شکریہ

[box type=”shadow” align=”alignright” class=”” width=”600″]دنیا بھر میں ہر روز بے شمار تربیتی پروگرامز منعقد کئے جاتے ہیں ، مضامین، کالم اور کتابیں یہ بتانے کے لئے لکھی جاتی ہیں کہ کس طرح ان خواہشات کے حصول کی تکمیل کی جائے۔ زندگی بہتر انداز میں گزارنے کے لئے ہم اپنے طور پربھی کوشش اور تجربات کرتے رہتے ہیں ۔اس کے باوجودہم ایسی زندگی نہیں گزار پاتے جو انسانیت کے شایانِ شان ہو۔ہم غربت، جہالت، بے روزگاری جیسے مسائل سے دو چار ہیں ۔ ہمارے رشتوں میں محبت ، قربانی اور روا داری کا فقدان رہتا ہے۔ اچھی زندگی ہمارے لئے ایک خواب بن جاتی ہے، وہ خواب جو ہم ہر رات دیکھتے ہیں ۔زندگی ایک معمہ بن جاتی ہے ، جسے سمجھتے سمجھتے پوری زندگی گزر جاتی ہے۔ 1998 سے میرا تعلق پڑھانے اور ٹریننگز کرانے سے رہا ہے۔ اس دوران میں نے سینکڑوں لوگوں کے نقطہ نظر کو سنا، کتابیں پڑھیں اور یہ کوشش کی کوئی ایسا فارمولا ہاتھ لگ جائے جس کے باعث ہم مطلوبہ نتائج حاصل کر تے ہوئے خوشحال زندگی گزاریں ۔ ایسی زندگی جو دونوں جہانوں میں سرفراز کر دے۔میرا ایمان ہے کہ انسان جس چیز کی کوشش کرتا ہے وہ حاصل کر ہی لیتا ہے۔مجھے بھی وہ فارمولا مل گیا۔ میں اس کے بارے میں مکمل اعتماد کے ساتھ کہہ سکتا ہوں یہ کامیابی اور خوشحالی کا واحد فارمولا ہے،واحد فارمولا۔ اس سلسلۂ مضامین کا مقصد یہی ہے کہ نا صرف اُس قانون کو بیان کیا جائے بلکہ اس پر عمل کرنا آسان بنا دیا جائے تاکہ ہماری زندگی صحت ،محبت ، دولت اور خوشیوں سے بھر نے کے ساتھ ساتھ خدا کی رضا بھی حاصل کر لے ۔ محمد زبیر[/box]

تعریف کا جادو

پندرھواں دن

Feeling gratitude and not expressing it is like  wrapping a present and not giving it.  [William Arthur Ward]

‘‘شکرگزاری کا احساس ہونا مگر اظہار نہ کرنا ایسا ہے جیسے کسی کے لئے تحفے کو لپیٹ کر اپنے ہی پاس رکھ لیا جائے‘‘۔ [ولیم آرتھر وارڈ] 

فرض کریں کہ دنیا میں ایک بھی شخص ایسا نہ ہو جو آپ سے محبت کرتا ہو، جسے آپ کی پرواہ نہ ہو تو آپ کی ذہنی کیفیت کیا ہوگی؟ ….
ہم سب کے مشاہدے میں یہ بات آئی ہے کہ کچھ لوگ ایسے بھی ہوتے ہیں جنہیں جب یہ احساس ہوتاہے کہ پوری دنیا میں صرف ایک شخص ایسا ہے جو ان سے محبت نہیں کر تا ، تو اس احساس کی بدولت وہ پاگل ہو جاتے ہیں، خودکشی کر لیتے ہیں یا قتل تککر دیتے ہیں۔
زندگی سے صرف محبت نکال دیں اور پھر دیکھیں کہ کیا بچتا ہے….؟
کچھ نہیں۔
زندہ رہنے کیلئے ہمیں محبت کی ضرورت ہے اور یہ ضرورت ہماری پیدائش کے ساتھ ہی اس دنیا میں آجاتی ہے۔جن بچوں کو محبت اور محبت بھرا ماحول ملتا ہے ان کی نشونما زیادہ بہتر انداز سے ہوتی ہے۔

The best thing a father can do for his children is to love their mother. [John Wooden]

‘‘وہ بہترین کام جو ایک باپ اپنی اولاد کیلئے کرسکتا ہے وہ یہ ہے کہ ان کی ماں سے محبت کرے’’۔ [جان وڈن] 

بے شمار تحقیقات سے یہ بات ثابت ہو چکی ہے کہ انسانوں کی طرح جانوروں میں بھی یہ خواہش ہوتی ہے کہ ان سے پیار کیا جائے، ان کا خیال رکھا جائے۔ حیرت انگیز بات یہ ہے کہ انسانوں اور جانوروں کی طرح پودوں کی نشونما کہیں زیادہ بہتر انداز میں ہوسکتی ہے اگران سے محبت کے ساتھ برتاؤ کیا جائے۔
ایک تحقیق کے مطابق پودوں سے اگر محبت سے بات کی جائے تو ان کی نشونما بہتر ہوتی ہے۔*

[box type=”shadow” align=”” class=”” width=””]

*Source
www.dailymail.co.uk/news/article-478558/So-Charles-right–talk-plants-scientists-discover.html
http://www.bbc.com/earth/story/20160118-can-your-plants-really-hear-you-if-you-sing-to-them
http://www.livescience.com/29375-plants-thrive-by-talking.html
http://www.proflowers.com/blog/can-talking-to-plants-help-them-grow
http://wonderopolis.org/wonder/does-talking-to-plants-help-them-grow
http://health.howstuffworks.com/wellness/natural-medicine/alternative/prayer-healing1.htm
http://www.godandscience.org/apologetics/smj.pdf
http://www.csinmichigan.com/2011/08/prayer-changes-the-brain/
[/box]

یہ دنیا ایک اسٹیج ہے اور ہم سب اداکار۔اگر کوئی اداکار اسٹیج پر آئے اور اپنے فن کا بھرپوراظہار کرے لیکن تماشائی اس کی طرف توجہ نہ دیں، اس کی اداکاری میں دلچسپی نہ لیں اور اس کی تعریف نہ کریں تو یقیناًاسے یہی احساس ہوگا کہ لوگ اس کے کام سے مطمئن نہیں ہیں۔ اس کا نتیجہ یہ نکلے گا کہ وہ یا تو دوبارہ اسٹیج پر آئیگا ہی نہیں یا کبھی مجبورا آیا بھی توبے دلی سے اپنا کردار ادا کر کے چلا جائے گا۔ اس کے برعکس اگرکوئی شخص اسٹیج پر آئے اور ادا کاری کرے، لوگ تالیاں بجائیں، خوش ہوں تو اس کا اثر یہ ہو گا کہ اُس شخص کا اعتماد بڑھے گا، اس کے چہرے پر خوشی اور دل جوش و خروش سے بھر جائے گا۔ اب وہ ہر بار پہلے سے زیادہ اچھی کارکردگی کا مظاہرہ کرے گا اور وہ یہ سب کسی بوجھ یا مجبوری کی وجہ سے نہیں بلکہ محبت اور خوشی کے سبب کرے گا۔

A Person Who feels appreciated will always do more than what is expected. 

‘‘ایسا شخص جسے یہ محسوس ہو کہ اس کو سراہا جا رہا ہے ،وہ ہمیشہ دوسروں کی توقعات سے بڑھ کر کام کرے گا’’۔ [نامعلوم]

ہر انسان کی زندگی میں ایسے مواقع آتے ہیں جب اسے کسی کی مدد کی اشد ضرورت ہوتی ہے۔ اکثر ایسا ہوتا ہے کہ کسی نا کسی کی وجہ سے مشکل وقت ٹل جاتا ہے اور حالات ایک مرتبہ پھر معمول کے مطابق چلنے لگتے ہیں ۔ بعض اوقات حوصلہ افزائی ، محبت اور رہنمائی کے چند الفاظ سارے اندیشوں کو زائل کردیتے ہیں اور زندگی کا سفر یقین اور سکون کے ساتھ رواں دواں ہوجاتا ہے ۔ ایسے میں ہم بھول جاتے ہیں کہ آج ہم جو کچھ بھی ہیں اس میں کسی کا بہت اہم حصہ رہ چکا ہے۔ہم بھول جاتے ہیں کہ کسی نے اُس وقت روشنی دکھائی تھی جب ہاتھ کو ہاتھ سجھائی نہ دیتا تھا ، اس وقت آنسو پونچھے تھے جب دل بری طرح دکھا ہوا تھا ،اس وقت ہاتھ بڑھایا تھاجب دور دور تک کوئی سہارا نظر نہیں آرہا تھا۔ ہم سب بھول جاتے ہیں۔ ترمذی کی روایت ہے کہ نبی کریمﷺ نے ارشاد فرمایا ۔

لاَ يَشْكُرُ اللَّهَ مَنْ لاَ يَشْكُرُ النَّاسَ

‘‘وہ اللہ کا بھی شکرگزار نہیں جو لوگوں کا شکر ادا نہیں کرتا’’۔ [سنن ابو داؤد، مسند احمد]

‘‘جو لوگوں کا شکر گزار نہیں وہ اللہ کا بھی شکر گزار نہیں’’۔ [ترمذی ، کتاب البر وصلہ]

اور ابو داؤد کی روایت کے مفہوم کے مطابق نبی کریم ﷺ نے ارشاد فرمایا۔

‘‘جوکوئی تم پر احسان کرے تو اس کے ساتھ تم بھی اسی طرح احسان کرو۔ اگر تمہارے پاس اِس احسان کے بدلے میں دینے کو کچھ نہ ہو تو اس کے لئے دعا کرتے رہو ’’۔[سنن ابو داؤد]

آپ کی زندگی بدلنے والا شخص، آپ کاٹیچر ہوسکتا ہے، ماں ہوسکتی ہے، باپ ہوسکتا ہے، رشتے دار ہوسکتے ہیں یا کوئی دوست۔ وہ کوئی ڈاکٹر ہوسکتا ہے، نرس ہوسکتی ہے یا کوئی پولیس والا ۔ وہ کوئی ایسا شخص ہوسکتا ہے جس کی وجہ سے آپ کسی خاص شخص یا پیشے سے واقفیت حاصل کرسکے۔ وہ کوئی مکمل طور پر اجنبی بھی ہوسکتا ہے جو چند لمحوں کے لئے آپ کی زندگی میں نمودار ہوا ، کچھ ایسا کیا کہ آپ کی زندگی بدل گئی ، آپ کے سوچنے کا انداز بدل گیا اور پھروہ غائب ہوگیا۔
آپ کو اندازہ ہے کہ لوگوں کی نوکری چھوڑنے کی سب سے بڑی وجہ کیا ہوتی ہے؟ مختلف وجوہات ہوتی ہیں۔ کچھ کے نزدیک کم تنخواہ، کچھ کے نزدیک زیادہ سہولیات ، کچھ کے نزدیک بہتر ماحول۔لیکن ایک سروے کے مطابق کسی بھی ادارے کو 46فیصد لوگ صرف اس لئے چھوڑدیتے ہیں کہ انہیں لگتا ہے ان کے کام کو سراہا نہیں جاتا۔
وہ لوگ جنہیں کام کرنے کے پیسے ملتے ہیں، دیگر سہولیات میسر آتی ہیں، لیکن جب ان کے کام کو سراہا نہیں جاتا تو وہ کوئی دوسری ملازمت ڈھونڈلیتے ہیں۔اہم بات یہ ہے کہ جب تک انہیں دوسری ملازمت نہیں ملتی وہ غصہ اور چڑچڑے پن کا شکار رہتے ہیں،دل لگا کر کام نہیں کرپاتے۔ اب تھوڑی دیر کیلئے ان لوگوں کیلئے سوچیں جو آپ سے محبت کرتے ہیں، آپ کی زندگی بہتر بنانے کے لئے فکر مند رہتے ہیں اور آپ ان کی محبت اور خلوص کا دل سے شکریہ ادا کرنے کے بجائے خاموشی سے اپنی دنیا میں مشغول رہتے ہیں یا چاہتے ہوئے بھی شکریہ ادا نہیں کرتے۔ سوچیں ان پر کیا گزرتی ہوگی۔ وہ تو آپ کو چھوڑ کر جاتے بھی نہیں ہیں۔
آج کتنے ہی والدین ایسے ہیں جو سوچتے ہیں کہ ان کی اولاد ان سے محبت نہیں کرتی، ان سے نا راض ہے ۔ لیکن جب ان کی اولاد سے بات کی جاتی ہے تو محسوس ہوتا ہے کہ وہ خود احساس ندامت کا شکار ہیں کہ وہ اپنے والدین کو خوش نہیں رکھ پاتے، ان کی خواہشات کے مطابق عمل نہیں کر پاتے۔
ہمیں انا کے خول سے باہر آ جانا چاہئے اور دل سے شکر ادا کرنا چاہئے ان تمام چیزوں کا جو ہمارے دل میں رہتے رہتے ہمارے ساتھ ہی دفن ہو جائیں گی۔شکر گزاری کے دو بول کسی کی زندگی میں خوشیاں، اطمینان اور اعتماد بھر سکتے ہیں۔

Indifference and neglect often do much more damage than outright dislike. [J. K. Rowling, Harry Potter Writer]

‘‘لا تعلق ہونا اور نظر اندازکرنا، مکمل طور پرناپسند کرنے سے زیادہ نقصان دہ ہوتا ہے’’۔  [جےکے رالنگ، ہیری پوٹر سیریز کی مصنفہ]

