روحانی ڈاک

شوہر کے جیل سے رہا ہونے کے بعد، بیوی کے بدلے ہوئے رویے

[dropcap]سوال:  [/dropcap]

میں ایک ریٹائرڈ سرکاری ملازم ہوں۔ اپنی بعض غلطیوں کے سبب مجھے جیل جانا پڑا۔ قید کے دوران میرے بیوی بچوں نے میری جلد رہائی کے لیے بہت زیادہ کوششیں کیں۔ چند سال جیل میں قید رہنے کے بعد آخر کار مجھے رہائیمل گئی۔
جیل سے گھر آنے کے بعد میں نے اپنی بیوی اور بچوں کا رویہ بہت بدلا ہوا پایا۔ بیوی اور بچے میری قید کے دوران تو میرے لیے بہت پریشان رہے اور میری رہائی کی کوششیں بھی کرتے رہے لیکن رہائی کے بعد وہ مجھ سے ٹھیک طرح بات بھی نہیں کر رہے۔ میری بیوی کے رویے میں میرے لیے سرد مہری بھی بہت زیادہ ہے۔ میری بیوی نے مجھ سے ازدواجی تعلقات قائم کرنے سے صاف انکار کردیا ہے۔ وہ کہتی ہے کہ قید کے دوران اسے اور بچوں کو خاندان بھر میں ذلت و رسوائی کا سامنا کرنا پڑا۔ خاندان میں کسی نے رہائی کے لیے مدد کرنا تو درکنار ان سے عام میل جول تک گوارا نہ کیا۔ میری بیوی کہتی ہے کہ انہیں جس کرب و ازیت کا سامنا کرنا پڑا اس کی وجہ صرف میں ہوں۔ اب وہ میرے ساتھ کوئی محبت بھرے تعلقات نہیں رکھنا چاہتی۔ اس نے یہ بھی کہا کہ اگر میں نے ازدواجی تعلقات کے لیے زور زبردستی کی تو وہ مجھ سے خلع لے لے گی۔
میری بیوی نماز روزے کی پابند ایک بہت نیک خاتون ہے۔ اس نے زندگی کی مشکلات میں ہمیشہ میرا بہت ساتھ دیا۔ وہ میاں بیوی کے تعلقات میں بیوی کے فرائض سے بھی اچھی طرح واقف ہے لیکن اب وہ اپنے یہ فرائض ادا کرنے پر تیار نہیں، کہتی ہے کہ میری وجہ سے اسے اور بچوں کو بہت زلیل ہونا پڑا ہے۔ اب اس کا دل میرے قریب ہونے پر راضی نہیں ہے۔

 

 

 

 

 
 ↑ مزید تفصیلات کے لیے موضوعات  پر کلک کریں↑

 

 

---

 

***

بیٹوں کے روزگار، مکان پر نظربد اور بندش! 

سوال: مکان کی فروخت کے لیے دو سال سے کوشاں ہیں۔ خریداری کے لیے لوگ اس عرصے میں آتے رہے اور مکان کی تحسین و آفرین کرکے گئے۔ کچھ نے قیمت سن کر خاموشی اختیار کی، کچھ نے قیمت دریافت ہی نہیں کی۔
تین بار گفت و شنید کے بعد معاملہ طے پایا۔ خریدار بیعانے کی رقم کے ساتھ آئے لیکن بعد میں ارادہ بدل دیا۔ سبب کا اندازہ نہ ہوسکا۔
بڑے بیٹے نے کاروبار بند کرکے دوسرے شہر منتقل ہو کر وہاں رہائش کا بندوبست کیا۔ مکان کی فروخت نہ ہونے کے سبب مجبوراً زمین فروخت کرکے اب وہاں کام شروع کیا ہے۔ چھوٹے بیٹے کی ملازمت ایک نیم سرکاری ادارے میں تھی جو تقریباً چھ سات ماہ قبل ختم ہوگئی۔ ابھی تک اسے ملازمت ملنے میں کامیابی نہیں ہوئی ہے۔
بہت سے لوگ کہتے ہیں کہ بیٹوں کے روزگار اور مکان کی فروخت کے معاملات کسی نظر بد یا بندش کی زد میں ہیں۔ یہی وجہ ہے کہ دو سال سے مکان کی فروخت کا معاملہ تکمیل کو پہنچتے پہنچتے رہ جاتا ہے۔
ہم دو سال سے صبر و شکر کی زندگی گزارتے ہوئے اللہ کی مدد کے طالب ہیں۔ محفل مراقبہ میں بھی دعاؤں کی درخواست ہے۔

 

۔

جواب: قرآن پاک کی سورۃ الزلزال ایک بڑے سفید کاغذ پر سیاہ روشنائی سے لکھوا کر لکڑی کا فریم کروا کر یا پلاسٹک کوٹنگ کروا کر مکان کے اندر دیوار پر لگا دی جائے۔
کم ازکم اکیس دن تک مغرب کے بعد اس مکان میں سورۂ رحمٰن اور سورہ مزمل کی تلاوت کا اہتمام کیا جائے۔ اہل خانہ میں سے کوئی صاحب یا صاحبہ بلند آواز سے تلاوت کرلیں یا پھر کسی قاری مثلاً قاری عبدالباسط عبدالصمد کی آواز میں تلاوت سنی جائے۔
صبح شام سات مرتبہ سورہ فلق، سات مرتبہ سورہ الناس اور تین مرتبہ آیت الکرسی پڑھ کر پانی پر دم کرکے گھر کے چاروں کونوں میں چھڑکدیں۔
شام کے وقت گھر میں لوبان یا کسی اور مناسب لکڑی کی دھونی دیں۔
اپنے سب گھر والوں سے کہیں کہ وہ جب اپنے گھر میں داخل ہوں تو تین مرتبہ یہ دعاپڑھیں۔

اَللّٰھُمَ اِنِّی اَسْئَا لُکَ خَیْرُ الْمُوْلِجَ وَخَیْرَ الْمُخْرَجِ
بِسْمِ اﷲِ وَلَجْنَا وَبِسمِ اﷲِ خَرَجْنَا وَعَلَی اﷲِ رَبَّنَا تَوَکَّلْنَا  

[سنن ابی داؤد]

عشاء کی نماز کے بعد 101مرتبہ سورہ آل عمران(3)کی آیت 37 میں سے

 اِنَّ اللّـٰهَ يَرْزُقُ مَنْ يَّشَآءُ بِغَيْـرِ حِسَابٍ

گیارہ گیارہ مرتبہ درود شریف کے ساتھ پڑھ کر معاشی معاملات میں بہتری، روزگار میں برکت و ترقی فراہم ہونے کی دعا کریں۔

 

 

---

***

خیر وعافیت سے شادی ہوجائے

سوال: میری انٹرنیٹ پر ایک لڑکے سے دوستی ہوگئی تھی۔ ایک سال بعد اس لڑکے نے مجھے پرپوز کیا اورمجھ سے ملنے کی خواہش ظاہر کی۔لڑکا دوسرے شہر میں رہتاتھا۔ میں نے والدہ صاحبہ سے اس بات کاذکر کیا پہلے تو وہ بہت ناراض ہوئیں پھر میری خوشی کی خاطر مان گئیں۔
میں نے لڑکے سے کہا کہ وہ ہمارے گھر اپنی والدہ کو لے کر آجائے۔ اس کے بعد سے لڑکے نے ٹال مٹول کرنا شروع کردی۔ کبھی کہتاہے کہ اس ہفتہ تمہارے گھر آرہے ہیں ۔کبھی کہتاہے کہ کل آرہے ہیں۔اس کےبعد نا آنے پر معذرت کرتاہے۔ میں نے کہا کہ سچ سچ بتاؤ کہ کیا بات ہے۔ اس کے بعد سے اس لڑکے کے ساتھ کوئی رابطہ نہیں ہوسکا۔ اس بات کو چھ مہینے ہوگئے ہیں۔
پچھلے ہفتے والد صاحب کے دور کے جاننے والے ہمارےگھر آئےاورمجھے پسندکرکے چلے گئے۔ ان کا چند ماہ بعد شادی کا ارادہ ہے۔جب سے شادی کا سلسلہ شروع ہواہے اس دن سے اس لڑکے نے دوبارہ مجھےمیل کرنی شروع کردی ہے۔میں اب اس لڑکے سے کوئی رابطہ نہیں رکھنا چاہتی۔اس لڑکے کے پاس میرے میسیج سیف ہیں۔مجھے ڈرہے کہ کہیں وہ اس کا مس یوز نہ کرے۔ آپ ایسا عمل بتائیں کہ میری خیر و عافیت کے ساتھ شادی ہوجائے۔
۔

جواب: درود شریف :

 اللّٰهُـمَّ صَـلِّ عَلَى مُـحَمَّد وَعَلَى آلِ مُـحَمَّد بِـعَدَدِ كُلِّ ذَرَّة مِائَةَ أَلْف أَلْف مَـرَّةوَباَرِكْ وَسَلِّمْ…..  

101 مرتبہ اسم الٰہی یاوہاب، اکیس مرتبہ سورہ بقرہ (2)کی آیت 163،

وَاِلٰـهُكُمْ اِلٰـهٌ وَّاحِدٌ ۖ لَّآ اِلٰـهَ اِلَّا هُوَ الرَّحْـمٰنُ الرَّحِيْـمُO 

اکیس مرتبہ سورۂ حشر (59)کی آیت 24 

هُوَ اللّـٰهُ الْخَالِقُ الْبَارِئُ الْمُصَوِّرُ ۖ لَـهُ الْاَسْـمَآءُ الْحُسْنٰى ۚ يُسَبِّـحُ لَـهٝ مَا فِى السَّمَاوَاتِ وَالْاَرْضِ ۖ وَهُوَ الْعَزِيْزُ الْحَكِـيْمُ O 

پھر 101 مرتبہ اسم الٰہی یاوہاب اور آخر میں درود شریف پڑھ کر
حضرت محمد رسول اللہ صلی اللہ علیہ وسلم کے وسیلے سے بارگاہ رب العزت میں دعاکی جائے۔
یہ عمل کم از کم چالیس روز تک جاری رکھیں۔ تین ماہ تک ہر جمعرات حسب استطاعت صدقہ کرتے رہیں۔
ناغہ کے دن شمار کرکے بعد میں پورےکرلیں۔
اللہ آپ سے راضی ہو ں اور آپ کو دین و دنیا کی خوشیاں اور کامیابیاں عطا فرمائیں۔ آمین 

۔

 

---

***

عاشق مزاج شوہر 

سوال: میری شادی کو آٹھ سال کا عرصہ گزر کیا ہے۔ یہ آٹھ سال میں نے اس اُمید پر گزار دیے کہ وقت گزرنے کے ساتھ ساتھ شوہر کے مزاج میں تبدیلی آجائے گی۔ اب مجھے اس بات کا یقین ہوگیا ہے کہ اُن میں تبدیلی نہیں آسکتی۔
میری شادی غیروں میں ہوئی تھی اس لئے ان کے بارے میں زیادہ معلومات کسی کو نہیں تھیں۔ شادی کے بعد مجھے معلوم ہوا کہ یہ تو شروع ہی سے عاشق مزاج رہے ہیں اور ہر خوبصورت لڑکی پر ڈورے ڈالنا اپنا حق سمجھتے ہیں ۔ شادی کے کچھ ہی عرصے بعد انہیں اپنے خاندان کی ایک لڑکی اس قدر بھائی کہ یہ اُس کے ساتھ دوسری شادی کا پکا ارادہ بھی کربیٹھے لیکن لڑکی والے کسی صورت راضی نہ ہوئے۔
میں نے اپنے شوہر کی خدمت میں کبھی کوئی کسر نہیں چھوڑی۔ ان کی حرکتیں سامنے آنے پر بھی پیار سے انہیں سمجھایا ہے۔ اب میں تھک چکی ہوں آخر میں بھی انسان ہوں۔

 

جواب: صبح سویرے بیدار ہوجائیں اور وضوکرکے:

:

بسم اﷲ الرحمن الرحیم

لاالہ الا انت سبحانک انی کنت من الظالمینO   – [سورہ الانبیاء ۔ 87]

اﷲ نور السمٰوٰتِ والارض O  – [سورہ نور۔35]

لاتاخذہٗ سنتہ وّ لا نوم O  – [سورہ بقرہ۔ 255 ]

بسم اللہ شریف کے ساتھ مندرجہ بالا تینوں آیتیں تین تین مرتبہ پڑھ کر ایک گلاس پانی پر دم کردیں۔
یہ پانی اپنے شوہر کوپلادیں اور ان کے لیے دعا کریں کہ انہیں آپ کے سب حقوق اچھی طرح ادا کرنے کی توفیق ملے۔
یہ عمل چالیس روز تک کرنا ہے۔
ناغہ کے دن شمار کرکے بعد میں پورے کرلیں۔ اللہ تعالیٰ اپناکرم فرمائیں گے۔
 

 

---

***

کاروبار بند ہونے کوہے….

سوال:میں نے ایک سال پہلے کاسمیٹکس کی دکان کھولی تھی جو چند ماہ اچھی چلی ۔
ایک دن صبح جب میں دکان پہنچا تو دکان کے دروازے پر دونوں طر ف سڑا ہوا گوشت رکھا ہواتھا اورتالوں پر خون لگا ہوا تھا۔میں نے کسی کی شرارت سمجھ کر صفائی کروائی اور دکان کھول کر بیٹھ گیا۔ اس دن مجھے وقفہ وقفہ سے گھبراہٹ محسوسہوئی۔
اس کے بعد سے دکانداری کم ہونے لگی۔دکان میں کاسمیٹکس کی تمام رینج رکھی ہوئی ہے مگر اس کے باوجود گاہگ کو میری دکان جیسے نظر ہی نہیں آتی۔
وقار عظیمی صاحب ….! کاروبار کم ہوتے رہنے سے معاشی مشکلات میں گھرتا جارہاہوں۔ کوئی وظیفہ بتائیں کہ میری دکان پہلے کی طرح چلنے لگے اورکاروبار میں خیروبرکت ہو۔

 

جواب: عشاء کی نماز کے بعد باوضو ہوکر مصلے پر قبلہ رخ بیٹھ کر 101 مرتبہ

اَللّٰھُمَّ صَلِّ عَلیٰ مُحَمَّدٍ عَبْدِکَ وَرَسُوْلِکَ وَصَلِّ عَلیَ الْمُؤْ مِنِیْنَ وَالْمُؤْمِنَاتِ وَالْمُسْلِمِیْنَ وَالْمُسْلِمَاتِ O

پڑھ کربرکت وترقی اوررزق میں فراوانی کے لیے دعا کریں۔
یہ عمل کم ازکم ایک ماہ تک جاری رکھیں۔
شام کے وقت سات مرتبہ سورہ فاتحہ اورتین تین مرتبہ سورہ فلق اورسورہ الناس پڑھ کر دکان کے چاروں کونوں پر دم کردیاکریں۔
یہ عمل اکیس روزتک جاریرکھیں۔
حسب استطاعت صدقہ کردیں۔ ہر جمعرات کم از کم دومستحق افراد کو کھانا کھلائیں۔

 

