ستمبر 2016ء

بُری صحبت اور نشے سے نجات

---

***

نشے کی لت:

سوال:میرے بیٹے کی عمر چالیس سا ل ہے۔ اس کے اپنے چاربیٹے ہیں۔ چند سال پہلے خاندان کے کچھ نشئی لڑکوں کی صحبت میں جاکر اسے بھی ہیروئن کی لت لگ گئی۔ ہم شہر میں رہتے ہیں یہ بیٹاجائیداد کی دیکھ بھال کے لیے گاؤں میں رہتاتھا۔ہمیں اس کی نشے کی لت کابہت دیر میں پتہ چلا۔جب اس کی طبیعت زیادہ خراب رہنے لگی توشہر میں اسے ڈاکٹروں کو دکھایا تو انہوں نے بتایا کہ آپ کابیٹا ہیروئن کا عادی ہوچکاہے۔تین ماہ ہسپتال میں داخل رہنے کے بعد اس کی صحت بہترہوگئی ۔ پانچ چھ ماہ تک وہ نشہ سے دوررہا ۔ا س کے بعد پھر کسی نے اسے نشہ کی عادت ڈال دی ۔ اب یہ بیٹا پھرہسپتال میں داخل ہے۔ کوئی دعا بتائیں جس کی برکت سے بیٹے کی نشہ کرنے کی عادت ہمیشہ کے لیے ختم ہوجائے اوروہ بُرے دوستوں کی صحبت سےدور رہے۔

جواب:ڈاکٹری علاج کے ساتھ بطورروحانی علاج :
رات کو جب بیٹاگہری نیند میں ہو تو ان کے سرہانے بیٹھ کر اتنی آواز سے کہ ان کی آنکھ نہ کھلے اکیس مرتبہ سورہ انعام(6) کی آیت نمبر54:

وَ اِذَا جَآءَکَ الَّذِیۡنَ یُؤۡمِنُوۡنَ بِاٰیٰتِنَا فَقُلۡ سَلٰمٌ عَلَیۡکُمۡ کَتَبَ رَبُّکُمۡ عَلٰی نَفۡسِہِ الرَّحۡمَۃَ ۙ اَنَّہٗ مَنۡ عَمِلَ مِنۡکُمۡ سُوۡٓءًۢ ابِجَہَالَۃٍ ثُمَّ تَابَ مِنۡۢ بَعۡدِہٖ وَ اَصۡلَحَ فَاَنَّہٗ غَفُوۡرٌ رَّحِیۡمٌ

تین تین مرتبہ درود شریف کے ساتھ پڑھ کر ان پر دم کردیں اور قوت ارادی میں اضافے اوراستقامت کی توفیق ملنے کی دعا کریں ۔
یہ عمل کم از کم چالیس روز یا نوے روز تک جاری رکھیں۔ ناغہ کے دن شمار کرکے بعد میں پورےکرلیں۔

 

 

---

***

بُری صحبت:

سوال:میرے شوہربہت اچھے اخلاق کے ہیں لیکن ایک سال سے بری صحبت میں پھنس گئے ہیں۔ وہ میرا اور بچوں کا ہر طرح سے خیال تورکھتے ہیں لیکن ہمیں وقت نہیں دیتے۔گھر کے ہرکام،تقریبات ، بچے کے اسکول ،اپنے میکے مجھے اکیلے ہی آنا جانا پڑتا ہے۔ میں نے سنا ہے کہ اپنے چند دوستوں میں بیٹھ کر وہ شراب نوشی اور بعض دیگر برائیوں کے مرتکب بھی ہورہے ہیں۔

جواب:عشاءکی نماز کے بعد اکتالیس مرتبہ سورہ بقرہ (2)کی آیت نمبر168-169

اول آخر گیارہ گیارہ مرتبہ درو دشریف کے ساتھ پڑھ کر شوہر کے راہ راست پر آنے، بری عادتوں اورصحبت سے نجات کےلے دعاکریں۔
اس عمل کو چالیس روزتک جاری رکھیں۔

 

---

***

خاص ذائقے والا شربت

سوال: ہم تین بہنیں اور دو بھائی ہیں۔ گھر کے تمام اخراجات بڑے بھائی اُٹھاتے ہیں وہ کئی برسوں سے بیرونِ ملک مقیم ہیں۔ انہوں نے ہم بہن بھائیوں کو اعلیٰ تعلیم دلانے کے لئے بہت ایثار کیا ہے۔
ہمارے محلے میں کرائے کے مکان میں نئے آکر آباد ہونے والے ایک گھرانے میں ہمارے چھوٹے بھائی کا آنا جانا شروع ہوگیا۔ ہم نے محسوس کیا کہ ان کی لڑکیاں اورلڑکے دوسروں میں غیر معمولی دلچسپی لیتے ہیں۔ ہم نے اپنے بھائی کو ان لوگوں کے ہاں جانے سے روکا لیکن وہ نہ مانا۔ کچھ عرصہ بعد تو وہ راتیں بھی وہاں گزارنے لگا ۔
ہماری امی نے ایک دن بہت زور دے کر اس سے پوچھا تو اس نے بتایا کہ میں ان کے گھر جاتا ہوں تو وہ لڑکیاںمجھے ایک خاص ذائقے والا شربت ضرورپلاتی ہیں۔ پھر ہم باتیں کرنے لگتے ہیں ۔اس کے بعد مجھے ہوش نہیں رہتا کہ میرے ساتھ کیا ہوا یا میں نے کیا کیا۔بس میرادل چاہتا ہے کہ وہ شربت مجھے ملتا رہے ۔ اس شربت سے میرا ذہن ہلکا پھلکا ہوجاتا ہے ،میں خود کو ہواؤں میں اڑتا محسوسکرتاہوں۔
ہمیں سمجھ نہیں آتی کہ ان کے کیا ارادے ہیں؟ وہ لڑکیاں اور ان کے گھر والے ہمارے بھائی سے کیا چاہتے ہیں….. ؟

جواب:اللہ تعالی سے دعا ہے کہ آپ کے بھائی کی حفاظت ہو۔ وہ ہر طرح کے شر سے ، نشے کی لت سے اور خراب لوگوں کا آلہ کار بننے سے محفوظ رہے۔ آمین !
رات سونے سے پہلے اکیس مرتبہ سورہ فتح (48) کی آیت 26 تین تین مرتبہ سورہ فلق ، تین مرتبہ سورہ الناس ،گیارہ گیارہ مرتبہ درود شریف کے ساتھ پڑھ کر اپنے بھائی پر دم کردیں یا اس کا تصور کرکے اس پر دم کردیں اور اس کے لئے اللہ تعالی کے حضور دعا کریں۔
آپ کا بھائی اگر ورد پر راضی ہو تو اس سے کہیں کہ وہ وضو بے وضو کثرت سے یَا مُھِیْمِنُ یَا وَلِیُ یَاسَلَام کاورد کرتا رہے۔

 

---

***

بھائی ذمہ دار ہوجائے

سوال:ہم چھ بہنیں ہیں۔ ہمارا ایک ہی بھائی ہے۔اس کی عمر اٹھائیس سال ہوگئی ہے لیکن وہ کوئی کام نہیں کرتا۔ دن میں ہر وقت سوتا رہتا ہے۔ شام کے وقت جاگتا ہے ۔ ہلکا پھلکا کچھ کھا پی کر اپنی موٹر سائیکل لے کر گھر سے نکل جاتا ہے۔
رات بھر سڑکوں پر اپنے آوارہ دوستوں کے ساتھ ریس لگاتا اور ون وہیلنگ کرتا ہے۔
تین بہنیں شادی شدہ ہیں۔والد صاحب ریٹائرڈ اوربیمار ہیں۔ والد صاحب کی پینشن اورکچھ جمع پونجی سے ہماراگذارا ہورہا ہے لیکن کب تک …. ہم بہنوں نے اعلیٰ تعلیم حاصل کی مگر بھائی نے بمشکل انٹر کیاہے ۔
روزگار اور آمدنی کے حوالے سے وہ سنجیدہ نہیں ہے۔ والد صاحب اسے اپنے ایک دوست کی دکان پربٹھاناچاہتے ہیں مگروہ ان کی بات نہیں مانتا۔والد صاحب نے اسے دوتین جگہ ملازمتیں بھی دلوائیں مگر کوئی نہ کوئی بہانہ بنا کراس نے انکار کردیا ۔

جواب:

رات سونے سےپہلے 101 مرتبہ

 بِسمِ اﷲِالرَّحمٰنِ الرَّ حِیم
بَحَولِ وَقُوَّتِ لَآ اِلٰہَ اِلَّا اﷲُ اَلْمُھَیْمِنُ الْعَزِیزُ الْجَبَّارُ الْمُتَکَبِّرُ ط 

گیارہ گیارہ مرتبہ درودشریف کے ساتھ پڑھ کر اپنے بھائی کاتصور کرکے دم کردیں اور دعا کریں کہ اس میں احساسِ ذمہ داری آئے، کام میں اُس کا دل لگے اور اسے اپنے فرائض ٹھیک طرح ادا کرنے کی توفیق ملے۔
عمل کی مدت کم از کم چالیس روز ہے۔ناغہ کے دن شمار کرکے بعد میں پورے کریں۔

 

 

---

***

گٹکا…..