آج آپ کو ان لوگوں کا شکریہ ادا کرنا ہے جنہوں نے آپ کو متاثر کیا، آپ کی زندگی میں اہم کردار ادا کیا لیکن آپ صحیح طرح ان کا احسان بھی نہیں مان سکے۔ آج دن میں کسی بھی وقت ایک پرسکون سی جگہ پر بیٹھ جائیں اور اُن دو لوگوں کے متعلق سوچیں جنہوں نے آپ کی زندگی میں غیر معمولی کردار ادا کیا ۔ جب آپ دو لوگوں کا انتخاب کرچکیں تو ایک ایک کرکے ان سے باآواز بلند گفتگو اس طرح کریں جیسے وہ آپ کے سامنے موجود ہیں ، اُنہیں بتائیں کہ آپ ان کے شکر گزار کس لئے ہیں، انہیں بتائیں کہ اگر وہ نہ ہوتے تو آپ آج اس مقام تک نہیں پہنچتے۔
اس بات کا خیال رکھیں کہ تعریف حقیقت پر مبنی ہو۔ تعریف اسی وقت اپنا اثر دکھاتی ہے جب دل کی گہرائیوں سے نکلتی ہے۔
حدیثِ شریف ہے کہ

‘‘ایماندار آدمی کی تعریف اُس کے دل میں نورِ ایمان کو ترقی ہوتی ہے’’۔ [الطبرانی فی الکبیر]

اس بات کو یقینی بنائیں کہ یہ مشق ایک ہی نشست میں مکمل ہوجائے ایسا نہ ہوکہ الگ الگ وقتوں میں مکمل کریں کیونکہ اس مشق کے ذریعہ آپ کے اندر شکر گزاری کے بہت گہرے جذبات پیداہوں گے۔
آپ کس طرح شکر ادا کرسکتے ہیں؟ ایک مثالدیکھیں ۔
‘‘خرم بھائی ، میں آپ کا بےحد شکر گزار ہوں کہ آپ کی بدولت میں اُس پروفیشن میں داخل ہوا جو بے شمار لوگوں کا محض خواب ہوتاہے۔ میڈیا کیلئے کام کرنا میری دلی خواہش تھی جو کہ آپ کی بدولت پوری ہو سکی۔ اس کے علاوہ آپ ہی کی بدولت میں نے جانا کہ ڈر کسی بھی شخص کو آگے بڑھنے نہیں دیتا اور یہ بھی سیکھا کہ ڈر خود ساختہ یعنی خود کا پیدا کردہ ہوتا ہے۔ آپ نے سکھایا کہ جیسے جیسے دل سے ڈر نکلتا جاتا ہے، اس کی جگہ محبت لے لیتی ہے۔ آپ نے محبت کرنا سکھایا۔ آپ کی وجہ سے میں ایک ایسا گروپ بنانے میں کامیاب ہوا جو لوگوں کی زندگی کو بامقصد بنا کر انہیں جینا سکھارہا ہے۔ آ پ نے مجھے سوچنا سکھایا۔
شکریہ خرم بھائی بہت بہت شکریہ ۔’’
سب سے اہم بات یہ ہے کہ آپ وہ وجہ بیان کریں جس کے لئے آپ شکر گزار ہیں۔کوشش کریں کہ زیادہ سے زیادہ الفاظ ادا کریں، کیونکہ آپ جتنے زیادہ الفاظ ادا کریں گے اتنے زیادہ بہتر نتائج سامنے آئیں گے۔
یہ شکر گزاری کی بہترین مشقوں میں سے ایک ہے۔اگر آپ بلند آواز میں بولنے کی پوزیشن میں نہیں ہیں تو یہ باتیں اس طرح لکھ لیں کہ گویا آپ انہیں خط لکھ رہے ہیں۔جیسے ہی آپ لکھ کر فارغ ہوں گے، اپنے اندر تبدیلی محسوس کریں گے۔ آپ کی شکر گزاری کے جذبے کے تناسب سے خوشی میں اضافہ ہوتا ہے ، یعنی جتنی شدت اور خلوص سے آپ شکر ادا کریں گے ، اسی مقدار میں خوشی میں اضافہ ہوتا رہے گا۔
دوسرا فائدہ یہ ہوگا کہ شکر گزاری کی طاقت اورکشش کے باعث حیر ت انگیزطور پر آپ کی زندگی میں آپ کی من پسند چیزیں آنا شروع ہوجائیںگی ۔
خوش ہونے کا فائدہ یہی ہے کہ حالات خود بخود بہتر ہونا شروع ہوجاتے ہیں اور نعمتیں خود بخود زندگی میں آنا شروع ہوجاتی ہیں ۔ یہی تو انعام ہے شکرگزاری کا ۔

What can you do right now to turn your life around?? Gratitude. [The Secret]

‘‘اس وقت آپ ایسا کیا کر سکتے ہیں کہ آپ کی زندگی مکمل طور پر تبدیل ہو جائے؟ …. شکرگزاری’’۔ [دی سیکریٹ ، کتاب]

[box type=”note” align=”alignright” class=”” width=”600″]

[پندرہواں دن ]

آج دن میں کسی بھی وقت ایک پرسکون سی جگہ پر بیٹھ جائیں اور اُن دو لوگوں کے متعلق سوچیں جنہوں نے آپ کی زندگی میں غیر معمولی کردار ادا کیا ۔ جب آپ ان لوگوں کا انتخاب کرچکیں تو ایک ایک کرکے ان سے باآواز بلند گفتگو اس طرح کریں جیسے وہ آپ کے سامنے موجود ہیں ، اُنہیں بتائیں کہ آپ ان کے شکر گزار کس لئے ہیں ،انہیں بتائیں کہ اگر وہ نہ ہوتے تو آپ آج اس مقام تک نہیں پہنچتے۔

۔۔۔۔۔۔۔نام۔۔۔۔۔۔۔          ۔۔۔۔۔۔۔شکریہ کی وجہ ۔۔۔۔۔۔۔
1۔۔۔۔۔۔۔۔۔۔۔۔۔۔۔۔۔۔۔۔۔        ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

2۔۔۔۔۔۔۔۔۔۔۔۔۔۔۔۔۔۔۔۔۔۔        ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

3۔۔۔۔۔۔۔۔۔۔۔۔۔۔۔۔۔۔۔۔۔        ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

4۔۔۔۔۔۔۔۔۔۔۔۔۔۔۔۔۔۔۔۔۔۔        ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

5۔۔۔۔۔۔۔۔۔۔۔۔۔۔۔۔۔۔۔۔۔        ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

6۔۔۔۔۔۔۔۔۔۔۔۔۔۔۔۔۔۔۔۔۔۔        ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فوائد و تاثرات:
_____________________________ _____________________________ _____________________________ _____________________________ _____________________________

ہماری پسندیدہ ٹیچر

ہماری چھوٹی سی کوشش بہت بڑی تبدیلی لا سکتی ہے، صرف دوسروں کو سراہنے سے۔ یہ کہنا ہے باربرا  گلانز Barbara Glanz   کا….  

باربرا گلانز لوگوں کی تربیت اور ان کی زندگی بہتر بنانے کے لیے مختلف پروگرامز کرواتی ہیں۔  باربرا اپنی کتاب  The Simple Truths of Appreciation میں لکھتی ہیں کہ   میں ‘‘تعریف ’’کے بارے میں  جب بھی بات کرتی ہوں تو  البرٹ شویتزر کا یہ قول ضرور  استعمال کرتی ہوں۔

In everyone’s life, at some time, our inner fire goes out.
It is then burst into flame by an encounter with another human being.
We should all be thankful for those people who rekindle the inner spirit. [Albert Schweitzer]

‘‘سب کی زندگی میں کبھی کبھی ایسا ہوتا ہے کہ ہمارے اندر کی آگ جلنا بند ہو جاتی ہے، لیکن پھر ہمیں کوئی ایسا شخص مل جاتا ہے جو اس بجھتی آگ کو شعلہ میں بدل دیتاہے. ہمیں ایسے لوگوں کا شکریہ ادا کرنا چاہئے جو ہمارے باطنی نور کو جگاتے ہیں’’۔ [البرٹ شویتزر، فرانسیسی مفکر]

پھر میں اپنی تربیتی ورک شاپس میں اکثر اپنے حاضرین سے کہتی ہوں کہ وہ اپنی آنکھیں بند کریں اور اس شخص کے متعلق سوچیں جو زندگی کے کسی پل ان کی زندگی میں اہم تبدیلی لا یا ہو۔ جس نے ان کے باطن کے نور کو جگا یا ہو۔ لوگوں کے لیے یہ ہمیشہ خوشی سے بھر پور اور خوبصورت تجربہ ہوتا ہے کیونکہ شرکاء کو اکثر وہ لوگ یا د آجاتے ہیں جنہوں نے ان کا اس وقت حوصلہ بڑھایا تھا جب انہیں کسی اپنے کی شدید ضرورت تھی۔
اس کے بعد میں کہتی ہوں کہ اب ایک کاغذ پر اس شخص کا نام لکھیں جس کے بارے میں آپ نے سوچا ہے اور اس کی قدردانی کے متعلق اگلے 72 گھنٹوںمیں اسے بتائیں، چاہے اُسے فون کریں ، نوٹ یا خط لکھیں، اور اگر وہ زندہ نہیں ہیں تو اس کے لیے دُعا کریں۔

ایک دن ایسے ہی ایک سیشن کے دوران ایک شخص نے باربرا کا شکریہ ادا کیا کیونکہ اس مشق کے دوران اسے وہ وقت یاد آ گیا تھا جو اس کے لئے بہت قیمتی تھا۔ اسے اپنی آٹھویں جماعت کی ادب Literature کی ٹیچر یاد آگئی تھیں جن کی محبت اور توجہ کی بدولت وہ کسی قابل بن سکا تھا۔ اس شخص نے فیصلہ کر لیا کہ وہ انہیں تلاش کرے گا اور ان کا شکریہ ادا کرے گا۔ کچھ ماہ بعد اس نے باربرا کو فون کر کے بتایا کہ اُس نے ٹیچر کو خط لکھ دیا ہے۔انہیں خط مل گیا اور پھر اگلے ہفتے انہوں نے خط کا جواب بھی دے دیا۔ جواب کچھ یوں تھا:

Dear John,
You will never know how much your letter meant to me. I am 83 years old, and I am living all alone in one room. My friends are all gone. My family’s gone. I taught 50 years and yours is the first “thank you” letter I have ever gotten from a student. Sometimes I wonder what I did with my life. I will read and reread your letter until the day I die.

ڈیئر جان، تم اندازہ نہیں کر سکتے کہ تمہارا خط میرے لئے کیا اہمیت رکھتا ہے۔ میری عمر 83 سال ہو چکی ہے اور میں ایک کمرے میں تنہا رہ رہی ہوں۔ میرے سب دوست مرچکے ہیں۔ میری فیملی بھی اب میرے ساتھ نہیں ہے۔ میں نے پچاس سال پڑھانے میں صرف کئے لیکن پہلی مرتبہ کسی نے مجھے ‘‘شکریہ’’ کا خط لکھا ہے۔ تمہارا خط دیکھ کر مجھے حیرت ہوتی ہے کہ میں نے اپنی زندگی میں اتنے اہم کام بھی کئے ہیں۔میں نے تمہارا خط ایک بار نہیں بار بار پڑھا ہے اور اس وقت تک پڑھتی رہوں گی جب تک مجھے موت نہیں آجاتی۔

یہ بتاتے ہوئے جان فون پر بہت جذباتی ہو جاتا ہے۔ کہتا ہے :
‘‘وہ ہماری واحد ٹیچر ہیں جن کے متعلق ہم دوست جب بھی ملتے ہیں تذکرہ ضرور کرتے ہیں۔ وہ سب کی پسندیدہ ترین ٹیچر تھیں۔ ہم ان سے محبت کرتے تھے لیکن اس خط سے پہلے کسی نے کبھی ان سے ذکر تک نہیں کیا تھا۔کبھی کسی نے محبت کا اظہار تک نہیں کیا تھا۔ ’’
ہمارے اساتذہ، والدین، باس اور دیگر راہنما ہستیاں، ان کی وجہ سے ہماری زندگی میں کیا تبدیلیاں ہوئی ہیں ، اس کے بارے میں جان کر انہیں بہت خوشی ملتی ہے۔ آپ کی زندگی میں تبدیلی لانے کے لیے ان کو سادہ سچائیوں میں شکریہ کا ایک چھوٹا سا تعریفی نوٹ ضرور ارسال کریں!