---

***

بیٹے کی خواہش

سوال: میری شادی پینتیس سال کی عمر میں بہت دعاؤں اوربڑی منتوں کے بعد ہوئی ۔اللہ تعالیٰ کا لاکھ لاکھ شکر ہے کہ مجھے بہت محبت کرنے والا شوہر اوربہت اچھا سسرال ملا ہے۔ شادی کے دوسال بعد میری بیٹی کی پیدائش پر سب نے خوشیاں منائیں۔ چند ماہ بعد شوہر نے کہا کہ میں چاہتا ہوں کہ ہماری دوسری اولاد بیٹا ہو۔
دوسال بعد دوسری بیٹی ہوئی۔ پھر تیسری اورچوتھی بیٹی ہوئی تو شوہر مجھ سے دوردور رہنےلگے۔ گھر پرکم توجہ دینے لگے ہیں۔ اب وہ اپنا زیادہ تر وقت گھر سے باہر گزارتے ہیں۔ رات کو دیر سے گھر آتے ہیں اور تھکاوٹ کا بہانہ کرکے سوجاتے ہیں۔
میں نے کئی بار ان سے بات کرنی چاہی لیکن وہ خاموش رہتے ہیں۔
میں جانتی ہوں کہ ان کے دل میں بیٹے کی خواہش ہے لیکن اب وہ اپنی زبان سے بیٹے کے لیے نہیں کہتے۔
آپ مہربانی فرماکر ایسا عمل یا وظیفہ بتائیں کہ اللہ تعالیٰ اس مرتبہ ہمیں بیٹے سے نواز دے۔ 

 

جواب: اپنے شوہر کے دیر سے گھر آنے یا اپنے دوستوں میں زیادہ وقت گزارنے پر خود کو قصور وار مت سمجھیے۔ اگر آپ کے ہاں بیٹا ہوتا تب بھی شاید وہ ہر وقت گھر میں نہ رہتے۔ بعض مرد معاشی مصروفیات کے بعد اپنے گھر میں وقت گزارنا پسند کرتے ہیں ، بعض مرد دن بھر کام کاج کی تھکن کے بعد اپنے دوستوں میں رہنا پسند کرتے ہیں۔ آپ کے شوہر دوستوں میں خوش رہنے والے آدمی ہیں۔ ان کی اس بات کو اپنے لیے محبت میں کمینہسمجھیے۔
آپ خود ہی دیکھ لیجیے بحیثیت شوہر یا بحیثیت والد انہوں نے اپنی ذمہ داری کی ادائی میں کبھی کوتاہی یا لاپروائی برتی ہے….؟
میرا اندازہ ہے کہ ایسا نہیں ہوا ہے۔
بطور روحانی علاج عشاء کی نماز کے بعد تین سو مرتبہ اللہ تعالیٰ کا اسم

یااول

گیارہ گیارہ مرتبہ درود شریف کے ساتھ پڑھ کر پانی پر دم کرکے میاں بیوی دونوںپئیں۔
آپ کے شوہرغذاؤں میں بندگوبھی زیادہ استعمال کریں۔ اس کے علاوہ چھوارے ،چلغوزے اورسورج مکھی کے بیج بھی روزانہ کھایاکریں۔
یہ عمل کم از کم تین ماہ تک جاری رکھیں۔ 

 

---

***

وجاہت و خوبصورتی کا مراقبہ

سوال: میرا مسئلہ اپنی شخصیت میں جاذبیت و کشش کے فقدان کا ہے۔ میرا رنگ گہرا، ناک چپٹی ہے، ہونٹ باریک، آواز زنانہ ہے۔
لوگوں کی طرح طرح کی طنزیہ باتوں کو میں نے کبھی اہمیت نہ دی اورہمت نہ ہاری۔ آج میں ایم بی اے کرچکا ہوں اور اچھی جگہ برسرروزگار ہوں۔
آج کے دورمیں اکثرلوگ ظاہری شکل وصورت کو بھی بہت اہمیت دیتے ہیں۔ اب میری شادی کا مسئلہ ہے۔ معمولی شکل وصورت کی وجہ سے شادی میں بہت مشکل پیش آرہی ہے۔میں چاہتاہوں کہ آپ مجھے وجاہت کے لیے کوئی مراقبہ بتادیں۔

 

جواب: رات کو سوتے وقت آنکھیں بند کرکے یہ تصور کریں کہ میں ایک باغ میں ہوں۔ باغ میں گلاب کے سرخ پھول کھلے ہوئے ہیں۔ ان پھولوں کی مہک ہر طرف پھیلی ہوئی ہے ۔
جب تصور قائم ہوجائے تو لمبے لمبے سانس لے کر اس خوشبو کوسونگھیں۔ چند دنوں کی مشق کے بعد آپ کو گلاب کی خوشبو آنے لگی گی۔ کچھ عرصہ تک اس خوشبو سے لطف اندوز ہوتے رہیں اور مراقبہ جاری رکھیں۔
ان شاء اﷲ نوے روز کے اس عمل سے آپ کے اندر مردانہ وجاہت اور کشش آجائے گی۔
مراقبہ کے دوران خیالات اگر آتے ہیں تو آنے دیں، خیالات کو نہ تو اہمیت دیں اور نہ انہیں رد کریں، وہ خود گزر جائیں گے۔
سرخ شعاعوں میں تیار کردہ پانی ایک ایک پیالی روزانہ صبح اور شام پئیں۔

 

---

***

حسد کے اثرات!

سوال: پانچ سال پہلے میری شادی دور کے رشتے داروں میں ہوئی۔ میرے شوہر کے دو بھائی، دو بہنیں ہیں۔ میرے شوہر بہن بھائیوں میں سب سے چھوٹے ہیں۔ وہ ایک کمپنی میں سوفٹ انجینئر ہیں۔ ماشاء اللہ اچھی آمدنی ہے۔ گھر میں سب پیار محبت سے رہتے تھے۔
ایک سال پہلے ان کے والد کا اچانک انتقال ہوگیا۔ گھرانے کے سربراہ کے اس طرح چلے جانے سے سب اہلِ خانہ بہت دکھی اور بہت ڈسٹرب ہوئے۔ والد کے انتقال کے چند ماہ بعد بہنوں، بھائیوں نے کہا کہ والد کا مکان بیچ کر ہم اپنا حصہ الگ کرنا چاہتے ہیں۔
میرے شوہر نے پراپرٹی کی ویلیو معلوم کی اور دونوں بہنوں اور بھائیوں کا جو جو حصہ بنتا تھا وہ انہیں دے دیا لیکن وہ مکان نہیں بیچا کہ یہ والد صاحب کی نشانی ہے۔
گزشتہ چند ماہ سے ہمارے ساتھ عجیب و غریب واقعات ہورہے ہیں۔ کبھی گھر کے دالان میں سڑا ہوا گوشت ملتا ہے اور کبھی مین دروازے پر کسی جانور کی ہڈیاں رکھی ہوئی ملتی ہیں۔ کبھی رات کو گھر کے اندر لوگوں کے چلنے کی آوازیں آتی ہے۔ رات کو اکثر سوتے میں کوئی میرے شوہر کے بالوں کو پکڑ کر کھینچتا ہے جس سے وہ گھبرا کر اٹھ جاتے ہیں اور ساری را ت جاگتے رہتے ہیں۔ شوہر کو ایسا لگتا ہے کہ ان کے کندھوں پر منو ں وزن رکھ دیاگیاہو۔
ان کو بہت زیادہ غصہ آنے لگا ہے۔ طبیعت میں بےچینی اور دل پر دباؤ محسوس ہوتا ہے۔ آفس کے معاملات بھی خراب ہورہے ہیں۔ وہ آفس میں چھوٹی چھوٹی باتوں پر الجھ جاتے ہیں۔
ہم نے دو تین عامل حضرت سے معلوم کیا۔ ان سب نے یہ کہا کہ آپ لوگوں پر سفلی عمل کروایا گیا ہے۔ انہوں نے توڑ بھی کیا لیکن کوئی خاص فرق نہیں ہوا۔
اب شوہر کی حالت مزید بگڑتی جارہی ہے انہیں مختلف آوازیں آتی ہیں جو رات بھر سونے نہیںدیتیں۔
محترم وقار صاحب….! ہماری کسی سے کوئی دشمنی نہیں ہے پھر نجانے کوئی کیوں ہمارے پیچھے پڑگیا ہے۔ ہم بہت اذیت میں ہیں۔ آپ سے التماس ہے کہ کوئی وظیفہ بتائیں کہ ہر قسم کے برے اثرات ختم ہوجائیں۔ 

 

 

جواب: آپ کے شوہر کو روحانی علاج کے ساتھ ساتھ نفسیاتی مدد (Psychological Support) کی بھی شدید ضرورت ہے۔ والد کے انتقال کا صدمہ ان سے برداشت نہیں ہورہا۔ اس وجہ سے ان کے ذہن پر شدید دباؤ ہے۔ اللہتعالیٰ سے دعا ہے کہ انہیں صبرِ جمیل عطا ہو،آمین۔
بہتر ہوگا کہ کسی اچھے نفسیاتی معالج سے کاؤنسلنگ کے لیے وقت لیا جائے۔
بطور روحانی علاج صبح اور شام کے وقت اکیس اکیس مرتبہ سورہ البقر:(02)کی آیت109،

وَدَّ كَثِيْرٌ مِّنْ اَهْلِ الْكِتَابِ لَوْ يَرُدُّوْنَكُمْ مِّنْ بَعْدِ اِيْمَانِكُمْ كُفَّارًا حَسَدًا مِّنْ عِنْدِ اَنْفُسِهِـمْ مِّنْ بَعْدِ مَا تَبَيَّنَ لَـهُـمُ الْحَقُّ ۚ فَاعْفُوْا وَاصْفَحُوْا حَتّـٰى يَاْتِىَ اللّـٰهُ بِاَمْرِهٖ ۗ اِنَّ اللّـٰهَ عَلٰى كُلِّ شَىْءٍ قَدِيْرٌO

اور سورہ حشر(59)کی آیت22

هُوَ اللّـٰهُ الَّـذِىْ لَآ اِلٰـهَ اِلَّا هُوَ ۖ عَالِمُ الْغَيْبِ وَالشَّهَادَةِ ۖ هُوَ الرَّحْـمٰنُ الرَّحِـيْـمُ O

تین تین مرتبہ درود شریف کے ساتھ پڑھ کر شہد پر اور تھوڑے پانی پر دم کرلیں۔ دم کیا ہوا شہد ایک ایک چمچ شوہر کو پلائیں اور دم کیا ہوا پانی .گھر کے چاروں کونوں میں چھڑک دیں۔
رات سونے سے پہلے سات مرتبہ سورۂ فلق، سات مرتبہ سورہ الناس اور تین مرتبہ آیت الکرسی پڑھ کر اپنے اور شوہر کے اوپر دم کردیاکریں۔
مکان میں کم از کم اکیس دن تک ایک مقررہ وقت پر پابندی کے ساتھ لوبان یا کسی اور مناسب لکڑی کی دھونی دی جائے۔
آپ کے شوہر کثرت سے اللہ تعالیٰ کے اسماء
یا حی یا قیوم
اور دیگر سب گھر والے وضو بےوضو کثرت سے
یاحفیظ یاسلام
کا وردکرتے رہیں۔
حسب استطاعت صدقہ کردیں۔

 

---

***

لڑکیوں کی شادیاں!

سوال: میری چار بیٹیاں ہیں ۔چاروں بیٹیوں کی شادی نہ ہونے کا مسائل ہیں۔بڑی بیٹی کی عمر بیالیس سال ،اس سے چھوٹی اڑتیس سال ،پھرستائیس سال اورسب سے چھوٹی بائیس سال کی ہوگئی ہے۔
کافی عرصے بعد کوئی رشتہ آتا ہے مگر بات نہیں بن پاتی۔رشتے کے لیے آنے والے لڑکیوں کو پسند بھی کرلیتے ہیں مگربعد میں خاموشی طاری ہوجاتی ہے۔
برائے کرم کوئی وظیفہ بتائیں کہ میری چاروں بیٹیاں جلد اپنے اپنے گھر کی ہوجائیں۔

 

جواب: عشاء کی نماز کے بعد 111مرتبہ سورہ اعراف(07) کی آیت 189

هُوَ الَّـذِىْ خَلَقَكُمْ مِّنْ نَّفْسٍ وَّاحِدَةٍ وَّجَعَلَ مِنْـهَا زَوْجَهَا لِـيَسْكُنَ اِلَيْـهَا ۖ فَلَمَّا تَغَشَّاهَا حَـمَلَتْ حَـمْلًا خَفِيْفًا فَمَرَّتْ بِهٖ ۖ فَلَمَّآ اَثْقَلَتْ دَّعَوَا اللّـٰهَ رَبَّـهُمَا لَئِنْ اٰتَيْتَنَا صَالِحًا لَّنَكُـوْنَنَّ مِنَ الشَّاكِـرِيْنَ O
پڑھیں، اس کے بعد گیارہ مرتبہ درود ابراہیمی پڑھ کر سب بیٹیوں کی شادی میں حائل رکاوٹیں دور ہونے اور اچھی جگہ رشتے طے ہونے کی دعاکریں۔
حسب استطاعت صدقہ کردیں۔ ہر جمعرات کم ازکم تین مستحق افراد کو کھانا کھلادیاکریں۔

 

---

***

والدین میں نااتفاقی 

سوال: ہم دوبھائی اورتین بہنیں ہیں۔ اللہ تعالیٰ کا کرم ہے کہ ہمارے گھر میں ہرنعمت موجود ہے۔ بھائیوں کا اچھا روزگارہے۔مسئلہ یہ ہے کہ میرے والد اوروالدہ کی آپس میں بہت لڑائی ہوتی ہے۔ذرا ذرا سی بات پر دونوں آپے سے باہر ہوجاتے ہیں اورایک دوسرے پر گندی گالیوں اورفحش کلمات کی بوچھاڑ کردیتے ہیں۔ لڑائی جھگڑے اور بدزبانی کے اس ماحول سے چھوٹے بہن بھائی زیادہ پریشان ہیں۔ والد کے سخت رویے اور اپنے عدم برداشت کی وجہ سے ہماری والدہ اب ہمارے ساتھ بھی بہت غصے میں بات کرتی ہیں۔ وقت بے وقت اپنی بیٹیوں کو نجانے کیا کیا کہہدیتیہیں۔
میری چھوٹی بہن نے کہنا شروع کردیا ہے کہ مجھے امی اچھی نہیں لگتیں۔ میں اسے سمجھاتا ہوں تو کہتی ہے کہ آپ کو معلوم نہیں کہ والدہ مجھ پر ایسے ایسے الزامات لگاتی ہیں کہ میرا دل کرتا ہے کہ خودکشی کرلوں۔
میری بڑی بہن والدین کو سمجھاتی ہیں لیکن وہ آپس میں لڑنے سے باز نہیں آتے۔ والدین کی روز روز کی لڑائی کی وجہ سے محلے والے بھی اب ہمارا مذاق اُڑانے لگے ہیں۔
میری خواہش ہے کہ گھر میں والدین کی ناچاقی اور بد سلوکی ختم ہوجائے اور وہ آپس میں عزت و احترام کے ساتھ رہیں۔ ہمارے گھر کا ماحول بھی پرسکون ہوجائے۔ اس مقصد کے لیے آپ کوئی ایسی دعا بتائیں جو میں خود یا میری بہن پڑھ سکیں۔ 

 

جواب: جس گھر میں والدین ایک دوسرے کی عزت نہ کرتے ہوں اور آپس میں لڑتے رہتے ہوں وہاں بچوں پر شدید منفی اثرات کا اندیشہ رہتا ہے۔ ایسے ماحول میں پلنے والے کئی بچے اعتماد کی شدید کمی میں مبتلا ہوجاتے ہیں۔ خود اعتمادی نہ ہونے کی وجہ سے ان بچوں کو عملی زندگی میں قدم قدم پر رُکاوٹیں محسوس ہوتی ہیں۔
باہم لڑائی جھگڑا کرنے والے والدین کسی اور کے لیے نہیں بلکہ خود اپنی اولاد کی خاطر ہی ضبط و برداشت سے کام لے لیں تو ان کے گھر کا ماحول بھی بہتر ہوجائے گا اور ان کے بچوں کو ڈر، خوف، عدم تحفظ، احساسِ کمتری ، خود اعتمادی میں کمی جیسے مسائل کا سامنا بھی نہیں ہوگا۔
اپنے والدین کے باہمی رویوں میں بہتری کے لیے بطور روحانی علاج :

