے دلچسپ ہیں:
28 فروری 1844ء کو بحریہ کی طرف سے نئے جنگی جہاز ’’پرنسٹن‘‘ کی افتتاحی تقریب منعقد ہوئی جس میں صدر سمیت بہت سے اعلیٰ افسروں اور غیر ملکی نمائندوں نے شرکت کی۔ تقریب کا اہتمام جہاز کے عرشے پر کیا گیا تھا۔ جولیا اور بحری وزیر کی بیوی این بھی مدعو تھیں۔ تقریب سے چند گھنٹے قبل جولیا نے خواب میں دیکھا کہ وہ ایک جنگی جہاز کے عرشے پر کھڑی ہے۔ اچانک دو سفید گھوڑے اس کی طرف لپکتے ہیں۔ گھوڑوں پر دو انسانی ڈھانچے سوار ہیں، کھوپڑی کی بناوٹ سے ایک اس کے باپ کا ڈھانچا لگتا ہے۔ جولیا گھبرا کر اٹھی اور بھاگتی ہوئی اپنے باپ کے پاسی گئی، لیکن وہ خواب سن کر ہنس پڑا اور کہنے لگا:
’’خواب ہمیشہ اعصابی کمزوری کی علامت ہوتے ہیں، ان پر یقین کیا جائے، تو دنیا کے سب کام رُک جائیں۔‘‘
تقریب مقررہ وقت پر منعقد ہوئی۔ سب لوگ جہاز کی پیچیدہ اور جدید ترین مشینری کو دیکھ کر سائنس دانوں کی تعریف کر رہے تے۔ دعوت کے بعد جہاز میں نصب شدہ توپون کا عملی مظاہرہ شروع ہوا۔ جونہی امن پسند، نامی توپ نے دوہزار پونڈ وزنی گولہ داغا، اس کی نال پھٹ گئی اور وزیر جنگ تھامس اور جولیا کے باپ کے پرخچے اڑ گئے۔ جولیا کی شادی کے تھوڑے عرصے بعد اس کا خاوند امریکہ کا صدر بن گیا۔ 1862ء میں وہ رچمانڈ کے پارٹی کنوینشن میں شریک تھا۔ جولیا نے خواب میں دیکھا، اس کا خاوند سخت تکلیف میں ہے۔ ان دنوں ڈاک اور تار کا انتظام انتہائی سست تھا۔ لاچار جولیا نے اپنے نوزائیدہ بچے اور نرس کو ساتھ لیا اور کشتی کے ذریعے رچمانڈ کی طرف روانہ ہوگئی۔ سفر کے دوران میں وہ کئی مرتبہ بےہوش ہوئی اور سخت پریشانی کے عالم میں رچمانڈ پہنچی۔ اس کا خاوند بالکل ٹھیک ٹھاک اور خوش و خرم تھا۔ جولیا نے اپنا خواب بیان کیا، تو ٹیلر نے خوب مذاق اڑایا، لیکن جولیا کے دل کی کھٹک دور نہ ہوئی۔ انجانا خوف اس کے اعصاب پر سوار تھا۔ اس نے اپنے شوہر کےساتھ ہوٹل ہی میں رہنے کا فیصلہ کیا۔ اگلی صبح ٹیلر ناشتے سے فارغ ہو کر ہوٹل کے نچلے حصے میں گیا اور جولیا کنوینشن میں شرکت کے لیے تیار ہونے لگی۔ دفعتاً دروازہ کھلا اور ٹیلر لڑکھڑاتا ہوا اندر داخل ہوا اس کاہاتھ اپنے دل پر تھا اور رنگ پیلا زرد۔ دل کا دورہ جان لیوا ثابت ہوا اور ٹیلر اسی شام مرگیا۔

***

میک اپ روم میں قتل 

رملا کو کثرت سے خواب نظر آتے تھے۔ اس کے خواب تفصیلات کی حد تک سچے ثابت ہوتے تھے۔ خوابوں کی کثرت نے اس کے والدین کو تشویش میں مبتلا کردیا، چنانچہ وہ اسے ایک ماہر نفسیات داکٹر کے پاس لے گئے۔ ڈاکٹر نے اعصابی کمزوری کا نفسیاتی اور طبی علاج تجویز کیا، لیکن خواب پھر بھی کم نہ ہوئے۔
ایک رات رملا نے خواب میں دیکھا،اس کی ماں جو ہنگری کی سب سے بڑی فلمی اداکارہ تھی اپنے بالوں میں کنگھی کر رہی ہے۔ اچانک ایک چھوٹے سے قد کی عورت اندر داخل ہوئی اور آتے ہی پستول سے گولی چلا دی۔ گولی رملا کی ماں کو لگی اور وہ گر پڑی۔
اس بھیانک خواب کو دیکھتے ہی وہ اٹھ کھڑی ہوئی اور بھاگتی ہوئی اپنی ماں کے کمرے میں پہنچی۔ اس نے اپنی ماں اور سوتیلے باپ کو خواب سنایا، اس دوران وہ بری طرح کانپ رہی تھی۔ اس وقت صبح کے پانچ بج رہے تھے۔ ماں نے مسکراتے ہوئے رملا کو اپنے ساتھ لٹالیا۔
صبح آٹھ بچے رملا کی ماں تھیٹر جانے کے لیے تیار ہوئی۔ ابھی وہ میک اپ میں مصروف تھی کہ گھر والوں کو گولی چلنے کی آواز اور ایک چیخ سنائی دی۔ تمام لوگ میک اپ کے کمرے کی طرف بھاگے۔ رملا کی ماں خون میں لت پت فرش پر تڑپ رہی تھی۔ اس نے ایک ہاتھ میں کنگھی پکڑ رکھی تھی۔ قاتلہ گھر کی ایک پستہ قد خادمہ تھی جسے چند روز پہلے رملا کی ماں نے نوکری سے جواب دے دیا تھا۔