 Source : http://barbaraglanz.com/2010/04/teacher-appreciation-week/

****

The deepest craving of human nature is the need to be appreciated. [William James]

انسانی فطرت کی سب سے گہری خواہش یہ ہے کہ اسے سراہا جائے۔ [ولیم جیمز]

(جاری ہے)

جنوری 2017ء

[box type=”shadow” align=”alignright” class=”” width=”600″]دنیا بھر میں ہر روز بے شمار تربیتی پروگرامز منعقد کئے جاتے ہیں ، مضامین، کالم اور کتابیں یہ بتانے کے لئے لکھی جاتی ہیں کہ کس طرح ان خواہشات کے حصول کی تکمیل کی جائے۔ زندگی بہتر انداز میں گزارنے کے لئے ہم اپنے طور پربھی کوشش اور تجربات کرتے رہتے ہیں ۔اس کے باوجودہم ایسی زندگی نہیں گزار پاتے جو انسانیت کے شایانِ شان ہو۔ہم غربت، جہالت، بے روزگاری جیسے مسائل سے دو چار ہیں ۔ ہمارے رشتوں میں محبت ، قربانی اور روا داری کا فقدان رہتا ہے۔ اچھی زندگی ہمارے لئے ایک خواب بن جاتی ہے، وہ خواب جو ہم ہر رات دیکھتے ہیں ۔زندگی ایک معمہ بن جاتی ہے ، جسے سمجھتے سمجھتے پوری زندگی گزر جاتی ہے۔ 1998 سے میرا تعلق پڑھانے اور ٹریننگز کرانے سے رہا ہے۔ اس دوران میں نے سینکڑوں لوگوں کے نقطہ نظر کو سنا، کتابیں پڑھیں اور یہ کوشش کی کوئی ایسا فارمولا ہاتھ لگ جائے جس کے باعث ہم مطلوبہ نتائج حاصل کر تے ہوئے خوشحال زندگی گزاریں ۔ ایسی زندگی جو دونوں جہانوں میں سرفراز کر دے۔میرا ایمان ہے کہ انسان جس چیز کی کوشش کرتا ہے وہ حاصل کر ہی لیتا ہے۔مجھے بھی وہ فارمولا مل گیا۔ میں اس کے بارے میں مکمل اعتماد کے ساتھ کہہ سکتا ہوں یہ کامیابی اور خوشحالی کا واحد فارمولا ہے،واحد فارمولا۔ اس سلسلۂ مضامین کا مقصد یہی ہے کہ نا صرف اُس قانون کو بیان کیا جائے بلکہ اس پر عمل کرنا آسان بنا دیا جائے تاکہ ہماری زندگی صحت ،محبت ، دولت اور خوشیوں سے بھر نے کے ساتھ ساتھ خدا کی رضا بھی حاصل کر لے ۔ محمد زبیر[/box]

بلوں کی ادائیگی کے لئے شکریہ

تیرہواں دن

ہم سب زندگی سے کیا چاہتے ہیں ۔؟
تھوڑازیادہ ۔
‘‘ایک لمحے کے لئے سوچیں کہ آپ کیا چاہتے ہیں۔ ’’ ا کثر لوگوں سے جب یہ سوال کیا گیا تو ان کے جوابات کا مجموعہ یہ تھا:
زیادہ پیسے…. تاکہ زندگی سے زیادہ سے زیادہ فائدے حاصل کئے جائیں۔
ایک بڑا سا گھر….زیادہ عزت….
زیادہ اچھی ملازمت یا زیادہ کامیابکاروبار….
زیادہ محبت…. زیادہ چھٹیاں ….
زیادہ خوشیاں….
آپ اپنوں کے لیے تھوڑا زیادہ کرنے کی خواہش رکھتے ہیں، انہیں زیادہ آسائشیں دینا چاہتے ہیں…. انہیں زیادہ تحفظ دینا چاہتے ہیں …. ان کے ساتھ زیادہ وقت گزارنا چاہتے ہیں…. آپ زیادہ طویل زندگی گزارنا چاہتے ہیں ….زیادہ صحت بھی چاہتے ہیں …. زیادہ سفر کرنا چاہتے ہیں …. آپ اپنی اولاد کو یا بہن بھائیوں کو تھوڑا زیادہ دینا چاہتے ہیں …. زیادہ اچھی تعلیم …. زیادہ تفریح کے مواقع…. زیادہ خوشحالی اور کامیابی….
لیکن دے نہیں پاتے ، کیوں….؟
ہماری اکثریت کے لئے اچھی زندگی ایک خواب بن گئی ہے۔ آخر کیوں ….؟ آخر کیوں ہماری اکثریت کی زندگی عذاب بن گئی ہے۔
عذاب محض یہی نہیں ہے کہ آسمان سے آگ برسادی جائے، زمین کو الٹ دیا جائے یا چہروں کو بگاڑدیا جائے۔ عذاب یہ بھی ہے کہ بھوک اور خوف مسلط ہو جائیں…. رشتوں سے محبت اورجسم سے تندرستی سلب ہوجائے…. عزت اور سکون چھن جائے اور سب سے بڑھ کر خدا کی رحمت اور ہدایت سے محروم ہوجائے۔
خدا کی رحمت اور ہدایت سے محرومی سے بڑا عذاب کوئی اور نہیں۔عذاب چاہے کسی بھی صورت میں ہو انسان کے اپنے ہاتھ کی کمائی ہے۔ اللہ رب العزت تو رحمت ہی رحمت ہے۔ قرآنِ کریم میں ارشادِ باری ہے:

‘‘اللہ تم کو عذاب دے کر کیا کرے گا اگر تم شکر ادا کرو اور ایمان لے آؤ۔ اللہ قدردان اور داناہے’’۔  [سورۂ نساء:آیت147]

عذاب ہوتا ہی اس وقت ہے جب نعمتوں کی ناشکری کی جائے۔ شکر گزار شخص تو سکون اور فراوانی میں زندگی گزارتا ہے۔ عذاب کی سب سے بڑی وجہ ناشکری ہے۔ اس کی متعدد مثالیں قرآنِ حکیم میں بیان کی گئی ہیں۔ سورۃ النحل کی آیت نمبر112 میں ارشاد ہے:

‘‘اور اللہ ایک گاؤں کی مثال بیان فرماتا ہے کہ وہاں کے لوگ (ہرطرح) امن اور اطمینان کے ساتھ تھے، ہر طرف سے با فراغت ان کا رزق ان کے پاس چلا آتا تھا، پھر انہوں نے اللہ کی نعمتوں کی ناشکری کی تو ان کے کرتوتوں کے بدلے میں اللہ نے ان کو مزہ بھی چکھا دیا کہ بھوک اور خوف کو ان کا اوڑھنا بچھونا بنا دیا’’۔ [سور‏هٔ نحل:آیت 112]

ہماری اکثر ضروریات پیسوں سے ہی پوری ہو سکتی ہیں، لیکن ہمارے پاس پیسہ نہیں ہے۔ پیسے کیلئے بھائی بھائی کا دشمن ہو جاتا ہے، پیسے کیلئے برسوں پرانی دوستیاں دشمنی میں بدل جاتی ہیں۔ پیسوں کیلئے انسان انسان کی تذلیل کرتا ہے، پیسوں کیلئے انسان دوسرے انسان کو اس کے جائز حق سے محروم کر دیتا ہے۔ پیسوں کی وجہ سے انسان خود کشی کرتا ہے اور پیسوں کیلئے ہی وہ اپنے اور پرائے کی جان تک لے لیتا ہے۔ یہی پیسہ اور زیادہ آجائے تو انسان صحت مند غذا استعمال کر لے، اپنی اولاد کو بہتر تعلیم دلوادے، اپنوں کی زندگی جوش و خروش اور خوشیوں سے بھر دے، اپنی مرضی کی کتابیں پڑھ لے، اپنی پسند کی دنیا گھوم لے لیکن وہ ایسا نہیں کر پاتا۔
کیوں؟
کیونکہ اس کے پاس پیسہ ہی نہیں ہے۔
کیا واقعی ہمارے پاس پیسہ نہیں ہے….؟؟؟
اس بات کو آپ اس مثال سے سمجھیں :
ایک فقیر ایک چوراہے پرایک لکڑی کی پیٹی پر بیٹھ کر آنے جانے والوں سے بھیک مانگا کرتا تھا۔ ایک روز ایک شخص اس سے سوال کرتا ہے کہ اس پیٹی میں کیا ہے۔ فقیر جواب دیتا ہے،’’پتہ نہیں۔ میرے باپ دادا اس پیٹی پر بیٹھ کر اسی طرح بھیک مانگتے رہے ہیں۔ نہ انہوں نے کبھی کھولا اور نہ ہی میں نے کبھی دیکھا کہ اس میں کیا ہے۔‘‘
اس شخص کو حیرت ہوئی ،‘‘پھر تم اسے کھول کر دیکھتے کیوں نہیں ہو…..؟’’
‘‘جاؤ جاؤ اپنا کام کرو۔ مجھے نہیں دیکھنا کہ اس میں کیا ہے۔’’
اس شخص نے جب بے حد اصرار کیا اور ٹلنے کا نام نہیں لیا تو فقیر نے جان چھڑانے کیلئے نا چاہتے ہوئے پیٹی کا تالا توڑ ڈالا۔ تالا توڑتے ہی اس کی چیخ نکل گئی۔ پیٹی سونے سے بھری ہوئی تھی۔
ہمیں لگتا ہے…. ہمیں لگتا ہے کہ پیسہ نہیں ہے۔ پیسہ ہماری دسترس میں ہوتاہے اور ہمارے پاس آنے کیلئے بیتاب ہوتا ہے لیکن ہم ناشکری کر کے اس کا رخ کسی اور جانب موڑ دیتے ہیں۔ ہم خزانے کو تالے میں بند کر کے چھوٹی چھوٹی ضرورتوں کیلئے ادھر ادھر پریشانی کے عالم میں بھٹکتے رہتے ہیں۔اس تالے کو شکرگزاری کے ذریعے کھولنا شروع کر دیں۔ہم یہ عمل یعنی شکر بار بار کرتے رہیں۔ اللہ نے تو واضح طور پر ارشاد فرما دیا ہے :

‘‘اگر تم شکرگزاری کروگے تو بیشک میں تمہیں زیادہ دوں گااور اگر تم نا شکری کروگے تو یقیناًمیرا عذاب بہت سخت ہے’’۔[سورهٔ ابراہیم:آیت 7 ]

شکر گزاری دولت ہے اور شکوہ و شکایت افلاس۔ اسے آپ اپنی زندگی کا سنہرا اصول بنالیں۔
آج کی مشق کے بعد آپ کے لئے شکر گزاری کے بہت سارے در خود بخود کھل جائیں گے۔ آپ کو احساس ہوگا کہ ہم کس کس طرح ناشکری کر رہے ہیں اور شکر گزاری کے ذریعے کس طرح قدرت کے قانونِ دو لت کو اپنے لئے استعمال کرسکتے ہیں ۔ آپ کو بہت سے لوگ ایسے بھی ملیں گے جو بتائیں گے کہ وہ اللہ کا شکر ادا کرتے ہیں پھر بھی ان کے حالات تبدیل نہیں ہوتے۔یہ وہ لوگ ہوتے ہیں جو غیر شعوری طور پر اللہ کی ، اس کے بندوں کی یا حالات کی نا شکری کے مرتکب ہو رہے ہوتے ہیں۔
یہ بات بھی ذہن نشین کرنا بہت ضروری ہے کہ اگرکسی کے ہم پر احسانات ہوں اور ہم ان احسانات کے لئے شکریہ کے الفاظ ادا نہ کریں یا ہمیں احساس نہ ہو کہ وہ ہم پر احسانات کر رہا ہے تو یہ بھی ناشکری ہے۔ یہی کچھ ہم پیسوں کے معاملہ میں بھی کرتے ہیں۔ کوئی شکوہ، منفی خیال، حسد یا پریشان کن الفاظ اور خیالات ہمیں مزید غریب کردیتے ہیں۔
ہمیں پاؤلو کوئیلو کے وہ الفاظ یاد رکھنے چاہئیں جو اس نے اپنی مشہور زمانہ ناول الکیمسٹ میں لکھے تھے۔ یہ وہی ناول ہے جسے ‘‘گنیز بک آف ریکارڈ ’’ میں دنیا کی تاریخ میں سب سے زیادہ پڑھی جانے والی کتابوں کی فہرست میں شمار کیا ہے ۔

Every blessing ignored becomes a curse. ~Paulo Coelho

‘‘ہر وہ نعمت جسے نظر انداز کیا جائے ،زحمت بن جاتی ہے’’۔ [پاؤلو کوئیلو]