صبح نہار منہ اورشام کے وقت اکیس اکیس مرتبہ سورہ فرقان(25) کی آیت نمبر63

وَعِبَادُ الرَّحْـمٰنِ الَّـذِيْنَ يَمْشُوْنَ عَلَى الْاَرْضِ هَوْنًا وَاِذَا خَاطَبَهُـمُ الْجَاهِلُوْنَ قَالُوْا سَلَامًا O

تین تین مرتبہ درود شریف کے ساتھ پڑھ کر پانی پر دم کرکے والد اور والدہ کو پلائیں۔
اگر یہ ممکن نہ ہو تو مذکورہ بالا وظیفہ پڑھ کر دونوں کا تصورکرکے دم کردیں اور دعاکریں کہ انہیں ایک دوسرے کے ساتھ حسن سلوک سے رہنے کی توفیق عطا ہو ۔
اکیس مرتبہ اللہ تعالیٰ کا اسم
یَا وَدُوْدُ 
تین تین مرتبہ درود شریف کے ساتھ پڑھ کر پانی یا چائے پر دم کرکے اپنے والد اور والدہ کو پلادیاکریں۔
یہ عمل کم از کم ایک ماہ تک جاری رکھیں۔

 

---

***

گھر کا بگڑا ہوا ماحول کیسے ٹھیک کیاجائے….؟

سوال:ہم سات بہن بھائی ہیں۔ چار بہنیں تین بھائی۔ ہمارے والدین میں آپس میں کبھی نہیں بنی ۔والد صاحب غصے کے تیز ہیں۔ موقع بے موقع امی کو ڈانٹتے رہے۔ کبھی ان پر ہاتھ بھی اٹھایا۔امی بھی ہمارے والد کو ترکی بہ ترکی جواب دیتی رہیں۔ اس دوران بچے بھی پیدا ہوتے رہے اور لڑائی جھگڑے اورباہمی بے عزتیوں کے اس ماحول میں پرورش پاتے رہے۔
والدین کی یہ شدید لڑائیاں آج تو کچھ کم ہوگئی ہیں لیکن اب بہن بھائی ایک دوسرے سے لڑتے ہیں۔ ایسا لگتا ہے کہ سب ایک دوسرے کی شکل سے بیزار ہیں۔ ساتوں بہن بھائی کی آپس میں بات چیت بھی نہیں ہے۔ بس کوئی ضروری بات ہوئی توسپاٹ لہجے میں جلدی سے کرلیتے ہیں۔ اگر چار پانچ منٹ تک بات ہوجائے تو اس کاانجام بحث اورلڑائی کی شکل میں ہی نکلتاہے۔ دوبہنوں کی شادی ہوچکی ہے۔
دو سال پہلے بھائی کی شادی ہوئی۔ اس کی بیوی نے سسرال کا یہ ماحول دیکھا تو الگ ہوجانے کی ٹھان لی۔ وہ ہر روز ہمارے بھائی سے ہم سب کی خاص طورپربہنوں کی شکایتیں لگاتی تھی۔ اپنی بیوی کی باتیں سن سن کر بھائی پر انکشاف ہوا کہ یہ گھر تو اب رہنے کے قابل نہیں رہاہے۔ چند ہفتوں بعد وہ اپنی بیوی کو ساتھ لے کر کرایہ کے مکان میں شفٹ ہوگیا۔
چند ماہ پہلے دوسرے بھائی کی شادی ہوئی۔ اس نے تو شادی سے پہلے ہی کہہ دیا تھا کہ وہ الگ رہے گا۔ شادی کے تیسرے ہفتے ہی وہ ایک فلیٹ میں شفٹ ہوگیا۔
اب اس گھر میں والدین کے ساتھ ہم دوبہنیں اور ایک بھائی رہتے ہیں۔ والد صاحب ہمارے چھوٹے بھائی کو نکما اورکام چور کہتے ہیں۔ جواب میں وہ بھی والد صاحب کو بہت کچھ کہہ دیتاہے۔ایک سنگین مسئلہ یہ ہے کہ بہن بھائیوں میں سےکوئی والد صاحب کی حمایت کرے تو والدہ اس سے ناراض ہوجاتی ہیں۔کوئی والدہ کی حمایت کرے تو والد صاحب اسے اپنا مخالف سمجھتے ہیں۔
ماں باپ کے ان جھگڑوں میں ہمارے چھوٹے بھائی نے ہمیشہ ماں کی سائیڈ لی ہے اس لیے والد صاحب اس سے ہمیشہ ناراض ہی رہتے ہیں۔نہ صرف یہ کہ اسے برا بھلا کہتے ہیں بلکہ دوسروں کے سامنے بھی اس کی برائیاں کرتے ہیں۔
ہماری ایک بہن والد صاحب کی بہت زیادہ سائیڈ لیتی ہیں۔ان سے ہماری امی سخت ناراض ہیں اورانہیں برابھلا کہتی رہتی ہیں۔
ماں باپ کے خراب تعلقات اوربہن بھائیوں کے باہمی جھگڑوں کی وجہ سے محلے والے ہمیں طنزیہ نظروں سے دیکھتے ہیں اوررشتہ داروں میں ہمارا مذاق اڑایا جاتاہے۔
مجھے سمجھ نہیں آتا کہ ہمارے گھر کا بگڑا ہوا ماحول کس طرح ٹھیک ہوگا….؟۔

 

جواب: آ پ کے گھریلو ماحول کی خرابی کی بنیاد غلط سوچ ہے۔ اس سوچ کا تعلق عورت کوکمتر، حقیر سمجھنے اور اپنی ذمہ داریوں سے فرار سے ہے۔
بہت سے مرد گھر میں رعب جمانے کے لیے اپنی عورت کے ساتھ سخت رویہ رکھنا ضروری سمجھتے ہیں۔
محبت ،پابندیوں اور سختیوں میں نہیں بلکہ احترام اورآزادیوں میں پھلتی پھولتی ہے۔ گھر میں سختی کرنے سے بیوی اور اولا دپر مرد کا رعب تو قائم ہوسکتا ہے لیکن ایسا کرنے سے ان کے دلوں میں جگہ نہیں بن پاتی۔
والدین کی لڑائیاں اورایک دوسرے پر الزام تراشیاں گھر کے ماحول میں گھٹن کا سبب بنتی ہیں۔ ایسے ماحول میں پروان چڑھنے والے بچے شرمندگی، بیزاری اوراحساس کمتری میں مبتلا ہوسکتے ہیں۔
قوت ارادی ،اعتماد اوربرداشت کی کمی کی وجہ سے ایسے اکثر لوگ محنت سے بھی کترانے ہیں اورشکایتی اورناراض رویہ اختیارکرلیتےہیں۔ اپنے بہن بھائیوں میں سے کسی کو آگے بڑھتا دیکھیں تو اپنے دل میں اس کے خلاف بغض پالنے لگتے ہیں۔
انسانی شخصیت کو کمزور کردینے والے ایسے عوامل سے چھٹکارا پانے کے لیے ماحول میں تبدیلی لانا ضروری ہے۔ ماحول کی تبدیلی کے لیے اہل خانہ کے رویوں میں اور مخالف باتوں پر ردعمل کے انداز میں تبدیلیاں درکار ہیں۔
آپ کے والدین ایک دوسرے سے سخت ناراض اور شاکی ہیں۔ ان کی باہمی شکایتیں دورکرنا تو اب بہت مشکل ہے لیکن انہیں اولاد کی طرف سے اطمینان دلایا جاسکتاہے۔
جو میاں بیوی آپس میں لڑتے رہتے ہیں ان میں سے اکثر اپنے بڑھاپے میں اپنی اولاد کی طرف سے خوف زدہ رہتے ہیں۔ انہیں ڈر ہوتا ہے کہ ضعیفی کے دور میں ان کے بچے ان سے لاتعلق ہوجائیں گے۔
اس خوف اور گھراہٹ میں بوڑھے والدین کئی غلط فیصلے بھی کرڈالتے ہیں۔ ایسے والدین کی اولاد اگر گھر کاماحول کچھ بہتر بنانا چاہے تو اولین قدم کے طورپر اپنے والدین کو یہ احساس دلانے کی ضرورت ہے کہ اولاد ان کا احترام کرتی ہے اور ان کی خدمت کرنا چاہتیہے۔
آپ کے والد اور والدہ نے اولاد کو حامی اور مخالف گروپوں میں تقسیم کرلیا ہے لیکن اولاد کو کسی ایک کا ہونے کے بجائے دونوں کا یکساں احترام اور خیال کرنا چاہیے۔
مجھے اندازہ ہے کہ ان باتوں پر عمل کرنا آسان نہیں ہے لیکن تیس چالیس سال پرانی تلخیوں کو فراموش کردینا بھی تو آسان نہیں ہوتا۔
رات سونے سے پہلے اکتالیس مرتبہ سورہ قریش گیارہ گیارہ مرتبہ درود شریف کے ساتھ پڑھ کر اپنے والدین کاتصورکرکے دم کردیں اور ان کے مزاج میں نرمی اوراصلاح کی توفیق ملنے کی دعاکریں۔
یہ عمل کم از کم چالیس روزتک جاری رکھیں۔
ناغہ کے دن شمار کرکے بعد میں پورے کرلیں۔

 

 

---

***

ظہر کے بعد طبیعت خراب!

سوال: ہم تین بہنیں اورایک بھائی ساتھ رہتے ہیں۔چھ ماہ پہلے بھائی کا ٹرانسفر کراچی ہوگیا۔ ان کے ساتھ ہم بھی کراچی آگئے۔ یہاں ایک بلڈنگ میں دوسرے فلور پر ایک فلیٹ لیا۔
اس فلیٹ میں آنے کے تیسرے دن سے ہی ہم تینوں بہنوں کی طبیعت خراب ہونا شروع ہوگئی۔ ڈاکٹروں کو چیک کروایا لیکن کوئی وجہ سامنے نہیں آئی۔ظہر کے وقت سے عصر تک ہمیں فلیٹ میں بہت سردی لگتی ہے اوراکثر اوقات ہمارےہاتھ پاؤں سن ہوجاتے ہیں۔بعض اوقات اس دوران ہم حرکت بھی کرنا چاہیں تو حرکت نہیں کرسکتے۔ حیرت کی بات ہے کہ اس وقت گھر سے باہر ہوں تو طبیعت بالکل ٹھیکرہتیہے۔
کئی مرتبہ مولوی صاحب سے دم کروانے پرتو ایک دو دن حالات ٹھیک رہتے ہیں۔ اس کے بعد دوبارہ وہی کیفیات پہلے سے زیادہ شدت کے ساتھ شروع ہوجاتی ہیں۔ ظہر سے عصر کے درمیان شدید ذہنی اور جسمانی اذیت محسوس ہوتی ہے۔ دیگر اوقات میں ہم بالکل ٹھیک رہتے ہیں۔ ایک خاص بات یہ کہ یہ کیفیت صرف ہم بہنوں کی ہوتی ہیں بھائی کو یہاں کبھی کوئی دباؤ وغیرہ محسوس نہیں ہوا۔

 

جواب: فجر کی نماز کے بعد سورہ فاتحہ ایک سو پچیس مرتبہ پڑھی جائے۔ اس تعداد میں سورہ فاتحہ گھر کے تین یا چار افراد مل کربھی تلاوت کرسکتےہیں۔
سورہ فاتحہ کی تلاوت سے پہلے اور تلاوت کے بعد گیارہ گیارہ مرتبہ درود شریف کا ورد کرلیاجائے۔
دن میں تقریباً ایک بجے سات سات مرتبہ سورہ آل عمران (3)کی آیت 154  اورسورہ فتح (48)کی آیت 29

تین تین مرتبہ درود شریف کے ساتھ پڑھ کر ایک ایک ٹیبل اسپون شہد یا ایک ایک پیالی پانی پر دم کرکے پئیں اور اپنے اوپر بھی دم کرلیں۔
یہ عمل تینوں بہنیں علیحدہ علیحدہ بھی کرسکتی ہیں یا کوئی ایک بہن پڑھ لیں اور شہد یا پانی پر دم کرکے خود بھی پی لیں اور دونوں بہنوں کو بھیپلادیں۔
عصر و مغرب کے درمیان سات مرتبہ سورہ فلق، سات مرتبہ سورہ الناس اور پانچ مربتہ آیتالکرسی پڑھ کر پانی پر دم کرکے سب گھر والوں کو پلائیں اور تھوڑا پانی .گھر کے چاروں کونوں میں چھڑک دیں۔
قرآن پاک کی سورہ الزلزال ایک بڑے سفید کاغذ پر سیاہ روشنائی سے لکھواکر لکڑی کافریم کرواکریا پلاسٹک کوٹنگ کروا کر مکان کے اندر کسی اونچی جگہ پر لگادیں۔
حسب استطاعت صدقہ بھی کردیں۔

 

---

***

بوڑھاپے میں تیسری شادی!