سوال:میرے تین بیٹے ہیں۔ ایک بیٹے کی عمر بیس سال ،دوسرے کی عمر اٹھارہ سال اورسب سے چھوٹے بیٹے کی عمر پندرہ سال ہے۔ تینوں تعلیم حاصل کررہے ہیں۔
میرا سب سے بڑا بیٹا جب میٹرک میں تھا تو اسکول کے کچھ لڑکوں نے اسے گٹکا کھانے کی عادت ڈال دی تھی۔ شروع میں تو ہمیں پتہ ہی نہیں چلا کیونکہ وہ اسکول میں کھاتاتھا، گھر میں بالکل نہیں کھاتا تھا۔جب ہمیں پتہ چلا تواس کی عادت پختہ ہوچکی تھی۔ ہم نے کوشش کی کہ اس کی یہ عادت ختم ہوجائے ۔ زیادہ کہنے سننے پر وہ گٹکا کھانا چھوڑ دیتا ہے لیکن چارپانچ دن بعد پھر شروع کردیتاہے۔

جواب:

رات سونے سے پہلے 101 مرتبہ سورہ مائدہ (05) کی آیت90گیارہ گیارہ مرتبہ درود شریف کے ساتھ پڑھ کر تصورکرکے دم کردیں اوردعاکریں۔یہ عمل دوماہ تک جاری رکھیں۔
صبح نہارمنہ اکیس مرتبہ یَا وَدُوْدُ تین تین مرتبہ درود شریف کے ساتھ پڑھ کر پانی پر دم کرکے پلائیں۔یہ عمل ایک ماہ تک جاری رکھیں۔

 

 

---

***

پینے کی عادت:

سوال:میرے شوہر نے چند سال پہلے کاروبار کو وسعت دینے کے لیے ایک صاحب سے پارٹنرشپ کرلی ۔ زیادہ سرمایہ آنے سے کاروبار میں خوبترقیہوئی۔
شوہر کاروبار کی وجہ سے اکثر راتوں کو گھر سے باہر رہنے لگے۔کبھی گھر میں بھی ان کے دوستوں کی محفلیں ہونے لگیں۔ اکثر دوست رات رات بھر بیٹھے رہتے ہیں ۔پھر دوستوں نے انہیں شراب کی عادت ڈال دی۔ اب وہ اکثر رات کو شراب پیتے ہیں۔
جب وہ میرے پاس آتے ہیں تو ان کے منہ سے شراب کی بو آتی ہے۔ جس سے میری طبعیت خراب ہوجاتی ہے۔ قریب آنے سے منع کرو تو غصہ کرتےہیں۔

جواب:

عشاءکی نماز کے بعد اکتالیس مرتبہ سورہ بقرہ کی آیت نمبر168-169 گیارہ گیارہ مرتبہ درو دشریف کے ساتھ پڑھ کر اپنے شوہر کا تصورکرکے دم کردیں اور اللہ تعالیٰ کے حضور دعا کریں کہ شوہر کو نشہ سے نجات ملنے کی توفیق عطا ہو۔ اس عمل کو کم از کم چالیس ر وزتک جاری رکھیں۔ ناغہ کے دن شمارکرکے بعدمیں پورے کرلیں۔

 

 

---

***

امیر لڑکوں کے ساتھ:

سوال:میرے تین بچے ہیں۔ایک بیٹا اوردو بیٹیاں ہیں۔ میرے شوہر گزشتہ دس سال سے روزگار کے سلسلے میں بیرون ملک مقیم ہیں۔ ہرسال تین چار ہفتوں کے لیے پاکستان آتے ہیں۔
میرا بیٹا یونیورسٹی میں پڑھتاہے۔ ایک سال سے بہت تنگ کررہاہے۔ اس کے دوست امیر گھرانوں سے تعلق رکھتے ہیں۔ ان کے پاس گاڑیاں ہیں۔ بیٹا گھر سے یونیورسٹی جاتاہے اورسارادن امیر لڑکوں کی گاڑیوں میں گھومتا رہتاہے۔ پڑھائی پرکوئی توجہ نہیں ہے۔ جیب خرچ دس ہزار روپے مہینہ اس کے والد اسے دیتے ہیں تاکہ اسے پڑھائی میں کسی قسم کی پریشانی نہ ہو لیکن بیٹا دس دن میں پیسے ختم کردیتاہے۔ بقایا بیس دن روزانہ مجھ سے بدتمیزی کرکے پیسےلےجاتاہے۔
اس کی وجہ سے گھر اوربچیوں کے اخراجات پورے کرنا مشکل ہوتا جارہا ہے۔ میں نے پیار محبت اورغصہ سے بھی سمجھایا ہے لیکن اس کی سمجھ میں کوئی بات نہیں آتی ۔ اپنےباپ کے لیے بھی نازیبا الفاظ استعمال کرتاہے۔
میرے شوہر کو بیٹے کی ان بری عادتوں کے بارے میں کچھ معلوم نہیں ہے۔ میں ڈرتی ہوں کہ والد کے ساتھ بدتمیزی کی تو بہت بُرا ہوجائے گا۔

جواب:

رات سونے سے پہلے سورہ شوریٰ(42) کی آیت 28:
گیارہ گیارہ مرتبہ درود شریف کے ساتھ پڑھ کر اپنے بیٹے کا تصور کرکے دم کردیں اور فرمانبرداری،سعادت مندی کی دعا کریں۔یہ عمل کم ازکم چالیس روزتک جاری رکھیں۔ناغہ کے دن شمارکرکے بعد میں پورے کرلیں۔
اس کے علاوہ صبح یا شام تین سومرتبہ
اَلْمَلِکُ الْقُدُّوْسُ O
اول آخر گیارہ گیارہ مرتبہ درود شریف کے ساتھ پڑھ کر پانی پر دم کرکے پلائیں اوردعاکریں کہ بیٹے کا پڑھائی میں دل لگے اوراسے تعلیمی ذمہ داریوں کو احسن طریقے سے اداکرنے کی توفیق ملنے کی دعاکریں۔

 

ستمبر 2016ء

بُری صحبت اور نشے سے نجات کے لیے دعائیں

---

***

نشے کی لت:

سوال:میرے بیٹے کی عمر چالیس سا ل ہے۔ اس کے اپنے چاربیٹے ہیں۔ چند سال پہلے خاندان کے کچھ نشئی لڑکوں کی صحبت میں جاکر اسے بھی ہیروئن کی لت لگ گئی۔ ہم شہر میں رہتے ہیں یہ بیٹاجائیداد کی دیکھ بھال کے لیے گاؤں میں رہتاتھا۔ہمیں اس کی نشے کی لت کابہت دیر میں پتہ چلا۔جب اس کی طبیعت زیادہ خراب رہنے لگی توشہر میں اسے ڈاکٹروں کو دکھایا تو انہوں نے بتایا کہ آپ کابیٹا ہیروئن کا عادی ہوچکاہے۔تین ماہ ہسپتال میں داخل رہنے کے بعد اس کی صحت بہترہوگئی ۔ پانچ چھ ماہ تک وہ نشہ سے دوررہا ۔ا س کے بعد پھر کسی نے اسے نشہ کی عادت ڈال دی ۔ اب یہ بیٹا پھرہسپتال میں داخل ہے۔ کوئی دعا بتائیں جس کی برکت سے بیٹے کی نشہ کرنے کی عادت ہمیشہ کے لیے ختم ہوجائے اوروہ بُرے دوستوں کی صحبت سےدوررہے۔

جواب:ڈاکٹری علاج کے ساتھ بطورروحانی علاج :
رات کو جب بیٹاگہری نیند میں ہو تو ان کے سرہانے بیٹھ کر اتنی آواز سے کہ ان کی آنکھ نہ کھلے اکیس مرتبہ سورہ انعام(6) کی آیت نمبر54:

وَ اِذَا جَآءَکَ الَّذِیۡنَ یُؤۡمِنُوۡنَ بِاٰیٰتِنَا فَقُلۡ سَلٰمٌ عَلَیۡکُمۡ کَتَبَ رَبُّکُمۡ عَلٰی نَفۡسِہِ الرَّحۡمَۃَ ۙ

اَنَّہٗ مَنۡ عَمِلَ مِنۡکُمۡ سُوۡٓءًۢ ابِجَہَالَۃٍ ثُمَّ تَابَ مِنۡۢ بَعۡدِہٖ وَ اَصۡلَحَ فَاَنَّہٗ غَفُوۡرٌ رَّحِیۡمٌ O 

تین تین مرتبہ درود شریف کے ساتھ پڑھ کر ان پر دم کردیں اور قوت ارادی میں اضافے اوراستقامت کی توفیق ملنے کی دعا کریں ۔
یہ عمل کم از کم چالیس روز یا نوے روز تک جاری رکھیں۔ ناغہ کے دن شمار کرکے بعد میں پورےکرلیں۔

 

 

---

***

 بُری صحبت:

سوال: میرے شوہربہت اچھے اخلاق کے ہیں لیکن ایک سال سے بری صحبت میں پھنس گئے ہیں۔ وہ میرا اور بچوں کا ہر طرح سے خیال تورکھتے ہیں لیکن ہمیں وقت نہیں دیتے۔گھر کے ہرکام،تقریبات ، بچے کے اسکول ،اپنے میکے مجھے اکیلے ہی آنا جانا پڑتا ہے۔ میں نے سنا ہے کہ اپنے چند دوستوں میں بیٹھ کر وہ شراب نوشی اور بعض دیگر برائیوں کے مرتکب بھی ہورہے ہیں۔

جواب:عشاءکی نماز کے بعد اکتالیس مرتبہ سورہ بقرہ (2)کی آیت نمبر168-169 اول آخر گیارہ گیارہ مرتبہ درو دشریف کے ساتھ پڑھ کر شوہر کے راہ راست پر آنے، بری عادتوں اورصحبت سے نجات کےلے دعاکریں۔
اس عمل کو چالیس روزتک جاری رکھیں۔

 

---

***

خاص ذائقے والا شربت:

سوال: ہم تین بہنیں اور دو بھائی ہیں۔ گھر کے تمام اخراجات بڑے بھائی اُٹھاتے ہیں وہ کئی برسوں سے بیرونِ ملک مقیم ہیں۔ انہوں نے ہم بہن بھائیوں کو اعلیٰ تعلیم دلانے کے لئے بہت ایثار کیا ہے۔
ہمارے محلے میں کرائے کے مکان میں نئے آکر آباد ہونے والے ایک گھرانے میں ہمارے چھوٹے بھائی کا آنا جانا شروع ہوگیا۔ ہم نے محسوس کیا کہ ان کی لڑکیاں اورلڑکے دوسروں میں غیر معمولی دلچسپی لیتے ہیں۔ ہم نے اپنے بھائی کو ان لوگوں کے ہاں جانے سے روکا لیکن وہ نہ مانا۔ کچھ عرصہ بعد تو وہ راتیں بھی وہاں گزارنے لگا ۔
ہماری امی نے ایک دن بہت زور دے کر اس سے پوچھا تو اس نے بتایا کہ میں ان کے گھر جاتا ہوں تو وہ لڑکیاںمجھے ایک خاص ذائقے والا شربت ضرورپلاتی ہیں۔ پھر ہم باتیں کرنے لگتے ہیں ۔اس کے بعد مجھے ہوش نہیں رہتا کہ میرے ساتھ کیا ہوا یا میں نے کیا کیا۔بس میرادل چاہتا ہے کہ وہ شربت مجھے ملتا رہے ۔ اس شربت سے میرا ذہن ہلکا پھلکا ہوجاتا ہے ،میں خود کو ہواؤں میں اڑتا محسوسکرتاہوں۔
ہمیں سمجھ نہیں آتی کہ ان کے کیا ارادے ہیں؟ وہ لڑکیاں اور ان کے گھر والے ہمارے بھائی سے کیا چاہتے ہیں….. ؟