آ ج کے دن کی مشق کی رہنمائی ہمیں اس شخص سے ملتی ہے جو 80 سال کی عمر کو پہنچ گیاتھا۔ بڑھاپا اپنے عروج پر تھا۔ عمر کے ا س حصے میں چلنا پھرنا دوبھر ہو گیا، کھانا پینا دشوار ہوگیا۔ پھر ایک دن اچانک اس کی سانسیں اکھڑنا شروع ہو گئیں۔ اس شخص کو فوراً ہسپتال میں داخل کروا دیاگیا۔ ڈاکٹروں نے ایمرجنسی میں آپریشن کیا جو کامیاب رہا۔
ہسپتال سے ڈسچارج ہوتے وقت ڈاکٹر نے بوڑھے شخص کو بل تھما دیا جس پر ہسپتال میں قیام کے دوران ہوئے تمام اخراجات درج تھے۔بل دیکھ کر بوڑھا شخص رونے لگا…. ڈاکٹر نے کہا:
‘‘اگر بل دینا آپ کے بس میں نہیں ہے تو کوئی بات نہیں، ہم اس کا متبادل بندوبست بھی کر سکتے ہیں’’۔
بوڑھے شخص نے کہا، ‘‘میرے چار بیٹے ہیں اوریہ بل میرے لئے کوئی بڑی بات نہیں۔ میں اس لئے نہیں رویا کہ میں بل ادا نہیں کر سکتا بلکہ میں اس لئے رو رہا ہوں کہ میرے رب نے مجھے 80 سال بےشمار نعمتوں سے نوازا لیکن آج تک میرے ہاتھ میں کوئی بل نہیں تھمایا!!’’
عام لوگوں کے ساتھ مسئلہ یہ ہوتا ہے کہ جب انہیں مختلف بلز ادا کرنے ہوتے ہیں تو وہ پریشان ہوجاتے ہیں ۔ پریشانی کا نتیجہ یہ نکلتا ہے کہ منفی خیالات پورے ذہن پر چھا جاتے ہیں اورمنفی سوچ ناشکری ہے۔
یاد رکھیں….! اب آپ عام انسان نہیں رہے ہیں پچھلے تیرہ مضامین سے آپ یہی سیکھ رہے ہیں کہ ہر طرح کے حالات میں شکر ادا کرنا کتنا ضروری ہے اور ہر طرح کے حالات میں آپ کیسے شکر ادا کرسکتے ہیں۔ عام لوگ جب بھی بجلی، پانی، فون، گیس وغیرہ کا بل دیکھتے ہیں تو جھنجھلاہٹ میں مبتلا ہوجاتے ہیں۔ لیکن اب آپ ایسا نہیں کریں گے کیونکہ آپ سیکھ چکے ہیں کہ اس طرح مسائل مزید بڑھ جائیں گے اور حالات اوربھی خراب ہوجائیں گے۔
اب جب بھی آپ کے پاس بل آئے تو سب سے پہلے شکر ادا کریں۔ اکثر لوگوں کو یہ بات عجیب لگتی ہے کہ بل دیکھ کر شکر کیوں اور کیسے ادا کیا جائے۔ بہت آسان ہے۔ سوچیں…. جس چیز کا آپ کو بل ملا ہے اس کے بدلے آپ کو کتنی آسانیاں ملی ہیں۔ فرض کریں آپ کو بجلی کا بل موصول ہوا ہے۔ اگر آپ سے کہاجائے کہ اب آپ کے پاس کبھی بھی بجلی کا بل نہیں آئے گا لیکن بجلی بھی فراہم نہیں کی جائے گی تو آپ کی کیفیت کیا ہوگی۔ اس بجلی سے آپ کی زندگی میں کتنی آسانی ہے۔ آپ ایک بٹن دباتے ہیں اور گھر روشن ہوجاتا ہے۔ کمرہ ٹھنڈا یا گرم ہوجاتا ہے، ٹی وی آن ہوجاتا ہے، فریج، واشنگ مشین، استری اور دیگر بہت سارے کام اس بجلی کی بدولت ہو جاتے ہیں۔ کیا کبھی آپ نے ان تمام چیزوں کیلئے شکر ادا کیا۔
اسی طرح گیس کا بل، انٹر نیٹ کا بل، کیبل ٹی وی کا بل۔ گھر کا کرایہ ہو یا بچوں کے اسکول کی فیس ، کوئی بھی ادائیگی ہو، سوچیں ان بلو ں کی بدولت ہی تو زندگی خوبصورت ہے۔ اگر زندگی سے بل والی چیزں نکال دی جائیں تو ہمارا کیا حال ہو…..؟
سوچیں زندگی میں اللہ نے کتنی ہی مرتبہ آپ کو اس قابل بنایا کہ آپ بِل ادا کرسکیں۔ تعلیم سے لے کر تفریح تک اور بنیادی ضرورتوں سے لے کر آسائشوں تک آپ ہرہر بِل ادا کرتے رہے، آج ان تمام بلوں کا شکریہ ادا کریں۔ آج گھر یا آفس میں رکھے ہوئے بلوں میں سے دس بل نکالیں اور ان پر لکھیں
‘‘شکریہ …. ادا کردیا گیا ’’
اور اگر آپ کے بل آن لائن آتے ہیں تو انہیں خود کو فارورڈ کریں اور Subject میں لکھیں Thank you for the money
آج کے بعد اپنی عادت بنالیں کہ جب بھی آپ کے پاس بل آئے یا پرانا بل نظر سے گزرے مسکرائیں اور کہیں…. شکریہ! ادا کردیا گیا۔

[box type=”note” align=”alignright” class=”” width=”600″]

[تیرہواں دن ]

آج گھر یا آفس میں رکھے ہوئے بلوں میں سے دس بل نکالیں اور ان پر لکھیں
‘‘شکریہ …. ادا کردیا گیا ’’
کچھ ایسے بلز اگر آپ کے پاس ہوں جن سے آپ کی حسین یادیں جڑی ہوئی ہوں، ان کے متعلق سوچیں یامختصراً لکھ لیں ۔(حج عمرہ زیارت، گھروالوں کے ساتھ ویکیشن، آفس کی جانب سے کسی ملکی یا بین الاقوامی دورے کے بلز وغیرہ)

۔۔۔۔۔۔۔بلز Bills۔۔۔۔۔۔۔          ۔۔۔۔۔۔۔یادگار لمحات۔۔۔۔۔۔۔
1۔۔۔۔۔۔۔۔۔۔۔۔۔۔۔۔۔۔۔۔۔        ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

2۔۔۔۔۔۔۔۔۔۔۔۔۔۔۔۔۔۔۔۔۔۔        ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

3۔۔۔۔۔۔۔۔۔۔۔۔۔۔۔۔۔۔۔۔۔        ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

4۔۔۔۔۔۔۔۔۔۔۔۔۔۔۔۔۔۔۔۔۔۔        ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

5۔۔۔۔۔۔۔۔۔۔۔۔۔۔۔۔۔۔۔۔۔        ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

6۔۔۔۔۔۔۔۔۔۔۔۔۔۔۔۔۔۔۔۔۔۔        ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فوائد و تاثرات:
_____________________________ _____________________________ _____________________________ _____________________________ _____________________________

بحری جہاز کا انجن

آپ نے یقیناًاُس بڑے بحری جہاز کی کہانی سنی ہوگی جس کا انجن فیل ہوگیا تھا۔
ایک دفعہ ایک بڑے بحری جہاز کا انجن فیل ہو گیا۔ جہاز کے مالک اس نے یکے بعد دیگرے ماہرین سے انجن فعال کرانے کی کوشش کی مگر ان میں سے کوئی بھی اسے ٹھیک نہ کر سکا۔ ایک کے بعد ایک مکینک آتا، مختلف تجربات کرتا اور معذرت کرکے چلا جاتا۔

اس جہاز کے دو مالکان تھے، دونوں ہی پریشان ہو گئے کیونکہ اگر جہاز وقت پر روانہ نہ ہو سکا تو دونوں کنگال ہو جائیں گے۔ اسی دوران ایک ایسے عمر دراز شخص کو انجن ٹھیک کرنے کیلئے لایا گیا جو بچپن سے ہی یہ کام کر رہا تھا۔
اس کے پاس اوزاروں کا ایک بہت بڑا تھیلا تھا۔اس نے پہنچتے ہی کام شروع کر دیا۔
سب سے پہلے تو اس نے اوپر سے نیچے ، دائیں سے بائیں انجن کا باریک بینی سے معائنہ کیا۔جہاز کے دونوں مالکان بھی وہیں موجود تھے اور حیرت کے ساتھ دیکھ رہے تھے کہ یہ مکینک جانتا بھی ہے کہ اسے کیا کرنا ہے۔سب کچھ جانچنے کے بعد بوڑھا آدمی اپنے بیگ کے پاس گیا اور ایک چھوٹا ہتھوڑا نکالااور ایک مخصوص جگہ ہلکی سی ضرب لگائی۔ایسا کرتے ہی انجن میں جان پڑ گئی۔اس نے سکون سے ہتھوڑااپنے بیگ میں رکھااور ایک طرف کھڑا ہو گیا۔ انجن اب کام کر رہا تھا۔

ایک ہفتے کے بعد جہاز کے مالک کو پچاس ہزار روپے کا بِل موصول ہوا۔
‘‘کیا!’’ مالک چیخ پڑا۔ ‘‘اتنے سے کام کے پچاس ہزار روپے؟ ’’
لہذا مالک نے اسے نوٹ لکھا، ‘‘برائے مہربانی بِل میں تفصیلات واضح کردیں۔’’
اس بار بوڑھے آدمی نے بل دوبارہ بھیجا جس میں تفصیلات کچھ اس طرح سے تھیں:
ہتھوڑے سے ضرب لگانے کے ………………….. 2 روپے
یہ جاننے کیلئے کہ ضرب کہاں لگانی ہے……….49,998 روپے

 …

“Effort is important, but knowing where to make an effort makes all the difference! ”

‘کوشش بہت اہم ہے۔ لیکن اس سے بھی زیادہ اہم یہ جاننا ہے کہ کوشش کس سمت میں کی جائے، اس بات کے یقین کے بعد ہی کوئی کوشش ثمر آور ثابت ہوتی ہے۔ 

(جاری ہے)

نومبر 2016ء

[box type=”shadow” align=”alignright” class=”” width=”600″]دنیا بھر میں ہر روز بے شمار تربیتی پروگرامز منعقد کئے جاتے ہیں ، مضامین، کالم اور کتابیں یہ بتانے کے لئے لکھی جاتی ہیں کہ کس طرح ان خواہشات کے حصول کی تکمیل کی جائے۔ زندگی بہتر انداز میں گزارنے کے لئے ہم اپنے طور پربھی کوشش اور تجربات کرتے رہتے ہیں ۔اس کے باوجودہم ایسی زندگی نہیں گزار پاتے جو انسانیت کے شایانِ شان ہو۔ہم غربت، جہالت، بے روزگاری جیسے مسائل سے دو چار ہیں ۔ ہمارے رشتوں میں محبت ، قربانی اور روا داری کا فقدان رہتا ہے۔ اچھی زندگی ہمارے لئے ایک خواب بن جاتی ہے، وہ خواب جو ہم ہر رات دیکھتے ہیں ۔زندگی ایک معمہ بن جاتی ہے ، جسے سمجھتے سمجھتے پوری زندگی گزر جاتی ہے۔ 1998 سے میرا تعلق پڑھانے اور ٹریننگز کرانے سے رہا ہے۔ اس دوران میں نے سینکڑوں لوگوں کے نقطہ نظر کو سنا، کتابیں پڑھیں اور یہ کوشش کی کوئی ایسا فارمولا ہاتھ لگ جائے جس کے باعث ہم مطلوبہ نتائج حاصل کر تے ہوئے خوشحال زندگی گزاریں ۔ ایسی زندگی جو دونوں جہانوں میں سرفراز کر دے۔میرا ایمان ہے کہ انسان جس چیز کی کوشش کرتا ہے وہ حاصل کر ہی لیتا ہے۔مجھے بھی وہ فارمولا مل گیا۔ میں اس کے بارے میں مکمل اعتماد کے ساتھ کہہ سکتا ہوں یہ کامیابی اور خوشحالی کا واحد فارمولا ہے،واحد فارمولا۔ اس سلسلۂ مضامین کا مقصد یہی ہے کہ نا صرف اُس قانون کو بیان کیا جائے بلکہ اس پر عمل کرنا آسان بنا دیا جائے تاکہ ہماری زندگی صحت ،محبت ، دولت اور خوشیوں سے بھر نے کے ساتھ ساتھ خدا کی رضا بھی حاصل کر لے ۔ محمد زبیر[/box]

دوسروں کی خوشی میں خوشی
حسد کا علاج

بارہواں دن

ہمارے تعلقات کسی کے ساتھ خراب کیوں ہوتے ہیں؟
ایسا کیوں ہوتا ہے کہ کسی کے ساتھ آپ کے تعلقات طویل عرصے تک خوشگوار رہتے ہیں، آپ اس کے ساتھ خوشی اور غم ہر طرح کے حالات ساتھ گزارتے ہیں، اس پر بھروسہ کرتے ہیں، اس کی مدد کرتے ہیں لیکن پھر ایک وقت آتا ہے سب کچھ ختمہوجاتا ہے….؟
اب آپ اس سے ملنا تو در کنار سامنا بھی نہیں کرنا چاہتے۔ یا اگر آپ ملنا بھی چاہیں تو وہ ملنا نہیں چاہتا۔ کبھی آپ کسی سے ملنا نہیں چاہتے تو کبھی کوئی آپ سے ملنا نہیں چاہتا۔
ایسا کیوں ہوتا ہے؟ محبت نفرت میں اور دوستی دشمنی میں کیوں بدل جاتی ہے….؟
ایسا کیوں ہوتا ہے کہ جس سے بات کئے بغیر چین نہیں ملتا تھا، اب اس کا تذکرہ ، اس کی موجودگی یا اس کا خیال بے کیف کر دیتا ہے؟
ایسا اس لیے ہوتا ہے کہ ….
ہم شکرگزاری کے راستے کو چھوڑ کر ناشکری کے راستے پر چل پڑتے ہیں۔
پہلے دوستی اندھی تھی، دوست کی خامیوں کی طرف سے۔اندھی اب بھی ہے مگر دوست کی خوبیوں کی طرف سے۔
پہلے اس کی بھلائی اور کامیابی کیلئے دعا کی جاتی تھی۔ اب اگر بد دعا نہیں کی جاتی تو دعا ؤں میں بھی یاد نہیں کیا جاتا۔ بہت کم لوگ اتنے اعلیٰ کردار کے حامل ہوتے ہیں جوبرا کرنے والوں کیلئے بھی دعا کرتے ہیں۔ ہم عام انسان تو ایسا سوچتے بھی نہیں۔