سوال: میرے سسر کی عمر پچھتر(75) سال سے زیادہ ہوگئی ہے۔ انہیں سب بابوجی کہتے ہیں۔ ان کے چھ بیٹے اور دوبیٹیاں ہیں جو سب شادی شدہ ہیں۔
پندرہ سال پہلے میری ساس کے انتقال کے ڈیڑھ سال بعد بابو جی نے ایک بیوہ خاتون سے جن کی عمر اس وقت پینتالیس سال تھی نکاح کرلیا۔ ان خاتون کے تین بچے تھے۔
بابوجی کا اپنا بڑا کاروبار ہے۔ روپے پیسے کی کوئی کمی نہیں ہے۔ بابوجی نے ان خاتون کی دونوں بیٹیوں کی شادیاں اپنے ہاتھوں سے کروائیں۔ ان کے بیٹے کو ایک اچھی جگہ ملازمت دلوائی لیکن بابوجی کی یہ شادی نہ چل سکی۔ سات سال پہلے ان دونوں کے درمیان علیحدگی ہوگئی۔ اس علیحدگی کے ایک سال بعد بابو جی نے اپنی بیٹی سے بھی کم عمر ایک خاتون سے نکاح کرلیا۔
میرے سسر من موجی آدمی تو پہلے ہی مشہور تھے لیکن اپنے سے اتنی کم عمر خاتون سے نکاح کے بعد ان میں بہت تبدیلیاں آئیں۔ سب سے اہم یہ کہ انہوں نے اپنے بیٹوں اوربیٹیوں سے دوری اختیار کرنا شروع کردی۔
میرے شوہر، دیور سب کے علیحدہ علیحدہ کاروبار ہیں لیکن اپنے ہر بیٹے کے کاروبار میں بابوجی کاچالیس فیصد حصہ بھی ہے۔
بابوجی اپنے سب بیٹوں کے کاروباری حالات سے واقفیت رکھتے تھے اور انہیں مشورے دیاکرتے تھے۔ جب سے ان کی تیسری شادی ہوئی ہے وہ آہستہ آہستہ اپنے بیٹوں کے نہ صرف کاروبار سے بلکہ ان کے گھر بار سے بھی لاتعلق ہونےلگے۔
اب حال یہ ہوگیاہے کہ وہ اپنے چار بیٹوں کو اپنا دشمن سمجھتے ہیں۔ باقی دوبیٹوں کے بارے میں بھی ان کے خیالات کچھ زیادہ اچھے نہیں ہیں۔
بابوجی کی تیسری بیگم کے چار بھائی ہیں۔ ایک کسی وکیل کے ہاں اسٹنٹ ہے۔ دو بھائی فیکٹریوں میں کام کرتے ہیں اورایک بھائی کپڑے کی دکان پر سلیز مین ہے۔ بیگم صاحبہ نے بابو جی کو پتہ نہیں کیا پٹی پڑھائی ہے کہ اب وہ چاہتے ہیں کہ ان کے بیٹے بیگم صاحبہ کے بھائیوں کو اپنے ساتھ کام میں شاملکرلیں۔
بابوجی کی اس بات پر سارے خاندان میں ہلچل مچ گئی ہے۔ خاندان کے کئی لوگوں نے بھی بابوجی کو سمجھانے کی کوشش کی لیکن وہ کہتے ہیں کہ اس عورت نے میری بہت خدمت کی ہے۔ میں اس کے بھائیوں کو کاروبار میں شامل کرکے اس کا شکریہ ادا کرنا چاہتا ہوں۔ وہ کہتے ہیں کہ میں اپنے بیٹوں سے تو کچھ نہیں مانگ رہا بلکہ اپنے چالیس فیصد حصے کی بنیاد پر بیگم کے بھائیوں کو شامل کرنے کا کہہ رہاہوں۔
خاندان والوں نے ان سے کہا کہ آپ کا اپنا کاروبار بہت اچھا ہے۔ آپ اس میں اپنے نئے سالوں کو شامل کرلیں اس پر وہ کہتے ہیں کہ نہیں…. یہ کاروبار تو مرتے دم تک میں صرف اپنے نام ہی رکھوں گا۔
میرے شوہر بتاتے ہیں کہ بابوجی نے ان کی ماں کے ساتھ زندگی بھر بہت سخت رویہ رکھا۔ اب بابوجی اپنی نئی بیگم پر محبت اور دولت لٹا رہے ہیں تو میرے شوہر اور ان کے بھائی بہن اسے اپنی مرحومہ والدہ کی توہین سمجھتے ہیں۔کاروبار میں ان کے بھائیوں کی شراکت کویہ لوگ اپنی زندگی میں مداخلت سمجھتے ہیں۔
بابوجی کے سب بیٹے بیٹیاں ان کی نئی بیگم کے بھائیوں کو علیحدہ کاروبار میں مدد دینے پرتیار ہیں حالانکہ ان لوگوں نے کبھی اپنا کوئی کام نہیں کیا۔ چھوٹی موٹی ملازمتیں ہی کر رہے ہیں….لیکن بابوجی کااصرار ہے کہ ان چاروں کو کاروبار میں شریک کیا جائے اور انہیں ساتھ بٹھایا جائے۔
بض لوگوں کو خیال ہے کہ یہ اسکیم دراصل ان کی بیگم صاحبہ نے تیار کی ہے اوربابوجی ان کے ورغلانے میں آکر ہی یہ سب کررہے ہیں۔
محترم بھائی جان…. ! روزانہ کئی لوگ اپنے بہت زیادہ الجھے ہوئے مسائل لے کر آپ کے پاس آتے ہیں۔ آپ ان مسائل کو ہمدردی اوربہت توجہ سے سنتے ہیں۔ روحانی ڈاک میں آپ کسی مسئلے کے ایسے پہلؤں کا ذکر کرتے ہیں جو عام لوگوں کی نظروں سے پوشیدہ ہوتاہے۔
بھائی جان….! کئی رشتہ داروں کا کہنا ہے کہ اس عورت نے بابوجی پر کچھ کروادیاہے۔اس کے زیر اثر بابوجی اپنی اولاد کو چھوڑنے پر بھی تیار ہوگئے ہیں۔
آپ استخارہ کرکے یاحساب لگا کر بتائیں کہ کیا یہ بات صحیح ہے….ان سب مسائل سے نجات کیسے حاصل کی جائے ۔ہمارے گھرانے کو اس خلفشار اوربے چینی سے نجات دلانے میں ہماری مدد فرمائیے۔

 

جواب: ہوسکتا ہے کہ آپ کے سسر پر کوئی سفلی عمل یا جادو بھی کروا دیا گیا ہو لیکن لگتاہے کہ ان پر ‘‘لذت’’ اور دولت کے جادو زیادہ چڑھ گئے ہیں۔
مرد کے بڑھاپے میں جوان عورت کی رفاقت مرد کو عورت کا معمول بنا سکتی ہے۔ کئی عورتیں مختلف ترکیبوں سے کام لے کر مرد کو اپنا تابع دار بنالیتی ہیں، بعض مردوں کو زن مرید کا لقب بھی ملتا ہے۔ اندازہ ہوتا ہے کہ آپ کے بابوجی اپنی تیسری بیوی کے نہ تو تابع دار ہیں اورنہ ہی زن مرید بلکہ ایسا معلوم ہوتاہے کہ وہ ان خاتون کے ہاتھوں معمول بن چکےہیں۔
اس قسم کے اقدامات کا مقصد عام طوپریہ ہوتاہے کہ شوہر کے خاندان کا شیرازہ بکھیر کر خود زیادہ سے زیادہ دولت کی مالک بنا جائے۔
کوئی مرد اپنی کسی بشری کمزوری یا لذت اندوزی کی زیادتی کی وجہ سے ورغلانے میں آجائے تو پھر اس سےمفادات حاصل کرنے والوں کا کام بہت آسان ہوجاتاہے۔
اللہ تعالیٰ سے دعاہے کہ سازشوں اورمنفی ہتھکنڈوں سے آپ کے خاندان کی حفاظت ہو۔آپ کے سسر کو تکبر اور خوشامد پسندی اور نفسانی لذتوں کی بہت زیادہ طلب سے نجات ملے۔ انہیں اپنی اولاد کے حقوق کو سمجھنے اوران حقوق کی کماحقہ ادائیگی کی توفیق نصیب ہو۔آمین
بطورروحانی علاج رات سونے سے پہلے اکتالیس مرتبہ سورہ ابراہیم(14) کی پہلی آیت

الٓـرٰ ۚ كِتَابٌ اَنْزَلْنَاهُ اِلَيْكَ لِتُخْرِجَ النَّاسَ مِنَ الظُّلُمَاتِ اِلَى النُّوْرِۙ بِاِذْنِ رَبِّـهِـمْ اِلٰى صِرَاطِ الْعَزِيْزِ الْحَـمِيْدِ O

گیارہ گیارہ مرتبہ درود شریف کے ساتھ پڑھ کراپنے سسر کا تصورکرکے دم کردیں اورانہیں ہدایت ،اپنی اولاد کے حقوق کی ادائی اوراندھیروں سے نجات کی توفیق ملنے کی دعاکریں۔
یہ عمل کم ازکم چالیس روزتک جاری رکھیں۔

 

---

***

پیر صاحب کو سب پتہ ہوتاہے؟

سوال: ہمارے والد اور دو چچا اپنی اپنی فیملی کے ساتھ ایک ہی مکان میں ایک دوسرے کے ساتھ اچھی طرح رہتے ہیں۔ میرے دونوں چچا میرے والد کی بہت عزت کرتے ہیں۔ میرے والد بھی اپنے دونوں بھائیوں پر جان چھڑکتے ہیں۔
ہمارا گھرانہ بزرگوں سے عقیدت رکھتا ہے لیکن میرے والد کسی سے بیعت نہیں ہیں۔ چار سال پہلے میرے چچا نے بتایا کہ وہ ایک بزرگ کے ہاتھوں پر بیعت ہورہے ہیں۔ میرے والد چچا کے ساتھ ان بزرگ سے جاکر ملے۔ مطمئن ہوئے اور چچا کو ان سے بیعت کرنے کی اجازت دے دی۔
ہمارے چچا ان پیر صاحب کے ہاں جاتے رہے۔ رفتہ رفتہ ان کے رویے میں تبدیلی آنے لگی۔ اپنے گھر والوں کی طرف سے انہوں نے لاپرواہی برتنی شروع کردی۔
ہمارے والد انہیں سمجھاتے تو تھوڑا عرصہ کے لیے تو وہ ٹھیک ہوجاتے پھر اسی پرانی ڈگر پر چلنے لگتے۔ چچا اپنے پیر صاحب کے ساتھ زیادہ وقت گزارنے لگے۔کبھی دودوتین تین دن گھر نہ آتے۔ پوچھنےپر بتاتے کہ آستانے پر آنے والوں کی خدمت کرتاہوں اور میری روحانی تربیت بھی ہورہی ہے۔
ڈیڑھ دو سال ان پیر صاحب کے پاس گزارنے کے بعد چچا کہنے لگے کہ میرے پیر کامل ہیں، وہ جسے دعا دےدیں اس کا بیڑا پار اورجسے بددعا دے دیں وہ برباد ہوجاتاہے۔چچا کہتے ہیں کہ ان کے پیر صاحب لوگوں کے دلوں کا بھید بھی جان لیتے ہیں۔ ان کے پاس غیب کاعلم ہے۔انہیں سب پتہ ہوتاہے کہ کل کیا ہونے والا ہے۔پیر صاحب کی کوئی بات کبھی غلط ثابت نہیں ہوئی۔پیر صاحب کے سامنے کوئی آدمی جھوٹ نہیں بول سکتا کیونکہ پیر صاحب نہ صرف حقیقت سے واقف ہوتے ہیں بلکہ اس آدمی کے کئےہوئے کئی بُرے کام بھی اس کو بتادیتے ہیں جنہیں سن کر وہ آدمی ہکا بکا رہجاتاہے۔
ہم سب گھروالے نما ز روزے کے پابند ہیں لیکن چچا اب نماز کے پابند نہیں رہے۔ کبھی پڑھتے ہیں کبھی نہیں پڑھتے۔میرے والد نے ان سے یہ بات کہی تو انہوں نے زندگی میں پہلی بار اپنے بڑے بھائی کے سامنے تلخ لہجے میں بات کی اورکہا نماز پڑھنا میرا معاملہ ہے ۔آپ اس میں کیوں بول رہے ہیں….؟ چچا کےاس رویے کا ہمارے والد کو بہت صدمہ ہوا ۔گھر کے دیگر افراد کو بھی افسوسہوا۔
محترم ڈاکٹر صاحب….! آپ کا تعلق بھی ایک صوفی گھرانے سے ہے۔جو کچھ میں نے عرض کیا اس کے بارے میں آپ کیا فرماتے ہیں….؟

 

جواب: زیادہ تر سلاسل میں بیعت کا مقصد اللہ تعالیٰ کی معرفت کی راہوں پرچلنا ہے۔اس مقصد کے حصول کے لیے تذکیہ نفس کی تربیت، اولیاء اللہ کی طرزفکر کے مطابق ذہن سازی، قرآنی آیات اور احکامات نبوی کی تفہیم، حقوق اللہ اورحقوق العباد کی ادائی ضروری ہے۔
آپ نے اپنے چچا کے بارے میں جو کچھ لکھا ہے اسے پڑھ کر یہ سمجھنا مشکل ہے کہ یہ آپ کے چچا کے اپنے افعال ہیں یا ایسا کرنے کو ان کے پیر صاحب نے کہاہے۔
روحانی سلاسل سے وابستہ افراد کو کسی کے عیبوں کی نشاندہی کرنے کی بھی اجازت نہیں ہوتی…اللہ تعالیٰ ستار العیوب اورغفار الذنوب ہیں۔ اللہ کے بندوں کو بھی دوسروں کے عیبوں کی پردہ پوشی کرنا چاہیے۔آج کے دور میں توہرانسان ہی خطا کارہے۔بہتر وہ ہیں جو اپنی خطاؤں پر ندامت محسوس کرتے ہیں اوراللہ تعالیٰ کے حضور استغفار کرتے ہیں۔
بیعت ہونے کے بعد تذکیہ نفس کے مراحل میں ذاتی احتساب کی بہت زیادہ اہمیت ہے۔ ایک مرید کو ہمہ وقت اپنا محاسبہ کرتےرہناچاہیے۔
کل کیا ہونے والا ہے ۔اس بات کا حقیقی علم تو اللہ کو ہی ہے۔ انسانوں میں سے کچھ لوگ اپنی ذہانت وبصیرت یا اپنے تجربات کی بناء پر اندازے قائم کرسکتے ہیں۔یہ اندازے کبھی درست نکلتے ہیں ،کبھی غلط ہوجاتے ہیں۔ ایسے اندازے قائم کرنے کے لیے روحانی عالِم اورپیر ہونا کوئی ضروری نہیں۔ کوئی بھی ذہین آدمی ذرا سی دلچسپی اور توجہ کے ساتھ غوروفکر کرکے ایسے اندازے قائم کرسکتاہے۔
سلاسل طریقت کے بزرگوں نے دینی فرائض کی پابندی اور حقوق العباد کی ادائی کی تلقین کی ہے۔
کئی روشن ضمیر اہل نظر صوفیاء کے تذکروں میں یہ بات ملتی ہے کہ وہ لوگوں کے احوال سے واقف ہوجاتے تھے مگر ان ہستیوں نے اپنی اس صلاحیت کو ہمیشہ خیر کے لیے استعمال کیا۔اس صلاحیت کی وجہ سے لوگوں کے اندر جھانکا نہیں۔ اس صلاحیت کے ذریعے کسی کو پریشان نہیں کیا۔ روحانی ہستیاں تولوگوں کی پردہ پوشی کرتی ہیں۔ یہ ہستیاں لوگوں کے لیے مہر ومحبت ،لطف وعنایات کا ذریعہ بنتی ہیں۔ ایسی ہستیاں دوسروں کے لیے ہدایت کی دعا کرتی ہیں۔

 

---

***

 

شادی کے بعد پڑھائی 

سوال: ہماری شادی کوتین سال ہوگئے ہیں۔ میری تعلیم میٹرک ہے۔ میرے میاں نے بی کام کیاہواہے۔
میرے شوہر پہلے بینک میں ملازم تھے۔ شادی کے بعد انہوں نے وہ ملازمت چھوڑ دی کیونکہ انہیں احساس ہوا کہ بینک کی ملازمت مناسب نہیں۔ اس کے بعد وہ ایک پرائیویٹ فرم میں کام کررہے ہیں۔ ان کی تنخواہ سے گھر کے ضروری اخراجات ہی بمشکل پورے ہو پاتے ہیں۔
میرے شوہر کی خواہش ہے کہ میں مزیدتعلیم حاصل کرکے معاش کے معاملہ میں ان کی معاون بنوں، انہوں نے بورڈ سے میرے لیے فارم لے کر جمع بھی کروا دیا ہے۔
اب مشکل یہ ہے کہ میرا پڑھائی میں دل نہیں لگ رہا ہے۔ زبردستی پڑھنے بیٹھتی ہوں لیکن ذہن ادھر اُدھر ہی رہتا ہے۔ یاد کرنے میں بھی بڑی دشواری ہورہی ہے۔

 

جواب: ڑھائی ترک کیے ہوئے آپ کو کئی سال بیت چکے ہیں۔شاید ماضی میں بھی آپ کا پڑھائی سے زیادہ لگاؤ نہ رہا ہو ۔ پڑھائی میں دل لگنے کے لیے روحانی علاج کے ساتھ ساتھ ایسی ضروری تدابیر بھی اختیار کیجیے جن کی وجہ سے سیکھنے اور پڑھنے کے عمل میں دلچسپی پیدا ہو۔
بطور روحانی علاج صبح اور شام  101مرتبہ

رَبِّ یَسِّرْ وَلَا تُعَسِّرْ 

سات سات مرتبہ درود شریف کے ساتھ پڑھ کر ایک ایک چمچ شہد پر دم کرکے پیئیں۔

 

 

---

***

 

 

---

***

---

***

---

***

---

***

---

***

---

***

---

***

 

 

 

 

 

 
 ↑ مزید تفصیلات کے لیے موضوعات  پر کلک کریں↑

 

 