جواب: اللہ تعالی سے دعا ہے کہ آپ کے بھائی کی حفاظت ہو۔ وہ ہر طرح کے شر سے ، نشے کی لت سے اور خراب لوگوں کا آلہ کار بننے سے محفوظ رہے۔ آمین !
رات سونے سے پہلے اکیس مرتبہ سورہ فتح (48) کی آیت 26 تین تین مرتبہ سورہ فلق ، تین مرتبہ سورہ الناس ،گیارہ گیارہ مرتبہ درود شریف کے ساتھ پڑھ کر اپنے بھائی پر دم کردیں یا اس کا تصور کرکے اس پر دم کردیں اور اس کے لئے اللہ تعالی کے حضور دعا کریں۔
آپ کا بھائی اگر ورد پر راضی ہو تو اس سے کہیں کہ وہ وضو بے وضو کثرت سے یَا مُھِیْمِنُ یَا وَلِیُ یَاسَلَام کاورد کرتا رہے۔

 

---

***

بھائی ذمہ دار ہوجائے:

سوال: ہم چھ بہنیں ہیں۔ ہمارا ایک ہی بھائی ہے۔اس کی عمر اٹھائیس سال ہوگئی ہے لیکن وہ کوئی کام نہیں کرتا۔ دن میں ہر وقت سوتا رہتا ہے۔ شام کے وقت جاگتا ہے ۔ ہلکا پھلکا کچھ کھا پی کر اپنی موٹر سائیکل لے کر گھر سے نکل جاتا ہے۔
رات بھر سڑکوں پر اپنے آوارہ دوستوں کے ساتھ ریس لگاتا اور ون وہیلنگ کرتا ہے۔
تین بہنیں شادی شدہ ہیں۔والد صاحب ریٹائرڈ اوربیمار ہیں۔ والد صاحب کی پینشن اورکچھ جمع پونجی سے ہماراگذارا ہورہا ہے لیکن کب تک …. ہم بہنوں نے اعلیٰ تعلیم حاصل کی مگر بھائی نے بمشکل انٹر کیاہے ۔
روزگار اور آمدنی کے حوالے سے وہ سنجیدہ نہیں ہے۔ والد صاحب اسے اپنے ایک دوست کی دکان پربٹھاناچاہتے ہیں مگروہ ان کی بات نہیں مانتا۔والد صاحب نے اسے دوتین جگہ ملازمتیں بھی دلوائیں مگر کوئی نہ کوئی بہانہ بنا کراس نے انکار کردیا ۔

جواب:

ات سونے سےپہلے 101 مرتبہ

 بِسمِ اﷲِالرَّحمٰنِ الرَّ حِیم
بَحَولِ وَقُوَّتِ لَآ اِلٰہَ اِلَّا اﷲُ اَلْمُھَیْمِنُ الْعَزِیزُ الْجَبَّارُ الْمُتَکَبِّرُ ط 

گیارہ گیارہ مرتبہ درودشریف کے ساتھ پڑھ کر اپنے بھائی کاتصور کرکے دم کردیں اور دعا کریں کہ اس میں احساسِ ذمہ داری آئے، کام میں اُس کا دل لگے اور اسے اپنے فرائض ٹھیک طرح ادا کرنے کی توفیق ملے۔
عمل کی مدت کم از کم چالیس روز ہے۔ناغہ کے دن شمار کرکے بعد میں پورے کریں۔

 

 

---

***

گٹکا…..

سوال: میرے تین بیٹے ہیں۔ ایک بیٹے کی عمر بیس سال ،دوسرے کی عمر اٹھارہ سال اورسب سے چھوٹے بیٹے کی عمر پندرہ سال ہے۔ تینوں تعلیم حاصل کررہے ہیں۔
میرا سب سے بڑا بیٹا جب میٹرک میں تھا تو اسکول کے کچھ لڑکوں نے اسے گٹکا کھانے کی عادت ڈال دی تھی۔ شروع میں تو ہمیں پتہ ہی نہیں چلا کیونکہ وہ اسکول میں کھاتاتھا، گھر میں بالکل نہیں کھاتا تھا۔جب ہمیں پتہ چلا تواس کی عادت پختہ ہوچکی تھی۔ ہم نے کوشش کی کہ اس کی یہ عادت ختم ہوجائے ۔ زیادہ کہنے سننے پر وہ گٹکا کھانا چھوڑ دیتا ہے لیکن چارپانچ دن بعد پھر شروع کردیتاہے۔

جواب:

رات سونے سے پہلے 101 مرتبہ سورہمائدہ (05) کی آیت90گیارہ گیارہ مرتبہ درود شریف کے ساتھ پڑھ کر تصورکرکے دم کردیں اوردعاکریں۔یہ عمل دوماہ تک جاری رکھیں۔
صبح نہارمنہ اکیس مرتبہ یَا وَدُوْدُ تین تین مرتبہ درود شریف کے ساتھ پڑھ کر پانی پر دم کرکے پلائیں۔یہ عمل ایک ماہ تک جاری رکھیں۔

 

---

***

پینے کی عادت:

سوال: میرے شوہر نے چند سال پہلے کاروبار کو وسعت دینے کے لیے ایک صاحب سے پارٹنرشپ کرلی ۔ زیادہ سرمایہ آنے سے کاروبار میں خوبترقیہوئی۔
شوہر کاروبار کی وجہ سے اکثر راتوں کو گھر سے باہر رہنے لگے۔کبھی گھر میں بھی ان کے دوستوں کی محفلیں ہونے لگیں۔ اکثر دوست رات رات بھر بیٹھے رہتے ہیں ۔پھر دوستوں نے انہیں شراب کی عادت ڈال دی۔ اب وہ اکثر رات کو شراب پیتے ہیں۔
جب وہ میرے پاس آتے ہیں تو ان کے منہ سے شراب کی بو آتی ہے۔ جس سے میری طبعیت خراب ہوجاتی ہے۔ قریب آنے سے منع کرو تو غصہ کرتےہیں۔

 

جواب:

عشاءکی نماز کے بعد اکتالیس مرتبہ سورہ بقرہ کی آیت نمبر168-169 گیارہ گیارہ مرتبہ درو دشریف کے ساتھ پڑھ کر اپنے شوہر کا تصورکرکے دم کردیں اور اللہ تعالیٰ کے حضور دعا کریں کہ شوہر کو نشہ سے نجات ملنے کی توفیق عطا ہو۔ اس عمل کو کم از کم چالیس ر وزتک جاری رکھیں۔ ناغہ کے دن شمارکرکے بعدمیں پورے کرلیں۔

---

***

امیر لڑکوں کے ساتھ:

سوال: میرے تین بچے ہیں۔ایک بیٹا اوردو بیٹیاں ہیں۔ میرے شوہر گزشتہ دس سال سے روزگار کے سلسلے میں بیرون ملک مقیم ہیں۔ ہرسال تین چار ہفتوں کے لیے پاکستان آتے ہیں۔
میرا بیٹا یونیورسٹی میں پڑھتاہے۔ ایک سال سے بہت تنگ کررہاہے۔ اس کے دوست امیر گھرانوں سے تعلق رکھتے ہیں۔ ان کے پاس گاڑیاں ہیں۔ بیٹا گھر سے یونیورسٹی جاتاہے اورسارادن امیر لڑکوں کی گاڑیوں میں گھومتا رہتاہے۔ پڑھائی پرکوئی توجہ نہیں ہے۔ جیب خرچ دس ہزار روپے مہینہ اس کے والد اسے دیتے ہیں تاکہ اسے پڑھائی میں کسی قسم کی پریشانی نہ ہو لیکن بیٹا دس دن میں پیسے ختم کردیتاہے۔ بقایا بیس دن روزانہ مجھ سے بدتمیزی کرکے پیسےلےجاتاہے۔
اس کی وجہ سے گھر اوربچیوں کے اخراجات پورے کرنا مشکل ہوتا جارہا ہے۔ میں نے پیار محبت اورغصہ سے بھی سمجھایا ہے لیکن اس کی سمجھ میں کوئی بات نہیں آتی ۔ اپنےباپ کے لیے بھی نازیبا الفاظ استعمال کرتاہے۔
میرے شوہر کو بیٹے کی ان بری عادتوں کے بارے میں کچھ معلوم نہیں ہے۔ میں ڈرتی ہوں کہ والد کے ساتھ بدتمیزی کی تو بہت بُرا ہوجائے گا۔

 

جواب:

رات سونے سے پہلے سورہ شوریٰ(42) کی آیت 28:
گیارہ گیارہ مرتبہ درود شریف کے ساتھ پڑھ کر اپنے بیٹے کا تصور کرکے دم کردیں اور فرمانبرداری،سعادت مندی کی دعا کریں۔یہ عمل کم ازکم چالیس روزتک جاری رکھیں۔ناغہ کے دن شمارکرکے بعد میں پورے کرلیں۔
اس کے علاوہ صبح یا شام تین سومرتبہ
اَلْمَلِکُ الْقُدُّوْسُ O
اول آخر گیارہ گیارہ مرتبہ درود شریف کے ساتھ پڑھ کر پانی پر دم کرکے پلائیں اوردعاکریں کہ بیٹے کا پڑھائی میں دل لگے اوراسے تعلیمی ذمہ داریوں کو احسن طریقے سے اداکرنے کی توفیق ملنے کی دعاکریں۔

 

 