میرا اس شہرِ عداوت میں بسیرا ہے جہاں
لوگ سجدوں میں بھی لوگوں کا براسوچتے ہیں

اور جب ہم اچھا نہیں سوچتے ، ان لوگوں کیلئے دعا نہیں کرتے ، تو ہم در حقیقت نا شکری کے مرتکب ہوتے ہیں۔ہم ان تمام اچھائیوں کو بھول جاتے ہیں جو ہمارے ساتھ عرصہ دراز تک کی جاتی رہی ہیں۔
ہم ان تمام لمحات کو فراموش کر دیتے ہیں جو ہماری زندگی کے یادگار ترین لمحات تھے۔ ہم ان دنوں کو بھی بھول جاتے ہیں جب ہمیں دوست کی مدد کرنے کا موقع ملا تھا اور مدد کرنے کے بعد دل خوشی سے لبریز تھا۔یہ سب کچھ بھلا کر ہم در حقیقت بہت بڑی نا شکری کر رہے ہوتے ہیں۔
غلطیاں سب کرتے ہیں اور غلطی کرنے کے بعد ہم خود کو معاف بھی کر دیتے ہیں تاکہ اپنی نظر میں ہماری عزت بنی رہے۔ غلطیاں کرنے کے بعد اللہ سے بھی دعا کرتے ہیں اور امید کرتے ہیں کہ ہماری دعاؤں کو اللہ تبارک وتعالیٰ قبول فرمائے گا کیونکہ وہ ہم سے محبت کرتا ہے اور غلطیوں پر درگزرفرماتاہے۔
جب ہم خود کو معاف کر دیتے ہیں اور اللہ سے بھی معافی کے طلبگار ہوتے ہیں تو کسی کو دل سے معاف کرنے میں اتنے تذبذب کاشکار کیوںہوتےہیں….؟
کیوں دل کو صاف نہیں کر لیتے….؟
کیوں ان اعلیٰ کردار کے حامل لوگوں میں شامل نہیں ہو جاتے جو گالیاں دینے والوں کو دعائیں اور راہ میں رکاوٹیں کھڑی کرنے والوں کیلئے خوشگوار سفر کی تمنا کرتے ہیں۔
اپنے دوستوں اور دشمنوں کیلئے دعائیں کرنے سے انہیں تو فائدہ پہنچتا ہی ہے ،آپ بھی اللہ کی کرم نوازی میں برابر کے حصے دار بن جاتے ہیں۔
ہماری خوشگوار زندگی کی راہ میں ایک بہت بڑی رکاوٹ ‘‘حسد’’ ہے۔ یہ ہمیں ہمارے مقصد سے ہٹا کر غیر ضروری باتوں اور نا مناسب کاموں کی جانب دھکیل دیتا ہے۔ فرحت عباس شاہ کہتے ہیں

‘‘جس نے حسد پر قابو پا لیا اس نے گویا اپنے اندر بیٹھے ایک شیطان پر قابو پا لیا، حسد انسان کا اس وقت تک پیچھا کرتا رہتا ہے جب تک وہ اسے پلٹ کر مار نہ دے ۔ اور یہ ایک بار مارنے سے بھی نہیں مرتا، اسے بار بار مارنا پڑتا ہے۔اس کا علاج محنت، قناعت اور شکر میں رکھاگیا ہے۔’’

کسی مفکر کا قول ہے:

‘‘ جہالت احساسِ کمتری پیدا کرتی ہے اوراحساسِ کمتری حسد کو جنم دیتی ہے۔حسد جب حد سے گزرتا ہے تو جھوٹ، غیبت، بہتان اور بد اعمالی پر مجبور کرتا ہے۔ ’’
[نامعلوم]

حسد ناپسندیدہ ترین کاموں میں سے ہے۔ ایک بااعتمادشخص حسد سے کوسوں دور رہتا ہے۔
اگر آپ پر اعتماد زندگی گزارنا چاہتے ہیں توحسد سے خود کو محفوظ کر لیں۔ طریقہ بہت سادہ ہے۔ وہ یہ کہ دعائیں کی جائیں۔
دوستوں کیلئے دعائیں کرنے سے ایک طرف تو دوستی مضبو ط ہو جاتی ہے تو دوسری جانب دشمن بھی گرم جوش دوست بن جاتا ہے۔دعا کرنا بلند ترین اعمال میں سے ایک ہے۔ ہر مذہب نے دعا کرنے پرزور دیا ہے۔
اللہ تعالیٰ چاہتا ہے کہ تمام انسان محبت سے رہیں، ایک دوسرے کی عزت کا خیال رکھیں، ایک دوسرے کے مسائل حل کرنے میں دلچسپی لیں۔ ضروری نہیں ہے کہ انسان اپنے بھائی کے مسائل حل کرنے میں کامیاب بھی ہوجائے، صرف احساس کرنا، اس کیلئے دوسرے لوگوں سے درخواست کرنا اور سب سے بڑھ کر اللہ تعالیٰ سے دعا کرنابہت اعلیٰ ظرفی ہے۔ اپنے بھائی کیلئے دعا کرنااللہ کو بے انتہا محبوب ہے۔ اللہ دلوں کا حال جانتا ہے۔ اسے علم ہے کہ کون دل سے اپنوں کیلئے فکر مند ہے اور کون دکھاوے کی محبت کرتا ہے۔ جب کوئی شخص دل سے اپنے بھائی کا بھلا چاہتا ہے ، اس کیلئے دعا کرتا ہے تو اللہ اس دعا کو جلدی قبول کرتا ہے۔
حضرت عبداللہ بن عباسؓ سے روایت ہے کہ رسول اللہ ﷺنے فرمایا:

 پانچ آدمیوں کی دعائیں خاص طور پر قبول ہوتی ہیں۔
مظلوم کی دعا جب تک وہ بدلہ نہ لے لے
حج کرنے والے کی دعا جب تک وہ واپس لوٹ کر نہ آجائے
راہِ خدا میں جہاد کرنے والے کی دعا جب تک وہ شہید نہ ہوجائے
بیمار کی دعا جب تک وہ شفا یاب نہ ہوجائے
ایک بھائی کی دوسرے بھائی کیلئے غائبانہ دعا
یہ سب بیان فرمانے کے بعد آپ ﷺ نے ارشاد فرمایا،
‘‘اور ان دعاؤں میں سب سے جلدی قبول ہونے والی دعا کسی بھائی کیلئے غائبانہ دعا ہے۔’’
[دعوت الکبیر بیہقی ، شعب الایمان حدیث 1087 ]

عرصہ دراز سے دنیا بھر میں ‘‘دعا کے اثرات’’ پر تحقیقات کا سلسلہ جاری ہے۔ یہ تحقیقات مذاہب کے ماننے والوں کے ساتھ ساتھ لا دین لوگوں پر بھی کی گئی ہیں۔ خدا کو ماننے والوں کیلئے یہ بات باعثِ تسلی ہے کہ دعا کے اثرات ہمیشہ ہی مثبت اور حیرانکنرہے ہیں۔
وین اسٹیٹ یونیورسٹی Wayne State University نے ایک تحقیقی مجلہ ری ہبلی ٹیشن سائیکالوجی Rehabilitation Psychology میں Prayer changes the brain? کے نام سے تحقیق شائع کی G، جس میں لکھا ہے کہ

“patients with traumatic brain injuries who felt a connection with a higher power, experienced better rehabilitation

‘‘جو لوگ یہ یقین رکھتے ہیں کہ وہ کسی بڑی طاقت سے جڑے ہوئے ہیں وہ جلد صحت یاب ہو جاتے ہیں۔’’

اس تحقیقی ٹیم کے سربراہ برج والڈرون پیرائن Bridge Waldron-Perrineکہتے ہیں:

’’So they didn’t just feel better,
there was evidence they functioned better in their ability to do daily tasks.’’

”ایسے لوگ نا صرف بہتر محسوس کرتے ہیں، بلکہ ایسے شواہد ملے ہیں کہ یہ لوگ روزمرہ کے کاموں کو بہتر انداز میں کرنے کے قابل بھی ہو جاتے ہیں۔“

یہ تو دعا کے اثرات کی افادیت پر تحقیق تھی، اس کے علاوہ دوسروں کیلئے دعا کرنے کے اثرات پر بھی تحقیقات کا سلسلہ بہت طویل ہے۔
ایک اور تحقیق سان فرانسسکو کے ‘‘کارونری کیئر یونٹ’’ Coronary Care Unitمیں 393 مریضوں پر کی گئی ۔
اس تحقیق میں مریضوں کو دو گروپ میں تقسیم کردیا گیا۔آدھے وہ تھے جن کیلئے مسلسل دعائیں کراوائی گئیں جبکہ باقی آدھوں کیلئے نہیں کروائیگئیں۔
نتائج بہت دلچسپ تھے۔
وہ مریض جن کیلئے مسلسل دعائیں کی جاتی رہیں نسبتاً زیادہ صحتمندرہے، کسی قسم کی پیچیدگی سے نہیں گزرے اور جلد صحت یاب ہو گئے۔
ان تحقیقات سے یہ بات بھی سامنے آئی کہ جو لوگ دعاؤں کے بندھن سے بندھ جاتے ہیں اُن میں ڈپریشن، نشہ اور طلاقوں کا تناسب بھی کم ہوجاتاہے۔
سب سے زیادہ غورطلب بات یہ تھی کہ کن لوگوں کی دعائیں زیادہ پر اثر ثابت ہوئیں؟
ان کی جن میں چار خوبیاں پائی جاتی تھیں:

1. توجہ (Care)
2. ہمدردی (Compassion)
3. احساس مندی (Empathy)
4. محبت (Love)

جب انسان اپنے دوست، عزیز یا رشتے دار کیلئے دعا مانگتاہے تو اس کا سب سے بڑا فائدہ اسے خود ہوتا ہے۔ بنی کریم ﷺ کا ارشاد گرامی ہے:

‘‘مرد مسلمان کی وہ دعا جو وہ اپنے بھائی کیلئے غائبانہ کر تا ہے ضرور قبول ہوتی ہے۔ اس پر ایک فرشتہ مقرر رہتا ہے ، جب وہ اپنے بھائی کیلئے دعائے خیر کرتا ہے تو فرشتہ اس پر آمین کہتا ہے اور کہتا ہے ‘‘اسے بھی ایسی ہی چیز دے۔’’
[صحیح مسلم؛ الادب المفرد از بخاری]

پروفیسر سید ابو بکر غزنوی بہت بڑے عالمِ دین گزرے ہیں، فرماتے ہیں کہ ایک مرتبہ انکی اہلیہ بیمار پڑ گئیں اور کوئی علاج کا رگرثابت نہ ہوا۔مندرجہ بالا حدیث کی روشنی میں اپنی اہلیہ کو تلقین فرمائی کہ وہ تمام مومنین اور مومنات کی شفا کیلئے ہر وقت دعا کرتی رہا کریں۔ اس کا نتیجہ یہ ہوا کہ تین چار روز میں ہی اللہ تعالی نے انہیں شفا عطا فرما دی۔
اپنے دل کو حسد اور دیگر روحانی بیماریوں سے محفوظ رکھنے اور اللہ کی نا ختم ہونے والی نعمتوں سے فیض پانے کے لیے دعا کریں۔ اپنے لئے اور اس سے بڑھ کر دوسروں کے لیے۔ جیسے ہی آپ اپنی ذات سے نکل کر، اپنی انا سے آزاد ہوکردوسروں کے معاملات میں، ان کے مسائل کے خاتمے کیلئے سوچنا شروع کردیں گے، زندگی خوبصورت سے خوبصورت ترین ہوتی چلی جائےگی۔آج کی مشق اسی سےمتعلق ہے۔
آج آپ کوشش کریں کہ کسی پرسکون جگہ بیٹھیں اور تصور کریں دو ان لوگوں کا جنہیں آپ پسند کرتے ہیں اور دو ان لوگوں کا جنہیں آپ کچھ خاص پسند نہیں کرتے۔ اب ایک ایک کر کے ان چاروں کیلئے دل سے ، سچے دل سے دعا کریں ان چیزوں کیلئے ، جن کی انہیں ضرورت ہے، جن چیزوں یا لوگوں کے مل جانے سے ان کی زندگیوں میں خوشی اور سکون کا اضافہ ہو جائے گا۔ اللہ ہمارے دلوں میں لگے ہوئے زنگ کو صاف کر دے گا، دل کی سختی دور ہو جائے گی اور خوشی و اطمینان اندر تک پھیلتا چلاجائے گا۔یہ مشق ہر نماز کے بعد یا دن میں کم از کم تین مرتبہ ضرور کریں اور اس عمل کو اپنی زندگی کا حصہ بنا لیں، مسلسل فوائد حاصل ہوتے رہیں گے۔

‘‘ بے شک تمہارا پروردگار نہایت حیا والا اور کریم ہے۔ اُسے اِس بات سے حیا آتی ہے کہ اس کا بندہ اس کے آگے ہاتھ پھیلا دے اور وہ انہیں خالی لوٹا دے۔’’ [جامع ترمذی، سنن ابن ماجہ، سنن ابی داؤد]

[box type=”note” align=”alignright” class=”” width=”600″]

[بارہواں دن ]

دو ان لوگوں کے نام لکھیں جنہیں آپ پسند کرتے ہیں۔
اب ان کے لئے دل دعا کریں کہ اللہ ان کی پریشانیاں دور فرمائے اور انہیں مزید عطا فرمائے۔

۔۔۔۔۔۔۔نام۔۔۔۔۔۔۔          ۔۔۔۔۔۔۔دعا۔۔۔۔۔۔۔
1۔۔۔۔۔۔۔۔۔۔۔۔۔۔۔۔۔۔۔۔۔        ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

2۔۔۔۔۔۔۔۔۔۔۔۔۔۔۔۔۔۔۔۔۔۔        ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دو ان لوگوں کے نام لکھیں جنہیں آپ پسند نہیں کرتے ۔
اب ان کے لئے دل دعا کریں کہ اللہ ان کی پریشانیاں دور فرمائے اور انہیں مزید عطا فرمائے۔

۔۔۔۔۔۔۔نام۔۔۔۔۔۔۔          ۔۔۔۔۔۔۔دعا۔۔۔۔۔۔۔
1۔۔۔۔۔۔۔۔۔۔۔۔۔۔۔۔۔۔۔۔۔        ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

2۔۔۔۔۔۔۔۔۔۔۔۔۔۔۔۔۔۔۔۔۔۔        ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فوائد و تاثرات:
_____________________________ _____________________________ _____________________________ _____________________________ _____________________________