***

جاسوسی کے الزام میں موت کی سزا

کنگھم اپنے دوست نیوٹن کے ہمراہ اپنے چچا سیوارڈ کے ہاں مقیم تھا۔ سیوارڈ کی دو بیٹیاں تھیں اینا اور ہانورا…. آندرے نامی ایک نوجوان فوجی افسر ہانورا سے شادی کا خواہش مند تھا۔ آندرے، کنگھم کی موجودگی میں ہانورا کو رضا مند کرنے کے لیے سیوارڈ کے ہاں ٹھہرا۔ جس روز ہانورا نے شادی سے انکار کیا۔ اسی رات کنگھم نے خواب دیکھا کہ آندرے ایک نامعلوم مقام پر تین فوجیوں کے ہاتھوں پکڑا گیا۔ جامہتلاشی کے بعد اس کی جرابوں میں سے خفیہ کاغذات برآمد ہوئے، چنانچہ اسے جاسوسی کے الزام میں موت کے گھاٹ اتار دیا گیا….
صبح اٹھتے ہی کنگھم نے یہ خواب سب لوگوں کوسنایا۔
1774ء میں آندرے امریکہ کے کلاف لڑنے کے لیے نیویارک گیا۔ اسی دوران میں امریکی جرنیل آرنلڈ نے برطانوی کمانڈر کو امریکی فوج کے خفیہ راز اور مغربی محاذ کی تفصیلات مہیا کرنے کی پیش کش کی۔ آرنلڈ جارج واشنگٹن کا خاص معتمد اور امریکی فوج کا دوسرا بڑا جرنیل تھا۔ سارا ٹوگا کی فتح کا سہرا اسی کے سر تھا۔ آرنلڈ کا پیغام لانے والا شخص چونکہ انتہائی ذمہ دار تھا۔ اس لیے برطانوی کمانڈ ہنری کلفٹن نےھ آرنلڈ سے رابطہ قائم کرنے کا فیصلہ کرلیا۔ آرنلڈ سے ملنے کا فرض آندرے کو سونپا گیا۔
جنرل آرنلڈ جوئے اور شراب کا رسیا تھا۔ امریکہ کے چند بڑے بڑے لوگوں سے اس نے قرض لے رکھا تھا۔ لاکھوں ڈالر کا قرض ادا کرنا اس کے لیے ناممکن تھا، چنانچہ اس نے امریکہ کے جنگی راز برطانیہ کے ہاتھ فروخت کرنے کا فیصلہ کرلیا۔
میجر آندرے بحری جہاز کے ذریعے چوری چھپے رات کے وقت مقررہ مقام پر پہنچ گیا۔ جنرل آرنلڈ وہاں پہلے سے موجود تھا۔ اس نے مطلوبہ رقم کے عوض خفیہ اطلاعات اور دستاویزات آندرے کے حوالے کردیں۔ اسی اثنا میں امریکی سپاہیوں نے آندرے کا جہاز دیکھ لیا اور اس پر فائرنگ شروع کردی۔ جہاز کا کپتان آندرے کا انتظار کیے بغیر جہاز کو بھگا لے گیا۔ آندرے نے یہ صورتحال دیکھی، تو فوجی لباس اتار دیا اور عام لباس پہن کر خفیہ کاغذات جرابوں اور بوٹوں میں چھپالیے۔ وہ چھپتا چھپاتا نیویارک کی طرف چل دیا۔ اک جگہ ڈیوٹی پر موجود امریکی سپاہیوں نے اسے روکا۔ انہوں نے ظاہر یہ کیا کہ وہ درحقیقت برطانوی سپاہی ہیں اور امریکی سپاہیوں کے بھیس میں جاسوسی کر رہے ہیں۔ آندرے اپنے اعصاب کو قابو میں نہ رکھ سکا۔ اس نے اپنی اصلیت ظاہر کردی۔ امریکی سپاہیوں نے اسے فوراً گرفتار کرلیا۔ تلاشی لینے پر اس کے بوٹوں سے خفیہ دستاویزات برآمد ہوئیں ۔ وہ اس کو امریکی کمانڈر کے پاس لے گئے۔ کمانڈر نے جنرل آرنلڈ کے ہاتھ لکھے ہوئے کاغذات دیکھے تو ششدر رہ گیا۔ اس نے فوراً جارج واشنگٹن سے رابطہ قائم کیا، لیکن آرنلڈ اس سے پہلے ہی فرار ہو کر نیویارک میں برطانوی فوج کے ہیڈ کوارٹر پہنچ گیا تھا۔ آندرے پر فوجی عدالت میں مقدمہ چلایا گیا اور اس کو موت کی سزا دی گئی۔