ستمبر 2016ء

[box type=”success” align=”” class=”” width=””]

آپ کی شخصیت کا رنگ کیا ہے….؟
آپ کی کامیابی کس رنگ سے وابستہ ہے….؟
کون سا رنگ آپ کے موڈ کو خوش گوار بناسکتا ہے….؟
آپ کے تعلقات کس رنگ کی وجہ سے بہتر یا خراب ہوسکتے ہیں ….؟
یہ اور اس موضوع پر بہت کچھ روحانی ڈائجسٹ میں  نئے سلسلہ وار مضمون  کلر سائیکلوجی میں زندگی پر  رنگوں  کے اثرات کے بارے میں  جانیے اور صحت  ، حسن  ، خوشیوں   اور کامیابیوں    کی طرف قدم بڑھائیے

[/box] 

قسط 10

بھُورا ، براؤن یا کتھئی رنگ

گو کہ یہ انسانی آنکھوں کے لیے دنیا میں دیکھا جانے والا سب سے عام رنگ ہے۔ہم اس رنگ کو دیکھنے کی اس قدر عادی ہیں کہ اس کی موجودگی اکثر ہمیں محسوس بھی نہیں ہوتی۔
بھورا ، براؤن یا کتھئی یہ ہمارے رزق کا رنگ ہے۔ ہماری مٹی کا رنگ ہے ۔ہر طرح کی رنگوں کی سبزیاں ،پھل، اناج اسی بھوری مٹی میں نمو پاتا ہے ۔زندگی حاصل کرتاہے اور پھر مختلف رنگوں میں زمین سے باہر آتا ہے۔ اس کے پھل پھول پتیوں کا رنگ چاہے جو بھی ہو۔اس کی جڑیں ہمیشہ بھوری براؤن یاکتھئی ہوتیں ہیں ۔ اس رنگ کے بغیر ایک رنگا رنگ زندگی کی تکمیل ناممکن ہے ۔ یہ رنگ زمین کی عکاسی کرتا ہے ۔شاید اسی لئے اسے یقین اور استحکام کی علامت بھی سمجھا جاتا ہے۔ اس رنگ میں اعتماد بھی ہے ، اعتبار بھی اور وفا بھی ،ایفائے عہد بھی۔ زمین کی بات کیا کریں ، خلا میں بھی ما سوائے مریخ کے سیاروں کی اکثریت کا رنگ بھورا ہے ۔
بھورا رنگ انتہائی مستحکم اور پر سکون رنگ ہے ۔

انرجی بٹن

سات انرجی بٹنز کے معروف بٹنز کے بعد آج ہم آپ کو آٹھویں انرجی بٹن کے بارے میں بتانے جارہے ہیں ۔یہ انرجی بٹن ہمارے پاؤں کی خم دار حصے میں پایا جاتاہے ۔اس لئے اسے فُٹ انرجی بٹن کا نام دیا گیاہے۔ اس بٹن کی ہماری زندگی، نفسیات اور صحت مندی کے ساتھ دیگر سات انرجی بٹنز کے لئے بھی کیا اہمیت اور کردار ہے۔وہ اس موضوع میں بیان کرنا ممکن نہیں ۔ اس انرجی بٹن کی توانائی ہمیں زمین کی توانائی یعنی ارتھ انرجی سے جوڑتی ہے ۔اس انرجی بٹن کی خاص ذمہ داری یہ ہے کہ ریڑھ کی ہڈی میں پائے جانے والے بنیادی یا روٹ انرجی بٹن جس کا رنگ سرخ ہو تا ہے، سے رابطہ قائم کرتا ہے۔
اس بٹن کے لئے اکثریت کی رائے یہ ہے کہ براؤن کلر کی اپنی فریکوئینسی اور وائبریشن کے لحاظ سے فُٹ انرجی بٹن سے تعلق رکھتا ہے اور براؤن کلر ا س کو توانائی فراہم کرتا ہے ۔اس بٹن میں پیدا ہونے والی رُکاوٹوں کی وجہ سے اکثر فاسد مادوں کا جمع ہونا ہوتا ہے۔ یہ رُکاوٹیں ان رنگوں کو بھی گدلا کردیتی ہیں جو ساتھ انرجی بٹنز کے لئے توانائی کا ذریعہ بنتے ہیں۔ اس لئے صحت مند رہنے کے لئے ضروری ہے کہ اس توانائی کو بحال رکھا جائے ۔

**

وقت کے ساتھ نہ بدلنے والی شخصیت

براؤن رنگ کی کلر سائیکا لوجی کیا ہے ۔
اگر آپ کو بھورا، براؤن یا کتھئی رنگ پسند ہے تو اس کا مطلب ہوا کہ آپ دھن کے پکے ہیں ۔بھورا رنگ پسند کرنے والے لوگ اپنے مقاصد کا تعین کرکے اپنا کام کرتے ہیں ۔ اپنے اہداف کا تعین کر کے ان کو حاصل کرنے کی بھرپور کوشش کرتے ہیں یعنی اپنی کوششوں کو کامیاب کرنا جانتے ہیں۔ ان کا ذہن تیزی سے کام نہیں کرتا یعنی چیزوں کو سمجھنے میں تھوڑا وقت لگتا ہے ۔ لیکن پھر بھی یہ اپنی زمہ داریوں کو نہایت اچھی طرح سے نہ صرف سمجھتے ہیں بلکہ نبھانا بھی جانتے ہیں ۔بھوری رنگت والے افرد انتہائی سچے، قابلِ اعتبار اور پریکٹکل ہوتے ہیں ۔ غیر حقیقی یا خیالی چیزوں میں اپنا وقت ضائع نہیں کرتے۔

 

انسانی نفسیات پر براؤن رنگ کے اثرات

• کلر سائیکا لوجی میں براؤن رنگ ایماندار اور مخلصانہ صفات کا حامل مانا جاتا ہے۔
• با اخلاق اور دوستانہ مزاج رکھتے ہیں ۔لوگ ان سے بہت جلدی قریب ہو جاتے ہیں ۔
• دوست بنا بھی لیتے ہیں مگر اپنا راز کبھی کسی پر ظاہر نہیں کرتے ۔
• قابلِ بھروسہ ہوتے ہیں ۔کسی کا راز افشاں نہیں کرتے ہیں ۔اس لئے پیچیدہ اور انتہائی حساس معاملات میں ان سے مشورہ کرنا خاصہ مفید رہتا ہے ۔
• یہ افراد محنت پر یقین رکھتے ہیں جس کی بناء پر کسی بھی صورتحال سے نمٹنے کے لیے اپنے قدم زمین پر جمائے رکھنے کی صلاحیت بھی رکھتے ہیں ۔
• یہ انتہائی حساس رنگ ہے ۔جس کی بناء پر ان کی شخصیت میں بھی حساسیت نظر آتی ہے۔
• ایسے افراد زیادہ گھل مل کر رہنے والے لوگ ہوتے ہیں ۔
• کفایت شعار ہوتے ہیں۔ زندگی کے کسی بھی معاملے میں فضول خرچی کرنا ان کے لیے خاصہ مشکل کام ہوجاتا ہے۔
• کہیں نہ کہیں یہ لوگ مادہ پرست بھی ہوتے ہیں اور چیزوں کے استعمال میں معیار کو اولین ترجیع دیتے ہیں ۔
• بھورا رنگ بہت سارے رنگوں سے مل کر بنتا ہے جس میں کالا، پیلا، نارنجی، لال، ہرا، گرے، نیلا، گلابی، جامنی شامل ہیں ، جو نہ صرف براؤن رنگ کو بنانے میں مدد دیتے ہیں بلکہ اس میں اپنی خصوصیات بھی شامل کر دیتے ہیں ۔
• براؤن رنگ ایک سنجیدہ، حقیت پسندانہ، اور مستحکم ساخت جیسی خصوصیات کا حامل ہوتا ہے۔ اس رنگ کے حامل افراد اپنے فرائض انتہائی زمہ داری سے سر انجام دیتے ہیں ۔
• اپنے خاندان کے تحفظ کو یقینی بنانا ان کی اولین ترجیح ہوتی ہے۔ یعنی رہنے کے لیے ایک انتہائی آرام دہ گھر، کھانے پینے کے لیے عمدہ غذا، اور انتہائی وفا دار رشتے، جسمانی آرام ، سادگی اور معیار کو ترجیع دیتے ہیں ۔
• یہ لوگوں کی توجہ حاصل کرنے کی بجائے پیچھے ہی رہنے کو ترجیح دیتے ہیں ۔ یہ خود مرکزِ نگاہ بننے کی بجائے دوسروں کو آگے آنے کا موقع دیتے ہیں ۔
• اس رنگ کو پسند کرنے والے افراد رِسک یا خطرات مول لینے سے نہیں گھبراتے
• وعدہ خلافی نہیں کرتے ۔ بلکہ کئے گئے وعدوں کو پورا کرنا اپنی ذمہ داری سمجھتے ہیں ۔
• اس رنگ میں پیدا ہونے والی کمی یا زیادتی سے سستی کا شکار جلد ہو جاتے ہیں ۔
• ہر چیز میں معیار کی تلاش ان کی منفیت بھی بن جاتی ہے ۔
• میچورmature ہوتے ہیں ۔اچھی بات ہے مگر دورِ طالبعلمی میں بھی خود کو اسکالر سمجھتے ہیں ۔
• یہ لوگ اپنی ہی دنیا میں اور شورو غل سے دور رہنا پسند کرتے ہیں ۔ اسی وجہ سے انہیں کافی بور، سست اور غیردلچسپ بھی کہا جاتا ہے۔