کیا آپ مخلص دوست ہیں؟

ایک صاحب کے دروازے پر دستک ہوئی۔
دروازہ کھولا تو ان کا ایک قریبی دوست دروازے پر کھڑا تھا۔ حال احوال دریافت کرنے کے بعد اس دوست نے اپنے آنے کا مقصد بیان کیا کہ
‘‘وہ بہت بڑی مشکل میں پھنس گیا ہے اور اسے فوری طور پر پیسوں کی شدید ضرورت ہے’’۔
دوست کی بات سن کر وہ فکرمند ہوگیا۔ اس نے کہا کہ ‘‘تم انتظار کرو مجھ سے جہاں تک ہو سکتا ہے کوشش کرتا ہوں’’۔
دوست کو روانہ کر کے وہ صاحب گھر کے اندر تشریف لائے اور ایک بڑی رقم جو انہوں نے اپنے کسی کام کے لیےسنبھال رکھی تھی ، نکالی اور گننے لگے۔ پیسے نا کافی تھے۔
اپنی بیوی سے کہا کہ:
‘‘ جو کچھ موجود ہے لاکر دو تاکہ رقم پوری کی جاسکے۔’’
بیوی کے پاس جو کچھ تھا وہ بھی اس نے لاکر دے دیالیکن اب بھی مطلوبہ رقم پوری نہیں ہو سکی۔
اب اس نے اپنے کسی عزیزسے ادھار لے کراتنی رقم جمع کر دی کہ دوست کی ضرورت پوری ہوسکے اور پھر وہ رقم جا کر اپنے دوست کے سپردکردی۔

دوست کو رقم دینے کے بعد جب وہ صاحب واپس لوٹے تو ان کے چہرے پر افسوس اور ملال تھا اور وہ بے اختیار رو رہے تھے۔
گھر میں داخل ہوئے تو اس کی بیوی نے دیکھا کہ شوہر کی آنکھوں میں آنسو ہیں۔
بیوی نے ہمدر دی سے کہا:
‘‘آپ اتنے اداس کیوں ہیں؟ کہیں آپ کو یہ ڈر تو نہیں ہے کہ ہم نے جو قرض لیا ہے وہ کیسے اترے گا؟ آپ پریشان نہ ہوں۔ اللہ سب ٹھیک کر دے گا۔’’
شوہر نے جواب دیا:

’’ایسی کوئی بات نہیں ہے۔ پیسوں کا افسوس نہیں بلکہ اس بات کا افسوس ہے کہ میرا دوست کئی دنوں سے مشکل میں مبتلا تھا اور مجھے کبھی اس بات کا احساس تک نہ ہوا کہ میرا دوست کتنا پریشان ہے ۔ آج اسے چل کر میرے گھر آنا پڑا اور مجھ سے اپنی ضرورت کا سوال کرنا پڑا۔ مجھے خود کیوں نہیں اس بات کا احساس ہوا کہ اس کو ضرورت ہے۔
مجھے اس لئے رونا آرہا ہے کہ وہ میرا سب سے عزیز اور قریبی دوست ہے۔ہم نے ہر طرح کے حالات ایک ساتھ دیکھے ہیں اس کے باوجود مجھے اندازہ ہی نہیں ہوا ۔ اگر وہ میرے پاس نہیں آتا اور اپنی مصیبت کا ذکر نہ کرتا تو میں تو کبھی بھی نہیں جان پاتا۔

 …

There comes a point in your life when you realize: Who matters, Who never did, Who won’t anymore, And who always will.” ~Adam Lindsay Gordon

آپ کی زندگی میں ایک وقت آتا ہے جب آپ کو احساس ہوتا ہے کہ کون واقعی اہم ہے، کون نہیں، کون کبھی نہیں تھا اور کون ہمیشہ اہم رہے گا۔  [ایڈم لنزے گورڈن؛ آسٹریلوی شاعر] 

(جاری ہے)

اکتوبر 2016ء

[box type=”shadow” align=”alignright” class=”” width=”600″]دنیا بھر میں ہر روز بے شمار تربیتی پروگرامز منعقد کئے جاتے ہیں ، مضامین، کالم اور کتابیں یہ بتانے کے لئے لکھی جاتی ہیں کہ کس طرح ان خواہشات کے حصول کی تکمیل کی جائے۔ زندگی بہتر انداز میں گزارنے کے لئے ہم اپنے طور پربھی کوشش اور تجربات کرتے رہتے ہیں ۔اس کے باوجودہم ایسی زندگی نہیں گزار پاتے جو انسانیت کے شایانِ شان ہو۔ہم غربت، جہالت، بے روزگاری جیسے مسائل سے دو چار ہیں ۔ ہمارے رشتوں میں محبت ، قربانی اور روا داری کا فقدان رہتا ہے۔ اچھی زندگی ہمارے لئے ایک خواب بن جاتی ہے، وہ خواب جو ہم ہر رات دیکھتے ہیں ۔زندگی ایک معمہ بن جاتی ہے ، جسے سمجھتے سمجھتے پوری زندگی گزر جاتی ہے۔ 1998 سے میرا تعلق پڑھانے اور ٹریننگز کرانے سے رہا ہے۔ اس دوران میں نے سینکڑوں لوگوں کے نقطہ نظر کو سنا، کتابیں پڑھیں اور یہ کوشش کی کوئی ایسا فارمولا ہاتھ لگ جائے جس کے باعث ہم مطلوبہ نتائج حاصل کر تے ہوئے خوشحال زندگی گزاریں ۔ ایسی زندگی جو دونوں جہانوں میں سرفراز کر دے۔میرا ایمان ہے کہ انسان جس چیز کی کوشش کرتا ہے وہ حاصل کر ہی لیتا ہے۔مجھے بھی وہ فارمولا مل گیا۔ میں اس کے بارے میں مکمل اعتماد کے ساتھ کہہ سکتا ہوں یہ کامیابی اور خوشحالی کا واحد فارمولا ہے،واحد فارمولا۔ اس سلسلۂ مضامین کا مقصد یہی ہے کہ نا صرف اُس قانون کو بیان کیا جائے بلکہ اس پر عمل کرنا آسان بنا دیا جائے تاکہ ہماری زندگی صحت ،محبت ، دولت اور خوشیوں سے بھر نے کے ساتھ ساتھ خدا کی رضا بھی حاصل کر لے ۔ محمد زبیر[/box]