جنوری 2015ء

[box type=”shadow” align=”” class=”” width=””]

دلچسپ، عجیب و غریب اور حیرت انگیز واقعات و آثار سائنس جن کی حقیقت سے آج تک پردہ نہ اُٹھا سکی…..

[/box]

[box type=”note” align=”” class=”” width=””]
موجودہ دور میں انسان سائنسی ترقی کی بدولت کہکشانی نظام سے روشناس ہوچکا ہے، سمندر کی تہہ اور پہاڑوں کی چوٹیوں پر کامیابی کے جھنڈے گاڑ رہا ہے۔ زمین کے بطن میں اور ستاروں سے آگے نئے جہانوں کی تلاش کے منصوبے بنارہا ہے۔ یوں تو سائنس نے انسان کے سامنے کائنات کے حقائق کھول کر رکھ دیے ہیں لیکن ہمارے اردگرد اب بھی بہت سے ایسے راز پوشیدہ ہیں جن سے آج تک پردہ نہیں اُٹھایا جاسکا ہے۔ آج بھی اس کرۂ ارض پر بہت سے واقعات رونما ہوتے ہیں اور کئی آثار ایسے موجود ہیں جو صدیوں سے انسانی عقل کے لیے حیرت کا باعث بنے ہوئے ہیں اور جن کے متعلق سائنس سوالیہ نشان بنی ہوئی ہے۔ ایسے ہی کچھ عجیب وغریب اور حیرت انگیز واقعات یا آ ثار کا تذکرہ ہم آپ کے سامنے ہرماہ پیش کریں گے….
[/box]

بازی گر

ہندوستان کے عجیب فقیر

Wierd Fakirs of India

[box type=”shadow” align=”” class=”” width=””]

سرزمینِ برصغیر پاک و ہند سے تعلق رکھنے والے ایسے نابغہ روزگار لوگ، جن پر دنیا صدیوں سے حیران ہے۔

[/box]

برصغیر پاک و ہند زمانۂ قدیم سے ہی عجائبات کا خزانہ رہا ہے۔ یہاں کے لوگ، یہاں کے رسوم و رواج، عادت و اطوار ہمیشہ ہی سے اہلِ مغرب کے لیے حیرت اور تجسس کا باعث بنے رہے ہیں۔ بہت باعث حیرت اور نابغہ روزگار گروہ سادھو، یوگی اور سنیاسی فقیروں کا بھی ہے۔
یہ یوگی ، سادھواور سنیاسی اپنی تعلیمات کے مطابق نجات حاصل کرنے کے لیے دور جنگلوں اور غاروں میں رہتے اپنے جسم کو ریاضتوں سے طرح طرح کی تکلیفیں پہنچاتے۔ روحانی قوت اور ضبط نفس کے حصول کی خاطر ریاضت کا ایک طریقہ يوگا بھی ہے ، جس پر سادھو عمل کرتے ہیں اس طریقہ ریاضت میں یوگی اتنی دیر تک سانس روک لیتے ہیں کہ موت کا شبہ ہونے لگتا ہے دل کی حرکت کا اس پر اثر نہیں ہوتا- سردی گرمی ان پر اثر انداز نہیں ہوتی يوگی طویل ترین فاقے کے بعد بھی زندہ رہتے ہیں- ان کی عبادت کا ایک حیرت انگیز نظارہ سادھوؤں اور يوگیوں کا دہکتے ہوئے شعلہ نشاں انگاروں پر ننگے قدم چلنا اور بغیر جلے سالم نکل آنا، تیز دھار نوکیلے خنجر سے ایک گال سے دوسرے گال تک اور ناک کے دونوں حصوں تک اور دونوں ہونٹوں کے آرپارخنجر اتاردینا اور اس طرح گھنٹوں کھڑے رہنا، تازہ کانٹوں اور نوکیلے کیلوں کے بستر پر لکٹے رہنا یا رات دن دونوں پیروں یا ایک پیر کے سہارے کھڑے رہنا یا ایک ٹانگ اور ایک ہاتھ کو اس طویل عرصہ تک بے مصروف بنادیا کہ وہ سوکھ جائے یا مسلسل الٹے لٹکے رہنا، ساری عمر ہر موسم اور بارش میں برہنہ رہنا، تمام عمر سنیاسی یعنی کنوارا رہنا یا اپنے تمام اہل خانہ سے الگ ہوکر بلند پہاڑوں کے غاروں میں عبادت کرنا وغیرہ بھی مختلف طریقے ہیں- گرمی ، سردی، بارش اور رتیلی زمینوں پر ننگے بدن رہنا۔ اپنی ریاضتوں کو مقدس عمل سمجھتے جہاں یہ اپنے آپ کو دیوانہ وار تکلیفیں پہنچا کر انگاروں پر لوٹ کر، گرم سورج میں ننگے بدن بیٹھ کر، کانٹوں کے بستر پر لیٹ کر، درخت کی شاخوں پر گھنٹوں لٹک کر اور اپنے ہاتھوں کو بے حرکت بناکر، یا سر سے اونچا لے جاکر اتنے طویل عرصے تک رکھتے تاکہ وہ بے حس ہوجائيں اور سوکھ کر کانٹا بن جائيں۔ ان جسمانی آزار کی ریاضتوں کے ساتھ دماغی اور روحانی مشقتوں کو بھی نجات کا ذریعہ سمجھا جاتا ہے ۔ چنانچہ اس طرح کے سادھو فقیر تنہا شہر سے باہر غور وفکر میں مصروف رہتے اور ان میں سے بہت سے جھونپڑیوں میں اپنے گرو کی رہنمائی میں گروپ بناکر بھی رہتے- ان میں سے کجھ گروپ بھیک پر گزارہ کرتے ہوئے سیاحت کرتے ان میں سے کچھ مادرزاد برہنہ رہتے اور کچھ لنگوٹی باندھ لیتے-
اس مضمون میں ہم نے دنیا بھر کی مختلف کتب سے برصغیر کے ایسے حیرت انگیز نابغہ روزگار افراد کا تذکرہ اکھٹا کیا ہے جو اپنے دامن میں تجسس، اسرار اور حیرت کے سمندر سمیٹے ہوئے ہیں اور اہلِ مغرب کے لیے ہی نہیں بلکہ ہمارے لیے بھی ناقابلِ یقین ہیں۔