---

***

فرمانبردار اولاد بدتمیز کیوں ہوجاتی ہے….؟

سوال: یمیر ے تین بیٹے اورپانچ بیٹیاں ہیں۔ میرے شوہر اور سسرال والے میرے ساتھ شروع سے ہی لاپرواہ اورظالم رہے ہیں۔ میرے شوہربچوں کی تعلیم کے بھی حامی نہیں خصوصاً لڑکیوں کوتعلیم دلوانا بالکل غیر ضرروی سمجھتے ہیں۔ اپنے ان خیالات کے باعث وہ بچوں کی تعلیم کے اخراجات سے بھی انکاری تھے۔ میں اپنے بچوں کو پڑھانا چاہتی تھی۔ بچوں کے تعلیمی اخراجات میں نے محلے میں بچوں کو ٹیوشن پڑھا کر اوراپنے گھر میں خواتین کے کپڑے سی کر پورے کیے۔ بعد میں میرے بچے جوں جوں میٹرک کرتے گئے، خود بھی ٹیوشن پڑھانے لگے۔
آج الحمد اللہ ! میری دوبیٹیاں انجینئر اور دو ڈاکٹر ہیں۔ ایک بیٹا ایم ۔ بی۔اے اورایک کمپیوٹرسائنس میں ماسٹرز کررہا ہے۔
میرے شوہربچوں کی تعلیم سے اورگھر کے معاملات سے لاتعلق ہی رہے۔وہ مجھ سے اکثر لڑتے رہتے تھے ،کبھی جھگڑا بہت بڑھ جاتا تو میرے بچے میری حمایت کرتے ہوئے اپنے باپ سے احتجاجکرتے تھے۔
میرے سسرال میں بچوں کو تعلیم دلوانے کا رواج نہیں ہے۔ میرے جیٹھ اور دیوروں کے بچوں نے مڈل، میٹرک کسی نے زیادہ سے زیادہ ایف اے تک پڑھا ہے۔ میرے بچے میرا بہت ادب و احترام کرتے ہیں۔ جبکہ میرے سسرال میں کئی بچے تعلیم میں پیچھے رہ جانے پر اپنے والدین سے شکوے کرتے ہیں۔ ان میں سے بعض زبان درازی بھی کر گزرتے ہیں۔ اپنے بچوں کی ان بدتمیزیوں کا ذمہ دار میری دیورانیاں جٹھانیاں اور نندیں مجھے قرار دیتی ہیں۔ وہ خواتین یہ بھی کہتی ہیں کہ میں نے اپنے بچوں کو والد کے خلاف ورغلا رکھا ہے۔
ایک ڈیڑھ سال پہلے میرے شوہر نے مجھ سے کہاکہ سب بچے تیری بہت حمایت کرتے ہیں لیکن اب تو دیکھنا !سارے بچے تیرے مخالف اورتجھ سے بیزارہوجائیں گے۔
میں نے اس بات کو کوئی اہمیت نہ دی۔ میں سمجھتی تھی کہ میرے بچے تمام حالات سے واقف ہیں وہ ہمیشہ میرا ادب کرتے رہیں گے….
لیکن …….اب چند ماہ سے وہی کچھ ہورہاہے جس کی دھمکی میرے شوہر نے دی تھی۔ میرے بچے اب میرے سامنے بولنے لگے ہیں۔ مجھ سے بدتمیزی کرنے کے ساتھ ساتھ وہ بہن بھائی جو پہلے آپس میں بہت محبت سے رہتے تھے اب ایک دوسرے سے بھی لڑنے لگے۔
محترم وقاربھائی ! اپنے بچوں کے ان تبدیل شدہ رویوں سے میں سخت صدمے اورشدیدذہنی اذیت میں ہوں۔اپنے شوہر کی طرف سے لاتعلقی اور بےعزتی تو میں نے برداشت کرلی تھی لیکن انتہائی باادب اولاد کے رویوں میں یہ تبدیلی مجھ سے برداشت نہیں ہورہی۔ لگتاہے کہ میرا دل پھٹ جائے گا۔ میں اپنے شوہر سے اب اپنے لیے محبت نہیں مانگتی، وہ مجھے برا بھلا کہہ کر مجھے مارپیٹ کراپنی انا کی تسکین کرلیں لیکن میرے بچوں کوتو مجھ سے دورنہ کروائیں۔

۔

جواب: آپ کا خط پرھ کر بہت دکھ ہوا۔ اللہ تعالیٰ سے دعاہے کہ آپ کے شوہر کوآپ کی قدر آجائے اوروہ خود کو آپ کا فریق سمجھنے کے بجائے آپ کے رفیق اورمعاون بن جائیں۔ آمین
ان کی جانب سے گھریلو معاملات میں آپ کے ساتھ عدم تعاون اسی لیے ہے کہ وہ خود کو آپ کا یاآپ کو اپنا مخالف سمجھتے ہیں، لیکن ان کی اس منفی سوچ کی بنیادیں صرف ان کی ذات تک محدود نہیں ہیں۔ دراصل ہمارے معاشرے میں بہت سے لوگ اپنے بچوں کو زیادہ تعلیم دلوانا فضول سمجھتے ہیں۔ تعلیم کے بجائے وہ اپنے بچوں کو کوئی ہنر سکھا کرجلد سے جلد پیسہ کمانے کے قابل بنانا چاہتے ہیں جبکہ بعض لوگ لڑکیوں کی تعلیم کے اس لیے بھی خلاف ہیں کہ لڑکیاں تو شادی کے بعدسسرال چلی جائیں گی، اس لیے ان کی تعلیم پر پیسہ کیوں خرچ کیا جائے۔ شوہر کی اس منفی طرزفکر کو جب آپ نے قبول کرنے سے انکار کردیا تو وہ آپ کے بھی مخالف ہوگئے اورانہوں نے آپ کی ہر بات کی مخالفت کرنا اپناوطیرہبنا لیا۔
یہ تواس معاملہ کاایک رخ ہے۔ آئندہ سطورمیں دعائیں بھی لکھ رہاہوں ،مگر اس سے پہلے میں آپ کو اپنے اس فہم سے بھی آگاہ کرنا چاہتاہوں کہ بچوں کے حالیہ رویوں میں قصور آپ کا بھی ہے اوریہ قصور بہت اہمیت رکھتاہے۔
محترم بہن! آپ ٹھنڈے دل سے سوچیے۔آپ نے اپنے بچوں کی تعلیم پر بہت زیادہ توجہ دی۔اس کے لیے بہت قربانیاں بھی دیں۔آپ کے بچوں نے بھی آپ کے ساتھ بہت تعاون کیا۔ آپ کی خواہش کے مطابق اعلیٰ ڈگریاں لا لاکر آپ کے قدموں میں رکھتےگئے۔
مگر اس کے بعد….
کیا زندگی کا مقصد صرف ڈگریوں کا حصول ہے….؟
آپ نے اپنی بیٹیوں اوربیٹوں کے شادی بیاہ کی طرف سنجیدگی سے توجہ نہ دی ۔ہوسکتاہے کہ آپ کے بچے آج کسی کے زیر اثر آپ سے بدتمیزیاں کررہے ہوں مگر ان کے دل میں محرومیوں کا احساس بہت پہلے سے جڑپکڑ چکاتھا۔
آپ سے میری درمندانہ گزارش ہے کہ آپ اس حساس معاملے کو سمجھئے اوراپنی بیٹیوں کے لیے مناسب بر تلاش کرنے کا اہتمام کیجئے۔ اپنے بیٹوں کی شادی کے لیے بھی اپنی فکر مندی کااظہار کیجئے۔
برے اثرات سے نجات کے لیے صبح اوررات اکتالیس مرتبہ:

لاالہ الاللہ وحد ہ لاشریک لہ لہ الملک ولہ الحمد وھو علٰی کل شئی قدیر 

گیارہ گیارہ مرتبہ درود خضری

صل اللہ تعالی علی حبیبہ محمد وآلہ و سلم 

پڑھ کر اپنے اوپر دم کرلیں اورسب بچوں کا تصورکرکے دم کردیں اوراپنے گھر کے چاروں طرف رُخ کرکے بھی دم کردیں۔
یہ عمل کم ازکم ایک ماہ تک جار ی رکھیں۔
حسب استطاعت صدقہ بھی کردیں اورتین ماہ تک ہرجمعرات کو کم ازکم تین مستحق افراد کو کھاناکھلادیاکریں۔
صدقہ کی ایک اچھی صورت یہ بھی ہے کہ کم آمدنی والے والدین کے ایک یا دو بچوں کے اسکول میں تعلیمی اخراجات اپنے ذمہ لے لیں۔ پاکستان میں غریبوں کو اسکول کی تعلیم پر خرچ کرنا وقت کی نہایت اہم ضرورت ہے اور یہ حالات کے مطابق صدقہ کی بہت اچھی صورت ہے۔  وضو بے وضو کثرت سے اللہ تعالیٰ کے اسماء
یاحفیظ یاسلام
کا ورد کرتی رہا کریں۔

 

 

---

***

ڈسپلن یا ہم آہنگی

سوال: ہمارے پانچ بچے ہیں۔ تینوں بیٹیوں کی شادی ہوچکی ہے۔ اب بیٹوں کی شادی کرنی ہے۔ میرا شعبہ تدریس ہے۔ میں ایک بڑے اسکول میں پرنسپل ہوں۔ تنخواہ اور دیگر مراعات بہت اچھی ہیں۔ اسکول کی طرح میں اپنے گھر میں بھی ڈسپلن رکھنے کی قائل ہوں۔ ہمارا ذاتی مکان ہے جو میں نے اورشوہر نے مل کربنایاہے۔
دونوں بیٹے اعلیٰ تعلیم یافتہ اور اچھی ملازمتوں پر ہیں لیکن ابھی ان کی اپنی کوئی جائیداد نہیں ہے۔ بڑا بیٹا مجھے کہتاہے کہ آپ کے ڈسپلین پرہم تو عمل درآمد کرلیتے ہیں لیکن آنے والی بہو کو اگر یہ ڈسپلین زیادہ سخت محسوس ہوا تو کیا ہوگا….؟ اس پر میں نے اپنے بیٹے سے کہہ دیا ہے کہ میں تمہاری شادی کے بعد ایک سال تک تمہیں اپنے ساتھ رکھ کر دیکھوں گی۔ اگرتم دونوں ٹھیک رہے تو تم ہمارے ساتھ رہنا ورنہ الگ ہو جانا۔ میں اپنے بیٹے اوربہو کو زبردستی اپنے ساتھ رکھنا نہیں چاہوں گی۔
بڑے بیٹے کارشتہ طے ہوچکا ہے۔ لڑکی والے اس سال شادی کرنا چاہتے ہیں لیکن میرا بیٹا ٹال مٹول سے کام لے رہا ہے، اس مرحلے پر مجھے آپ کے مشورے اور دعاؤں کی ضرورت آن پڑی ہے۔
۔

جواب: میرے پاس تو عموماً اس قسم کے مسائل آتے ہیں کہ مائیں چاہتی ہیں کہ شادی کے بعد اُن کے بیٹے اُن کے ساتھ رہیں۔ آج ایک ماں کی طرف سے پڑھنے کو ملا ہے کہ وہ خود اپنے بیٹے کو ساتھ رکھنا نہیں چاہتیں۔ عملیت پسند ہوکر دیکھا جائے تو یہ سوچ غلط بھی نہیں بلکہ حالات کے تقاضوں کے مطابق درست ہے۔ جو کام کچھ عرصہ کے بعد لڑ جھگڑ کے، دل برا کرکے، ایک دوسرے کے ساتھ رنجشیں پیدا کرکے بھی ہونا ہو، اس کام کے لیے اگر پہلے سے خوش دلی سے فیصلہ کرلیا جائے تو کیا یہ درست نہیں ہے….؟
میری دانست میں آپ کا بیٹا اس لیے ٹال مٹول سے کام لے رہا ہے کہ وہ اپنی شادی کے بعد اپنے والدین سے الگ ہوکر رہنا نہیں چاہتا لیکن اسے محسوس ہورہا ہے کہ اس کی یہ خواہش آپ کے سخت ڈسپلن کی وجہ سے بحسن و خوبی پوری نہہوسکےگی۔
محترم بہن! زبردستی ساتھ رکھنا ہرگز مناسب نہیں ہے مگر ذرا میری اس گزارش پر بھی غور کرلیجیے کہ ساتھ رکھنے کے لیے زبردستی کرنے اور ساتھ رکھنے کی خاطر ایڈجسٹ کرنے میں کافی فرق ہے۔
میرے خیال میں آپ کا بیٹا یہ سمجھتا ہے کہ گھر کی ایک نئی رکن کو یعنی بہو کو اس گھرانہ کا ایک رکن بننے کے لیے جس خیر مقدمی رویے، اپنائیت اور حوصلہ افزائی کی ضرورت ہے وہ اُسے آپ سے نہیں مل پائے گی۔ کسی شخص کو کہیں بھی کڑی آبزرویشن میں رکھا جائے تو اس کے اعصاب دباؤ میں رہیں گے۔ پھر نئی نویلی دلہن کا معاملہ تو ویسے ہی بہت حساس ہوتا ہے۔
محترم بہن! آپ سے گزارش ہے کہ گھر کے ماحول اور دفتر کے ماحول کے فرق کو ملحوظِ خاطر رکھیے۔ دونوں مقامات کے تقاضے مختلف ہیں۔ دفتر اور گھر پر یکساں ضابطے لاگو نہیں کیے جاسکتے۔ اس لیے برائے کرم ایک ماں بن کر سوچیے، ایک ایڈمنسٹریٹر بن کر نہیں۔
رات سونے سے پہلے اکتالیس مرتبہ سورہ لقمٰن (31)کی آیات 2اور 3:

تِلْكَ اٰيَاتُ الْكِتَابِ الْحَكِـيْـمِ O هُدًى وَّرَحْـمَةً لِّلْمُحْسِنِيْنَ (3)O 

سات سات مرتبہ درود شریف کے ساتھ پڑھ کر اپنے اوپر دم کرلیا کریں۔

۔

 

---

***

سسرال والوں نے جینا دوبھر کر رکھا ہے 

سوال: میری شادی کو سات سال ہوگئے ہیں۔ شروع کے تین سال اچھے گزرے۔ اس کے بعد سسرال والوں نے دوسرا چہرہ کھانا شروع کردیا۔
میرے شوہر بہن بھائیوں میں سب سے بڑے ہیں۔ ان سے چھوٹی دوبہنیں اورتین بھائی ہیں۔ میرے سسر کا میری شادی سے ایک سال پہلے انتقال ہوگیا تھا۔ گھر کی تمام ذمہ داری میرے شوہر کی ہے۔ ان کے چھوٹے بہن بھائی خود غرض اور جلد باز ہیں۔ اگر میرے شوہر کسی وجہ سے ان کی کوئی خواہش پوری نہ کرسکیں تو سب مل کر ان کے ساتھ بدتمیزی کرنے لگتے ہیں۔ میرے شوہر اپنی ماں کی وجہ سے اپنے چھوٹے بہن بھائیوں کو کچھ نہیں کہتے جس وجہ سے وہ بہت گستاخ ہوتے جارہےہیں۔
میں شادی کے بعد تین بار امید سے ہوئی ۔دوبار نندوں کی وجہ سے میراحمل ضائع ہوا۔ پہلی بار سیڑھیوں سے اترتے ہوئے ایک نند نے مجھے دھکا دیا جو کہ غلطی یا اتفاقیہ بات بتائی گئی۔ دوسری بار چھوٹی نند نے غصہ میں میرے پیٹ پر لاتیں ماریں۔ تھوڑی دیر بعد مجھے بلیڈنگ شروع ہوگئی۔ ڈاکٹروں نے کافی کوشش کی لیکن حمل ضائع ہوگیا۔ تیسری بار امیدہوئی تو میرے شوہر نے مجھے میری والدہ کے پاس بجھوا دیا۔ میں ہفتے کی شام سسرال آتی اورپیر کی صبح میرے شوہر مجھے میری والدہ کے ہاں چھوڑ جاتے۔ حمل کادورانیہ ا س طرح گزرا ورپھر اللہ نے ہمیں ایک خوبصورت بیٹا عطا فرمایا۔
میری ساس اورنندوں نے بیٹا ہونے کے باوجود میرا جینا دوبھر کر رکھا ہے۔
ڈاکٹر صاحب! میں نے سسرال میں سات سال بہت اذیت میں گزارے ہیں۔ اب میں تھک گئی ہوں۔ میں چاہتی ہوں کہ میرے شوہر اب مجھے الگ گھر لے کر دیں ۔ ۔ 

