لیور پول ٹیم کے عالمی شہرت یافتہ مصری فٹ بالر محمد صلاح سے متاثر ہوکر اسلام سے متنفر انگریز مسلمان ہوگیا

عالمی شہرت یافتہ مصری فٹ بالر اور لیورپول فٹبال ٹیم کے اسٹرائیکر محمد صلاح غالی Mohamed Salah سے متاثر ہو کرایک انگریز جو اسلام اور مسلمانوں سے سخت نفرت کرتا تھا مشرف بہ اسلام ہوگیا ہے۔ عالمی اخبار ‘‘دی گارڈین’’ کو انٹرویو دیتے ہوئے نومسلم بین برڈ Ben Bird نے کہا کہ وہ لیورپول اسٹرائیکر محمد صلاح کی وجہ سے اسلامو فوبیا کا راستہ چھوڑ کر مسلمان ہونے کی طرف راغب ہوا۔ اس نے کہا کہ محمد صلاح ہی میری انسپائریشن ہے جن کی شخصیت نے واقعتا مجھے متاثر کیا۔ بین برڈ نے بتایا کہ جب میں اسکول میں تھا مجھے مسلمانوں کے ساتھ نفرت تھی۔ لیڈز یونیورسٹی میں مشرق وسطی کے مطالعے سے پہلے انہیں اسلام کے بارے میں شدید غلط فہمی تھی۔
برطانوی نو مسلم کا کہنا تھا میں نے یونیورسٹی میں مصر کے متعدد طلباء سے ملاقات کی۔ جب انہیں پتا چلا کہ میں محمد صلاح میں گہری دلچسپی لیتا ہوں تو وہ مجھے سے گھنٹوں محمد صلاح کی باتیں کرتے۔ انہوں نے کہا کہ میں محمد صلاح کو سمجھنے کے ساتھ ساتھ اسلام کو سمجھتا گیا۔ اس کا کہنا ہے کہ کئی لوگ قرآن کے بارے میں پڑھتے ہیں تو مختلف سوچ رکھتے ہیں۔ میڈیا میں اسلام کی اصل تصویر پیش نہیں کی جاتی۔نومسلم بین برڈ میں مسلم کمیونٹی میں نیا ہوں اور میرا دل مطمئن ہے۔ انہوں نے کہا کہ اسلام قبول کرنے کےبعد انسان کے شعور اور کردار میں پختگی آتی ہے،نومسلم بین برڈ کہتے ہیں کہ میں اب اپنے دوست احباب کو بھی یہی پیغام دیتا ہوں‌کہ وہ اسلام کا مطالعہ کریں‌۔

مصری فٹ بالر محمد صلاح کیا کرتے ہیں….؟

مصری فٹ بالر محمد صلاح کا شمار برطانوی لیورپول ٹیم کے ممتاز کھلاڑیوں‌ میں ہوتا ہے، محمد صلاح کو برطانیہ میں‌ مسلمانوں کا نمائندہ تصور کیا جاتا ہے، محمد صلاح اپنی دولت کو مستحق لوگوں میں باٹنے کی وجہ سے ہر خاص و عام کا دل جیت رہے ہیں، فٹ بال سے حاصل ہونے والی دوست سے انہوں نے کئی فلاحی منصوبے شروع کیے ہیں۔ صلاح نے اسکول اور ہسپتال بنوائے ہیں، حال ہی میں ایک بڑی رقم خرچ کرکے عوام کے لیے پینے کے صاف پانی کے پلانٹ لگائے ہیں۔