***
شیخ ابو عبداللہ نے غور سے اُس شے کی طرف دیکھا جو خانِ اعظم کے دربار میں قالین پر لُڑھکتی ہوئی اس کے اپنے قدموں تک آگئی تھی۔
یہ ایک تازہ کٹا ہوا انسانی سر تھا….
یہ چودھویں صدی کے ابتدائی عشرے کا ذکر ہے کہ چین کے شہر ہانگ چو میں خون کی بارش ہوئی۔ خون کی اس بارش کے ساتھ کٹے پھٹے انسانی ہاتھ، پاؤں، انگلیاں اور بازو آسمان سے برسنے لگے حتیٰ کہ خان اعظم کے پائیں باغ میں درخت خون سے نہا گئے اور باغ کی روشیں بریدہ انسانی اعضا سے بھر گئیں….
خان اعظم کے محل میں جشن منایا جا رہا تھا اور ملک کے گوشے گوشے سے رقاص ، شعبدہ باز، جادوگر اور آتشباز محل میں جمع تھے۔
خان اعظم کے معزز مہمان شیخ ابو عبداللہ المعروف ابنِ بطوطہ نے اس جشن کی پوری تفصیل، نیز جادوگروں اور شعبدہ کاروں کے عجیب و غریب کمالات اپنی کتاب میں درج کیے ہیں۔
شیخ اپنے وطن طنجہ میں تو ایک گمنام آدمی تھا، مگر جب وہاں سے وہ سیاحت کے لیے نکلا، تو اس کی نگاہوں نے مشرق کے اسرار بھی دیکھے اور شاہی دربار اور ان کی سازشیں بھی۔ کہیں نوابوں اور بادشاہوں نے اسے انعام و اکرام سے نوازا اور کہیں وہ پھانسی پر لٹکتے لٹکتے بچا۔
ہانگ چو میں جشن کی شام کے جو واقعات شیخ نے بیان کیے ہیں، ان پر مختلف آرا کا جو اظہار اس کے زمانے میں ہوا، وہ آج تک جاری ہے۔ بہرحال شیخ نے جشن کی تفصیل کچھ ان لفظوں میں بیان کی ہے:
‘‘جشن اپنے شباب پر پہنچا، تو خان اعظم کے ایک درباری شعبدہ باز نے لکڑی کی ایک گیند اپنے تھیلے سے برآمد کی۔ گیند سے ایک رسی بندھی تھی۔ اس نے گیند ہوا میں اچھالی، تو وہ بلند ہوتی چلی گئی حتیٰ کہ نگاہوں سے تقریباً اوجھل ہوگئی اور ہوا میں بغیر سہارے کے ڈولنے لگی۔ رسی ابھی تک زمین پر جھول رہی تھی۔ شعبدہ باز نے اپنے ساتھی لڑکے سے کہا کہ وہ رسی پکڑ کر اوپر چڑھ جائے۔ لڑکے نے ہوا میں تیرتی ہوئی چھوٹی سی گیند کی طرف نظریں اٹھائیں، غور سے اس کا جائزہ لیا اور اوپر چڑھنے سے انکار کردیا۔ تب شعبدہ باز نے اپنے تھیلے سے چاقو نکالا اور اسے قتل کرنے کی دھمکی دی۔ لڑکے نے بادل ناخواستہ رسی پر چڑھنا شروع کیا۔ وہ رسی پکڑ کر اوپر چڑھتا اور پلٹ پلٹ کر اپنے آقا کو گالیاں دیتا جاتا اور شعبدہ باز ادھر سے اسے ملاحیاں سناتا تھا۔
رفتہ رفتہ لڑکا اتنی بلندی پر چلا گیا کہ نیچے سے محض ایک دھبا دکھائی دینے لگا اور اس کی آواز ایک ہلکی سی سنسناہٹ بن کر رہ گئی۔ پھر شعبدہ باز نے اسے نیچے آنے کا حکم دیا…. دیر تک انتظار ہوتا رہا، لڑکا نیچے نہ اترا۔ شعبدہ باز نے پھر چیخ کر حکم دیا، لیکن کوئی جواب نہ آیا۔ اس حکم عدولی پر شعبدہ باز بےحد لال پیلا ہوا۔ اس نے چاقو دانتوں میں پکڑا اور رسی پر چڑھنے لگا یہاں تک کہ وہ بھی کھلے آسمان میں ایک نقطے کی طرح دکھائی دینے لگا۔ پھر یکایک اوپر سے شور و غوغا اور کشمکش کی آوازیں آنے لگیں۔ تھوڑی دیر میں اوپر سے خون برسنے لگا۔ اسی بارش میں کٹا ہوا ایک ہاتھ نیچے گرا، پھر ایک ٹانگ، اس کے بعد ایک پورا بازو اور آخر کار لڑکے کا بریدہ سرزمین پر آرہا۔ یہی وہ سر تھا جو لڑھکتا ہوا شیخ ابو عبداللہ کے قدموں تک آپہنچا تھا اور شیخ کا منہ حیرت سے کھلے کا کھلا رہگیاتھا۔
شعبدہ باز پھر نیچے اترا۔ اس کا پورا لباس خون میں تر تھا۔ اس نے اپنے مددگار لڑکے کی لاش کے بریدہ حصے جمع کیے، ان پر سے خون پونچھا اور انہیں ایک جگہ جمع کرکے اوپر چادر ڈال دی۔ اس کے بعد اس نے چادر سے ڈھکے ہوئے ان بریدہ اعضا کو ایک زوردار ٹھوکر رسید کی۔ چادر کے اندر حرکت سی محسوس ہوئی اور لڑکا زندہ سلامت اٹھ کھڑا ہوگیا۔
یہ تفصیل شیخ ابو عبداللہ محمد ابن بطوطہ نے اپنے سفر نامہ میں بیان کی ہے۔
اس وقت سے اب تک کئی سیاحوں، سپاہیوں اور دوسرے لوگوں نے اس بات کی شہادت دی ہے کہ اس طرح کے واقعات ان کی اپنی نگاہوں سے بھی گزرے۔ بعض لوگوں کا خیال تھا کہ یہ واقعہ شیخ عبداللہ محمد ابن بطوطہ کے خلّاق ذہن کی پیداوار ہے، لیکن ابنِ بطوطہ کے بعد بہت سے نامور لوگوں نے ہندوستان کے سفر کے دوران ایسے واقعات خود دیکھے اور ان کی تفصیل بیان کی۔
ڈاکٹر ولیم بیب اور روسی ناول نگار میکسم گورکی نے اپنے ہندوستان کے سفرنامے میں اسی طرح کے چند واقعات بیان کیے ہیں۔
اب مورخین یہ کہتے ہیں کہ ابن بطوطہ کا بیان بالکل سچا تھا۔ وہ پہلا آدمی تھا جس نے مغربی دنیا کو اس عجوبے سے روشناس کرایا۔