پانی زندگی ہے

گیارہواں دن

 کرشن چندر افسانہ نگاری کے بادشاہ سمجھے جاتے ہیں ۔ان کی زندگی نت نئے تجربات کرتے اور ان تجربات کو بیان کرتے گزری ۔یوں تو انہوں نے لاتعداد یادگار افسانے لکھے۔ اردو کے بہترین افسانو ں کا کوئی بھی انتخاب انکے افسانے کے بغیر مکمل نہیں ہوسکتا۔ ہم نے ان کے ایک افسانے کو اپنی کتاب کیلئے منتخب کیا ہے جس میں سے لئے گئے اقتباسات ہماری آنکھیں کھول دیں گے کہ لوگ کس کس طرح پانی کے لئے ترس رہے ہیں ۔کرشن چندر کے اس منتخب کردہ افسانے کا نام ہے ، ‘‘ پانی کا درخت’’۔ اسے پڑھ کر اندازہ ہوتا ہے کہ پانی اللہ کی کتنی بڑی نعمت ہے۔ اس کہانی میں انہوں نے پوٹھوہار کے ایک ایسے علاقے کا ذکر کیا ہے جہاں نمک کی کانوں کے باعث کنویں تو دور چشموں تک کا پانی بھی کڑوا ہوتاہے۔پانی ان لوگوں کی زندگی کی سب سے بڑی دولت ہے، ایسی دولت جو انسان کی عزتِ نفس، انسانی رشتوں کے تقدس اور بعض اوقات انسانی جان سے بھی زیادہ قیمتی تصور ہوتاہے۔ وہ لکھتے ہیں :
‘‘ہمارے گاؤں میں پانی بہت کم ہے۔ جب سے میں نے ہوش سنبھالا ہے میں نے اپنے گاؤں کے آسمان کوتپے ہوئے پایا ہے ، یہاں کی زمین کو ہانپتے ہوئے دیکھا ہے اور گاؤں والوں کے محنت کرنے والے ہاتھوں اور چہروں پر ایک ایسی ترسی ہوئی بھوری چمک دیکھی ہے جو صدیوں کی نا آسودہ پیاس سے پیدا ہوتی ہے۔
ہمارے گاؤں کے مکان اور آس پاس کی زمین بالکل بھوری اور خشک نظر آتی ہے۔ زمین میں باجرے کی فصل جو ہوتی ہے اس کا رنگ بھی بھورا بلکہ سیاہی مائل ہوتا ہے۔ یہی حال ہمارے گاؤں کے کسانوں اور ان کے کپڑوں کا ہے۔صرف ہمارے گاؤں کی عورتوں کا رنگ سنہری ہے کیونکہ وہ چشمے سے پانی لاتی ہیں ۔
بچپن ہی سے میری یادیں پانی کی یادیں ہیں ۔ پانی کا درد اور اس کاتبسم، اس کا ملنا اور کھوجانا۔ یہ سینہ اس کے فراق کی تمہید اور اس کے وصال کی تاخیر سےگودا ہوا ہے۔
مجھے یا د ہے جب میں بہت چھوٹا سا تھا دادی اماں کے ساتھ گاؤں کی تلہٹی کے نیچے بہتی ہوئی رویل ندی کے کنارے کپڑے دھونے کیلئے جایا کرتاتھا۔ دادی اماں کپڑے دھوتی تھیں۔ میں انہیں سکھانے کیلئے ندی کے کنارے چمکتی ہوئی بھوری ریت پر ڈال دیا کرتا۔ اس ندی میں پانی بہت کم تھا۔ یہ بڑی دبلی پتلی ندی تھی۔ چھریری اور آہستہ خرام…. مسکراہٹ میٹھی تھی، اور مٹھاس کی قدر وہ لوگ جانتے ہیں جو میری طرح نمک کی کان میں کامکرتےہیں ۔
ہمارے گاؤں میں بچے پانی کے لئے بہت سوال کرتے تھے۔ پانی ان کے تخیل کو ہمیشہ اکساتا رہتا ہے۔ دوسرے گاؤں میں ، جہاں پانی بہت ہوتا ہے، وہاں کے لڑکے شاید سونے کے جزیرے ڈ ھونڈ تے ہوں گے یا پرستان کا راستہ تلاس کرتے ہوں گے لیکن ہمارے گاؤں کے بچے ہوش سنبھالتے ہی پانی کی تلاش میں نکل پڑتے ہیں اور تلہٹی پر اور پہاڑی پر اور دور دور تک پانی کو ڈھونڈ نے کا کھیل کھیلتے ہیں۔
میں نے بھی اپنے بچپن میں پانی کو ڈھونڈا تھا اور نمک کے پہاڑ پر پانی کے دو تین ، نئے چشمے دریافت کئے تھے۔ مجھے آج تک یاد ہے میں نے کتنے چاؤ اور خوشی سے پانی کا پہلا چشمہ ڈھونڈا تھا، کس طرح کانپتے ہوئے ہاتھوں سے میں نے چٹانوں کے درمیان سے جھجھکتے ہوئے پانی کو اپنی چھوٹی چھوٹی انگلیوں کا سہارا دے کر باہر بلایا تھا اور جب میں نے پہلی بار اسے اوک میں لیا تو پانی میرے ہاتھ میں یوں کانپ رہا تھا جیسے نو گرفتار چڑیا بچے کے ہاتھوں میں کانپتی ہے۔
میں جب اسے اوک میں بھر کر اپنی زبان تک لے گیا تو مجھے یاد ہے میری کانپتی ہوئی خوشی کیسے تلخ اچھو میں تبدیل ہو گئی تھی۔ پانی نے زبان پر جاتے ہی بچھو کی طرح ڈنگ مارا اور اس کے زہر نے میری روح کو کڑوا کر دیا۔ میں نے پانی تھوک دیا اور پھر کسی نئے چشمے کی تلاش میں چل کھڑا ہو، لیکن نمک کے پہاڑ پر مجھے آج تک میٹھا چشمہ نہ ملا۔ اس لیے جب ندی سوکھنے لگی تو میٹھے چشمے کی یاد نے مجھے بے چین کر دیا۔
(اس بچے کے ابا اس علاقے کے اکثر مَردوں کی طرح نمک کی کان میں ہی کام کرتے تھے۔ ایک دن وہ اپنے ابا کے ساتھ کام پر جاتا ہے جہاں نمک کے پانی کی ایک جھیل ہوتی ہے۔ اس کے ابا جھیل کو دیکھ کرکہتے ہیں ۔)
یہاں اس قدر پانی ہے پھر بھی پانی کہیں نہیں ملتا۔ دن بھر نمک کی کان میں کام کرتے کرتے سارے جسم پر نمک کی پتلی سی جھلی چڑھ جاتی ہے جسے کُھرچو تو نمک چورا چورا ہوکر گرنے لگتا ہے۔ اس وقت کس قدر وحشت ہوتی ہے۔ جی چاہتا ہے کہیں میٹھے پانی کی جھیل ہو اور آدمی اس میں غوطہ لگاتاجائے۔
‘‘پانی!پانی!’’
پانی سارے گاؤں میں کہیں نہیں تھا۔ پانی نمک کے پہاڑ پر بھی نہیں تھا…. یہ میرے لڑکپن کی کہانی ہے۔ جب ہمارے گاؤں سے بہت دور ان پہاڑی سلسلوں کے دوسری طرف سینکڑوں میل لمبی جاگیر کے مالک راجہ اکبر علی خان نے ہمارے دیہات والوں کی مرضی کے خلاف ندی کا بہاؤ موڑ کر اپنی جاگیر کی طرف کر لیا اور ہماری تلہٹی کو اور آس پاس کے بہت سے علاقے کو سوکھا، بنجر اور ویران کر دیا۔ اس وقت ندی کے کنارے کا ہمارا گاؤں اور اس وادی کے اور دوسرے بہت سے گاؤں پریشان ہو گئے۔ اس طرح ہمارے لئے رویل ندی مرگئی اور اس کا پانی بھی مر گیا اور ہمارے لئے تلخ یاد چھوڑ گیا۔
مجھے یاد ہے اس وقت گاؤں والوں نے دوسرے گاؤں والوں سے مل کر سرکار سے اپنی کھوئی ہوئی ندی مانگی تھی کیونکہ ندی تو گھر کی عورت کی طرح ہے۔ وہ گھر میں پانی دیتی ہے، کھیتوں میں کام کرتی ہے، ہمارے کپڑے دھوتی ہے، جسم کو صاف رکھتی ہے۔ ندی کے گیت اس کے بچے ہیں ، جنہیں وہ لوری دیتے ہوئے ، تھپکتے ہوئے مغرب کے جھولے کی طرف لے جاتی ہے۔ پانی کے بغیر ہمارا گاؤں بالکل ایسا تھا جیسے گھر عورت کے بغیر۔ گاؤں والوں کو با لکل ایسا معلوم ہوا جیسے کسی نے ان کے گھر سے ان کی لڑکی اغوا کرلی ہو۔ وہی غم، وہی غصہ تھا، وہی تیور تھے، وہی مرنے مارنے کے اندازتھے۔
لیکن راجہ اکبر علی خا ں چکوال کے علاقے کا سب سے بڑا زمیندار تھا۔حکومت کے افسروں کے ساتھ اس کا گہرا اثر رسوخ تھا۔ نمک کی کان کا ٹھیکہ بھی اس کے پاس تھا۔
اور یہ بھی سچ ہے کہ ہمارے گاؤں میں پانی کی عزت لڑکی کی طرح بیش قیمت ہے۔ پانی جو زندگی دیتا ہے۔ پانی جو رگوں میں خون بن کر دوڑتا ہے۔ پانی ، جو منہ دھونے کو نہیں ملتا۔ پانی ، جس کے نہ ہونے سے ہمارے کپڑے بھورے اور میلے رہتے ہیں ، سر میں جوئیں ، جسم پر پسینے کی دھاریاں اور روح پر نمک جما رہتا ہے۔ یہ پانی تو سونے سے زیادہ قیمتی ہے اور لڑکی سے زیادہ حسین۔ اس کی قدر ہمارے گاؤں والوں سے پوچھیے جن کی زندگی پانی کے لئے لڑتے جھگڑتے گزری ہے۔ ایک دفعہ سامنے کے پہاڑ کے میٹھے چشمے سے پانی لانے کے لئے سرورخاں کی بیوی سیدان اور ایوب خاں کی بیوی عائشاں دونوں آپس میں لڑ پڑی تھیں حالانکہ دونوں اتنی گہری سہیلیاں تھیں کہ ہر وقت اکٹھی رہتیں ، گھر بھی ان کے ساتھ ساتھ تھے۔ چشمے پربھی اکھٹے ہی پانی لینے جاتی تھیں ۔ پہلے ایک پھر دوسری پانی بھرتی۔ باری باری وہ دونوں ایک دوسرے کا گھڑا اٹھا کے سرپر رکھتیں اور پھر باتیں کرتی ہوئی واپس چل پڑتیں ۔ لیکن آج نہ جانے کیا ہوا ، آج جانے دونوں کو کیا جلدی تھی۔ ایک کہتی پہلے پانی میں بھروں گی، دوسری کہنے لگی نہیں میں بھروں گی۔ شاید انہیں غصہ ایک دوسرے کے خلاف نہیں تھا۔ شاید غصہ انہیں اس لئے تھا کہ یہاں میٹھے پانی کا ایک ہی چشمہ تھا جہا ں ندی کے سوکھنے کے بعد دور دور سے لوگ پانی لینے کے لئے آتے تھے۔ منہ اندھیرے ہی عورتیں گھڑالے کے چل پڑتیں ۔ جب یہاں پہنچتیں تو ایک لمبی لائن پہلے سے موجود ہوتی یا چشمے کے منہ سے ایک ایسی پتلی سی دھار کو نکلتے دیکھتیں جو آدھے گھنٹے میں مشکل سے ایک گھڑا بھرتی تھی۔ اور تین کوس کا آنا جانا قیامت سے کم نہ تھا۔ لڑائی کی وجہ کچھ بھی ہو اصلی لڑائی پانی کی تھی۔ دونوں عورتوں نے دیکھتے دیکھتے ایک دوسرے کے چہرے نوچ لیے، گھڑے توڑ دیے، کپڑے پھاڑ ڈالے اور پھر روتی ہوئی اپنے اپنے گھروں کو گئیں ۔
تب سیداں نے سرور خاں کو بھڑکایا اور عائشاں نے ایوب خاں کو ۔ دونوں خاوند غصے سے باتا ب ہوکر کلہاڑیاں لے کے باہر نکل پڑے اور پیشتر اس کے کہ لوگ آکر بیچ بچاؤ کریں دونوں نے کلہاڑیوں سے ایک دوسرے کو ختم کر دیا۔ شام ہوتے ہوتے دونوں ہمسایوں کا جنازہ نکل گیا۔
ہمارے گاؤں کے قبرستان کی بہت سی قبریں پانی نے بنائی ہیں ۔
فرہاد کی کوہ کنی سے پانی کی تلاش مشکل ہے، یہ بات مجھے اس روز معلوم ہوئی کیونکہ پانی سامنے نہیں ہوتا وہ تو ایک چھلاوے کی طرح پہاڑکی سلوٹوں میں گم ہو جاتا ہے۔ پانی خانہ بدوش ہے، آج یہاں کل وہاں ۔ پانی ایک پردیسی ہے جس کی محبت کا کوئی اعتبار نہیں ۔ پانی کا وجود اس نازک خوشبو کی طرح ہے جو تیز دھوپ میں اڑ جاتی ہے۔ اس پوٹھو ہار کے علاقے میں ، جہاں عورتیں با وفا اور با حیا ہیں ، پانی بے وفا اورہر جائی ہے۔ وہ کبھی کسی ایک کا ہو کہ نہیں رہتا۔ وہ ہمیشہ یہاں سے وہاں ، ایک جگہ سے دوسری جگہ ایک ملک سے دوسرے ملک گھومتا ہے، پاسپورٹ کے بغیر۔ ایسے ہر جائی کو تلاش کیلئے ایک تیشہ نہیں ایک آئینہ چاہئے جس کے سامنے پہاڑ کا دل اس طرح ہو جیسے ایک کھلی کتاب ۔ آخر میرے گاؤں والوں نے کچھ سمجھ کر میرے باپ کو اس کام کیلئے چنا تھا۔
اس روز ہم دن بھر اس بلند و بالا پہاڑ کی خاک چھانتے رہے۔ ہم نے کہاں کہاں اس پانی کو تلاش نہیں کیا: بیریوں کی گھنی جھاڑیوں میں چٹانوں کی گہری درزوں میں ، سیاہ ڈراؤنے کنووں میں ، جنگلی جانوروں کی بھٹ میں ۔ پانی کی تلاش میں ہم نے سارے پرانے چشمے کھدوائے لیکن ان کا کھدوانا ایسے ہی تھا جیسے آدمی زندگی کی تلاش میں قبریں کھودڈالے۔ پانی کہیں نہیں ملا۔
ایک چور کی طرح اس نے جگہ جگہ اپنے جھوٹے سراغ چھوڑے لیکن آخر خود ہمیشہ ہمیں جل دے کر کہیں غائب ہو جاتا تھا۔ جانے فطرت کے کس کونے میں بیٹھا ہوا اپنے چاہنے والوں پر ہنس رہا تھا۔ لیکن گاؤں والوں نے آس نہیں چھوڑی۔ وہ سارے دن میرے بابا کے پیچھے پانی کی کھوج کرتے رہے۔آخر جب شام ہونے لگی تو میرے ابا نے پسینہ پونچھ کر ایک اونچے ٹیلے پر کھڑے ہو کر اُدھر نظر دوڑائی جہاں سورج غروب ہو رہا تھا۔ یکا یک انہیں غروب ہوتے ہوئے سورج کی روشنی میں چٹانوں کی ایک گہری درز میں فرن کا سبزہ نظر آیا۔ کہتے ہیں جہاں فرن کا سبزہ ہوتا ہے وہاں پانی ضرور ہوتا ہے۔فرن پانی کا جھنڈا ہے اور پانی ایک گھومنے والی قوم ہے۔ پانی جہاں جاتا ہے اپنا جھنڈا ساتھ لے جاتا ہے۔
ایک چیخ مار کر جلدی سے میرے ابا اس طرف لپکے جہاں فرن کا سبزہ اُگا تھا۔ گاؤں والے ان کے پیچھے پیچھے بھاگے۔ جلدی جلدی میرے ابا نے اپنے ناخونوں سے زمیں کو کریدنا شروع کر دیا۔زمین، جو اوپر سے سخت تھی نرم ہوتی گئی گیلی ہوتی گئی۔ آخر میں زور سے پانی کی ایک دھار اوپر آئی اور سینکڑوں سوکھے ہوئے گلوں سے مسرت کی آواز نکلی۔
‘‘پانی! پانی….!’’
ابا نے کانپتے ہوئے ہاتھوں سے اوک میں پانی بھرا ۔ ساری نگاہیں ابا کے چہرے پر تھیں ، سینکڑوں دل دھڑک رہے تھے: یا اللہ پانی میٹھا ہو، یا اللہ پانی میٹھا ہو، یا اللہ پانی میٹھا ہو۔
ابا نے پانی چکھا۔ ‘‘پانی میٹھا ہے!پانی میٹھاہے..!’’
گاؤں والے زور سے چلائے: ‘‘پانی میٹھا ہے۔’’ ساری وادی میں آوازیں گونج اٹھیں ۔میٹھا پانی مل گیا۔میٹھا پانی ہے۔
ساری وادی میں ڈھول بجنے لگے۔ عورتیں گانے لگیں ۔جوان ناچنے لگے۔ بچے شور مچانے لگے۔ گاؤں والوں نے جلدی سے چشمے کو کھود کر اپنے گھیرے میں لے لیا۔اب چشمہ ان کے بیچ میں تھا اور وہ اس کے چاروں طرف تھے۔اور وہ اسے مڑ مڑ کر اس طرح محبت بھری نگاہوں سے دیکھتے تھے جیسے ماں اپنے نو زائدہ بچے کو دیکھ دیکھ کر خوش ہوتی ہے۔
وہ رات مجھے کبھی نہیں بھولے گی ۔ اس رات کوئی آدمی گاؤں میں واپس نہیں گیا۔ اس رات سارے گاؤں نے چشمے کے کنارے جشن منایا۔ اس رات تاروں کی گود میں بھوری بیریوں کے سائے میں ماؤں نے چولہے سلگائے، بچوں کو تھپک تھپک کر سلایا۔ اس رات کنواریوں نے لہک لہک کر گیت گائے۔ ایسے گیت جو پانی کی طرح نرمل اور سندر تھے۔ جن میں جنگلی جھرنوں کا سا حسن اور آبشاروں کی سی روانی تھی۔اس رات ساری عورتیں ،سارے بیج تخلیق سے بے قرار ہو کر پھوٹ پڑے تھے۔
ایسی رات ہمارے گاؤں میں کب آئی تھی!جب ابا خدا بخش نے پانی ڈھونڈ نکالا تھا۔ پانی جو انسان کے ہاتھوں کی محنت تھا۔ اس کے دل کی محبت تھا۔ آج پانی ہمارے ہاں اس طرح آیا تھا جیسے بارات ڈولی لے کر آتی ہے۔ وہ نیا چشمہ ہمارے درمیان آج اس طرح ہولے ہولے شرمیلے انداز میں چل رہا تھاجیسے نئی دلہن جھجھک جھجھک کر اجنبی آنگن میں پاؤںرکھتی ہے۔
ایک رات بانو نے مجھے کہا کہ میں رات کے دو بجے چشمے پر اسے ملوں ۔ میں نے کہا، ‘‘میں بہت تھکاہوا ہوں ۔’’
وہ بولی: ‘‘نہیں ضروری کام ہے، آنا ہوگا۔’’چنانچہ میں گیا۔
دو بجے کے وقت آدھی رات میں چشمے پر کوئی نہیں تھا، ہم دونوں کے سوا۔ میں نے اس سے پوچھا: ‘‘کیا بات ہے؟’’ و ہ کافی دیر تک خاموش رہی، پھر میں نے پوچھا: ‘‘ ابھی بتاؤ آخر کیا بات ہے؟’’
وہ بولی: ‘‘ میں گاؤں چھوڑ کر جا رہی ہوں ۔’’
میرا دل دھک سے رہ گیا۔ مجھے ایسا محسوس ہوا جیسے چشمہ چلتا چلتا رک گیا۔ میرے گلے سے آواز نکلی: ‘‘کیوں ؟’’
‘‘میری شادی طے ہوگئی ہے…. چاچا کے لڑکے کے ساتھ جو لام سے ہوکر یہاں آیا ہے۔ وہ چکوال میں ہے صوبیدارہے۔
‘‘اور تم جا رہی ہو؟’’ میں نے تلخی سے پوچھا۔‘‘ہاں ۔’’
وہ چپ ہوگئی اور میں بھی چپ ہو گیا۔ سوچ رہا تھا کہ اسے ابھی جان سے مار وں یا شادی کی رات قتل کروں ۔
تھوڑی دیر رک کر بانو پھر بولی: ‘‘ سنا ہے چکوال میں پانی بہت ہوتا ہے۔ سنا ہے وہاں بڑے بڑے نل ہوتے ہیں جن سے جب چاہو ٹوٹی گھما کے پانی نکاللو۔’’
اس کی ا ٓواز خوشی کے مارے کانپ رہی تھی۔ وہ شاید اور بھی کچھ کہتی لیکن شاید میری آزردگی کا خیال کر کے چپ ہو گئی۔ اس کی نگاہوں میں میری محبت سے انکار نہیں تھا بلکہ پانی کا اقرار تھا۔
یکایک مجھے محسوس ہوا کہ محبت سچائی خلوص اور جذبے کی گہرائی کے ساتھ تھوڑا پانی بھی مانگتی ہے۔ بانو کی جھکی ہوئی نگاہوں میں اک ایسی جاں گسل شکایت کا گریز تھا جیسے وہ کہہ رہی ہو: جانتے ہو ہمارے گاؤں میں کہیں پانی نہیں ملتا۔ یہاں میں دودو مہینے نہا نہیں سکتی۔ مجھے اپنے آپ سے اپنے جسم سے نفرت ہو گئی ہے۔
بانو چپ چاپ زمین پر چشمے کے کنارے بیٹھ گئی۔ میں اس تاریکی میں بھی اس کی آنکھوں کے اندر اس محبت کے خواب کو دیکھ سکتا تھا جو گندے بدبو دار جسموں ، پسوؤں ، جوؤں اور کھٹملوں کی ماری غلیظ چیتھڑوں میں لپٹی ہوئی محبت نہ تھی۔ اس محبت سے نہائے ہوئے جسموں دھلے ہوئے کپڑوں اور نئے لباس کی مہک آتی تھی۔ میں بالکل مجبور اور بے بس ہوکر ایک طرف بیٹھ گیا۔
رات کے دو بجے بانو اور میں دونوں چپ چاپ ۔ کبھی ایسا سناٹا جیسے ساری دنیا کالی ہے۔ کبھی ایسی خاموشی جیسے سارے آنسو سو گئے ہیں ۔ چشمے کے کنارے بیٹھی ہوئی بانو آہستہ آہستہ گھڑے میں پانی بھرتی رہی ۔ آہستہ آہستہ پانی گھڑے میں گرتا ہوابانو سے باتیں کرتا رہا۔اسے کچھ کہتا رہا، مجھ سے کچھ کہتا رہا۔پانی کی باتیں انسان کی بہترین باتیں ہیں ۔
بانو چلی گئی۔
جس رات بانو کا بیاہ غضنفر سے ہو ا، اس رات میں نے عجیب خواب دیکھا۔ میں نے دیکھا کہ ہماری کھوئی ہوئی ندی ہمیں واپس مل گئی ہے اور نمک کے پہاڑ پرمیٹھے پانی کے چشمے ابل رہے ہیں ۔ ہمارے گاؤں کے مرکز میں ایک بہت بڑا درخت کھڑا ہے ۔ یہ درخت سارا کا ساراپانی کا ہے۔ اس کی جڑیں شاخیں پھل پھول پتیاں سب پانی کی ہیں اور اس درخت کی شاخوں سے ، پتوں سے پانی بہہ رہا ہے۔ اور یہ پانی ہمارے گاؤں کی بنجر زمین کو سیراب کر رہا ہے۔
(لڑکا یہ خواب اپنے بابا کو سناتا ہے تو وہ ڈر جاتے ہیں اور سختی سے منع کرتے ہیں کہ اس خواب کا ذکر کسی سے نہیں کیا جائے۔اس کے با وجود ایک دن وہ اپنا خواب دوستوں کو سناتا ہے۔ دوست ہنستے ہوئے کہتے ہیں کہ یہ خواب تو گاؤں کے ہر لڑکے نے دیکھا ہے۔ گھبراؤ نہیں ایک دن یہ خواب ضرور پورا ہوگا۔ لڑکا کہتا ہے)
پہلے مجھے ان کی باتوں کا یقین نہیں آیا لیکن اپنے ساتھیوں کے ساتھ کام کرتے کرتے اب مجھے یقین ہو چلا ہے کہ ہمارا خواب ضرور پورا ہوگا۔ایک دن ہمارے گاؤں میں پانی کا درخت ضرور اگے گااورجو جام خالی ہیں وہ بھر جائیں گے اور جو کپڑے میلے ہیں وہ دھل جائیں گے اور جو دل ترسے ہوئے ہیں وہ کھل جائیں گے اور ساری زمینیں اور ساری محبتیں اور سارے ویرانے اور سارے صحرا شاداب ہوجائیں گے۔