یہاں ایک دلچسپ بات بزنس اور برانڈنگ کے حوالے سے بتاتے ہیں ۔ ویسے تو کاروبار اور پروڈکٹ کی مناسبت سے رنگوں کا انتخاب اور استعمال کئی دہائیوں سے ہو رہا ہے ۔ مگر کلر سائیکالوجی سے ایک اہم شعبہ مارکیٹنگ اور بزنس میں استفادہ بہت زیادہ بڑھ گیا ہے ۔کون سا رنگ کس کاروبار یا کس پراڈکٹ کے لئے بہترین ہے ۔اس پر ایک پورا ڈیپارٹمنٹ تشکیل دیا جانے لگا ہے ۔ہم آپ کو یہ تو بتائیں گے ہی کہ براؤن رنگ کی بات مارکٹنگ کاروبار اور کس طرح کی پروڈکٹ کی تشہیر کے حوالے سے کی جاتی ہے۔مگر اس سے کہی زیادہ ضروری یہ جاننا بھی ہے کہ کلر سائیکلوجسٹ اب یہ مانتے ہیں کہ رنگ عوام پر یا خریدار پر کیا اثر ڈالیں گے۔ اس کا سب زیادہ انحصار ان کے اس پراڈکٹ کے استعمال اور تجربے کی بنیاد پر ہوتا ہے۔

 

  انسانی نفسیات کے لئے کلر سائیکولوجی بتاتی ہے کہ اس رنگ سے آسائش ، تحفظ اور آرام وابستہ ہے۔ اس لئے یہ رنگ آپ کو کسی اور چیز سے زیادہ فرنیچر ڈیزئینگ ہی میں ملے گا۔ اور اب تو اس میں بھی نت نئے رنگ متعارف ہو گئے ہیں ۔مارکٹنگ اور برانڈنگ کی دنیا میں ایک سروے کے مطابق براؤن کا شمار سب سے کم پسند کئے جانے والے رنگوں میں کیا جاتا ہے ۔ بالخصوص مغربی ممالک میں براؤن رنگ مرد ہوں یا خواتین، زیادہ استعمال کرنا کوئی بھی پسند نہیں کرتے ۔ایسا کیوں ہے ؟یہ بھی ایک دلچسپ حقیقت ہے ۔اس کی بنیادی وجہ کلر سائیکولوجی کے مطابق اس رنگ رنگ کی عاجزی اور انکساری ہے ۔ سپیکٹرم میں ا س کا سب سے کم فریکوئینسی پر ہونا ہے ۔یہ رنگ اتنا وائبرنٹ نہیں ہے ۔ کہ انسانی ذہن اس کی جانب متوجہ ہو یا اس میں کشش محسوس کرے۔

**

 

اگر آپ یہ جاننا چاہتے ہیں کہ
آپ کی شخصیت کا رنگ کیا ہے….؟
اگر آپ صحت کی بہتری کے لیے رنگوں کا مناسب استعمال جاننا چاہتے ہیں۔ یا اپنی صحت اور زندگی میں درپیش مسائل کے لیے کلر سائیکلوجی کے حوالے سے رہنمائی یا مدد چاہتے ہیں تو آپ اپنا مسئلہ )(اپنے نام اور تاریخِ پیدائش کے ساتھ)ہمیں لکھ بھیج سکتے ہیں۔

خط کے لیے ہمارا پتہ ہے۔
کلر سائیکلوجی۔ روحانی ڈائجسٹ۔ ناظم آباد کراچی۔
 یا درج ذیل پتے پرای میل کر سکتے ہیں ۔ 
colourpsychology@gmail.com

مزید رابطے کےلیے ہمارا فیس بُک پیج ہے
facebook.com/colourpsychology

 

تحریر شاہینہ جمیل

(جاری ہے)

 

جولائی 2016ء

 

 

[box type=”shadow” align=”alignright” class=”” width=”600″]دنیا بھر میں ہر روز بے شمار تربیتی پروگرامز منعقد کئے جاتے ہیں ، مضامین، کالم اور کتابیں یہ بتانے کے لئے لکھی جاتی ہیں کہ کس طرح ان خواہشات کے حصول کی تکمیل کی جائے۔ زندگی بہتر انداز میں گزارنے کے لئے ہم اپنے طور پربھی کوشش اور تجربات کرتے رہتے ہیں ۔اس کے باوجودہم ایسی زندگی نہیں گزار پاتے جو انسانیت کے شایانِ شان ہو۔ہم غربت، جہالت، بے روزگاری جیسے مسائل سے دو چار ہیں ۔ ہمارے رشتوں میں محبت ، قربانی اور روا داری کا فقدان رہتا ہے۔ اچھی زندگی ہمارے لئے ایک خواب بن جاتی ہے، وہ خواب جو ہم ہر رات دیکھتے ہیں ۔زندگی ایک معمہ بن جاتی ہے ، جسے سمجھتے سمجھتے پوری زندگی گزر جاتی ہے۔ 1998 سے میرا تعلق پڑھانے اور ٹریننگز کرانے سے رہا ہے۔ اس دوران میں نے سینکڑوں لوگوں کے نقطہ نظر کو سنا، کتابیں پڑھیں اور یہ کوشش کی کوئی ایسا فارمولا ہاتھ لگ جائے جس کے باعث ہم مطلوبہ نتائج حاصل کر تے ہوئے خوشحال زندگی گزاریں ۔ ایسی زندگی جو دونوں جہانوں میں سرفراز کر دے۔میرا ایمان ہے کہ انسان جس چیز کی کوشش کرتا ہے وہ حاصل کر ہی لیتا ہے۔مجھے بھی وہ فارمولا مل گیا۔ میں اس کے بارے میں مکمل اعتماد کے ساتھ کہہ سکتا ہوں یہ کامیابی اور خوشحالی کا واحد فارمولا ہے،واحد فارمولا۔ اس سلسلۂ مضامین کا مقصد یہی ہے کہ نا صرف اُس قانون کو بیان کیا جائے بلکہ اس پر عمل کرنا آسان بنا دیا جائے تاکہ ہماری زندگی صحت ،محبت ، دولت اور خوشیوں سے بھر نے کے ساتھ ساتھ خدا کی رضا بھی حاصل کر لے ۔ محمد زبیر[/box]

---

[box type=”info” align=”” class=”” width=””]

پانی زندگی ہے

گیارہواں دن

[/box]