***
ابن بطوطہ کی وفات کے دو سو برسوں بعد کا قصہ ہے کہ بنگالی شعبدہ بازوں کا ایک طائفہ شہنشاہ جہانگیر کے دربار میں پہنچا۔ ان کے پراسرار کمالات ملاحظہ کرنے کے لیے دربار آراستہ کیا گیا۔ شہنشاہ نے یہ کہہ دیا تھا کہ اگر شعبدے اسے پسند نہ آئے، تو اس طائفے کے تمام شعبدہ باز قتل کر دیے جائیں گے، لیکن ان بنگالیوں کے شعبدے تو صرف حیران کن ہی نہیں، ناقابل فراموش بھی تھے۔
جہانگیر نے اپنی تزک میں ایک پورا باب ان بنگالی شعبدہ بازوں کے عجیب عجیب کمالات بیان کرنے کے لیے وقف کیا ہے۔ ان میں اہم ترین چیز شعبدہ شجر تھی۔
طائفے کے مالک نے دعویٰ کیا کہ وہ کسی بھی درخت کا بیج بو کر منٹوں میں پودا لگا سکتا ہے۔ خانِ.جہاں نام کے ایک امیر نے پیپل کا درخت تجویز کیا، چنانچہ ہر شعبدہ باز نے ایک ایک چھوٹا سا گڑھا کھودا اور اس میں بیج ڈال کر اوپر سے مٹی برابر کر دی۔ اب ان تمام گڑھوں پر سبز رنگ کی ایک چادر ڈال دی گئی اور طائفے کے مالک نے کچھ منتر پڑھنے شروع کیے۔ دو چار منٹ بعد جب چادر اٹھائی گئی، تو کونپلیں پھوٹ چکی تھیں۔ چادر پھر ڈال دی گئی اور تھوڑی دیر بعد وہاں پیپل کے پودوں کا ایک چھوٹا سا جھنڈ کھڑا تھا۔ ہر پودے کی اونچائی تقریباً چالیس انچ تھیں۔