***

اس کہانی، پانی کا درخت کے اقتباسات کرشن چندر کے بے مثال افسانے سے لئے گئے ہیں ۔یہ کہانی ہماری آنکھیں کھول دینے کیلئے کافی ہے کہ کہیں لوگ پانی کی ایک ایک بوند کیلئے ترس رہے ہوتے ہیں تو کہیں ہم پانی کی تھوڑی سی کمی سے بلبلااُٹھتے ہیں۔ شکر ادا نہیں کرتے کہ کس بڑی نعمت سے ہمیں نوازاگیا ہے۔
پانی دنیا کی اہم ترین نعمتوں میں سے ایک ہیں ، اگر پانی نہ ہوتا تو کوئی غذا کوئی سبزی، کوئی جانور اور کوئی زندگی نہیں ہوتی، پانی کی مدد سے ہم مزے مزے کے کھانے بنارہے ہیں ، اپنے باغات کو سر سبزو شاداب رکھتے ہیں ، باتھ روم میں استعمال کرتے ہیں ، گاڑیاں پانی کے بغیر نہیں چل سکتیں ۔
ہمارے اسپتال، ہماری صنعت ، ٹرانسپورٹیشن ، ہمارے روڈ، کپڑے ، پلاسٹک، گلاس ، ادویات، ہمارے گھر ۔ ہر چیز پانی ہی کی مرہونِ منت ہے، پانی ہی زندگی ہے اور پانی ہی زندہ رکھتا ہے۔
آج پورا دن پانی کیلئے دل سے شکر ادا کریں ، ہر اس چیز کا جو پانی سے بنائی جاتی ہے۔
جب کبھی پانی پئیں اور کھانا کھائیں الحمد للہ یا یا اللہ تیرا شکر ہے کہیں ، یہ کھانا اور پانی صحت ، برکت اور مزید نعمتوں کا سبب بنے گا۔

أَفَرَأَيْتُمُ الْمَاءَ الَّذِي تَشْرَبُونَO أَأَنْتُمْ أَنْزَلْتُمُوهُ مِنَ الْمُزْنِ أَمْ نَحْنُ الْمُنْزِلُونَO لَوْ نَشَاءُ جَعَلْنَاهُ أُجَاجًا فَلَوْلَا تَشْكُرُونَO

‘‘ اچھا یہ بتاؤ کہ جس پانی کو تم پیتے ہو اسے بادلوں سے بھی تم ہی اتارتے ہو یا ہم برساتے ہیں ۔اگر ہماری منشا ہو تو ہم اسے کڑوا زہر کر دیں ۔پھر تم ہماری شکر گزاری کیوں نہیں کرتے۔’’
[سورۂ واقعہ (56) آیت 68 تا 70]

[box type=”note” align=”alignright” class=”” width=”600″]

[گیارہواں دن ]

آج ان تمام چیزوں کے متعلق سوچیں جو صرف پانی کی وجہ سے موجود ہیں
اور جن کی وجہ سے زندگی رنگوں سے بھری ہوئی ہے۔

1۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

2۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

3۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

4۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

5۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فوائد و تاثرات: 
_____________________________ _____________________________ _____________________________ _____________________________ _____________________________

بادشاہ کے تخت کی قیمت

یہ عباسی حکمران ہارون الرشید کا دور تھا، جب رعایا خوشحال اور سلطنت ترقی کی طرف گامزن تھی اورسڑکوں پر کوئی بھوکا، کوئی سائل ڈھونڈنے سے نہ ملتا تھا۔ اُس کے زمانے میں جگہ جگہ محتاج خانے کھلے ہوئے تھے، جہاں مفلوک الحال اور معذور افراد مستقل طور پر رہائش رکھتے۔ہر شہر میں بیواؤں اور یتیموں کی الگ الگ تربیت گاہیں تھیں جن کے سارے اخراجات حکومت کے ذمہ تھے۔ اس کے ذاتی محتسب ملک کے ہر صوبے ، ہر شہر اور ہر قصبے میں پھیلے ہوئے تھے اور اگر کبھی کسی غریب کے ساتھ کوئی زیادتی ہوتی تو اس کی آواز ہارون کے کانوں تک پہنچے بغیر نہ رہتی۔ وہ اس وقت تک کھانا نہ کھاتا جب تک محل کے آس پاس رہنے اور جمع ہونے والوں کو کھانا نہ مل جاتا۔ ہارون الرشید کی کامیابیوں کی بنیادی وجہ علم دوستی’ غریب پروری اور انصاف پسندی تھی۔ وہ مفاد پرست ’ خوشامدی اور لالچی ٹولے کی بجائے علماء’ شعرا’ ادیبوں اور دانشوروں کو اپنے قریب رکھتا تھا جو اُسے اقتدار کی حقیقت سے آگاہ رکھتے اور ہر قدم پر رہنمائی کرتے۔ انہی مصاحب میں سے ایک حضرت ابو العباس محمد بن صبیح السماک المعروف ‘‘ابن السماک ؒ’’بھی تھے ، جو معروف صوفی بزرگ معروف کرخی کے اساتذہ میں سے تھے۔
ایک روز خلیفہ ہارون الرشید کا دربار لگا ہوا تھا۔ ملک کی مشہور ہستیاں براجمان تھیں ۔ عظیم مفکرین،نامور شعراء، دانا وزراء اورجیّد علمائے کرام تشریف فرما تھے۔ خدام ہاتھ باندھے حکم کے منتظر تھے۔ ایک خاموشی تھی۔
اسی دوران ہارون الرشید کو پیاس لگی۔ انہوں نے پانی لانے کا حکم دیا، حکم کی تعمیل کی گئی۔
ہیرے موتی سے جڑے سونے کے جھلملاتے کٹورے میں ٹھنڈا میٹھا اور صاف پانی پیش کیا گیا۔
ہارون نے ہاتھ بڑھا کر کٹورا تھاما اور اسے ہونٹوں سے لگانے کو تھا کہ ابن السماک ؒ نے ہاتھ اٹھا کربادشاہ کو پانی پینے سے رکنے کا اشارہ کیا۔ بادشاہ نے حیرت سے بزرگ کی طرف دیکھا۔

ابن السماک نے سوال کیا، ‘‘امیر المومنین!، اگر آپ کسی دشت بیابان میں بھٹک جائیں ، اوریہ پانی کو ایک لمبے عرصہ کے لئے نہ مل سکے ، اور پھر پیاس سے لبوں پر دم آجائے تو اور کسی کے پاس پانی کا ایک پیالہ ہو جسے وہ فروخت کرنا چاہے، تو آپ یہ پیالہ کتنی رقم میں خریدیں گے؟’’
ہارون الرشید نے تھوڑی دیر کیلئے توقف کیا اور پھر کہا، ‘‘ہم اُسے اپنی آدھی سلطنت دے کر خرید لیں گے۔’’
ابن السماک نے پانی پینے کی اجازت دیدی۔ ہارون الرشید نے اطمینان سے پانی پی لیا۔
ابھی وہ پانی پی کر فارغ ہی ہوئے تھے کہ ابن السماک ؒ نے ایک اور سوال کر دیا،
‘‘امیرالمومنین! فرض کریں اگراس پانی کا اخراج آپ کے جسم سے رک جائے اور پانی آپ کے جسم سے نکل نہیں رہا ہو، آپ طبیبوں سے مشورہ کر لیں پھر بھی یہ پانی جسم سے نہ نکلے تو آپ اس سے چھٹکارہ حاصل کرنے کیلئے کتنی قیمت ادا کریں گے؟’’
بادشاہ نے بلا توقف جواب دیا، ‘‘اس کیلئے ہم اپنی باقی آدھی سلطنت بھی دیں گے۔’’
بزرگ نے انتہائی نرمی سے کہا، ‘‘اے امیر المومنین! جس سلطنت کی قیمت کے پیالے سے بڑھ کر نہیں ہے ، کیا وہ اتنی وقعت رکھتی ہے کہ انسان اس کی ہوس میں ڈوب جائے، اس کی خاطر عوام کا حق مارے’ ان پر ظلم اور زیادتی کرے اور انہی کا مال انہی پر خرچ نہ کرے’’۔
ابن السماک کی بات سن کر ہارون کی آنکھوں سے آنسو بہہ نکلے ’ ہچکی بندھ گئی اور جسم کانپنے لگا۔ وہ جابر حکمران نہ تھا مگر اس واقعے نے ہارون الرشید میں مزید انکساری و عاجزی پیدا کر دی اور دنیا کی حقیقت اور اقتدار کی اصلیت کھل کراس کے سامنے آ گئی ۔
[ماخوذ از تاريخ الرسل والملوك، وصلۃ تاريخ الطبری ، از محمد بن جریر ابو جعفر طبری۔ جُز 8، صفحہ 357 ]ا …

You ain’t gonna miss your water until your well runs dry. Bob Marley

‘‘پانی کی قدر اس وقت تک نہیں ہوتی جب تک کنویں خشک نہ ہو جائیں ’’۔ [باب مارلے] 

(جاری ہے)