 

جواب: الگ رہائش کا مطالبہ کرنا آپ کا حق ہے۔ آپ کے شوہر کو اس بارے میں غور کرنا چاہیے۔ اب ایک سوال یہ بھی ہے کہ آپ کی ساس جو اپنے شوہر کی وفات کے بعد اب اپنے بچوں کے سہاروں پر ہیں وہ کہاں رہیں گی….؟
آپ اپنے حق اور حسن سلوک کو یکجا کرلیں اور اپنے ساتھ(بد مزاج) ساس کو بھی اپنے ساتھ رکھنے پر آمادہ ہوجائیں تو میرا خیال ہے کہ آپ کے شوہر کو اپنے اہل و عیال کے لیے رہائش الگ کرنے میں کوئی خاص تامل نہ ہوگا۔
رات سونے سے پہلے اکتالیس مرتبہ سورہ اخلاص گیارہ گیارہ مرتبہ درودشریف کے ساتھ پڑھ کر اپنے شوہر کاتصورکرکے دم کردیں اوردعاکریں کہ انہیں آپ کے حقوق اچھی طرح اداکرنے کی توفیق ملے۔
یہ عمل کم ازکم چالیس روز یا پھر نوے روز تک جاری رکھیں۔
ناغہ کے دن شمار کرکے بعدمیں پورے کرلیں۔
وضو بے وضو کثرت سے اللہ تعالیٰ کے اسماء
یاعزیز یاسلام
کا وردکرتی رہیں۔
 

 

---

***

تعلق ٹوٹ جانے پر شدید ڈپریشن

سوال: کچھ مہینے پہلے میں نے اپنی ایک سہیلی کے ساتھ ایک کمپیوٹر سینٹر میں داخلہ لیا۔ سینٹر میں ایک لڑکا مجھے اچھا لگا۔ میں نے خود آگے بڑھ کر اُس سے اپنی پسندیدگی کا اظہار کردیا۔ اُس نے بھی ہاں کردی۔ پھر آہستہ آہستہ ہم دونوں میں بات چیت کا سلسلہ شروع ہوگیا۔
ایک دن اچانک مجھے پتہ چلا کہ اُس نے اندر ہی اندر میری ایک سہیلی سے بھی مراسم بنالیے ہیں اور ان دونوں نے یہ بات مجھ سے چھپائی ہے…..
میں نے دونوں سے پوچھا تو انہوں نے اپنی غلطی کااقرار کرتے ہوئے مجھ سے معافی مانگ لی….. پہلے تو میں نے اس لڑکی کو بہت برا بھلا کہا مگر پھر میں نے اُس کو معاف کردیا البتہ چند دن اس لڑکے سے بات نہ کی مگر پھر کچھ عرصہ بعد اس سے دوبارہ باتیںکرنےلگی۔
اب ایک مسئلہ اور سامنے آیا ہے۔ ہم دونوں کے ہاں ایک دوسرے کی کاسٹ میں رشتے نہیں کیے جاتے۔ میں اس کے ساتھ تعلق نہیں توڑ پارہی۔ میں چاہتی ہوں کہ وہ لڑکا خود ہی مجھ سے تعلق توڑ لے لیکن اس حقیقت کو تسلیم کرنا میرے لیے شدید ذہنی اذیت اور ڈپریشن کا سبب بن رہا ہے۔

 

جواب: نو عمر لڑکیوں کے لیے مناسب بات یہ ہے کہ وہ اپنے اسکول، کالج میں ہونے والی سرگرمیوں یا اپنے ساتھ پیش آنے والے تمام واقعات کے بارے میں اپنی والدہ ، بڑی بہن یا اپنے گھر میں کسی نہ کسی کو اعتماد میں ضرور لیتی رہیں۔ لڑکیوں کے لیے ان کی سب سے اچھی دوست اور مشیر خود ان کی اپنی ماں ہوسکتی ہے۔
ٹریننگ سینٹر میں ملنے والے لڑکے سے براہِراست بات کرنے کے بجائے اگر آپ اپنی والدہ کو اپنے جذبات سے آگاہ کردیتیں تو آپ آج ذہنی و جذباتی طور پر اِ ن مشکلات میں مبتلا نہ ہوتیں۔ بہر حال موجودہ صورتحال سے نکلنے کا ایک طریقہ یہ بھی ہے کہ آپ سینٹر میں اپنے ساتھ داخلہ لینے والی اپنی سہیلی سے بات کریں اور اسے کہیں کہ ان دونوں کا رشتہ طے ہونے سے آپ کو بہت خوشی ہوگی۔
رات سونے سے پہلے 101مرتبہ سورہ الاعلی(87)کی آیات 14 تا 17:

قَدْ اَفْلَحَ مَنْ تَزَكّـٰى O وَذَكَـرَ اسْـمَ رَبِّهٖ فَصَلّـٰى O بَلْ تُؤْثِرُوْنَ الْحَيَاةَ الـدُّنْيَا O وَالْاٰخِرَةُ خَيْـرٌ وَّّاَبْقٰى O 

گیارہ گیارہ مرتبہ درود شریف کے ساتھ پڑھ کر اپنے اوپر دم کرلیں اور اللہ تعالیٰ کے حضوردعاکریں۔
یہ عمل کم از کم ایک ماہ تک جاری رکھیں۔ 

 

---

***

خود ہی نوکری چھوڑ دی

سوال: یں نے چند سال پہلے ایم اے کا امتحان دیا ہے۔ میں گاؤں میں رہتا ہوں۔ ہمارے گاؤں میں زیادہ ترافراد اَن پڑھ ہیں۔ اپنے گاؤں میں ، میں واحد فرد ہوں جس نے M.Aکیا ہے ۔
میری تعلیم کی وجہ سے گاؤں کے لوگ مجھ سے بہت پیار اور محبت سے پیش آتے ہیں اور دُعائیں دیتے ہیں ۔ انہیں توقع ہے کہ میں جلد ہی کوئی بڑا آفیسر بن کر گاؤں کے لوگوں کے کام آیا کروں گا لیکن میرے ساتھ ایک ایسا واقعہ ہوچکا ہے جس نے مجھے بہت مایوس کردیا ہے۔
واقعہ یہ ہے کہ میں بغیر کسی سفارش کے پولیس میں سب انسپکٹر بھرتی ہوگیا تھا لیکن ٹریننگ کے پہلے سال ہی میں کچھ گھبرا گیا اور پھر میں نے نوکری چھوڑنے کی درخواست دے دی۔ اس کے بعد سے میں بہت پریشان ہوں۔
پہلے میں بہت پُر اعتماد تھا اور مجھے اپنے اوپر بھروسہ تھا کہ میں لوگوں کی خواہشات پر پورا اُتروں گا لیکن ملازمت چھوڑنے کے بعد سے مجھے بہت غصہ آنے لگا ہے۔ ہر بات میں بےعزتی محسوس کرتا ہوں۔

 

جواب: صبح اور شام اکیس اکیس مرتبہ 

لا إِلَهَ إِلا اللَّهُ الْحَلِيمُ الْكَرِيمُ ، سُبْحَانَ اللَّهِ ، وَتَبَارَكَ اللَّهُ رَبُّ الْعَرْشِ الْعَظِيمِ ، وَالْحَمْدُ لِلَّهِ رَبِّ الْعَالَمِينَ 

گیارہ گیارہ درود شریف کے ساتھ پڑھ کر اپنے ہاتھوں پر تین مرتبہ دم کریں اور دونوں ہاتھ دعا کی طرح تین مرتبہ اپنے چہرے پر پھیر لیں۔
یہ عمل کم از کم اکیس روز تک جاری رکھیں۔
چلتے پھرتے وضو بے وضو کثرت سے اللہ تعالیٰ کے اسماء :
یاحی یا قیوم کا ورد کرتے ہیں۔

 

 

 

---

***

حالات بدل گئے یا خیالات

سوال: م میری عمر اس وقت اڑتیس سال سے زائد ہوچکی ہے۔ میں اپنے بہن بھائیوں میں سب سے چھوٹی ہوں۔ میرے والدکابیس سال پہلے انتقال ہو چکاہے۔ہمارے ہاں خاندان یا برادری سے باہر رشتوں کا رواج نہیں ہے۔خاندان سے میرے لیے کوئی رشتہ آیا نہیں اس لیے میں ابھی تک اپنے والدین یا یوں کہئے کہ بھائیوں کے گھر پر بیٹھیہوئیہوں۔
باہر سے میرے لیے کئی اچھے رشتے آئے ہیں لیکن میرے بھائیوں نے ان رشتوں پر غورنہیں کیا اورکہا کہ باہر اس کی شادی کردی تو خاندان والےکیاکہیں گے۔
بہرحال جیسے تیسے وقت گزرتا رہا میرے بھائیوں کی بیٹیاں بھی بڑی ہوتی رہیں۔ جب میری بھتیجیوں کے لیے خاندان سے اچھا رشتہ نہ ملاتوانہوں نے اپنی تین بیٹیوں کی شادی نہ صرف خاندان بلکہ برادری سے باہر بھی کردی ہے۔
جب میرا وقت تھا توبھائی میرے رشتے کے لیے خاندان خاندان کہتے نہیں تھکتے تھے۔ ان کی اپنی شادیاں بھی خاندان میں ہی ہوئی ہیں لیکن جب اپنی بیٹیوں کے رشتوں کاوقت آیا تو بھائی اور بھابیوں کے نظریات یکسرتبدیل ہوگئے۔
میری والدہ نے اپنے بیٹوں کی توجہ اس طرف دلائی تووہ کہنے لگے کہ ماں! بیس پچیس سال پہلے خاندانی رسم ورواج کی زنجیریں بہت سخت تھیں مگر آج حالات پہلے سے بہت بدل گئے ہیں۔
پتہ نہیں حالات بدل گئے ہیں یا اپنی بیٹیوں کے معاملات آئے توبھائی بھابیوں کے خیالات بدل گئے ہیں۔ بہرحال میں توان کی وجہ سے زندگی کی خوشیوں سے محروم کردی گئی ہوں۔
آپ سے درخواست ہے کہ میرے لیے دعاکریں اورمجھے بھی کچھ پڑھنے کے لیے بتائیں کہ میرے لیے کوئی اچھا رشتہ آئے۔ اللہ تعالیٰ مجھے اچھا جیون ساتھی اوراپنے گھر کی خوشیاں عطافرمائے۔ میں اب مزید اپنے بھائیوں کے رحم وکرم پر نہیںرہناچاہتی۔

 

جواب: خاندان یا برادری میں ہی شادی کرنا کوئی دینی حکم نہیں ہے۔ پابندی نما یہ رسمیں لوگوں کی اپنی بنائی ہوئی ہے۔
ہمارے معاشرے میں خاندانی امورکی انجام دہی میں بہت سے لوگ شدت پسند سوچ کے حامل نظرآتے ہیں۔ کئی لوگ صرف خاندان ہی میں اپنے بچوں کے رشتے کرنے پر اصرار کرتے ہیں توبعض لوگ اس بات کابرملا اظہار کرتے ہیں کہ انہوں نے توخاندان میں شادی کرنی ہی نہیں۔
میرا مشاہدہ ہے کہ خاندان میں اپنے بچوں کی شادی نہ کرنے کا فیصلہ زیادہ تر خواتین کاہوتاہے اوراس مسئلہ کا دراصل مطلب یہ ہوتاہے کہ اپنے شوہر کے خاندان میں اپنے بچوں کی شادی نہیں کرنی۔ ایسا مسئلہ زیادہ تر ان عورتوں کا ہوتاہے جن کے تعلقات اپنے سسرل والوں سے (خواہ کسی بھی وجہ سے ) اچھے نہیں ہوتے چنانچہ ایسی عورتیں اکثر یہ کہتی پائی گئیں کہ اس خاندان میں آکر میں نے کون سا سکھ پایا ہے۔ اب کیا میں اپنی بیٹی کوبھی ان میں ہیدھکیل دوں۔
خاندان میں شادی کے حوالے سے خوبیاں اورخامیاں دونوں موجود ہیں لیکن ہر صورت میں صرف خاندان میں شادی پر اصرار درست نہیں ہے….خاص طور پر ایسی صورت میں کہ جب کسی لڑکی کے لیے خاندان میں مناسب رشتہ موجود نہ ہو تو خاندان میں ہی شادی کی بات کرنا محضایکضدہے۔
اللہ تعالیٰ سے دعاہے کہ آپ کے لیے اچھا رشتہ آئے۔ آپ کے بھائیوں کوآپ کے لیے درست فیصلہ کرنے کی توفیق ملے اورآپ کو ازدواجی زندگی کی ڈھیر ساری خوشیاں نصیب ہوں۔آمین
عشاء کی نماز کے بعد101مرتبہ سورہ بقرہ (2) کی آیت 163:

وَاِلٰـهُكُمْ اِلٰـهٌ وَّاحِدٌ ۖ لَّآ اِلٰـهَ اِلَّا هُوَ الرَّحْـمٰنُ الرَّحِيْـمُ O

گیارہ گیارہ مرتبہ درود شریف کے ساتھ پڑھ کر اللہ تعالیٰ کے حضور اپنے اس مسئلہ کے حل کے لیے درخواست کریں۔
یہ عمل کم ازکم چالیس یا نوے روز تک جاریرکھیں۔
ناغہ کے دن شمارکرکے بعدمیں پورے کرلیں۔
محفل مراقبہ میں دعاکے لیے بھی آپ کا نام لکھ لیا گیا ہے۔ اللہ تعالیٰ آپ کے حق میں ہماری دعائیں قبول فرمائیں۔آمین

 

---

***

ساس بھی کبھی بہو تھی

سوال:میری شادی کو تقریباً پانچ سال کا عرصہ گزرچکا ہے، میری ازدواجی زندگی بہت ہی پریشانی میں گزری ہے۔ میرے سسرال میں ساس صاحبہ کا مکمل راج ہے۔میری دو بیٹیاں ہیں۔ ساس صاحبہ اپنے بچوں کے ازدواجی معاملات میں بہت زیادہ دخل دیتی ہیں اور ان کے بیٹے جیساوہ کہتی ہیں ویسا ہیکرتےہیں۔
میری بڑی بیٹی جب سات ماہ کی تھی تو میں دوبارہ پریگننٹ ہوگئی۔ اس پریگننسی کے دوران باہمی ناچاقی کے باعث میرے شوہر نے اپنی ماں کے کہنے پر مجھے میکے بھجوادیا۔ دوسری بچی کی ولادت میکےمیںہیہوئی۔
بیٹی کی ولادت کے دو ماہ بعد ساس نے مجھے گھرواپس آنے کی اجازت دی تو میرے شوہر مجھے میکے سے سسرال لے کر آئے۔ میری ساس اپنے دوسرے بیٹے کے پاس اسلام آباد جانے لگیں تو میری بڑی بیٹی کو بھی اپنے ساتھ لے گئیں اور مجھے انہوں نے چھوٹی بیٹی کے ساتھ واپس میکے بھجوادیا۔
اب صورت حال یہ ہے کہ میں اور میری چھوٹی بیٹی میکے میں ہیں۔ شوہر گھر میں اکیلے رہ رہے ہیں۔ میں کہتی ہوں کہ میں گھر آرہی ہوں تو کہتے ہیں کہ جب والدہ واپس آجائیں تو پھر آنا۔ شوہر اور ساس کے اس طرزِ عمل سے میں سخت پریشان ہوں۔

 