***
کہا جاتا ہے کہ بنگال میں ایک بازی گر اپنے ایک شیر کے ہمراہ سڑکوں پر پھرا کرتا تھا اور جب وہ تماشا دکھاتا تھا تو شیر کو کھول دیتا اور اسے اس قدر دھکے لگاتا، مارتا پیٹتا کہ شیر بپھر جاتا اور اس پر حملہ آور ہوجاتا تھا پھر شیر اور مداری آپس میں گتھ جاتے اور کچھ دیر ان میں خوفناک کشتی ہوتی رہتی۔ بعد ازاں بازی گر ایک خاص قسم کا ہتھیار اس کے گلے میں ڈال دیتا۔ مگر شیر بازی گر کو کاٹنے کی جرأت نہ کرتا تھا۔
مشہور ترین بازی گروں اورنٹوں میں موچھال نامی ایک فرقہ تھا۔ مغل بادشاہ بابر نے اس فرقے کے ایک شخص کا ذکر کرتے ہوئے لکھا ہے کہ وہ اپنے جسم پر سات کڑے چڑھا لیتا تھا پہلا ماتھے پر، دو ٹخنوں پر باقی چار میں سے دو اپنی انگلیوں میں اور اپنے انگوٹھوں پر اور اپنی جگہوں پر وہ چھلے بڑی تیزی سےگھومتے تھے۔
عام طور پر رسی کا کرتب بہت مشہور تھا۔ اس کو دیکھ کر نہ صرف اس زمانے میں بلکہ موجودہ زمانے میں لوگ حیرت میں پڑ جاتے ہیں۔ مثلاً ایک بازی گر ایک عورت کو ساتھ لے کر مجمع میں آتا تھا اور اس عورت کو اپنی بیوی بتاتا تھا۔ وہ بڑے ہی انداز سے کہتا ‘‘اسے آسمان کا سفر کرنا چاہیے ’’…. حاضرین میں سے کوئی بھی اس کی اس تجویز سے اختلاف نہیں کرتا تھاوہ اپنے تھیلے سے ایک رسی نکالتا اور ایک سرا پکڑ کر دوسرا آسمان کی طرف پھینکتا۔ جو کہ اوپر معلق ہوجاتا اور وہ اس رسی پر اس طرح سے چڑھتا تھا جیسے کوئی سیڑھی پر چڑھتا ہو، اور فوراً ہی نظروں سے غائب ہوجاتا تھا۔ تھوڑی دیر کے بعد اس کے جسم کے اعضاء یکے بعد دیگرے زمین پر گرنے لگتے تھے۔ بیوی ان سب کو جمع کرتی جاتی تھی اور جمع کرنے کے بعد ہندوؤں کی رسم کے مطابق ان کو جلا دیتی۔ اور خود بھی اس آگ میں بھسم ہوجاتی، اس کے تھوڑی دیر بعد بازی گر ظاہر ہوتا تھا اور اپنی بیوی مانگتا تھا…. تماشا دیکھنے والے پورا واقعہ شروع سے آخر تک اسے سناتے، مگر وہ یہ ظاہر کرتا تھا کہ اس کو ان کی باتوں پر یقین نہیں ہے، وہ اپنے تماش.بینوں یا لوگوں پر جن کے کہنے سے اس نے تماشا دکھانا قبول کیا تھا۔ یہ الزام لگاتا کہ انہوں نے غیرقانونی طور پر اس کی بیوی کو اپنے گھر میں چھپا رکھا ہے۔ وہ ان لوگوں کے زنان خانے پر جا کر اپنی بیوی کو آواز دیتا۔ اور بڑے انداز سے وہاں سے مسکراتے ہوئے نمودار ہوتی تھی۔
بعض بازی گر تماش بینوں کے سامنے کسی شخص کو قتل کردیتے اور اس کے جسم کے چار ٹکڑے کرڈالتے، ان ٹکڑوں کو ایک کپڑے کے نیچے ڈھک دیتے، پھر بازی گر اشارہ کرتا، اور مقتول زندہ ہوجاتا۔
دوسری بازیوں میں آم کا کرتب قابل ذکر ہے، آم کی گٹھلی ایک برتن میں کیچڑ اور دوسری چیزوں کے ساتھ رکھ دی جاتی تھی، کچھ ہی دیر بعد کلے نکلنے، بور آنے اور پھل لگنے کے مراحل طے ہوجاتے اور پھل لگ جاتا۔ اس پھل کو کھا کر حاضرین تصدیق کرتے کہ واقعی آم ہی ہے۔
جہانگیر بادشاہ کو بازی گری کے تماشے دیکھنے کا بہت شوق تھا۔ ایک مرتبہ بنگال کا بازی گر ایک لنگور لے کر بادشاہ کی خدمت میں حاضر ہوا، بازی گر نے اپنی انگلی سے ایک انگوٹھی اتار کر ایک لڑکے کو دے دی کہ وہ اسے چھپا لے، بعد ازاں اس نے لنگور کو چھوڑ دیا۔ لنگور بار بار اس لڑکے کے قریب جاتا تھا۔ جس نے انگوٹھی چھپا رکھی تھی، اور آخر انگوٹھی اسی لڑکے کے پاس سے برآمد ہوئی۔ اسی طرح دوسرے امتحانات بھی بادشاہ نے لیے اور ہر مرتبہ وہ لنگور امتحان میں کامیاب ہوا۔