 کرشن چندر افسانہ نگاری کے بادشاہ سمجھے جاتے ہیں ۔ان کی زندگی نت نئے تجربات کرتے اور ان تجربات کو بیان کرتے گزری ۔یوں تو انہوں نے لاتعداد یادگار افسانے لکھے۔ اردو کے بہترین افسانو ں کا کوئی بھی انتخاب انکے افسانے کے بغیر مکمل نہیں ہوسکتا۔ ہم نے ان کے ایک افسانے کو اپنی کتاب کیلئے منتخب کیا ہے جس میں سے لئے گئے اقتباسات ہماری آنکھیں کھول دیں گے کہ لوگ کس کس طرح پانی کے لئے ترس رہے ہیں ۔کرشن چندر کے اس منتخب کردہ افسانے کا نام ہے ، ‘‘ پانی کا درخت’’۔ اسے پڑھ کر اندازہ ہوتا ہے کہ پانی اللہ کی کتنی بڑی نعمت ہے۔ اس کہانی میں انہوں نے پوٹھوہار کے ایک ایسے علاقے کا ذکر کیا ہے جہاں نمک کی کانوں کے باعث کنویں تو دور چشموں تک کا پانی بھی کڑوا ہوتاہے۔پانی ان لوگوں کی زندگی کی سب سے بڑی دولت ہے، ایسی دولت جو انسان کی عزتِ نفس، انسانی رشتوں کے تقدس اور بعض اوقات انسانی جان سے بھی زیادہ قیمتی تصور ہوتاہے۔ وہ لکھتے ہیں :
‘‘ہمارے گاؤں میں پانی بہت کم ہے۔ جب سے میں نے ہوش سنبھالا ہے میں نے اپنے گاؤں کے آسمان کوتپے ہوئے پایا ہے ، یہاں کی زمین کو ہانپتے ہوئے دیکھا ہے اور گاؤں والوں کے محنت کرنے والے ہاتھوں اور چہروں پر ایک ایسی ترسی ہوئی بھوری چمک دیکھی ہے جو صدیوں کی نا آسودہ پیاس سے پیدا ہوتی ہے۔
ہمارے گاؤں کے مکان اور آس پاس کی زمین بالکل بھوری اور خشک نظر آتی ہے۔ زمین میں باجرے کی فصل جو ہوتی ہے اس کا رنگ بھی بھورا بلکہ سیاہی مائل ہوتا ہے۔ یہی حال ہمارے گاؤں کے کسانوں اور ان کے کپڑوں کا ہے۔صرف ہمارے گاؤں کی عورتوں کا رنگ سنہری ہے کیونکہ وہ چشمے سے پانی لاتی ہیں ۔
بچپن ہی سے میری یادیں پانی کی یادیں ہیں ۔ پانی کا درد اور اس کاتبسم، اس کا ملنا اور کھوجانا۔ یہ سینہ اس کے فراق کی تمہید اور اس کے وصال کی تاخیر سےگودا ہوا ہے۔
مجھے یا د ہے جب میں بہت چھوٹا سا تھا دادی اماں کے ساتھ گاؤں کی تلہٹی کے نیچے بہتی ہوئی رویل ندی کے کنارے کپڑے دھونے کیلئے جایا کرتاتھا۔ دادی اماں کپڑے دھوتی تھیں۔ میں انہیں سکھانے کیلئے ندی کے کنارے چمکتی ہوئی بھوری ریت پر ڈال دیا کرتا۔ اس ندی میں پانی بہت کم تھا۔ یہ بڑی دبلی پتلی ندی تھی۔ چھریری اور آہستہ خرام…. مسکراہٹ میٹھی تھی، اور مٹھاس کی قدر وہ لوگ جانتے ہیں جو میری طرح نمک کی کان میں کامکرتےہیں ۔
ہمارے گاؤں میں بچے پانی کے لئے بہت سوال کرتے تھے۔ پانی ان کے تخیل کو ہمیشہ اکساتا رہتا ہے۔ دوسرے گاؤں میں ، جہاں پانی بہت ہوتا ہے، وہاں کے لڑکے شاید سونے کے جزیرے ڈ ھونڈ تے ہوں گے یا پرستان کا راستہ تلاس کرتے ہوں گے لیکن ہمارے گاؤں کے بچے ہوش سنبھالتے ہی پانی کی تلاش میں نکل پڑتے ہیں اور تلہٹی پر اور پہاڑی پر اور دور دور تک پانی کو ڈھونڈ نے کا کھیل کھیلتے ہیں۔
میں نے بھی اپنے بچپن میں پانی کو ڈھونڈا تھا اور نمک کے پہاڑ پر پانی کے دو تین ، نئے چشمے دریافت کئے تھے۔ مجھے آج تک یاد ہے میں نے کتنے چاؤ اور خوشی سے پانی کا پہلا چشمہ ڈھونڈا تھا، کس طرح کانپتے ہوئے ہاتھوں سے میں نے چٹانوں کے درمیان سے جھجھکتے ہوئے پانی کو اپنی چھوٹی چھوٹی انگلیوں کا سہارا دے کر باہر بلایا تھا اور جب میں نے پہلی بار اسے اوک میں لیا تو پانی میرے ہاتھ میں یوں کانپ رہا تھا جیسے نو گرفتار چڑیا بچے کے ہاتھوں میں کانپتی ہے۔
میں جب اسے اوک میں بھر کر اپنی زبان تک لے گیا تو مجھے یاد ہے میری کانپتی ہوئی خوشی کیسے تلخ اچھو میں تبدیل ہو گئی تھی۔ پانی نے زبان پر جاتے ہی بچھو کی طرح ڈنگ مارا اور اس کے زہر نے میری روح کو کڑوا کر دیا۔ میں نے پانی تھوک دیا اور پھر کسی نئے چشمے کی تلاش میں چل کھڑا ہو، لیکن نمک کے پہاڑ پر مجھے آج تک میٹھا چشمہ نہ ملا۔ اس لیے جب ندی سوکھنے لگی تو میٹھے چشمے کی یاد نے مجھے بے چین کر دیا۔
(اس بچے کے ابا اس علاقے کے اکثر مَردوں کی طرح نمک کی کان میں ہی کام کرتے تھے۔ ایک دن وہ اپنے ابا کے ساتھ کام پر جاتا ہے جہاں نمک کے پانی کی ایک جھیل ہوتی ہے۔ اس کے ابا جھیل کو دیکھ کرکہتے ہیں ۔)
یہاں اس قدر پانی ہے پھر بھی پانی کہیں نہیں ملتا۔ دن بھر نمک کی کان میں کام کرتے کرتے سارے جسم پر نمک کی پتلی سی جھلی چڑھ جاتی ہے جسے کُھرچو تو نمک چورا چورا ہوکر گرنے لگتا ہے۔ اس وقت کس قدر وحشت ہوتی ہے۔ جی چاہتا ہے کہیں میٹھے پانی کی جھیل ہو اور آدمی اس میں غوطہ لگاتاجائے۔
‘‘پانی!پانی!’’
پانی سارے گاؤں میں کہیں نہیں تھا۔ پانی نمک کے پہاڑ پر بھی نہیں تھا…. یہ میرے لڑکپن کی کہانی ہے۔ جب ہمارے گاؤں سے بہت دور ان پہاڑی سلسلوں کے دوسری طرف سینکڑوں میل لمبی جاگیر کے مالک راجہ اکبر علی خان نے ہمارے دیہات والوں کی مرضی کے خلاف ندی کا بہاؤ موڑ کر اپنی جاگیر کی طرف کر لیا اور ہماری تلہٹی کو اور آس پاس کے بہت سے علاقے کو سوکھا، بنجر اور ویران کر دیا۔ اس وقت ندی کے کنارے کا ہمارا گاؤں اور اس وادی کے اور دوسرے بہت سے گاؤں پریشان ہو گئے۔ اس طرح ہمارے لئے رویل ندی مرگئی اور اس کا پانی بھی مر گیا اور ہمارے لئے تلخ یاد چھوڑ گیا۔
مجھے یاد ہے اس وقت گاؤں والوں نے دوسرے گاؤں والوں سے مل کر سرکار سے اپنی کھوئی ہوئی ندی مانگی تھی کیونکہ ندی تو گھر کی عورت کی طرح ہے۔ وہ گھر میں پانی دیتی ہے، کھیتوں میں کام کرتی ہے، ہمارے کپڑے دھوتی ہے، جسم کو صاف رکھتی ہے۔ ندی کے گیت اس کے بچے ہیں ، جنہیں وہ لوری دیتے ہوئے ، تھپکتے ہوئے مغرب کے جھولے کی طرف لے جاتی ہے۔ پانی کے بغیر ہمارا گاؤں بالکل ایسا تھا جیسے گھر عورت کے بغیر۔ گاؤں والوں کو با لکل ایسا معلوم ہوا جیسے کسی نے ان کے گھر سے ان کی لڑکی اغوا کرلی ہو۔ وہی غم، وہی غصہ تھا، وہی تیور تھے، وہی مرنے مارنے کے اندازتھے۔
لیکن راجہ اکبر علی خا ں چکوال کے علاقے کا سب سے بڑا زمیندار تھا۔حکومت کے افسروں کے ساتھ اس کا گہرا اثر رسوخ تھا۔ نمک کی کان کا ٹھیکہ بھی اس کے پاس تھا۔
اور یہ بھی سچ ہے کہ ہمارے گاؤں میں پانی کی عزت لڑکی کی طرح بیش قیمت ہے۔ پانی جو زندگی دیتا ہے۔ پانی جو رگوں میں خون بن کر دوڑتا ہے۔ پانی ، جو منہ دھونے کو نہیں ملتا۔ پانی ، جس کے نہ ہونے سے ہمارے کپڑے بھورے اور میلے رہتے ہیں ، سر میں جوئیں ، جسم پر پسینے کی دھاریاں اور روح پر نمک جما رہتا ہے۔ یہ پانی تو سونے سے زیادہ قیمتی ہے اور لڑکی سے زیادہ حسین۔ اس کی قدر ہمارے گاؤں والوں سے پوچھیے جن کی زندگی پانی کے لئے لڑتے جھگڑتے گزری ہے۔ ایک دفعہ سامنے کے پہاڑ کے میٹھے چشمے سے پانی لانے کے لئے سرورخاں کی بیوی سیدان اور ایوب خاں کی بیوی عائشاں دونوں آپس میں لڑ پڑی تھیں حالانکہ دونوں اتنی گہری سہیلیاں تھیں کہ ہر وقت اکٹھی رہتیں ، گھر بھی ان کے ساتھ ساتھ تھے۔ چشمے پربھی اکھٹے ہی پانی لینے جاتی تھیں ۔ پہلے ایک پھر دوسری پانی بھرتی۔ باری باری وہ دونوں ایک دوسرے کا گھڑا اٹھا کے سرپر رکھتیں اور پھر باتیں کرتی ہوئی واپس چل پڑتیں ۔ لیکن آج نہ جانے کیا ہوا ، آج جانے دونوں کو کیا جلدی تھی۔ ایک کہتی پہلے پانی میں بھروں گی، دوسری کہنے لگی نہیں میں بھروں گی۔ شاید انہیں غصہ ایک دوسرے کے خلاف نہیں تھا۔ شاید غصہ انہیں اس لئے تھا کہ یہاں میٹھے پانی کا ایک ہی چشمہ تھا جہا ں ندی کے سوکھنے کے بعد دور دور سے لوگ پانی لینے کے لئے آتے تھے۔ منہ اندھیرے ہی عورتیں گھڑالے کے چل پڑتیں ۔ جب یہاں پہنچتیں تو ایک لمبی لائن پہلے سے موجود ہوتی یا چشمے کے منہ سے ایک ایسی پتلی سی دھار کو نکلتے دیکھتیں جو آدھے گھنٹے میں مشکل سے ایک گھڑا بھرتی تھی۔ اور تین کوس کا آنا جانا قیامت سے کم نہ تھا۔ لڑائی کی وجہ کچھ بھی ہو اصلی لڑائی پانی کی تھی۔ دونوں عورتوں نے دیکھتے دیکھتے ایک دوسرے کے چہرے نوچ لیے، گھڑے توڑ دیے، کپڑے پھاڑ ڈالے اور پھر روتی ہوئی اپنے اپنے گھروں کو گئیں ۔
تب سیداں نے سرور خاں کو بھڑکایا اور عائشاں نے ایوب خاں کو ۔ دونوں خاوند غصے سے باتا ب ہوکر کلہاڑیاں لے کے باہر نکل پڑے اور پیشتر اس کے کہ لوگ آکر بیچ بچاؤ کریں دونوں نے کلہاڑیوں سے ایک دوسرے کو ختم کر دیا۔ شام ہوتے ہوتے دونوں ہمسایوں کا جنازہ نکل گیا۔