جواب: عآپ کی ساس کے مذکورہ طرزِ عمل سے اندازہ ہوتا ہے کہ وہ اپنی بعض محرومیوں کا انتقام بے جا طور پر اپنی بہوؤں سے لے رہی ہیں لیکن اپنی محرومیوں کا بدلہ لیتے ہوئے وہ یہ نہیں سوچ رہیں کہ اس طرح وہ اپنے بیٹوں کو بھی شدید تکلیف میں مبتلا کر رہی ہیں۔ آپ کی چار سالہ بیٹی کو اپنے ساتھ لے جاکر بھی انہوں نے اس طرزِ فکر کا مظاہرہ کیا ہے۔ اس طرح ایک طرف تو آپ تکلیف میں ہیں ۔ دوسری طرف انہوں نے آپ کی جیٹھانی کو بھی ایک بڑی آزمائش میں ڈال دیاہے۔
اللہ تعالیٰ سے دعا ہے کہ آپ کی ساس کو فکرِ سلیم عطا ہو اور انہیں اس بات کی توفیق عطا ہو کہ وہ اپنی محرومیوں کا ازالہ اپنی بہوؤں کو تکلیف پہنچا کر نہیں بلکہ اُنہیں شفقت و محبت دےکرکرسکیں۔
بطورِ روحانی علاج رات سونے سے پہلے 101مرتبہ سورۂ الممتحنہ (60) کی آیات 6اور 7:

لَقَدْ كَانَ لَكُمْ فِـيْهِـمْ اُسْوَةٌ حَسَنَةٌ لِّمَنْ كَانَ يَرْجُو اللّـٰهَ وَالْيَوْمَ الْاٰخِرَ ۚ وَمَنْ يَّتَوَلَّ فَاِنَّ اللّـٰهَ هُوَ الْغَنِىُّ الْحَـمِيْدُ O
عَسَى اللّـٰهُ اَنْ يَّجْعَلَ بَيْنَكُمْ وَبَيْنَ الَّـذِيْنَ عَادَيْتُـمْ مِّنْـهُـمْ مَّوَدَّةً ۚ وَاللّـٰهُ قَدِيْرٌ ۚ وَاللّـٰهُ غَفُوْرٌ رَّحِـيْـمٌ O

گیارہ گیارہ مرتبہ درود شریف کے ساتھ پڑھ کر اپنی ساس صاحبہ کا تصور کرکے دم کردیں اور دعا کریں کہ انہیں آپ کے ساتھ محبت و شفقت سے پیش آنے کی توفیق ملے۔
یہ عمل کم از کم نوے روز تک جاری رکھیں۔
ناغہ کے دن شمار کرکے بعد میں پورے کرلیں۔

 

---

***

بہنوں اور بیٹیوں کا شرعی حق

سوال: ہم تین بہنیں اور چار بھائی ہیں۔ الحمداللہ سب شادی شدہ ہیں۔ والدین کا انتقال ہوچکا ہے۔ میرے والدین نے ورثہ میں دو مکان چھوڑے ہیں۔ ایک والد کے نام ہے اورایک والدہکے نام ۔
ہمارے چاروں بھائی ہم بہنوں کابہت زیادہ خیال رکھتے رہے ہیں۔ اگر یہ کہا جائے کہ ہمارے بھائی ہم بہنوں پر جان چھڑکتے تھے توغلط نہ ہوتا۔
والدین کے انتقال کے کئی سال بعد بھائیوں نے سوچا کہ ان دونوں مکانات کوفروخت کرکے چاروں بھائی الگ الگ مکانات لے لیں۔ ورثہ کے دونوں مکانات فروخت کرنے کے لیے بھائیوں کوہم بہنوں کے دستخط درکار تھے ۔ ایک بہن نے تودستخط کرنے کی حامی بھرلی۔دو بہنوں نے کہا کہ ان مکانات کی فروخت سے حاصل ہونے والی رقم سے شریعت کے مطابق ان کا حصہ انہیں اداکیا جائے تووہ دستخط کےلیے تیار ہیں۔
ہمارے بھائیوں کوا پنی بہنوں کی یہ بات بہت بُری لگی ہے۔ انہوں نے اس بات کو احسان فراموشی سے تعبیر کرتے ہوئے کہا ہے کہ تم ہماری محبتوں کا یہ صلہ دے رہی ہو….؟
آخر چند لاکھ روپے سے تم کیا حاصل کرلوگی….؟
اب ہمارے بھائی ہم سے ناراض ہوگئے ہیں اور ہماری بھابھیاں خاندان بھر میں جا کر بتارہی ہیں کہ اپنی بہنوں کی شادیوں پر ان بھائیوں نے کس قدر خرچے کئے تھے بعد میں بھی بہنوں کے ہاں بچوں کی پیدائش پر وہ کس طرح خوشی خوشی اخراجات اٹھاتے رہے اورتحائف دیتے رہے۔ مختصر یہ کہ حق مانگنے پر بھائی اور بھابھیاں سخت ناراض ہیں۔

 

جواب: اللہ اور اللہ کے رسول صلی اللہ علیہ وسلم نے عورتوں کو جو حقوق عطافرمائے ہیں اپنے بھائیوں یا دوسرے رشتہ داروں سے یا معاشرے سے ان حقوق کاطلب کرنا کوئی غلط بات نہیں ہے۔ غلطی پر تو وہ لوگ ہیں جودوسروں کاحق غضب کرلیتے ہیں۔
جو لوگ دوسروں کا حق دبالیتے ہیں اورجولوگ حق تلفی میں اُن کے معاون بنتے ہیں وہ اس دنیا میں بظاہر کچھ مالی مفاد حاصل کربھی لیں لیکن ایسی دولت ان کے لیے راحت کا نہیں بلکہ آخر کار بےسکونی اور بےبرکتی کا ذریعہ بنتی ہے۔
میں دعا کرتا ہوں کہ آپ کے بھائی اپنی بہنوں کی حق تلفی سے محفوظ رہیں۔ آمین
رات سونے سے پہلے اکتالیس مرتبہ آیتالکرسی ، گیارہ گیارہ مرتبہ درود شریف کے ساتھ پڑھ کر اپنے بھائیوں کا تصور کرکے دم کردیں اور دعا کریں کہ انہیں آپ کا حق احسن طریقے سے ادا کرنے کی توفیق عطا ہو۔
صبح و شام 101 مرتبہ اسمائے الٰہی:
یاہادی یارشید
گیارہ گیارہ مرتبہ درود شریف کے ساتھ پڑھ کر اپنے بھائیوں کا تصور کرکے دم کردیں اور دعاکریں۔
یہ عمل کم از کم چالیس روز تک جاری رکھیں۔

 

---

***

بری عادتوں والے غیر ذمہ دار شوہر

سوال: میری شادی کو اٹھارہ سال ہوچکے ہیں۔ ہمارے ہاں خاندان سے باہر شادی کا رواج نہیں ہے۔ لڑکیوں کی زیادہ تعلیم کی بھی مخالفت کی جاتی ہے۔ ہم چار بہنیں اور تین بھائی ہیں۔ خاندانی مخالفت کے باوجود ہمارے والد نے ہم سب بہنوں کو میٹرک کے بعد کالج بھیجا۔
میں بی ایس سی کے تھرڈ ائیر میں تھی جب میری شادی میرے چچا زاد سے کردی گئی۔ میرے شوہر پہلے ایک دو فیکٹریوں میں ملازمت کرتے رہے۔ پھر اپنا ایک چھوٹا سا کاروبار کرلیا۔ میرے والد لڑکیوں کو تعلیم دلانے کی ہمت تو کر بیٹھے تھے لیکن برادری کے اصولوں کے مطابق لڑکے لڑکیوں کے ان کے بچپن میں ہی طے کردہ رشوں کی مخالفت کا حوصلہ نہیں رکھتے تھے۔
شادی کے چند ماہ بعد مجھے پتہ چلا کہ میرے شوہر نشہ کرتے ہیں۔ اس دوران میں امید سے ہوچکی تھی۔ میں نے ان کا احترام ملحوظ رکھتے ہوئے انہیں نشہ سے دور ہوجانے کی درخواست کی۔ انہیں اپنی ہونے والی اولاد کے حوالے سے بھی سمجھانے کی کوشش کی۔ میرے سامنے تو ہوں ہاں کرتے رہے لیکن انہوں نے نشہ کرنا جاری رکھا۔ ایسے ہی حالات میں اگلے چھ سال ہی میں یکے بعد دیگرے چار بچوں کی ماں بن گئی۔
بچوں کے بعد ان میں ذمہ داری تو کیا آتی وہ میرے ساتھ مزید بدزبان اور اپنے فرائض سے غافل رہنے لگے۔ میرے چاروں بچوں کی ولادت کے اخراجات میرے والدین نے اٹھائے۔ بعد میں بھی اپنے بچوں کی کئی ضروریات مجھے اپنے والدین کوبتاناپڑیں۔
میرے شوہر کی صحبت بہت زیادہ خراب ہوچکی ہے۔ نہ صرف نشئی لوگ بلکہ دیگر کئی برائیوں میں ملوث لوگوں کے ساتھ اٹھنے بیٹھنےلگےہیں۔

 

جواب: رات سونے سے پہلے 101 مرتبہ :

تَوَكَّلْتُ عَلَى الْحَيِّ الَّذِي لا يَمُوتُ ، وَالْحَمْدُ لِلَّهِ الَّذِي لَمْ يَتَّخِذْ وَلَدًا ، وَلَمْ يَكُنْ لَهُ شَرِيكٌ فِي الْمُلْكِ ، وَلَمْ يَكُنْ لَهُ وَلِيُّ مِنَ الذُّلِّ ، وَكَبِّرْهُ تَكْبِيرًا O

گیارہ گیارہ مرتبہ درود شریف کے ساتھ پڑھ کر اپنے شوہر کا تصور کرکے دم کردیں اور دعا کریں کہ انہیں برائیاں ترک کر دینے اور صحیح راستے پر چلنےکیتوفیق عطا ہو۔
یہ عمل نوے روز تک جاری رکھیں۔
وضو بےوضو کثرت سے اللہ تعالیٰ کے اسماء
یاہادی یارشید
کا ورد کرتی رہیں۔

 

---

***

لڑکپن کے مسائل اور والدین کی ذمہ داریاں

سوال:میری عمر بائیس سال ہے۔ بظاہر میں میں ایک صحت مند نوجوان ہوں لیکن حقیقت اس کے برعکس ہے۔ میں اگر کوئی وزنی چیز اُٹھالوں تو میرے ہاتھ کافی دیر تک کانپتے رہتے ہیں۔ زیادہ پیدل چلنا بھی میرے لیے دشوار ہوگیا ہے۔ اکثر سیڑھیاں چڑھتے ہوئے چکر آنے لگتے ہیں۔ اس جسمانی کمزوری کی وجہ شاید یہ ہے کہ میں گزشتہ پانچ چھ سال سے خود کو ضائع کرتا رہا ہوں۔ اس عمل کی شروعات میرے اسکول سے ہوئی جہاں میری دوستی چند خراب لڑکوں سے تھی، وہ فحش تصاویر اور ویڈیوز مجھے دکھاتے تھے۔ ان کی صحبت میں ہی میں خود کو ضائع کرنے کی بری عادت میں پڑ گیا۔ مجھے لگتا ہے کہ میں نے اپنی زندگی برباد کرلی ہے ۔ اس کمزوری کے باوجود میں یہ عمل چھوڑ نہیں پا رہا ہوں ۔

 

جواب: بلوغت کے آغاز میں ہونے والی ہارمونل تبدیلیاں کئی لڑکوں کو شدید ہیجان میں مبتلا رکھتی ہیں۔ زندگی کے اس انتہائی اہم لیکن بہت پرآشوب دور میں زیادہ تر لڑکے اپنے والد یا بڑے بھائی کی طرف سے رہنمائی سے محروم رہتے ہیں۔
خود کو درپیش صورت حال پر کئی لڑکے معلومات کے لیے اپنے ہم عمر یا اپنے سے عمر میں کچھ بڑے دوستوں سے بات کرتے ہیں۔ اس عمر کے اکثر لڑکے اس صورت حال کو ایک طبعی معاملہ سمجھنے کے بجائے اسے سنسنی خیزی اور لذت کوشی کا ذریعہ سمجھتے ہیں اور اپنے دوستوں کو بھی اسی لذت سے آشنائی کے مشورے دیتے ہیں۔ گھر سے بروقت اور صحیح رہنمائی نہیں مل رہی ہوتی۔ ایسے میں ساتھی لڑکوں کے غلط مشوروں یا بری صحبت کے خراب اثرات کی وجہ سے کئی لڑکے اپنے ہاتھوں اپنی صحت برباد کرلیتے ہیں۔
بارہ پندرہ سال کی عمر کے لڑکوں کے لیے والد یا بڑے بھائی کی طرف سے مناسب رہنمائی بہت ضروری ہے۔ گھر سے بروقت ملنے والی صحیح رہنمائی سے کئی لڑکے ایک پرآشوب دور کو بہت احتیاط کے ساتھ گزار سکتے ہیں۔
اپنی نادانیوں کے باعث آپ کی صحت کو جو نقصان ہوا ، اس کا ازالہ اب بھی ہوسکتا ہے۔ پانچ وقتہ نماز کی پابندی کیجیے۔ کوشش کیجیے کہ فجر کی نماز باجماعت ادا ہو۔ فجر کے بعد کسی پارک یا کھلے میدان میں تقریباً آدھے گھنٹے تک واک کیجیے۔ ابتدائی چند روز واک کے علاوہ کوئی اور ورزش نہ کی جائے۔ کوشش کیجیے کہ دن میں زیادہ وقت باوضو رہیں لیکن وضو قائم رکھنے کے لیے خود پر جبر نہ کیجیے۔ وضو ٹوٹ جائے تو دوبارہ کرلیں۔
کثرت سے اللہ تعالیٰ کے اسماء
یا حی یا قیوم
کا ورد کرتے رہیے۔
آپ کے لیے یونانی مرکبات معجون آرد خرما اور شربت جگر کا استعمال بھی ان شاء اللہ مفیدرہےگا۔

 

 

---

***

سلسلہ عظیمیہ کی تربیت

سوال: محترم ڈاکٹر وقار عظیمی….! میں روحانی ڈائجسٹ کا ایک برسوں پرانا قاری ہوں۔ کراچی میں مقیم ہماری ایک رشتہ دار نے ہمیں یہ رسالہ پڑھنے کا مشورہ دیا تھا۔ روحانی ڈائجسٹ ہمارے لیے ناصرف کئی طرح کی معلومات کی فراہمی بلکہ فکری رہنمائی اوراصلاح کا زریعہ بھی ہے۔ ہر ماہ اتنی مفید دستاویز قارئین تک پہنچانا بہت بڑا اور مشکل کام ہے۔ قارئین کی اتنی اچھی خدمت پر روحانی ڈائجسٹ کے کارکنان مبارکباد کےمستحقہیں۔
روحانی ڈائجسٹ کی انتہائی اہم تحریروں میں آپ کا کالم روحانی ڈاک بھی شامل ہے۔ روحانی ڈاک میں شائع ہونے والے خطوط کو پڑھ کر ہمیں علم ہوتا ہے کہ ہمارے معاشرے میں لوگوں کو کن کن مسائل و مشکلات کا سامناہے۔ ان مسائل پر آپ کے انتہائی ہمدردانہ مثبت سوچ کے حامل جوابات پڑھ کر آپ کے لیے دل سے دعائیںنکلتیہیں۔
روحانی ڈاک کی وساطت سے سارے پاکستان بلکہ ساری دنیا سے لوگ آپ سے رابطہ کرسکتے ہیں اور اپنے مسائل کے جوابات حاصل کرسکتے ہیں۔ تاہم کئی مسائل ایسے بھی ہوتے ہیں جہاں صرف تحریری رابطے سے تسلی نہیں ہوپاتی اور آپ سے بالمشافہ ملاقات کرکےتفصیل سے بات کرنے کی ضرورت محسوس ہوتی ہے۔
کراچی کے رہنے والوں کے لیے تو آسان ہے کہ وہ آپ کے پاس آکر آپ سے مل سکیں۔ اگر آپ پاکستان کے دوسرے شہروں خصوصاً لاہور، راولپنڈی اور پشاور میں بھی لوگوں سے ملاقات کے لیے کوئی وقت مقرر کرسکیں تو بہت اچھا ہوگا۔