جہانگیر بادشاہ کے دربار میں بازی گروں کا مجمع رہتا تھا اور مختلف شعبدے دکھائے جاتے تھے۔ جس کی تفصیل خلاصہ التواریخ میں درج ہے۔
***
مشہور زمانہ کتاب Ripley’s Believe It or Not!کے مصنف ہندوستان میں رابرٹ رپلے کا ایک ایسے گروہ سے بھی سابقہ پڑا تھا جن کی آنکھوں میں ایکس ریز شعاعیں جیسی خاصیت تھی۔ ان میں اسے ایک ایسا فقیر ملا جس کی نگاہیں ٹھوس اشیاء کے آر پار دیکھ سکتی تھیں۔ فقیر نے اپنے اس کمال کا مظاہرہ ڈاکٹروں کی ایک ٹیم کے سامنے کیا۔ اس کی آنکھوں کے جوف میں گندھا ہوا آٹا بھر دیا گیا اور اس کے بعد گزوں کپڑا اس کے منہ پر لپیٹ دیا گیا۔ اس کے علاوہ اسے ایک ایسی ٹوپی پہنائی گئی جس سے اس کا سر، منہ سب کچھ پوری طرح ڈھک گیا۔ اس کے باوجود وہ واضح طور پر دیکھ سکتا تھا۔
ڈاکٹروں کا کہنا ہے کہ ایکس ریز جیسی قوت رکھنے والی نگاہ نا ممکنات میں سے ہے، لیکن میڈیکل سائنس ان ایشیائی سادھوؤں جادوگروں اور شعبدہ بازوں کی قوتوں کی توجیہہ نہیں کرسکتی۔ دنیا میں ابھی بہت سی قوتیں ایسی ہیں جن کے راز ہم نہیں جانتے اور بہت سے اسرار ایسے ہیں جن پر سے ابھی تک پردہ نہیں اٹھایا جاسکا۔ مغرب کی نسبت یہ اسرار مشرق میں زیادہ پائے جاتے ہیں اور اکثر اوقات ناممکنات میں شمار ہوتے ہیں۔

***
ہندوستان میں یوگی اپنی سانس روکنے کے عمل پر بھرپور قدرت رکھتے تھے۔ جرمنی کے ایک سیاح پال ڈیوسن اپنے سفرنامے اورئینٹیرین میں بنارس کے ایک یوگی ہتھنوگا نامی کا تذکرہ کیا ہے۔ جو ایک مرتبہ اپنا سر زمین میں دفن رکھ کر 9 گھنٹے تک سر کے بل الٹا کھڑا رہا تھا۔