ہمارے گاؤں کے قبرستان کی بہت سی قبریں پانی نے بنائی ہیں ۔
فرہاد کی کوہ کنی سے پانی کی تلاش مشکل ہے، یہ بات مجھے اس روز معلوم ہوئی کیونکہ پانی سامنے نہیں ہوتا وہ تو ایک چھلاوے کی طرح پہاڑکی سلوٹوں میں گم ہو جاتا ہے۔ پانی خانہ بدوش ہے، آج یہاں کل وہاں ۔ پانی ایک پردیسی ہے جس کی محبت کا کوئی اعتبار نہیں ۔ پانی کا وجود اس نازک خوشبو کی طرح ہے جو تیز دھوپ میں اڑ جاتی ہے۔ اس پوٹھو ہار کے علاقے میں ، جہاں عورتیں با وفا اور با حیا ہیں ، پانی بے وفا اورہر جائی ہے۔ وہ کبھی کسی ایک کا ہو کہ نہیں رہتا۔ وہ ہمیشہ یہاں سے وہاں ، ایک جگہ سے دوسری جگہ ایک ملک سے دوسرے ملک گھومتا ہے، پاسپورٹ کے بغیر۔ ایسے ہر جائی کو تلاش کیلئے ایک تیشہ نہیں ایک آئینہ چاہئے جس کے سامنے پہاڑ کا دل اس طرح ہو جیسے ایک کھلی کتاب ۔ آخر میرے گاؤں والوں نے کچھ سمجھ کر میرے باپ کو اس کام کیلئے چنا تھا۔
اس روز ہم دن بھر اس بلند و بالا پہاڑ کی خاک چھانتے رہے۔ ہم نے کہاں کہاں اس پانی کو تلاش نہیں کیا: بیریوں کی گھنی جھاڑیوں میں چٹانوں کی گہری درزوں میں ، سیاہ ڈراؤنے کنووں میں ، جنگلی جانوروں کی بھٹ میں ۔ پانی کی تلاش میں ہم نے سارے پرانے چشمے کھدوائے لیکن ان کا کھدوانا ایسے ہی تھا جیسے آدمی زندگی کی تلاش میں قبریں کھودڈالے۔ پانی کہیں نہیں ملا۔
ایک چور کی طرح اس نے جگہ جگہ اپنے جھوٹے سراغ چھوڑے لیکن آخر خود ہمیشہ ہمیں جل دے کر کہیں غائب ہو جاتا تھا۔ جانے فطرت کے کس کونے میں بیٹھا ہوا اپنے چاہنے والوں پر ہنس رہا تھا۔ لیکن گاؤں والوں نے آس نہیں چھوڑی۔ وہ سارے دن میرے بابا کے پیچھے پانی کی کھوج کرتے رہے۔آخر جب شام ہونے لگی تو میرے ابا نے پسینہ پونچھ کر ایک اونچے ٹیلے پر کھڑے ہو کر اُدھر نظر دوڑائی جہاں سورج غروب ہو رہا تھا۔ یکا یک انہیں غروب ہوتے ہوئے سورج کی روشنی میں چٹانوں کی ایک گہری درز میں فرن کا سبزہ نظر آیا۔ کہتے ہیں جہاں فرن کا سبزہ ہوتا ہے وہاں پانی ضرور ہوتا ہے۔فرن پانی کا جھنڈا ہے اور پانی ایک گھومنے والی قوم ہے۔ پانی جہاں جاتا ہے اپنا جھنڈا ساتھ لے جاتا ہے۔
ایک چیخ مار کر جلدی سے میرے ابا اس طرف لپکے جہاں فرن کا سبزہ اُگا تھا۔ گاؤں والے ان کے پیچھے پیچھے بھاگے۔ جلدی جلدی میرے ابا نے اپنے ناخونوں سے زمیں کو کریدنا شروع کر دیا۔زمین، جو اوپر سے سخت تھی نرم ہوتی گئی گیلی ہوتی گئی۔ آخر میں زور سے پانی کی ایک دھار اوپر آئی اور سینکڑوں سوکھے ہوئے گلوں سے مسرت کی آواز نکلی۔
‘‘پانی! پانی….!’’
ابا نے کانپتے ہوئے ہاتھوں سے اوک میں پانی بھرا ۔ ساری نگاہیں ابا کے چہرے پر تھیں ، سینکڑوں دل دھڑک رہے تھے: یا اللہ پانی میٹھا ہو، یا اللہ پانی میٹھا ہو، یا اللہ پانی میٹھا ہو۔
ابا نے پانی چکھا۔ ‘‘پانی میٹھا ہے!پانی میٹھاہے..!’’
گاؤں والے زور سے چلائے: ‘‘پانی میٹھا ہے۔’’ ساری وادی میں آوازیں گونج اٹھیں ۔میٹھا پانی مل گیا۔میٹھا پانی ہے۔
ساری وادی میں ڈھول بجنے لگے۔ عورتیں گانے لگیں ۔جوان ناچنے لگے۔ بچے شور مچانے لگے۔ گاؤں والوں نے جلدی سے چشمے کو کھود کر اپنے گھیرے میں لے لیا۔اب چشمہ ان کے بیچ میں تھا اور وہ اس کے چاروں طرف تھے۔اور وہ اسے مڑ مڑ کر اس طرح محبت بھری نگاہوں سے دیکھتے تھے جیسے ماں اپنے نو زائدہ بچے کو دیکھ دیکھ کر خوش ہوتی ہے۔
وہ رات مجھے کبھی نہیں بھولے گی ۔ اس رات کوئی آدمی گاؤں میں واپس نہیں گیا۔ اس رات سارے گاؤں نے چشمے کے کنارے جشن منایا۔ اس رات تاروں کی گود میں بھوری بیریوں کے سائے میں ماؤں نے چولہے سلگائے، بچوں کو تھپک تھپک کر سلایا۔ اس رات کنواریوں نے لہک لہک کر گیت گائے۔ ایسے گیت جو پانی کی طرح نرمل اور سندر تھے۔ جن میں جنگلی جھرنوں کا سا حسن اور آبشاروں کی سی روانی تھی۔اس رات ساری عورتیں ،سارے بیج تخلیق سے بے قرار ہو کر پھوٹ پڑے تھے۔
ایسی رات ہمارے گاؤں میں کب آئی تھی!جب ابا خدا بخش نے پانی ڈھونڈ نکالا تھا۔ پانی جو انسان کے ہاتھوں کی محنت تھا۔ اس کے دل کی محبت تھا۔ آج پانی ہمارے ہاں اس طرح آیا تھا جیسے بارات ڈولی لے کر آتی ہے۔ وہ نیا چشمہ ہمارے درمیان آج اس طرح ہولے ہولے شرمیلے انداز میں چل رہا تھاجیسے نئی دلہن جھجھک جھجھک کر اجنبی آنگن میں پاؤںرکھتی ہے۔
ایک رات بانو نے مجھے کہا کہ میں رات کے دو بجے چشمے پر اسے ملوں ۔ میں نے کہا، ‘‘میں بہت تھکاہوا ہوں ۔’’
وہ بولی: ‘‘نہیں ضروری کام ہے، آنا ہوگا۔’’چنانچہ میں گیا۔
دو بجے کے وقت آدھی رات میں چشمے پر کوئی نہیں تھا، ہم دونوں کے سوا۔ میں نے اس سے پوچھا: ‘‘کیا بات ہے؟’’ و ہ کافی دیر تک خاموش رہی، پھر میں نے پوچھا: ‘‘ ابھی بتاؤ آخر کیا بات ہے؟’’
وہ بولی: ‘‘ میں گاؤں چھوڑ کر جا رہی ہوں ۔’’
میرا دل دھک سے رہ گیا۔ مجھے ایسا محسوس ہوا جیسے چشمہ چلتا چلتا رک گیا۔ میرے گلے سے آواز نکلی: ‘‘کیوں ؟’’
‘‘میری شادی طے ہوگئی ہے…. چاچا کے لڑکے کے ساتھ جو لام سے ہوکر یہاں آیا ہے۔ وہ چکوال میں ہے صوبیدارہے۔
‘‘اور تم جا رہی ہو؟’’ میں نے تلخی سے پوچھا۔‘‘ہاں ۔’’
وہ چپ ہوگئی اور میں بھی چپ ہو گیا۔ سوچ رہا تھا کہ اسے ابھی جان سے مار وں یا شادی کی رات قتل کروں ۔
تھوڑی دیر رک کر بانو پھر بولی: ‘‘ سنا ہے چکوال میں پانی بہت ہوتا ہے۔ سنا ہے وہاں بڑے بڑے نل ہوتے ہیں جن سے جب چاہو ٹوٹی گھما کے پانی نکاللو۔’’
اس کی ا ٓواز خوشی کے مارے کانپ رہی تھی۔ وہ شاید اور بھی کچھ کہتی لیکن شاید میری آزردگی کا خیال کر کے چپ ہو گئی۔ اس کی نگاہوں میں میری محبت سے انکار نہیں تھا بلکہ پانی کا اقرار تھا۔
یکایک مجھے محسوس ہوا کہ محبت سچائی خلوص اور جذبے کی گہرائی کے ساتھ تھوڑا پانی بھی مانگتی ہے۔ بانو کی جھکی ہوئی نگاہوں میں اک ایسی جاں گسل شکایت کا گریز تھا جیسے وہ کہہ رہی ہو: جانتے ہو ہمارے گاؤں میں کہیں پانی نہیں ملتا۔ یہاں میں دودو مہینے نہا نہیں سکتی۔ مجھے اپنے آپ سے اپنے جسم سے نفرت ہو گئی ہے۔
بانو چپ چاپ زمین پر چشمے کے کنارے بیٹھ گئی۔ میں اس تاریکی میں بھی اس کی آنکھوں کے اندر اس محبت کے خواب کو دیکھ سکتا تھا جو گندے بدبو دار جسموں ، پسوؤں ، جوؤں اور کھٹملوں کی ماری غلیظ چیتھڑوں میں لپٹی ہوئی محبت نہ تھی۔ اس محبت سے نہائے ہوئے جسموں دھلے ہوئے کپڑوں اور نئے لباس کی مہک آتی تھی۔ میں بالکل مجبور اور بے بس ہوکر ایک طرف بیٹھ گیا۔
رات کے دو بجے بانو اور میں دونوں چپ چاپ ۔ کبھی ایسا سناٹا جیسے ساری دنیا کالی ہے۔ کبھی ایسی خاموشی جیسے سارے آنسو سو گئے ہیں ۔ چشمے کے کنارے بیٹھی ہوئی بانو آہستہ آہستہ گھڑے میں پانی بھرتی رہی ۔ آہستہ آہستہ پانی گھڑے میں گرتا ہوابانو سے باتیں کرتا رہا۔اسے کچھ کہتا رہا، مجھ سے کچھ کہتا رہا۔پانی کی باتیں انسان کی بہترین باتیں ہیں ۔
بانو چلی گئی۔
جس رات بانو کا بیاہ غضنفر سے ہو ا، اس رات میں نے عجیب خواب دیکھا۔ میں نے دیکھا کہ ہماری کھوئی ہوئی ندی ہمیں واپس مل گئی ہے اور نمک کے پہاڑ پرمیٹھے پانی کے چشمے ابل رہے ہیں ۔ ہمارے گاؤں کے مرکز میں ایک بہت بڑا درخت کھڑا ہے ۔ یہ درخت سارا کا ساراپانی کا ہے۔ اس کی جڑیں شاخیں پھل پھول پتیاں سب پانی کی ہیں اور اس درخت کی شاخوں سے ، پتوں سے پانی بہہ رہا ہے۔ اور یہ پانی ہمارے گاؤں کی بنجر زمین کو سیراب کر رہا ہے۔
(لڑکا یہ خواب اپنے بابا کو سناتا ہے تو وہ ڈر جاتے ہیں اور سختی سے منع کرتے ہیں کہ اس خواب کا ذکر کسی سے نہیں کیا جائے۔اس کے با وجود ایک دن وہ اپنا خواب دوستوں کو سناتا ہے۔ دوست ہنستے ہوئے کہتے ہیں کہ یہ خواب تو گاؤں کے ہر لڑکے نے دیکھا ہے۔ گھبراؤ نہیں ایک دن یہ خواب ضرور پورا ہوگا۔ لڑکا کہتا ہے)
پہلے مجھے ان کی باتوں کا یقین نہیں آیا لیکن اپنے ساتھیوں کے ساتھ کام کرتے کرتے اب مجھے یقین ہو چلا ہے کہ ہمارا خواب ضرور پورا ہوگا۔ایک دن ہمارے گاؤں میں پانی کا درخت ضرور اگے گااورجو جام خالی ہیں وہ بھر جائیں گے اور جو کپڑے میلے ہیں وہ دھل جائیں گے اور جو دل ترسے ہوئے ہیں وہ کھل جائیں گے اور ساری زمینیں اور ساری محبتیں اور سارے ویرانے اور سارے صحرا شاداب ہوجائیں گے۔