 

جواب: محترم بھائی! روحانی ڈائجسٹ کی تحریروں کی پسندیدگی کا بہت بہت شکریہ۔ قارئین کرام کی جانب سے رسالہ کے مضامین کی پسندیدگی سے ہم سب کارکنان کو خوشی ہوتی ہے اور ہماری حوصلہ افزائی بھی ہوتی ہے۔
روحانی ڈاک کے کالم میں قارئین کے مسائل پر میرے جوابات دراصل سلسلۂ عظیمیہ کی تربیت و تعلیمات سے تشکیل پانے والی فہم کا اظہار بھی ہوتے ہیں۔ کسی مسئلے کی نوعیت گھریلو ہو یا معاشی، تعلیمی ہو یا معاشرتی ہو یا کسی اور نوعیت کی ہو۔ کئی بار مسائل کے ظاہری پہلو کو دیکھتے ہوئے ان کی بنیادی وجوہات پر بھی غور کرتا ہوں۔ صحیح وجہ سامنے آجائے اور متاثرہ افراد ان وجوہات کومان بھی لیں تو کئی مسائل کا حل بہت آسانہوجاتاہے۔
مثال کے طور پر ہمارے کئی گھریلو اور معاشرتی مسائل کا سبب عورتوں کو دین اسلام کے عطا کردہ حقوق کی ادائی سے گریز ہے۔ کئی مسائل کی وجوہات صدیوں سے چلی آرہی روایات و اعتقادات کے زیر اثر تشکیل پانے والے مخصوص مائنڈ سیٹس ہیں۔ کئی مسائل سستی، بےعملی اور دوسروں پر انحصار جبکہ کئی مسائل برتری کے احساس، خود غرضی، لالچ جیسے منفی جذبات سےجنم لیتے ہیں۔
مسائل کا جواب دیتے ہوئے میں اپنے والد محترم خواجہ شمس الدین عظیمی صاحب کی پیروی کی کوشش کرتا ہوں(حالانکہ ان کا مقام کہاں اور یہ طالب علم کہاں، بہرحال پھر بھی اپنی سی کوششکرلیتا ہوں)۔
میرے والد محترم سے اجازت یافتہ کئی محترم حضرات و خواتین پاکستان کے تقریباً تمام بڑے شہروں میں مقیم ہیں۔ کراچی سے باہر رہنے والے افراد مشوروں کے لیے اپنے اپنے شہروں میں ان سے بالمشافہ ملاقات کر سکتےہیں۔

 

---

***

روحانیت سیکھنے کے آسان طریقے….؟

سوال: محترم وقار عظیمی صاحب! بہت اُمیدوں کے ساتھ آپ کو یہ خط لکھ رہا ہوں۔ میری عمر تیس سال ہے۔ آٹھویں جماعت میں دو مرتبہ فیل ہونے کے بعد بڑی مشکلوں سے نویں جماعت میں پہنچا اور میٹرک چار سال میں کر پایا۔ میں نے ایک فریج کی دکان پر کام سیکھنا شروع کیا۔ لیکن یہاں بھی میں کام سیکھنے میں ناکام رہا۔
ایک دن اتفاقاً میری ملاقات ایک نہایت نیک دل ہستی سے ہوئی ، وہ ایک صوفی بزرگ تھے۔ان بزرگ کی صحبت میں مجھے بہت اطمینان نصیب ہوا۔ انہوں نے مجھے یہ بھی کہا کہ تم میری خدمت میں رہو گے تو میں تمہیں عملیات اور روحانی علوم سکھاتارہوںگا۔
اپنی بے مقصد زندگی چھوڑ کر میں ان کی شاگردی میں آگیا اور ان کی خدمت میں اپنے دن رات صرف کرنے لگا۔ لیکن میری یہ خوشی تھوڑے عرصے کی مہمان تھی۔ میرے مرشد کو دمہ کی شکایت تھی۔ سخت سردیوں کی ایک رات انہیں دمہ کا شدید دورہ پڑا۔ رات میں فوری طور پر سواری دست یاب نہ ہوسکی۔ بہرحال کسی نہ کسی طرح میں انہیں لے کر اسپتال پہنچا۔ یہاں دو دن بعد ان کا انتقال ہوگیا۔
اپنے ایک دوست کے کہنے پر میں نے روحانی ڈائجسٹ کا مطالعہ شروع کیا تھا۔
محترم وقار عظیمی صاحب….! آپ کی تحریروں نے مجھے اس قدر متاثر کیا کہ مجھے لگتا ہے اب آپ ہی مجھے میری کھوئی ہوئی منزل تک پہنچاسکتے ہیں۔ میرے ادھورے روحانی سفر کو مکمل کرسکتےہیں۔
برائے مہربانی مجھے روحانیت سیکھنے کے ایسے آسان طریقے بتائیے کہ جن پر عمل کرکے میں ان علوم میں کمال حاصل کرلوں۔

 

جواب: جس قسم کی روحانیت تم سیکھنا چاہتے ہو ہم تو اس کی الف، ب سے بھی واقف نہیں ہیں۔
بہتر ہوگا کہ تم اپنے اور دوسروں کے وقت کی قدر کرنا سیکھو۔ کسی بھی طرح کے علوم کی تحصیل میں غیر سنجیدہ پن چھوڑ دو۔ روحانی علوم کی تحصیل کے لیے بھی اسی طرح یکسوئی کے ساتھ وقت اور توجہ صرف کرنے کی ضرورت ہے جیسا کہ میڈیکل، انجینئرنگ، بزنس یا کسی اور شعبے میں گریجویٹ یا ماسٹرز کرتے ہوئے ضرورتہوتیہے۔
وقت لگانے اور صلاحیتوں کے زیادہ سے زیادہ استعمال کے بغیر روحانیت سیکھنے کے آسان طریقے میرے علم میں نہیں ہیں۔

 

---

***

اعصاب پر لڑکیاں سوار ہیں

سوال: میں اپنی تعلیم پر پوری طرح توجہ نہ دے پانے کی وجہ سے گزشتہ سال فرسٹ ایئر کے امتحان میں تین پرچوں میں فیل ہوگیا۔ میری اس عدم توجہی کی وجہ صنفِ نازک کی کشش کا میرے اعصاب پر سوار رہنا ہے۔ ان خیالات کی وجہ سے میری پڑھائی بری طرح متاثر ہوئی۔ میرے والدین کی دلی خواہش ہے کہ میں اعلیٰ تعلیم حاصل کروں لیکن فرسٹ ایئر کے خراب رزلٹ نے انہیں بہت مایوس کردیا ہے۔
برائے کرم آپ مجھے بتائیں کہ ان حالات میں ، میں کس طرح ذہنی یکسوئی کے ساتھ اپنی تعلیم جاری رکھ سکتا ہوں، کوئی دعا بھی ضرور بتائیے گا۔

جواب: صنفِ مخالف میں کشش محسوس ہونا ایک فطری امر ہے۔ بلوغت کے ابتدائی دور میں اکثر لڑکے اس تقاضے کی نوعیت کو سمجھ نہیں پاتے کچھ لڑکے اس تقاضے کو کوئی شیطانی خیال سمجھ کر دبانا چاہتے ہیں تو کچھ اس کی شدت سے مغلوب ہوکر نادانیوں کے مرتکب ہوتے ہیں۔
صنفِ مخالف کے بارے میں آنے والے خیالات کی وجہ سے آپ کی پڑھائی متاثر ہونے کی وجہ بھی دراصل اپنی ذہنی و جسمانی کیفیات کو سمجھنے میں غلطی ہے۔ ان خیالات کے اعصاب پر سوار ہوجانے کی وجہ قوتِ ارادی( Will Power)کی کمیبھی ہے۔
موجودہ کیفیت کو اعتدال پر لانے کے لیے آپ کو ذہنی و جسمانی ‘‘مثبت’’ مصروفیات کا اہتمامکرناچاہیے۔
ذہنی مصروفیات میں اچھی کتب کا مطالعہ بہت مفید رہے گا۔ بالخصوص تاریخی موضوعات، قوموں کے عروج و زوال کی داستانیں اور مختلف کامیاب لوگوں کے حالات زندگی پر مشتمل کتابوں کے مطالعہ سے آپ کو زندگی اور دنیا کے معاملات سمجھنے میں بہت مدد ملے گی۔ آپ کو طنز ومزاح کے موضوعات پر مبنی تصانیف اور کتابوں کا مطالعہ بھیکرنا چاہیے۔
جسمانی مصروفیات میں روزانہ پابندی سے ورزش اور جاگنگ کو اپنا معمول بنالیجیے۔ صبح سویرے اُٹھیے، فجر کی نماز باجماعت ادا کیجیے۔ نماز کے بعد کچھ دیر تک:

سبحان اللہ وبحمد
سبحان اللہ العظیم  

اور درود شریف کا ورد کیجیے۔ اس کے بعد تقریباً پینتس چالیس منٹ جاگنگ اور ورزش میں صرف کیجیے۔ اب آپ کو دن بھر میں بارہ سے پندرہ گھنٹے میسر ہیں۔ اس وقت کو اپنی پڑھائی پر اور گھریلومعاملات میں صرف کرنے کی پلاننگ کیجیے۔
چند ماہ تک گوشت کم سے کم استعمال کریں۔ کھانوں میں سبزیاں ، دالیں اور چاول زیادہ لیں۔ 

 

---

***

 

نوکری ختم ہوگئی! گھر کا خرچ کہاں سے چلاؤں؟

سوال: میں گزشتہ 20 سال سے ایک ٹریول ایجنسی سے وابستہ تھا، لگی بندھی تنخواہ میں پہلے ہی گزارا بہت مشکل سے ہوتا تھا، جیسے ہی تنخواہ آتی تھی بجلی کے بلوں، بچوں کی فیسوں اور دیگر گھریلو اخراجات میں صرف ہوجاتی تھی۔ اخراجات اتنے زیادہ تھے کہ کبھی کوئی سیونگ کرنے کا موقع ہی نہ مل سکا، میں سالوں سے اسی طرح حالات کے ریلے میں بہتا چلا آرہا تھا کہ اچانک چند ماہ پہلے کورونا وائرس کے سبب ہونے والے بین الاقوامی لاک ڈاؤن نے جہاں بہت سی صنعتوں کو متاثر کیا وہیں ٹریول انڈسٹری کو تو سرے سے ختم ہی کردیا۔
میں پچھلے چار ماہ سے گھر میں بیٹھا ہوں، ہماری کمپنی تقریباً ختم ہوچکی ہے اور نہ ہی گزشتہ مہینوں کی تنخواہ کی کوئی اُمید ہے جبکہ گھریلو اخراجات جوں کے توں برقرار ہیں، نہ تو گیس، بجلی اور پانی کے بل معاف ہوئے اور نہ ہی بچوں کے اسکول کی فیس، اوپر سے مالک مکان بھی کرائے کے لیے تقاضہ کررہا ہے۔ پچھلے کئی دنوں سے محلے میں پرچون کی دکان سے اُدھار راشن لے کر نظام زندگی چلا رہا تھا لیکن اب تو وہ بھی اُدھار دینے سے کترانے لگا ہے۔
میری سمجھ میں نہیں آرہا کہ ایسے حالات میں کہاں جاؤں، کس سے جاکر نوکری مانگوں، برائے کرم مجھے اس مشکل سے نجات کے لیے کوئی دعا بتادیجیے۔

 

جواب: اللہ تعالیٰ سے دعاہے کہ آپ کے حالات بہت جلدبہتر ہوں، انسانوں کو اس عالمی وبا سے جلد نجات ملے اور معمولات زندگی بحال ہوں۔ میری دعا ہے کہ آپ کو اچھا بابرکت روزگار عطا ہو۔ آمین
عشاء کی نماز کےبعد 101مرتبہ سورہ آل عمران (3)کی آیت 37:

اِنَّ اللّـٰهَ يَرْزُقُ مَنْ يَّشَآءُ بِغَيْـرِ حِسَابٍ

گیارہ گیارہ مرتبہ درود شریف کے ساتھ پڑھ کر معاشی حالات میں بہتری، ملازمت کی بحالی و ترقی کے لیے دعا کریں۔
یہ عمل کم ازکم نوے روزتک جاری رکھیں۔
صبح شام اکیس مرتبہ: 

بَحَوْلِ وَقُوَّتِ لَااِلٰہَ اِلَّاﷲُ اِسْتَعَنْتُ بِقُدْرَۃِ اللہِ اِحْتَجَبْتُ بِعِزَّۃِ اللہِ وَاعْتَصَمْتُ بَحَبْلِ اللہِ وَدَفَعْتُ عَنِّیْ کُلَّ سُوْءٍ وَصَلَّی اللہُ تَعَالٰی عَلٰی خَیْرِ خَلْقِہٖ مُحَمَّدٍ وَّ ا ٰلِہٖ اَجْمَعِیْنَ 

پانچ پانچ مرتبہ درود شریف کے ساتھ پڑھ کر ایک ایک پیالی پانی پر دم کرکے پیئیں۔
یہ عمل کم از کم اکیس روزتک جاری رکھیں۔
وضو بے وضو کثرت سے اللہ تعالیٰ کے اسم
یارزاق
کا وردکرتےرہیں۔

 

---

***

 

 

---

***

---

***

---

***

---

***

---

***

---

***

---

***

 

 

 

 

 

کاروبار ٹھپ ہوتاجارہا ہے….

[dropcap]سوال:  [/dropcap]

میں نے اپنے ایک جاننے والے کے ساتھ مل کر سات سال پہلے گارمنٹس کا کاروبار شروع کیا تھا۔ہم دونوں نے دن رات سخت محنت کی ،اللہ تعالیٰ نے کرم فرمایا۔ ہمارا کاروبار بہت اچھا چلنے لگا۔ ہمیں دوسروں شہروں سے بھی آرڈرملنےلگے۔
ایک بار ایک پارٹی سے ڈیل کے دوران میرے پارٹنر کی مجھ سے کسی بات پر ناراضی ہوگئی۔ اس واقعے کے ایک ہفتے بعداس نے مجھ سے کہا کہ تم یہ کاروبار گڈ ویل کے ساتھ مجھے فروخت کردو۔
میں نے اسے سمجھانے کی کوشش کی لیکن میرے پارٹنر نے سختی سے کہا کہ اگر تم کاروبار فروخت کرنا نہیں چاہتے تو مجھے میرے پیسے پندرہ دن میں واپس کردو۔
میں نے بیگم کے زیورات فروخت کرکے اورکچھ قرض لے کر بڑی مشکل سے اسے رقم ادا کی۔ اب میں اس کاروبار کا تنہا مالک ہوں۔
پارٹنر شپ ختم ہونےکے تقریباً دوہفتے بعد سے میری یہ کیفیت ہوگئی ہے کہ میں آفس میں بیٹھتا ہوں تو مجھے گھبراہٹ اوروحشت شروع ہوجاتی ہے۔آہستہ آہستہ میرا کاروبار کم ہونے لگا ہے۔ پارٹیز سے فون پر معاملات طے ہوتے ہیں۔ ڈیلیوری کے لیے میرے آدمی جاتے ہیں تو پارٹی کوئی نہ کوئی بہانہ کرکے مال لینے سے منع کردیتی ہے ۔
میری سمجھ میں نہیں آرہا ہے کہ میرےساتھ ایسا کیوں ہورہاہے۔
ڈاکٹر وقار عظیمی صاحب! میں نے زندگی بھر کی جمع پونجی اس کاروبار میں لگادی ہے۔ کئی ملین کا قرض بھی لے چکا ہوں ۔ موجودہ صورت حال پر میرے اکثردوستوں کا کہنا ہے کہ تمہارے کاروبار پر بندش کروادی گئی ہے۔