***
ہندوستان کے بعض یوگی سادھو لوگ عموماْ تپسّیہ (چلہ کشی)کے لیے جنگلوں اور پہاڑوں پر چلے جاتے تھے اور برفانی چوٹیوں پر منفی درجہ حرارت پر رہتے تھے۔
1930ء میں ایک فوجی انجینئر کیپٹن ہینیکر، لدّاخ میں 17000 فٹ اونچائی پر برف کے شدید طوفان سے دوچار تھا۔ درجہ حرارت نقطہ انجماد سے کہیں نیچے تھا۔ کیپٹن ہینیکر اور اس کےساتھیوں نے ایک لاما کو کپڑوں سے آزاد دیکھا جو برف کے اس طوفان میں ایک چٹان پر آلتی پالتی مارے پرسکون انداز میں بیٹھا تھا۔
دریافت کرنے پر معلوم ہوا کہ وہ مقدس مقامات کی زیارت کے لیے جا رہا تھا۔ ایسا ہی مشاہدہ 1952ء میں سوئس کوہ پیماؤں کی ایک جماعت نے کیا جب ماؤنٹ ایورسٹ کے قریب انہیں آدمیوں کا ایک گروہ نظر آیا۔
گہری کہر کی وجہ سے وہ انہیں واضح طور پر تو نہ دیکھ سکے، لیکن ان کی مبہم شکل و شباہت اور نقوش قدم سے انہوں نے اندازہ لگایا کہ یہ گروہ انہی پراسرار برفانی انسانوں کا تھا جن کا ذکر مختلف تحریروں میں پایاجاتاہے۔
***
لاہور میں ایک فقیر صاحب اللہ نامی رہتا تھا، اس نے ساری زندگی اپنا تن ڈھانپنے کے لیے لوہے کے سنگل اور آہنی زنجیریں لباس کے طور پر استعمال کی تھیں، بابا کو جہاں کوئی زنجیر یا سنگل نظر آتا اپنے جسم پر پہن لیتے۔ ان کا نام بابا سنگل شاہ پڑ گیا، عموماً پنجاب کے لوگ انہیں ‘‘سائیں کھڑ کھاڑ’’ کہہ کر پکارتے تھے، کہا جاتا ہے کہ بابا کی عمر ابھی تیرہ برس ہی کی تھی جب اس نے جگہ جگہ سے زنجیریں، لوہے کے ٹکڑے اور پتریاں جوڑ جوڑ کر اپنا لباس تیار کرنا شروع کیا، اس کے بعد وہ ساری عمر اس میں اضافہ کرتے رہے اور لوہے کے پیوند لگاتے رہے اور جب بابا فوت ہوئے تو ان کے لباس کا وزن سوا آٹھ من 330کلو کےقریب تھا۔

***
لاہور ہی میں ایک فقیر اُخمان نے اپنی زندگی کے 62 برس 1851ء سے 1913ء مسجد وزیرخان کی سیڑھیوں پر بیٹھے گزاردئے، کہا جاتا ہے کہ اسے اس کے والدین پانچ برس کی عمر میں مسجد کی سیڑھیوں پر چھوڑ گئے تھے اس وقت سے اپنی وفات تک اُخمان انہی سیڑھیوں کو اپنا گھر سمجھتا رہا۔ اس کی گذر اوقات کے لیے بھیک کے چند ٹکڑے کافی ہوا کرتے تھے اور ہر قسم کے موسم کا مقابلہ انہی سیڑھیوں پر کیا کرتا تھا اور انہی سیڑھیوں پر اس نے 1913ء میں 67 برس کی عمر میں وفات پائی ۔

***
بنگال کے ایک فقیر آگاستیہ نے اپنی زندگی کے آخری دس برس اس طرح گزارے تھے کہ اس کا ایک ہاتھ مستقلاً ہوا میں بلند رہا تھا ۔ ابتدائی تین مہینوں کے بعد فقیر آگا ستیہ کے ہاتھ میں خون کی گردش مکمل طور پر رک گئی تھی، اس کا ہاتھ لکڑی کی طرح سخت ہوگیا تھا، حتیٰ کہ اس میں ایک مرتبہ کبوتروں نے بھی اپنا گھونسلہ بنا لیاتھا۔ اگاستیہ کا انتقال 1912ء میں ہوا۔ مرنے کے بعد بھی اس کا ہاتھ سیدھا نہ کیا جاسکا۔

***
پہلے زمانے میں سادھو ، یوگی اور سنیاسیوں کو بادشاہوں کی سرپرستی حاصل ہوتی تھی۔ ہر بادشاہ کے دربار سے بازی گر، مداری، گوئیے، سپیرے وغیرہ منسلک ہوتے تھے۔ صرف نیچے درجے کے بازی گر بازاروں میں اپنے مینڈھوں یا بندروں کو طرح طرح سے نچا نچا کر کسبِ معاش کرتے تھے۔ میلوں، ٹھیلوں اور شادی بیاہ کے موقعوں پر رسی پر چلنے اور کٹھ پتلی کا ناچ دکھانے والے عام طور پر جمع ہوجاتے تھے۔
بھارت کے طول و عرض میں آج بھی اس قسم کے چٹادھاری یا ننگ دھڑنگ اور خاکستر میلے سادھوؤں کی ایک بڑی تعداد جنگلوں، دریاؤں اور پہاڑوں میں کثرت سے پائی جاتی ہے۔ موجودہ دور میں مافوق الفطرت صلاحیتیوں والے سادھو، یوگی اور سنیاسی بہت کم ہیں اور محض چند ایک خطوں تک ہی سمٹ کر رہ گئے ہیں، مگر کئی ایسے شعبدہ باز اور بازی گر ہیں جو یاتو بازاروں میں مجمع لگاتے ہیں یا کسی کلب یا اسٹیج میں فنی مظاہرے کرتے ہیں۔ دنیا ان کی شعبدہ بازیوں کو آج بھی حیرت سے دیکھتی ہے۔ سادھو اور یوگیوں کے یہ نابغہ کرشمے آج بھی سائنسدانوں کی نظر میں ناقابلِ تفہیم Occult کہلائے جاتے ہے۔

نومبر 2014ء