***

اس کہانی، پانی کا درخت کے اقتباسات کرشن چندر کے بے مثال افسانے سے لئے گئے ہیں ۔یہ کہانی ہماری آنکھیں کھول دینے کیلئے کافی ہے کہ کہیں لوگ پانی کی ایک ایک بوند کیلئے ترس رہے ہوتے ہیں تو کہیں ہم پانی کی تھوڑی سی کمی سے بلبلااُٹھتے ہیں۔ شکر ادا نہیں کرتے کہ کس بڑی نعمت سے ہمیں نوازاگیا ہے۔
پانی دنیا کی اہم ترین نعمتوں میں سے ایک ہیں ، اگر پانی نہ ہوتا تو کوئی غذا کوئی سبزی، کوئی جانور اور کوئی زندگی نہیں ہوتی، پانی کی مدد سے ہم مزے مزے کے کھانے بنارہے ہیں ، اپنے باغات کو سر سبزو شاداب رکھتے ہیں ، باتھ روم میں استعمال کرتے ہیں ، گاڑیاں پانی کے بغیر نہیں چل سکتیں ۔
ہمارے اسپتال، ہماری صنعت ، ٹرانسپورٹیشن ، ہمارے روڈ، کپڑے ، پلاسٹک، گلاس ، ادویات، ہمارے گھر ۔ ہر چیز پانی ہی کی مرہونِ منت ہے، پانی ہی زندگی ہے اور پانی ہی زندہ رکھتا ہے۔
آج پورا دن پانی کیلئے دل سے شکر ادا کریں ، ہر اس چیز کا جو پانی سے بنائی جاتی ہے۔
جب کبھی پانی پئیں اور کھانا کھائیں الحمد للہ یا یا اللہ تیرا شکر ہے کہیں ، یہ کھانا اور پانی صحت ، برکت اور مزید نعمتوں کا سبب بنے گا۔

 

أَفَرَأَيْتُمُ الْمَاءَ الَّذِي تَشْرَبُونَO أَأَنْتُمْ أَنْزَلْتُمُوهُ مِنَ الْمُزْنِ أَمْ نَحْنُ الْمُنْزِلُونَO لَوْ نَشَاءُ جَعَلْنَاهُ أُجَاجًا فَلَوْلَا تَشْكُرُونَO

‘‘ اچھا یہ بتاؤ کہ جس پانی کو تم پیتے ہو اسے بادلوں سے بھی تم ہی اتارتے ہو یا ہم برساتے ہیں ۔اگر ہماری منشا ہو تو ہم اسے کڑوا زہر کر دیں ۔پھر تم ہماری شکر گزاری کیوں نہیں کرتے۔’’
[سورۂ واقعہ (56) آیت 68 تا 70]

 

 

 

[box type=”note” align=”alignright” class=”” width=”600″]

[گیارہواں دن ]

آج ان تمام چیزوں کے متعلق سوچیں جو صرف پانی کی وجہ سے موجود ہیں
اور جن کی وجہ سے زندگی رنگوں سے بھری ہوئی ہے۔

1۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

2۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

3۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

4۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

5۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فوائد و تاثرات: 
_____________________________ _____________________________ _____________________________ _____________________________ _____________________________

[/box]

 

[box type=”Shadow” align=”” class=”” width=””]

بادشاہ کے تخت کی قیمت

یہ عباسی حکمران ہارون الرشید کا دور تھا، جب رعایا خوشحال اور سلطنت ترقی کی طرف گامزن تھی اورسڑکوں پر کوئی بھوکا، کوئی سائل ڈھونڈنے سے نہ ملتا تھا۔ اُس کے زمانے میں جگہ جگہ محتاج خانے کھلے ہوئے تھے، جہاں مفلوک الحال اور معذور افراد مستقل طور پر رہائش رکھتے۔ہر شہر میں بیواؤں اور یتیموں کی الگ الگ تربیت گاہیں تھیں جن کے سارے اخراجات حکومت کے ذمہ تھے۔ اس کے ذاتی محتسب ملک کے ہر صوبے ، ہر شہر اور ہر قصبے میں پھیلے ہوئے تھے اور اگر کبھی کسی غریب کے ساتھ کوئی زیادتی ہوتی تو اس کی آواز ہارون کے کانوں تک پہنچے بغیر نہ رہتی۔ وہ اس وقت تک کھانا نہ کھاتا جب تک محل کے آس پاس رہنے اور جمع ہونے والوں کو کھانا نہ مل جاتا۔ ہارون الرشید کی کامیابیوں کی بنیادی وجہ علم دوستی’ غریب پروری اور انصاف پسندی تھی۔ وہ مفاد پرست ’ خوشامدی اور لالچی ٹولے کی بجائے علماء’ شعرا’ ادیبوں اور دانشوروں کو اپنے قریب رکھتا تھا جو اُسے اقتدار کی حقیقت سے آگاہ رکھتے اور ہر قدم پر رہنمائی کرتے۔ انہی مصاحب میں سے ایک حضرت ابو العباس محمد بن صبیح السماک المعروف ‘‘ابن السماک ؒ’’بھی تھے ، جو معروف صوفی بزرگ معروف کرخی کے اساتذہ میں سے تھے۔
ایک روز خلیفہ ہارون الرشید کا دربار لگا ہوا تھا۔ ملک کی مشہور ہستیاں براجمان تھیں ۔ عظیم مفکرین،نامور شعراء، دانا وزراء اورجیّد علمائے کرام تشریف فرما تھے۔ خدام ہاتھ باندھے حکم کے منتظر تھے۔ ایک خاموشی تھی۔
اسی دوران ہارون الرشید کو پیاس لگی۔ انہوں نے پانی لانے کا حکم دیا، حکم کی تعمیل کی گئی۔
ہیرے موتی سے جڑے سونے کے جھلملاتے کٹورے میں ٹھنڈا میٹھا اور صاف پانی پیش کیا گیا۔
ہارون نے ہاتھ بڑھا کر کٹورا تھاما اور اسے ہونٹوں سے لگانے کو تھا کہ ابن السماک ؒ نے ہاتھ اٹھا کربادشاہ کو پانی پینے سے رکنے کا اشارہ کیا۔ بادشاہ نے حیرت سے بزرگ کی طرف دیکھا۔

ابن السماک نے سوال کیا، ‘‘امیر المومنین!، اگر آپ کسی دشت بیابان میں بھٹک جائیں ، اوریہ پانی کو ایک لمبے عرصہ کے لئے نہ مل سکے ، اور پھر پیاس سے لبوں پر دم آجائے تو اور کسی کے پاس پانی کا ایک پیالہ ہو جسے وہ فروخت کرنا چاہے، تو آپ یہ پیالہ کتنی رقم میں خریدیں گے؟’’
ہارون الرشید نے تھوڑی دیر کیلئے توقف کیا اور پھر کہا، ‘‘ہم اُسے اپنی آدھی سلطنت دے کر خرید لیں گے۔’’
ابن السماک نے پانی پینے کی اجازت دیدی۔ ہارون الرشید نے اطمینان سے پانی پی لیا۔
ابھی وہ پانی پی کر فارغ ہی ہوئے تھے کہ ابن السماک ؒ نے ایک اور سوال کر دیا،
‘‘امیرالمومنین! فرض کریں اگراس پانی کا اخراج آپ کے جسم سے رک جائے اور پانی آپ کے جسم سے نکل نہیں رہا ہو، آپ طبیبوں سے مشورہ کر لیں پھر بھی یہ پانی جسم سے نہ نکلے تو آپ اس سے چھٹکارہ حاصل کرنے کیلئے کتنی قیمت ادا کریں گے؟’’
بادشاہ نے بلا توقف جواب دیا، ‘‘اس کیلئے ہم اپنی باقی آدھی سلطنت بھی دیں گے۔’’
بزرگ نے انتہائی نرمی سے کہا، ‘‘اے امیر المومنین! جس سلطنت کی قیمت کے پیالے سے بڑھ کر نہیں ہے ، کیا وہ اتنی وقعت رکھتی ہے کہ انسان اس کی ہوس میں ڈوب جائے، اس کی خاطر عوام کا حق مارے’ ان پر ظلم اور زیادتی کرے اور انہی کا مال انہی پر خرچ نہ کرے’’۔
ابن السماک کی بات سن کر ہارون کی آنکھوں سے آنسو بہہ نکلے ’ ہچکی بندھ گئی اور جسم کانپنے لگا۔ وہ جابر حکمران نہ تھا مگر اس واقعے نے ہارون الرشید میں مزید انکساری و عاجزی پیدا کر دی اور دنیا کی حقیقت اور اقتدار کی اصلیت کھل کراس کے سامنے آ گئی ۔
[ماخوذ از تاريخ الرسل والملوك، وصلۃ تاريخ الطبری ، از محمد بن جریر ابو جعفر طبری۔ جُز 8، صفحہ 357 ]ا …

You ain’t gonna miss your water until your well runs dry. Bob Marley

‘‘پانی کی قدر اس وقت تک نہیں ہوتی جب تک کنویں خشک نہ ہو جائیں ’’۔ [باب مارلے] 

 

[/box]

(جاری ہے)